ဒီမိုကရေစီသစ်ကို ဆောင်ယူလာနိုင်ခဲ့ပြီဟု ဇင်ဘာဘွေ ခေါင်းဆောင်သစ် ကြွေးကြော်

သစ်လွင်သော၊ အချုပ်အခြယ် မရှိသော ဒီမိုကရေစီကို ဆောင်ယူလာနိုင်ခဲ့ပြီဟု ဇင်ဘာဘွေ ခေါင်းဆောင်သစ် အမ်မာဆန် နန်ဂါဝါက ကြွေးကြော်ခဲ့သည်။

ဇင်ဘာဘွေ နိုင်ငံကို ၃၇ နှစ်ကြာ အုပ်ချုပ်ခဲ့သည့် သမ္မတ ရောဘတ်မူဂါဘီကို ဖယ်ရှားခဲ့ပြီးနောက် အန်ဂါဝါသည် နိုင်ငံ၏ ယာယီ သမ္မတအဖြစ် တာဝန်ယူသွားမည် ဖြစ်သည်။ ၎င်းသည် အာဏာရ ဇာနူပီအက်ဖ် ပါတီကို ဦးဆောင်နေပြီး ရွေးကောက်ပွဲတွင်လည်း ဆက်လက် အနိုင်ရရန် သေချာသလောက် ရှိနေသည်။

အန်ဂါဝါသည် မူဂါဘီ၏ ဒုတိယ သမ္မတအဖြစ် တာဝန်ယူခဲ့ဖူးသော်လည်း ၎င်းကို မူဂါဘီက ရာထူးမှ ဖယ်ရှားလိုက်သည့်နောက် နိုင်ငံရေးတွင် စစ်တပ်က ကြားဝင်လာခဲ့သည်။ ယခုလလယ်တွင် ဇင်ဘာဘွေ စစ်တပ်က မူဂါဘီနှင့် မိသားစုကို အကျယ်ချုပ်ဖြင့် ထိန်းသိမ်းလိုက်ပြီး အာဏာစွန့်ရန် ဖိအားပေး တောင်းဆိုခဲ့သည်။ နိုဝင်ဘာ ၂၁ ရက်တွင် မူဂါဘီက ရာထူးမှ နုတ်ထွက်ရန် လက်ခံခဲ့ပြီး နိုင်ငံသမိုင်းတွင် တတိယမြောက် သမ္မတတစ်ဦး ပေါ်ထွန်းလာရန် လမ်းစပေါ်လာခဲ့သည်။

နန်ဂါဝါက ဒီမိုကရေစီ ပုံစံသစ်တွင် အလုပ်အကိုင် အခွင့်အရေး တိုးမြှင့်ဖန်တီးရေးကို ဦးစားပေးမည်ဟု ကတိပြုခဲ့ပြီး “ကျွန်တော်တို့ဟာ နိုင်ငံရဲ့ စီးပွားရေး တိုးတက်မှုကို လိုလားတယ်။ ငြိမ်းချမ်းရေးကို လိုလားတယ်။ အလုပ်သစ်တွေ၊ အလုပ်အကိုင်ကောင်းတွေ ရရှိရေးကို လိုလားတယ်”ဟု ၎င်းကို ထောက်ခံသူများနှင့် တွေ့ဆုံချိန်၌ မိန့်ခွန်းပြောကြားသွားသည်။

နန်ဂါဝါသည် ဒုတိယ သမ္မတ ရာထူးမှ ဖယ်ရှားခံရပြီးနောက် တောင်အာဖရိကသို့ ခေတ္တ တိမ်းရှောင်နေခဲ့သည်။ ၎င်းသည် နိုဝင်ဘာ ၂၄ ရက်တွင် သမ္မတ ရာထူးကို ဆက်ခံရန် စီစဉ်ထားကြောင်း သိရသည်။ နန်ဂါဝါသည် မူဂါဘီ၏ အရိုက်အရာကို ဆက်ခံရန်အတွက် သမ္မတကတော် ဂရေ့စ်မူဂါဘီနှင့် အပြိုင် ဖြစ်နေခဲ့သည့်နောက် ရုတ်တရက် ဖယ်ရှားရှင်းလင်း ခံခဲ့ရခြင်း ဖြစ်သည်။

