နှစ်နိုင်ငံ တင်းမာမှုများ လျှော့ချရေးအတွက် တောင်ကိုရီးယားနှင့် တရုတ်သမ္မတများ တွေ့ဆုံ

နှစ်နိုင်ငံ တင်းမာမှုများကို လျှော့ချရန်အတွက် တောင်ကိုရီးယားနှင့် တရုတ် သမ္မတများ ဘေဂျင်းတွင် တွေ့ဆုံ ဆွေးနွေးခဲ့ကြောင်း သိရသည်။


ဒီဇင်ဘာ ၁၄ ရက်က တရုတ်သမ္မတ စီကျင်းပင်နှင့် တောင်ကိုရီးယား သမ္မတ မွန်းဂျေအင်းတို့ တွေ့ဆုံခဲ့ကြခြင်း ဖြစ်သည်။ မွန်း၏ ဘေဂျင်း ခရီးစဉ်သည် အရှေ့အာရှ အင်အားကြီး နှစ်နိုင်ငံကြား ဆက်ဆံရေးကို ပုံမှန်အခြေအနေ ပြန်လည် ရောက်ရှိစေရေး အဓိက ရည်ရွယ်ကြောင်း တောင်ကိုရီးယား သမ္မတရုံးက ကြေညာထားသည်။

မြောက်ကိုရီးယား ဒုံးကျည် ခြိမ်းခြောက်မှုကို ကာကွယ်ရန်အတွက် တောင်ကိုရီးယား ပိုင်နက်တွင် အမေရိကန်၏ THAAD ဒုံးခွင်းဒုံး စနစ်ကို ဖြန့်ကျက်ခဲ့ရာမှ တရုတ်နှင့် တောင်ကိုရီးယားတို့ကြား ဆက်ဆံရေး အေးစက်မှုများ ပေါ်ပေါက်လာခဲ့သည်။

THAADတွင် တပ်ဆင်ထားသည့် ရေဒါစနစ်သည် အလွန်အားကောင်းပြီး တရုတ်နိုင်ငံ အတွင်းပိုင်းရှိ စစ်ရေး လှုပ်ရှားမှုများကိုပါ အမေရိကန်က ထောက်လှမ်းနိုင်စွမ်း ရှိလာမည်ဟု တရုတ်က စွပ်စွဲခဲ့သည်။ တရုတ်က THAADကြောင့် ၎င်းတို့၏ လုံခြုံရေးကို ထိပါးလာနိုင်ကြောင်း အရေးဆိုခဲ့သော်လည်း တောင်ကိုရီးယားနှင့် အမေရိကန်တို့ကမူ မြောက်ကိုရီးယား ဒုံးကျည်ပြဿနာကို တုံ့ပြန်ရန်သာ ရည်ရွယ်ကြောင်း ဖြေရှင်းခဲ့သည်။

သံတမန်ရေးရာ ဖြေရှင်းမှုများ အဆင်မပြေခဲ့သည့်နောက် တရုတ်က တောင်ကိုရီးယား၏ စီးပွားရေး လုပ်ငန်းကြီး အချို့ကို အရေးယူ တုံ့ပြန်မှုများ ပြုလုပ်လာပြီး နှစ်နိုင်ငံ ဆက်ဆံရေး ပိုမို တင်းမာလာခဲ့သည်။ 

မွန်းကမူ ထိုအခြေအနေကို ညှိနှိုင်းဖြေလျှော့ရန် ရည်ရွယ်ထားသလို နှစ်နိုင်ငံ စီးပွားရေး ပူးပေါင်းဆောင်ရွက်မှုများ ပိုမို မြှင့်တင်ရေး ဆွေးနွေးလိုကြောင်း ပြောကြားထားသည်။ ၎င်းသည် Samsung၊ LGနှင့် Hyundaiကဲ့သို့ စက်မှုကုမ္ပဏီကြီးများမှ အမှုဆောင်များကိုပါ ဘေဂျင်းသို့ ခေါ်ဆောင်သွားသည်။

ခေါင်းဆောင်နှစ်ဦး တွေ့ဆုံမှုနှင့် ပတ်သက်သည့် အချက်အလက်များကိုမူ ပြန်ကြားထုတ်ပြန်ခြင်း မရှိသေးချေ။ “ဘာပဲဖြစ်ဖြစ် တောင်ကိုရီးယား သမ္မတရဲ့ လာရောက်လည်ပတ်မှုဟာ နှစ်နိုင်ငံ ဆက်ဆံရေးကို ပုံမှန် အနေအထား ပြန်ရောက်စေရေးအတွက် သိပ်အရေးကြီးတဲ့ ခြေလှမ်းတစ်ခုပါ”ဟု ပီကင်းတက္ကသိုလ်ရှိ နိုင်ငံတကာရေးရာ သုတေသီ ဇူဖန်းက ဆိုသည်။ 

တရုတ်နှင့် တောင်ကိုရီးယား အစိုးရများက နှစ်နိုင်ငံ ဆက်ဆံရေးကို ပုံမှန်အခြေအနေ ပြန်လည် ရောက်ရှိစေလိုသည့် ဆန္ဒမျိုး အသီးသီး ရှိနေကြောင်း ပြီးခဲ့သည့်လက ထုတ်ပြန်ခဲ့ကြသည်။ လတ်တလောတွင် THAADကိစ္စကို ညှိနှိုင်းရာ၌ နှစ်နိုင်ငံကြား အရေးပါသည့် ကနဦး သဘောတူညီမှုအချို့ မူအားဖြင့် ရရှိထားကြောင်း တရုတ် နိုင်ငံခြားရေး ဝန်ကြီးဌာန ပြောရေးဆိုခွင့်ရ အရာရှိ လူကန်းက မှတ်ချက်ပေး ပြောကြားသွားခဲ့သည်။ 

Ref: AFP

More in World News Section