အဆိုးအကောင်းများနှင့် မြန်မာ့ပညာရေး

နှစ် ၂၀ ကျော်ကြာ ပိတ်ထားခဲ့သော ရန်ကုန်တက္ကသိုလ် (လှိုင်နယ်မြေ)ကို ဒီဇင်ဘာ လဆန်းပိုင်းတွင် ပြန်လည်ဖွင့်လှစ်ခဲ့ရာ စာသင်ခန်းတစ်ခုကို တွေ့ရစဉ် ဓာတ်ပုံ − နစ်ကီ

ဒီချုပ်အစိုးရသက်တမ်း တစ် နှစ်ကျော်အတွင်း ၂၀၁၇ တွင် မြန်မာ့ပညာရေး လမ်းကြောင်းမှန်ပေါ် ရောက်လာမည်ဟု ပြည်သူအများက မျှော်လင့်ခဲ့သည်။ ပညာရေးဝန်ကြီးဌာနက မြန်မာနိုင်ငံ၏ပညာရေးကဏ္ဍအလွှာတိုင်းအတွက် ပြုပြင်ပြောင်းလဲမှုများ ဆောင်ရွက်သော်လည်း ပြည်သူလိုလားသော အခြေခံကျကျပြောင်းလဲမှုများနှင့် ဝေးကွာနေဆဲဖြစ်ကြောင်း ပညာရေး ကျွမ်းကျင်သူများကသုံးသပ်သည်။
 


‘‘မပြောင်းဘူးတော့ မဟုတ်၊ ပြောင်းတယ်။ ဒါပေမဲ့ ဟိုနည်း နည်း၊ ဒီနည်းနည်းပြောင်းသလိုဖြစ် နေတယ်။ အခြေခံကျကျပြောင်း လဲတာမဟုတ်ဘူးလို့ သုံးသပ်ရမှာ ပဲ’’ ဟု ပညာရေးစနစ်ပြုပြင်ပြောင်း လဲရေးနိုင်ငံလုံးဆိုင်ရာကွန်ရက် (NNER)မှ ဒေါ်သူသူမာကဆိုသည်။

ဒီချုပ်အစိုးရစတက်စဉ် ဒေါ် အောင်ဆန်းစုကြည်က ပညာရေး ၀န်ကြီးအဖြစ်တာဝန်ယူထားရာ မြန်မာ့ပညာရေးပြန်လည်ဦးမော့ လာလေမည်လားဟု ပြည်သူများ မျှော်လင့်ခဲ့သည်။ သို့သော် ဒေါက်တာမျိုးသိမ်းကြီးကို ပညာ ရေးဝန်ကြီးအဖြစ် တာဝန်လွှဲ ပြောင်းပေးချိန်တွင် ပညာရေးအ သိုင်းအ၀ိုင်း၌ ဝေဖန်မှုများပေါ် ပေါက်ခဲ့သည်။

 ပညာရေးဝန်ကြီးဌာနက ပညာရေးဆိုင်ရာပြုပြင်ပြောင်းလဲမှု အချို့ဆောင်ရွက်နိုင်သော်လည်း ဆရာ၊ ဆရာမ ခန့်အပ်ရေးနှင့်ရာထူးတိုးမညီမျှမှုဆိုင်ရာ ပြဿနာများအတွက် ယခုနှစ်တွင် ထူးထူးခြားခြားစိန်ခေါ်မှုများ ရင်ဆိုင်ခဲ့ရသည်။ ပညာရေးကောလိပ်ဆင်း ဆရာ၊ ဆရာမများကို အချိန်မီ အလုပ်ခန့်အပ်ခြင်း မရှိသဖြင့် ဖဲကြိုးစိမ်း လှုပ်ရှားမှုအနေဖြင့်ဇွန်လအတွင်း ပညာရေး ကောလိပ်ဆင်း ဆရာ၊ ဆရာမများက ရန်ကုန်နှင့်မန္တလေးမြို့၌ လမ်းလျှောက်ဆန္ဒဖော်ထုတ်ခဲ့သည်။ နည်းပညာနှင့်ကွန်ပျူတာတက္ကသိုလ်များမှ ဆရာ၊ဆရာမများကို ရာထူးတိုးမဆောင်ရွက် ပေးခြင်းကြောင့် ဖဲကြိုးပြာကမ်ပိန်းဖြင့် တောင်းဆိုအရေးဆိုမှုများ ကြုံတွေ့ခဲ့ရသည်။

