ပြည်ပခရီးသွားတွေကို ဆွဲဆောင်လာတဲ့ ရန်ကုန်မြို့လယ်က ဓာတ်ပုံဆိုင်

ဓာတ်ပုံ−စိုင်းဇော်

ဆူးလေစေတီတော် တောင်ဘက်မုခ်အဆင်းရှိ  ၁၀ပေ  ပတ်လည် သာသာ အခန်းကျဉ်းတစ်ခုထဲသို့ ခြေချမိသည်နှင့် အသက် (၈၀) ခန့်ရှိ အဘိုးအိုတစ်ဦး၏ နွေးထွေးလှိုက်လှဲစွာ ဖိတ်ခေါ်သည့် နှုတ်ဆက်သံကို ဦးစွာကြားရမည်ဖြစ် သည်။

ဆိုင်ခန်းကျဉ်းလေး၏ အဝင် အဝမျက်နှာစာတွင်တော့ အစိမ်း ရောင်နောက်ခံတွင် အဖြူရောင် စာလုံးများဖြင့် စံပယ်ဖြူရောင်စုံ ဓာတ်ပုံတိုက်ဟူ၍ ၁၉၇၀ ပြည့် နှစ်ဝန်းကျင်များဆီက စာလုံးဒီ ဇိုင်းဖြင့် ရေးသားထားသည့် ဆိုင်းဘုတ်တစ်ခုကို ချိတ်ဆွဲထားသည်။ ဓာတ်ပုံဆိုင်လေးနှင့် ထိုဆိုင်း ဘုတ်တို့၏သည် သက်တမ်း နှစ် ၄၀ ကျော်ရှိနေပြီဖြစ်သည်။

ဒစ်ဂျစ်တယ်နည်းပညာများ တိုးတက်လာသော ယနေ့ခေတ် တွင် မိုဘိုင်းဖုန်းများရှိရုံဖြင့် ဓာတ် ပုံတစ်ပုံ အလွယ်တကူ ရိုက်ကူးနိုင်သော်လည်း အဆိုပါ စံပယ်ဖြူ ရောင်စုံဓာတ်ပုံတိုက်လေးသည် ဧည့်သည်များ ဝင်လာမစဲ တသဲသဲဖြင့် ယနေ့ထိ တိုင်လည်ပတ်နေရ ဆဲဖြစ်သည်။

ဧည့်သည်အများစုက စံပယ်ဖြူဓာတ်ပုံဆိုင်ကို ရန်ကုန်မြို့တွင် နှစ် ၄၀ ခန့် ရပ်တည်နေသည့် ဓာတ်ပုံဆိုင်လေးမို့ အမှတ်တရ လာ ရောက်အားပေးသလို ဓာတ်ပုံတိုက်ပိုင်ရှင် အသက် (၈၀)အရွယ်ဦးထွန်းစိန်ကို ချစ်ခင်သော ကြောင့် လာရောက်အားပေးသူ များလည်း ရှိသည်။

‘‘ကာစတန်မာတွေလာကြ တာက ဘကြီးက စိတ်ရှည်တယ် တဲ့။ ဓာတ်ပုံဝါသနာပါတဲ့ကလေး တွေကလည်း ဓာတ်ပုံနဲ့ပတ်သက် ပြီး လာမေးကြတယ်။ ဆရာပြော တာကို နားထောင်ချင်လို့ပါတဲ့။ ကလေးတွေလာမေးရင် သေချာ လေးပြောပြဖြစ်တယ်။ ဘကြီးက ဝါသနာပါလို့ ဒီအလုပ်ကို ရွေး ချယ်ပြီး ယနေ့အထိ လုပ်နေခဲ့တာ ပါ’’ဟု ဦးထွန်းစိန်က ပြောသည်။

ဓာတ်ပုံတိုက်အတွင်း ကွန် ပျူတာတစ်လုံးရှိပြီး ဓာတ်ပုံရိုက် သည့် ကန့်လန့်ကာ၊ မီးချောင်း၊ မှန်တို့ရှိနေသည်။

