မောင်တောမြို့နယ်ရှိ ကလေးရှစ်ထောင်ကျော် ဂျပန်ဦးနှောက်ရောင်ရောဂါကာကွယ်ဆေးထိုးနှံပြီးဖြစ်

မောင်တောမြို့ အမှတ်(၃)မူလွန်ကျောင်းတွင် ဂျပန်ဦးနှောက်ရောင်ရောဂါ ကာကွယ်ဆေးထိုးနှံပေးနေစဉ် (ဓာတ်ပုံ − မောင်ကံ)

 မောင်တောမြို့နယ်ရှိ အသက် (၉) နှစ်မှ (၁၅) နှစ်အောက်ကလေးငယ်ဦးရေ တစ်သောင်းခြောက်ထောင်ခန့်ကို ဂျပန်ဦးနှောက်ရောင်ရောဂါ ကာကွယ်ဆေးထိုးရန် စီမံချက်ရေးဆွဲထားပြီး လက်ရှိအချိန်အထိ ကလေးငယ် ရှစ်ထောင်ကျော်ကို ကာကွယ်ဆေးထိုးနှံ ပေးထားကြောင်း မောင်တောမြို့နယ် ကျန်းမာရေး မှူး ဦးမောင်အေးသာက ပြော သည်။

 မောင်တောမြို့နယ်တွင် ဂျပန်ဦးနှောက်ရောင်ရောဂါကာ ကွယ်ဆေးထိုးခြင်း စီမံချက်ကို နိုဝင်ဘာ ၁၄ ရက်က စတင်ဆောင်ရွက်နေပြီး လုံခြုံရေးအခြေအနေအရနှင့် သွားလာရခက်ခဲသည့် ကျေးရွာများသို့ လာမည့် ဒီဇင်ဘာလတွင် သွားရောက်ထိုးနှံပေးမည်ဖြစ်ကြောင်း ၎င်းက ဆိုသည်။

‘‘ဘင်္ဂါလီရွာတချို့က သွားရလာရ အဆင်မပြေတာတွေရှိ တယ်။ အဲဒီလိုအဆင်မပြေလို့ အခုတစ်ခေါက်မသွားနိုင်တဲ့ရွာတွေ ကို ဒီဇင်ဘာလမှာ ဝေးလံခက်ခဲ ဒေသအဖြစ် သွားရောက်ဖို့ရှိပါ တယ်’’ဟု ဦးမောင်အေးသာက ပြောသည်။ မောင်တောမြို့နယ်တွင်ကာကွယ်ဆေးထိုးနှံခြင်းလုပ်ငန်းများကို အခြားသောဒေသများ၌ ဆောင်ရွက်သကဲ့သို့ ကျောင်းအခြေပြု၊ ရပ်ကွက်အခြေပြုဟူ၍ ထိုးနှံပေးရန် အဆင်မပြေသဖြင့်ဒေသနှင့် လိုက်လျောညီထွေဖြစ်အောင် ဆောင်ရွက်ပေးနေပြီး မြို့ပေါ်ရပ်ကွက်အနီးရှိဘင်္ဂါလီကျေးရွာများသို့လည်း ကွင်းဆင်းဆေးထိုးပေးနေပြီဖြစ်ကြောင်း ဦးမောင်အေးသာက ဆက်လက်ပြောသည်။

‘‘ကလေးတွေအတွက် ကျန်း မာရေးက အရေးကြီးပါတယ်။ ဒါ ကြောင့် အားလုံးပူးပေါင်းပါဝင်ပြီး တော့ ထိုးနှံဖို့လိုပါတယ်။ ဘင်္ဂါလီ ကလေးတွေ တော်တော်များများ လည်း ရောက်လာကြပါတယ်’’ဟု မောင်တောဒေသတွင် ကာကွယ် ဆေးထိုးနှံပေးနေသည့် သူနာပြု ဆရာမတစ်ဦးက ပြောသည်။

မောင်တောမြို့နယ်တွင် ပြီး ခဲ့သည့် သြဂုတ် ၂၅ ရက်က ဖြစ် ပွားခဲ့သည့် အကြမ်းဖက်မှုကြောင့် တစ်နေရာနှင့် တစ်နေရာသို့ သွား လာရန် လုံခြုံရေးစိုးရိမ်နေရဆဲဖြစ် ကြောင်း မောင်တောမြို့နယ်တွင် တာဝန် ထမ်းဆောင်နေသည့် ကျန်းမာရေး၊ ပညာရေးဝန်ထမ်းအများစုက ပြောသည်။

More in Regional Section