ထို့အပြင် ဆရာ၊ ဆရာမ များနှင့် ကျောင်းသားမိဘများကြား ဆက်ဆံရေးတွင် အဖုအထစ်အချို့ရှိခဲ့သည်။ ကျောင်းသား၊ ကျောင်းသူများကို သစ်သားတုတ် ဖြင့် ရိုက်နှက်ခြင်း၊ ဘောင်းဘီချွတ် အပြစ်ပေးခြင်း၊ လက်သည်းဖြင့် ကုတ်ခြစ်ခြင်းတို့ ပြုလုပ်သော ဆရာ၊ ဆရာမများကြောင့် မိဘ များ သာမက ပြည်သူများကဝေဖန်ပြစ်တင်ခဲ့သည်။ ထို့ကြောင့် သင် ကြားရေးရပ်နားခံရပြီး ဌာနဆိုင် ရာ စုံစမ်းစစ်ဆေးမှုခံနေရသော ဆရာ၊ ဆရာမများလည်း ယခုနှစ် တွင် ရှိခဲ့သည်။ ကျောင်းသား၊ ကျောင်းသူများအား သွန်သင်ဆုံးမရာ၌ ကာယိနြေ္ဒပျက်ပြားစေမည့် အပြုအမူများမပြုလုပ်ရန်၊ ရိုက်နှက်ခြင်း မပြုရန် အခြေခံပညာဦးစီးဌာနက သတိပြန်ပေးခဲ့ရသည်။

ယခုနှစ်အတွင်း ပြောင်းလဲမှုတစ်ခုမှာ အဂတိလိုက်စားမှုဖြင့် တိုင်ကြားခံရသည့် ပညာရေးဝန်ထမ်း ၅၀ ကျော်ကို ရာထူးမှ ထုတ်ပယ်ခဲ့သည်။ သို့သော် အခြေခံပညာမှ ဆရာ၊ ဆရာမများကိုသာ စံနမူနာ အပြစ်ပေးမှုများပြုလုပ်ခဲ့ပြီး ငွေကြေးအရှုပ်အရှင်းကိစ္စများဖြင့် အများကဝေဖန်ခဲ့သော ပါမောက္ခချုပ်တစ်ဦးကို ရာထူးတူဌာနပြောင်းရွှေ့မှုလောက်သာ ပြုလုပ်ခဲ့သည်။

ထို့အပြင် ယခုနှစ်တွင် တစ် ကြိမ်မျှ မရှိဖူးသည့်အခြေခံပညာ ဆရာ၊ ဆရာမများကို ကျပ်တစ် သောင်းနှုန်းတန်ဖိုးရှိ ကျောင်းဝတ် စုံ ထောက်ပံ့ပေးခြင်း၊ တက္ကသိုလ် ၀င်စာမေးပွဲအဖြေလွှာစစ်ဆေးခ ကို ယခင်က အဖြေလွှာတစ်အုပ် လျှင် ကျပ် ၇၀ ပေးအပ်ရာမှ ကျပ် ၃၀၀ အထိတိုးပေးမည်ဟု နိုဝင် ဘာအတွင်း မြန်မာနိုင်ငံစာစစ်ဦး စီးဌာနကကြေညာခဲ့ခြင်း၊ကျောင်း သားသမဂ္ဂအဆောက်အအုံပြန် လည်တည်ဆောက်ရေးအတွက် ဘတ်ဂျက်ငါးဘီလီယံချထားပေး ခြင်း၊ ကျောင်းသားသမဂ္ဂများကို တရားဝင် ဖွဲ့စည်းခွင့်ပြုခြင်း၊ ပညာရေးစုံညီပွဲတော်များ ကျင်းပ ရန် ပညာရေးဝန်ကြီးဌာနဘတ် ဂျက်မှ ကျပ်သန်း ၉,၅၀၀ ကျော် ထုတ်ပေးခဲ့ပြီး ကျောင်းတစ် ကျောင်းလျှင် ကျပ်တစ်သိန်းခွဲမှ ငါးသိန်းအထိ ရန်ပုံငွေချထားပေး ခြင်းတို့ ပြုလုပ်လာသည်။

