မွန်ပြည်နယ် ရပ်ကျေး အုပ်ချုပ်ရေးမှူး အသစ် ၁၉ ဦး ပြန်လည်ရွေးချယ်

 မွန်ပြည်နယ်တွင် ရပ်ကျေးအုပ်ချုပ်ရေးမှူး အသစ် ၁၉ ဦးကို ပြန်လည်ရွေးချယ်ခဲ့ ကြောင်း ပြည်နယ်အစိုးရအဖွဲ့ ညွှန်ကြားရေးမှူး ဦးမြင့်သန်းဝင်း က ပြောသည်။

ပြည်နယ်အတွင်းရှိ ရပ် ကျေးအုပ်ချုပ်ရေးမှူး ၄၇၀ ဦးကို  တတိယအကြိမ် ပြင်ဆင်ထား သည့် ရပ်ကျေးအုပ်ချုပ်ရေး ဥပဒေနှင့်အညီ ပြန်လည်ရွေးချယ် နေရာ ဒီဇင်ဘာ ၁၄ ရက်အထိ ၁၉ ဦး ရွေးချယ်ထားကြောင်း ဦးမြင့်သန်းဝင်းက ပြောသည်။

‘‘လောလောဆယ် မြေပြင် မှာ ဆောင်ရွက်နေတာ ရွေးချယ် ပြီးတာ ၁၉ ရွာရှိတယ်။ ကျန်တာ တော့ ရွေးချယ်ဆောင်ရွက်ဆဲပဲ။ တချို့ကတော့ ကြီးကြပ်ရေးအဖွဲ့ ရွေးနေတယ်။ တချို့က အဲဒီကြီး ကြပ်ရေးအဖွဲ့တွေကို သင်တန်း ပေးတယ်’’ဟု ၎င်းကပြောသည်။

ရပ်အကျေးအုပ်ချုပ်ရေးမှူး ပြန်လည်ရွေးချယ်ခြင်းကို ၂၀၁၈ ဇန်နဝါရီ ၃၁ ရက်တွင် အပြီးသတ် ရွေးချယ်မည်ဖြစ်ကြောင်း၊ လက်ရှိထိ ပြဿနာတစ်စုံတစ်ရာ ပေါ် ပေါက်ခြင်းမရှိသေးကြောင်း ၎င်း က ပြောသည်။

၂၀၁၆ ဒီဇင်ဘာက ပြင်ဆင် ပြဋ္ဌာန်းခဲ့သည့် ရပ်ကွက် (သို့ မဟုတ်) ကျေးရွာအုပ်ချုပ်ရေးမှူး ဥပဒေတွင် အုပ်ချုပ်ရေးမှူးများ၏ သက်တမ်းသည် သမ္မတသက် တမ်းအတိုင်း ဖြစ်ကြောင်း ပြင် ဆင်ပြဋ္ဌာန်းထားသည်။

ဖွဲ့စည်းပုံအခြေခံဥပဒေပါ ပုဒ်မ ၁၈၈ အရ တိုင်း၊ ခရိုင်၊ မြို့ နယ်အဆင့် အုပ်ချုပ်ရေးမှူးများ ကို သက်ဆိုင်ရာအစိုးရက ခန့် အပ်ရမည်ဖြစ်ပြီး ဖွဲ့စည်းပုံ အခြေခံဥပဒေပုဒ်မ ၁၈၉ အရ ရပ် ကျေးအုပ်ချုပ်ရေးမှူးများကိုသက်ဆိုင်ရာ ရပ်ကွက် (သို့မဟုတ်) ကျေးရွာကသာ ရွေးချယ်ရမည်ဟု ပြဋ္ဌာန်းထားသည်။

ရပ်ကျေးအုပ်ချုပ်ရေးမှူးကို ပြန်လည် ရွေးချယ်ရာ၌ ရပ် ကျေးအုပ်စုများ ကြီးကြပ်ရေးမှူး ငါးဦးစီး ကနဦး ရွေးချယ်ရမည်ဖြစ်ပြီး ထိုမှတစ်ဆင့် ဆယ်အိမ်စု၊ ဆယ်အိမ်မှူး၊ ရာအိမ်မှူးများ ရွေးချယ်ရမည်ဖြစ်ကာ ၎င်းတို့ကို ရပ်ကွက် (သို့မဟုတ်)ကျေးရွာအတွင်း အမှန်တကယ် နေထိုင်သူများက မဲပေးစနစ်ဖြင့် ရွေးချယ် ရမည် ဖြစ်သည်။