မူဂါဘီသည် အသက် ၉၃ နှစ်အရွယ်ထိ ဇင်ဘာဘွေကို အုပ်ချုပ်ခဲ့ပြီး ရာထူးမှ ဖယ်ရှားမခံရမီအထိ ကမ္ဘာ့အသက်အကြီးဆုံး နိုင်ငံခေါင်းဆောင်အဖြစ် ရပ်တည်ခဲ့သည်။ ၎င်းက ဘုရားသခင်မှလွဲ၍ မည်သူမျှ မိမိကို ရာထူး ဖြုတ်မချနိုင်ဟု ကြွေးကြော်ခဲ့ဖူးသည်။

ဇာနူပီအက်ဖ်ပါတီ ပြောရေးဆိုခွင့်ရ အရာရှိ တစ်ဦးက အသက် ၇၁ နှစ်အရွယ် နန်ဂါဝါသည် မူလ မူဂါဘီ၏ ရာထူးသက်တမ်း ကုန်ဆုံးမည့် ၂၀၁၈၊ စက်တင်ဘာထိ ယာယီသမ္မတအဖြစ် တာဝန်ယူနေပြီး ထို့နောက်တွင်မှ ရွေးကောက်ပွဲတွင် ပါဝင်ယှဉ်ပြိုင်မည်ဟု အတည်ပြုခဲ့သည်။

နိုင်ငံရေးတွင် ဉာဏ်များသူ တစ်ဦးအဖြစ် သတင်းကြီးပြီး မိကျောင်းဆိုသော နာမည်ပြောင်ကို ရရှိထားသည့် အန်ဂါဝါသည် ဇင်ဘာဘွေသို့ မပြန်မီတွင် တောင်အာဖရိက သမ္မတ ယက်ကော့ဘ် ဇူးမားနှင့်လည်း တွေ့ဆုံ ဆွေးနွေးခဲ့သေးသည်။ ဇင်ဘာဘွေမြို့တော် ဟာရာရီတွင်မူ လူပေါင်း ထောင်သောင်းချီ စုရုံးက ခေါင်းဆောင်သစ်၏ ပထမဆုံး လူမြင်ကွင်းရှေ့ ထွက်ပေါ်လာမှုကို စောင့်ဆိုင်းခဲ့ကြသည်။

နန်ဂါဝါသည် ထောက်ခံသူများကို မိနစ် ၂၀ မျှ မိန့်ခွန်းပြောကြားခဲ့ရာတွင် မူဂါဘီကို သမ္မတဟောင်းဟု မသုံးနှုန်းဘဲ သမ္မတဟုသာ ညွှန်းဆိုသွားသည်။ ထို့အပြင် မူဂါဘီ လက်ထဲမှ နိုင်ငံအာဏာကို သွေးမြေမကျဘဲ ဖယ်ရှား ရုပ်သိမ်းနိုင်ခဲ့သည့် စစ်တပ်ကိုလည်း နန်ဂါဝါက ချီးကျူးခဲ့သည်။

လွန်ခဲ့သည့် နှစ်ပတ်ခန့်က မူဂါဘီသည် နန်ဂါဝါကို ဒုတိယ သမ္မတအဖြစ်မှ ရုတ်တရက် ထုတ်ပယ်ခဲ့ပြီးနောက် ဇင်ဘာဘွေ နိုင်ငံရေးတွင် အုပ်စုကွဲမှုများ နက်နက်ရှိုင်းရှိုင်း ဖြစ်ပေါ်လာသည်။ အဆိုပါ လုပ်ရပ်သည် သမ္မတ နေရာကို မူဂါဘီ၏ဇနီး ဂရေ့စ်က ဆက်ခံနိုင်ရန် လမ်းရှင်းမှုအဖြစ် နိုင်ငံရေး အသိုက်အဝန်းက ယူဆခဲ့ပြီး ယင်းကြောင့်ပင် မူဂါဘီအပေါ် ပါတီတွင်း ထောက်ခံမှုလည်း ဆိုးဆိုးရွားရွား ကျဆင်းသွားခဲ့ကြောင်း သိရသည်။

Ref: BBC