ထပ်မံ၍ ပြောင်းလဲမှုများကို  ကြည့်မည်ဆိုပါက အစိုးရဌာန သီးသန့်ရပ်တည်ခဲ့သော ပညာရေး ၀န်ကြီးဌာနသည် ၂၀၁၇ အတွင်း မြန်မာနိုင်ငံလုံးဆိုင်ရာ ဆရာ၊ ဆရာမများအဖွဲ့ချုပ်အပါအ၀င် အရပ်ဘက်အဖွဲ့အစည်းများနှင့် ပူးပေါင်းမှုအားကောင်းခဲ့သည်။အ ခြေခံပညာကဏ္ဍနှင့် အဆင့်မြင့် ပညာကဏ္ဍနှီးနှောဖလှယ်ပွဲများ ကို နိုင်ငံတော်အဆင့်ကျင်းပရာ တွင် ပညာရေးဝန်ကြီးဌာန၏ စီမံ ကိန်းများ၊ မူဝါဒများ ချပြခဲ့ပြီး အရပ်ဘက် အဖွဲ့အစည်းများကို ပါဝင်အကြံပြုခွင့်ပေးခဲ့သည်။

ယင်းအပြင် ပညာရေးတက္က သိုလ်၊ ကောလိပ်ဝင်ခွင့်များခေါ်ယူ သည့် သတ်မှတ်ချက်တွင် မသန် စွမ်းသူများကို ခွဲခြားရာရောက် သည့်အချက်များ ပယ်ဖျက်ခဲ့ပြီး တက္ကသိုလ်၊ ကောလိပ်၊ ကျောင်း စည်းကမ်းများ၌ နိုင်ငံရေးဆူပူမှု ဆိုင်ရာ ပြစ်မှု၊ ပြစ်ဒဏ်များကို ပယ်ဖျက်ခြင်းက အရပ်ဘက်အ ဖွဲ့အစည်း၊ ကျောင်းသားအဖွဲ့အ စည်းများ၏ အခန်းကဏ္ဍကို အစိုး ရက အလေးပေးလာသည့်အနေ အထားဖြစ်သည်။

၂၀၁၇ ဒီဇင် ဘာ ၈ ရက်တွင် ဆရာ၊ ဆရာမများအား နိုင်ငံတော်၏အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်ပြောကြားသည့် ပညာရေး ပြုပြင်ပြောင်းလဲမှုဆိုင်ရာအချက်ငါးချက်က ၂၀၁၈ လမ်းပြမြေပုံတစ်ခု ဖြစ်ခဲ့သည်။

ထို့အပြင် နှစ် ၂၀ ကျော်အ ကြာ စစ်အစိုးရလက်ထက်က တည်းက ပိတ်ထားသော ရန်ကုန် တက္ကသိုလ်(လှိုင်နယ်မြေ)နှင့်အင်း စိန်ဂျီတီအိုင်တို့ ပြန်လည်ဖွင့်လှစ် ပြီး ကျောင်းသား၊ ကျောင်းသူများ ပြန်လည်တက်ရောက်ခွင့်ပြုခြင်း က ၂၀၁၇ နှစ်ကုန်ခါးနီး၌ ဒီချုပ် အစိုးရ၏ ပုံရိပ်တက်စေသည့်ဆောင်ရွက်မှု တစ်ခုဖြစ်ခဲ့သည်။    ။