စံပယ်ဖြူ ရောင်စုံဓာတ်ပုံ တိုက်ကို ယနေ့အထိ ဦးစီးလုပ် ကိုင်နေသည့် ဦးထွန်းစိန်သည် စိုက်ပျိုးရေးရုံးတွင် အကြီးတန်းစာ ရင်းစစ်အဖြစ် လုပ်ကိုင်နေရင်း ၁၉၇၂ ကစတင်ကာ အစိုးရအလုပ်တစ်ဖက်နှင့် ဓာတ်ပုံလုပ်ငန်းကို စတင်လုပ်ကိုင်ခဲ့ခြင်းဖြစ် သည်။ ၁၉၉၆ တွင် အငြိမ်းစားပင်စင်ယူကာ စံပယ်ဖြူ ရောင်စုံဓာတ် ပုံတိုက်ကို ဦးစီးလုပ်ကိုင်ခဲ့သည်။

‘‘၇၂ မှာ ကြီးကြပ်တယ်။ ဒါ ပေမဲ့ မလုပ်ဖြစ်ဘူး။ အစိုးရအ လုပ်က တစ်ဖက်နဲ့ မနက် ရုံးသွား ခါနီး တပည့်ကလေးတွေကို ကြီး ကြပ်တယ်။ ရုံးက ၄ နာရီဆိုဆင်း ပြီ။ ညမိုးချုပ် အလုပ်ကပြန်လာ ရင် ကြီးကြပ်တယ်။ ၉၆ ကျမှ ကလေးတွေကို ဆိုင်တစ်ဆိုင်ငှား ပေးပြီး ကိုယ့်ဟာကိုယ် ဓာတ်ပုံနဲ့ပတ်သက်တဲ့ စာအုပ်တွေဖတ်တယ်။ သင်တန်းမတက်ခဲ့ဘူး’’ဟု ဦးထွန်းစိန်က ပြောသည်။

ဦးထွန်းစိန်သည် ရန်ကုန်မြို့၃၈ လမ်းတွင်နေထိုင်သူဖြစ်ပြီး ဆူး လေဘုရားအောက်ရှိ ၎င်း၏ ဓာတ်ပုံတိုက်သို့ နေ့စဉ်လမ်းလျှောက် ကာ ဆိုင်လာဖွင့်လေ့ရှိသည်။ သင်္ကြန်တွင်းမှလွဲ၍ ကျန်သည့် ရက်များတွင် ပိတ်ရက်မရှိ နေ့စဉ် နံနက် ၉ နာရီမှ ညနေ ၆ နာရိထိ ဖွင့်လှစ်ခဲ့သည်။

စံပယ်ဖြူတွင် ပတ်စ်ပို့ဓာတ် ပုံလေးပုံလျှင် ကျပ် ၈၀၀ သာပေး ရပြီး ရှစ်ပုံရိုက်ပါက ကျပ် ၁,၅၀၀ သာပေးရ၏။ တစ်နေ့လျှင် ဦးထွန်းစိန်၏ ဝင်ငွေက အများဆုံး ကျပ် နှစ်သောင်းခွဲခန့်ရှိသည်မို့ လခစား ဝန်ထမ်းထက်တော့သာသည်ဟု ဆိုနိုင်သည်။

‘‘ဒီနေ့ဆို နေ့တစ်ဝက်ပဲရှိ သေးတယ်။ တစ်သောင်းရှစ် ထောင်ရနေပြီ။ ဘကြီးက ဝါသနာကြောင့်လုပ်တာ စီးပွားရေးအရ ပိုက်ဆံရချင်ရ၊ မရချင်နေ အရေး မကြီးဘူး။ ကာစတန်မာမလာတဲ့ အချိန်တွေမှာ တစ်ယောက်တည်း စစ်တုရင်ထိုးတယ်’’ဟု ဦးထွန်းစိန်က ရယ်မောကာ ဆက်လက်ပြော သည်။

ယခင်ခေတ်က ဒေါက်ကြီး များနှင့် ကင်မရာကို ခေါင်းမြီးခြုံ ပြီး ဖလင်နှင့် ရိုက်ကြသော်လည်း ခေတ်မီတိုးတက်လာသည့် ယနေ့ ခေတ်တွင် ဒစ်ဂျစ်တယ်ကင်မရာ များဖြင့် ကတ်စနစ်များ၊ မိုဘိုင်း ဖုန်းများကို အသုံးပြုသူများပြား လာသည်။

