ချီလီတွင် သမ္မတဟောင်း ပီညာရာ ရွေးကောက်ပွဲ တကျော့ပြန် အနိုင်ရ

ချီလီရွေးကောက်ပွဲတွင် သမ္မတဟောင်း ဆီဘက်စတီယန် ပီညာရာက တကျော့ပြန် အောင်ပွဲခံခဲ့ကြောင်း သိရှိရသည်။


ရွေးကောက်ပွဲ ဒုတိယအဆင့် ရလဒ်များ  ရေတွက်ပြီးစီးသမျှတွင် ပီညာရာသည် မဲအရေအတွက် ၅၄ ရာခိုင်နှုန်းထိ ရရှိနေပြီး အောင်ပွဲခံရန် သေချာသွားခဲ့သည်။ လက်ဝဲယိမ်းဝါဒီ သမ္မတလောင်း အလက်ဂျန်ဒရို ဂွီလီရာက ၎င်း၏ အရေးနိမ့်မှုကို ဝန်ခံခဲ့ပြီး ပီညာရာကို ဂုဏ်ပြုစကား ပြောကြားခဲ့သည်။

လေးနှစ်အကြာတွင် ပီညာရာ တစ်ကျော့ပြန် သမ္မတ ဖြစ်လာသည့်နောက် ချီလီ အစိုးရ အဖွဲ့တွင် မူဝါဒ အပြောင်းအလဲများ ဖြစ်လာရန် သေချာနေသည်။ လက်ရှိ သမ္မတဖြစ်သူ ဆိုရှယ်လစ်ဝါဒီ မစ်ချဲလ် ဘာချီလတ်က ဂွီလီရာကို ထောက်ခံ ရပ်တည်ခဲ့သည်။

သို့သော် ချီလီတွင် မဲပေးခွင့်ရှိသူ ၁၄ သန်းခန့်အနက် ၄၈.၅ ရာခိုင်နှုန်းကသာ မဲရုံများတွင် လာရောက် မဲပေးခဲ့ကြသည်။ လေ့လာသူများက အကယ်၍ မဲပေးသူဦးရေ များပြားခဲ့ပါက ဂွီလီရာသည် ပီညာရာထက် အသာစီး ရနိုင်ဖွယ်ရှိကြောင်း ခန့်မှန်းကြသည်။

ရွေးကောက်ပွဲတွင် အနိုင်ရရှိခဲ့ပြီးနောက် ပီညာရာက နိုင်ငံရေးအမြင် ကွဲပြားသူများ အပါအဝင် တစ်နိုင်ငံလုံး စည်းလုံး ညီညွတ်မှု ရှိစေလိုကြောင်း မိန့်ခွန်း ပြောကြားခဲ့သည်။ “ချီလီဟာ သဘောတရား ကွဲလွဲတာတွေထက် သဘောတူညီမှုတွေ ပိုမိုရရှိဖို့ လိုအပ်ပါတယ်။ ဒီလမ်းစဉ်နဲ့ ရှေ့ဆက်မှသာ ကျွန်တော်တို့ ညီညွတ်မှု ရရှိမှာ ဖြစ်ပါတယ်။ အတိတ်က အကြောင်းအရာတွေဟာ ကျွန်တော်တို့ကို သွေးကွဲစေခဲ့ပြီး ဖြစ်ပါတယ်”ဟု ၎င်းက ဆိုသည်။

စီးပွားရေး လုပ်ငန်းရှင် ဘီလီယံနာ သူဌေး တစ်ဦးဖြစ်သည့် ပီညာရာသည် ရွေးကောက်ပွဲ ပထမအဆင့်တွင်လည်း မဲကွာခြားချက် အသာစီးဖြင့် ပြိုင်ဘက်များကို ကျော်ဖြတ်နိုင်ခဲ့သည်။ ဒုတိယ အဆင့်တွင်မူ သမ္မတလောင်း ရှစ်ဦးအနက်မှ နောက်ဆုံးလက်ကျန် နှစ်ယောက်သာ ယှဉ်ပြိုင်ရခြင်း ဖြစ်သည်။

ပီညာရာသည် ချီလီသမ္မတ ရာထူးကို ၂၀၁၀ ပြည့်နှစ်မှ ၂၀၁၄ အထိလည်း တာဝန်ထမ်းဆောင်ခဲ့ဖူးသည်။

Ref: Guardian