ကံမတွင် လမ်းပြင်ရန် ကျောက်များကို တင်ဒါစည်းကမ်းအတိုင်း ထားရှိခြင်းမရှိ၍ အခက်တွေ့ဟုဆို

တင်ဒါအောင်ကုမ္ပဏီများက ကျောက်များကို စည်းကမ်းမရှိ ချထားစဉ် (ဓာတ်ပုံ − ဦးဇော်ဝင်း)

 မကွေးတိုင်း ကံမမြို့နယ်အ တွင်း လမ်းပြုပြင်ရေးလုပ်ငန်းများ ဆောင်ရွက်ရန် တင်ဒါအောင်ကုမ္ပ ဏီများက ကျောက်များစုပုံချထား ရာတွင် တင်ဒါစည်းမျဉ်းစည်း ကမ်းများအတိုင်း ညီညီညာညာ စုပုံခြင်းမရှိသဖြင့် လေ့လာစစ်ဆေးရန် ခက်ခဲနေကြောင်း ကံမ မြို့နယ် တိုင်းဒေသကြီးလွှတ်တော် ကိုယ်စားလှယ် ဦးဇော်ဝင်းကပြောသည်။

ကံမ-နတ်မီးတောက်လမ်း၊  ကံမ-ပြည်လမ်းအပါအဝင် လမ်း ဦးစီးဌာနက တာဝန်ယူဆောင် ရွက်နေသော လမ်းခြောက်ခုစလုံး တွင် ကျောက်များကို စနစ်တကျ စုပုံထားခြင်းမရှိကြောင်း ၎င်းက ပြောသည်။

‘‘တင်ဒါစည်းကမ်းမှာက ကျောက်ချတဲ့အခါမှာ စစ်ဆေးရ လွယ်ကူအောင် ကျင်းထိုး(စီပုံထိုး)ပြီး စုပုံရမယ်လို့ ပါတယ်။  ဒါပေမဲ့ အခုက ဒီအတိုင်း ကားပေါ်က ချတဲ့အတိုင်း စုပုံထားတော့ ကျင်းအရေအတွက်မှန်ကန်စွာ ချထားခြင်းရှိ၊ မရှိ လေ့လာဖို့ခက် ခဲမှုဖြစ်တယ်။ နောက်ပြီး ကျောက် အရည်အသွေးပိုင်းဆိုင်ရာ စစ် ဆေးချက်တွေလည်း လွှတ်တော် ကိုယ်စားလှယ်တွေ သိရှိခြင်းမရှိ သေးဘူးဖြစ်နေတယ်’’ဟု ဦးဇော်ဝင်းက ပြောကြားသည်။

 အထက်ပါကိစ္စနှင့် ပတ် သက်၍ ကံမမြို့နယ် လမ်းဦးစီး ဌာနသို့ ဆက်သွယ်မေးမြန်းရာ နိုဝင်ဘာ ၁၈ ရက်တွင် ကျောက်ပေးသွင်းသည့်တင်ဒါအောင် ကုမ္ပဏီအား ကျောက်များကိုကျင်းထိုး (စီပုံထိုး)စုပုံရန် ညွှန်ထားပြီး ယခုရက်ပိုင်းအတွင်းဆောင်ရွက်မည်ဖြစ်ကြောင်း တာဝန်ရှိသူတစ်ဦးက ပြန်လည်ဖြေကြားသည်။

ယင်းကိစ္စကို တိုင်းဆောက် လုပ်ရေးဝန်ကြီးထံသို့ တင်ပြထား ပြီး လွှတ်တော်ကိုယ်စားလှယ် များက နိုင်ငံ့ဘဏ္ဍာငွေများ လေ လွင့်ဆုံးရှုံးမှုမရှိစေရေး ထိန်းမတ်ပေးသည့်လုပ်ငန်းစဉ်ကို ဆောင်ရွက်ပေးနေခြင်းသာဖြစ်ကြောင်း တိုင်းလွှတ်တော် ကိုယ်စားလှယ်ကဆိုသည်။ လမ်းဦးစီးဌာနက ယခု ဘဏ္ဍာနှစ်အတွင်း ကံမမြို့နယ်ရှိ လမ်းခြောက်ခုပြုပြင်ခြင်း၊ အဆင့်မြှင့်တင်လုပ်ငန်းများကို ငွေကျပ်သိန်းငါးသောင်းကျော် အကုန်ကျခံဆောင်ရွက်မည်ဖြစ်သည်။

More in Regional Section