‘‘ဟိုးရှေးခေတ်က လူတွေက တော့ ဖလင်ကြိုက်ကြတယ်။ ဒီ ဖက်ခေတ်ကျတော့ အမြန် ဒစ် ဂျစ်တယ်ကိုပဲ ကြိုက်ကြတယ်။ ဒါပေမဲ့ ပုံကိုတော့ ဘကြီးက ကာ စတန်မာကျေနပ်အောင် လုပ်ပေး တယ်’’ဟု ဦးထွန်းစိန်က ပြော သည်။

ဦးထွန်းစိန်၏ အိမ်ထောင် ဘက်သည်လည်း ဓာတ်ပုံဝါသနာ ကြီးသူဖြစ်သည်။ ထို့အပြင် ၎င်း ၏ ယောက်ဖကလည်း  ဆိုင်နှင့် မျက်နှာချင်းဆိုင် ၃၁ လမ်း ထိပ်တွင် စံပယ်ဓာတ်ပုံဆိုင် ဖွင့် လှစ်ထားကာ သက်တမ်းကြာရှည် သည့် ဓာတ်ပုံဆိုင်ထဲတွင် ပါဝင်သည်။ ဦးထွန်းစိန်တွင် သားသမီးသုံးဦးရှိပြီး ၎င်းတို့ကိုလည်း ဓာတ်ပုံပညာဖြင့် ကျွေးမွေးပျိုးထောင်လာ ခဲ့ခြင်းဖြစ်သည်။

၁၉၈၀ ပြည့်နှစ်ဝန်းကျင်များ က ရန်ကုန်မြို့တွင် ရောင်စုံဓာတ်ပုံများ၊ လိုင်စင်ဓာတ်ပုံဆိုင်များ ခေတ်မစားမီက စံပယ်ဖြူတိုက်ကမြို့ တွင်းနေပြည်သူများအတွက် အားထားစရာဖြစ်ခဲ့သည်။ ထိုစဉ်က ကျောင်းဖွင့်ခါနီးဆိုလျှင် စံပယ်ဖြူ ဓာတ်ပုံတိုက်မှာ လူတိုးမပေါက်ဘဲ တန်းစီခဲ့ရကြောင်း စိန့်ပေါလ်ကျောင်းသားဟောင်း ကိုဆလိုင်း အေးဇော်က ပြောသည်။

လက်ရှိတွင် စံပယ်ဖြူဆိုင်သို့ ဓာတ်ပုံလာရိုက်ကြသည့်သူများသည် ရောင်စုံဓာတ်ပုံရိုက်ကူးသူ များပြီး အများစုမှာ အမှတ်တရအဖြူအမဲလိုင်စင်ဓာတ်ပုံရိုက်ကူး လေ့ရှိကြသည်။ နိုင်ငံခြားသားအများစုလည်း နောက်ခံအဖြူရိုက် ကူးကြောင်း ဦးထွန်းစိန်က ပြော သည်။ သက်တမ်းကြာနေပြီဖြစ် သည့် ဓာတ်ပုံဆိုင်လည်းဖြစ်ပြီး မြို့လယ်ကောင် ဆူးလေနှင့်လည်းနီးသည်မို့ နိုင်ငံခြားသားခရီးသွား အချို့က ဦးထွန်းစိန်၏ ဓာတ်ပုံ တိုက်ကို စိတ်ဝင်တစား ရောက် လာတတ်သည်။

ရန်ကုန်မြို့တွင် လူတော် တော်များများ သတိမပြုမိဘဲ ယခု ကဲ့သို့ သက်တမ်းကြာမြင့်စွာ ရပ် တည်နေသော စံပယ်ဖြူဓာတ်ပုံ တိုက်ကို နိုင်ငံခြားသားဧည့်သည် များလည်း လာရောက်ကြည့်ရှုကာ မှတ်တမ်းတင်လေ့ရှိကြောင်း ဧည့် လမ်းညွှန် ကိုဝင်းဌေးလွင်ဦးက ပြောသည်။

‘‘ဒီကို တိုးရစ်ဧည့်သည်တွေ လာတယ်ဆိုတာက အနောက် နိုင်ငံကသူတွေများတယ်။ သူတို့ အနောက်ပိုင်းမှာ ဒီလိုဓာတ်ပုံဆိုင် မျိုးတွေ မရှိတော့ဘူး။ ရှားတယ် ပေါ့။ ဒီလိုအခကြေးငွေ နည်းနည်း ပဲပေးပြီးတော့ လိုင်စင်ပုံရိုက်လို့ရ တယ်ဆိုတော့ သဘောကျကြ တယ်။ ပြီးတော့ အပြင်အဆင်ပုံစံ ကလည်း ဟိုဘက်ခေတ်ပုံလို ဒီ စံပယ်ဖြူဆိုတဲ့ ဆိုင်းဘုတ်ကို သူ တို့က သဘောကျတယ်။ ဒီရောက် ရင် ဆိုင်းဘုတ်နဲ့တွဲရိုက်တာမျိုး လုပ်ကြတယ်။ ဆူးလေနဲ့နီးနေ တော့ ဧည့်သည်လည်း ဝင်ရတာ စိတ်ကျေနပ်မှုတစ်ခုရတဲ့နေရာ လေးပါ’’ဟု ကိုဝင်းဌေးလွင်ဦးက ပြောသည်။

ထို့အပြင် စံပယ်ဖြူကို ဧည့် သည်များ နှစ်ခြိုက်ရသည့်အ ကြောင်းရင်း နောက်တစ်ခုက ဦးထွန်းစိန်၏ စိတ်ရှည်မှုကြောင့် ဖြစ်သည်။

‘‘ဘကြီးက မျက်နှာကို သေချာချောပေးတယ်။ အပြင်ထွက် ရိုက်တဲ့ ဓာတ်ပုံဆရာတွေနဲ့တော့ မတူဘူးပေါ့။ စိတ်ရှည်ရမယ်။ သည်းခံရမယ်။ ကာစတန်မာနဲ့ စကားပြောတဲ့အခါ လိမ္မာပါးနပ် ရမယ်။ အစစအရာရာပေါ့။ အခု ခေတ်ဆိုင်ကြီးတွေ သွားရိုက် ကြည့် ဒိုင်းဆိုရိုက်ပြီး အပြင်မှာ သွားစောင့်ရတယ်။ ဘကြီးက တော့ အဲဒီလိုမဟုတ်ဘူး။ ဒီမှာ လာထိုင်ကြည့် ဘာလိုလဲ လိုတာ ပြော မကြိုက်တာပြင်ပေးမယ်ဆို ပြီး ပြင်ပေးတာပါ။ ဝါသနာကိုး’’ ဟု ဦးထွန်းစိန်က ပြောသည်။

ဆိုင်စဖွင့်စဉ်ကတည်းက ယနေ့အထိ အနှစ် ၄၀ ကျော်အ တွင်း အကူဝန်ထမ်းမထားရှိဘဲ ၎င်းတစ်ယောက်တည်းသာ ဦးစီး လုပ်ကိုင်ခဲ့ပြီး ယခု အသက်အ ရွယ်ရလာသည့်တိုင် ခပ်ကျဉ်း ကျဉ်း စံပယ်ဖြူဓာတ်ပုံဆိုင်ထဲရှိ ကွန်ပျူတာတစ်လုံးရှေ့တွင် ၎င်း တစ်ယောက်တည်း လုပ်ကိုင်လို့ ကောင်းတုန်းဖြစ်သည်။

‘‘ဘကြီးက ဓာတ်ပုံရိုက်တာ ပဲ စိတ်ဝင်စားတယ်။ ဘကြီးဓာတ် ပုံကို အရှေ့မှာ စိတ်ဝင်စားစွာ ရိုက်နေတယ်။ နောက်က ဖုန်း တွေယူသွားရင်လည်း မသိဘူး။ လာတာကတစ်ယောက်၊ ယူသွား တာကတစ်ယောက်ပေါ့။ ဖုန်းခိုးခံ ရတာ သုံးလေးခါရှိပြီ’’ဟု ဦးထွန်း စိန်က သူ၏ အတွေ့အကြုံကို ဝေမျှသည်။

ဦးထွန်းစိန်သည် ၉၆ ခုနှစ် ပင်စင်မယူစဉ်ကတည်းက ဆီးချို ရောဂါရှိသော်လည်း ယနေ့အထိ ဒေါင်ဒေါင်မြည်ကျန်းမာနေဆဲပင် ဖြစ်သည်။

‘‘ခါတိုင်း စံပယ်မှာ ရိုက်နေ ကျ။ အခုက ဒီမှာ လာရိုက်တာ အဘကို တွေ့တွေ့ချင်း လေးစား သွားတယ်။ ရိုက်ရတာလည်း အ ဆင်ပြေတယ်။ သူတစ်ယောက် တည်းလုပ်ကိုင်နေတာကို ကြည့် ရတာ။ အသက်လည်းကြီးပြီလေ။ နောက်လည်း ဒီမှာပဲ လာရိုက်ဖို့ စဉ်းစားထားတယ်။ သူ့ဆိုင်မှာ တပည့်တွေတောင် မတွေ့လို့ ကိုယ်က စိတ်ပူနေတာ’’ဟု ဓာတ် ပုံလာရိုက်သူတစ်ဦးက ပြော သည်။ ဝါသနာအရင်းခံကာ နှစ် ရှည်လများ အခိုင်အမာရပ်တည် လာခဲ့သော စံပယ်ဖြူ ရောင်စုံ ဓာတ်ပုံဆိုင်လေးကို ၎င်းကျန်းမာ သရွေ့၊ အသက် (၈၀)အထိ လုပ် ကိုင်နိုင်သရွေ့ လုပ်ကိုင်မည်ဟု မျှော်မှန်းထားကြောင်း အသက်(၇၆)နှစ်အရွယ် အဘိုးအိုတစ်ဦး ၏ တက်ကြွသော ရည်မှန်းချက် တစ်ခုကို ကြားသိခွင့်ရခဲ့သည်။

‘‘ဒီလိုဓာတ်ပုံဆိုင်မျိုးကို နိုင် ငံခြားဧည့်သည်တွေ စိတ်ဝင်စား တာကောင်းတာပေါ့။ ဒါပေမဲ့ ဒီ တစ်ခုတည်းမဟုတ်ဘူး။ ဆူးလေ မှာဆိုရင် ကျွန်တော်တို့က ဧည့် သည်ကို လိုက်ပို့လို့ရတဲ့ ဒီလိုထူး ထူးခြားခြား စိတ်ဝင်စားဖို့ကောင်း တဲ့နေရာတွေ၊ လုပ်ငန်းတွေ၊ လူ နေမှုတွေပေါ့။ ဒါတွေ များများရှိ လာရင် လည်ရပတ်ရတဲ့သူလည်း သဘောတွေ့တယ်။ တကယ် တမ်း Tourist ဆွဲဆောင်ဖို့က သိပ် မခက်ဘူးဗျ။ အခု စံပယ်ဖြူဓာတ်ပုံဆိုင်ဆို ဘာမှမဟုတ်ဘူး။ ဒီအ တိုင်း ဆွဲဆောင်နိုင်မယ့် အငွေ့အ သက်လေးရှိတာနဲ့ လူစိတ်ဝင်စား ကြတယ်ပေါ့။ ဒါမျိုးများများရှိလာ ရင် ရန်ကုန်မြို့တွင်းကလည်း လည်ပတ်စရာကောင်းလို့ စိတ်ဝင် စားကြမှာပါ’’ဟု ဧည့်လမ်းညွှန် ကိုဝင်းဌေးလွင်ဦးက ပြောသည်။

ထို့ပြင် ယင်းသို့ လည်ပတ် စရာနေရာသစ်များတိုးပွားလာမှု ကလည်း တိုင်းပြည်၏နိုင်ငံခြား ဝင်ငွေကို တစ်ထောင့်တစ်နေရာ က ထောက်ပံ့ပေးရာ ရောက်ပြီး ပြည်သူများလည်း ဝင်ငွေတစ် ရပ်ရရှိစေနိုင်ကြောင်း ဧည့်လမ်း ညွှန်အချို့က ထောက်ပြသည်။