ထွက်ခွာချိန် စက္ကန့်ပိုင်းမျှ လွဲချော်ခဲ့သည့်အတွက် ဂျပန်ရထားကုမ္ပဏီတစ်ခု ပြန်လည်တောင်းပန်

ဘူတာမှထွက်ချိန် စက္ကန့်ပိုင်းမျှ အလွဲအချော် ဖြစ်သွားသည့်အတွက် ဂျပန် ရထားကုမ္ပဏီ တစ်ခုက ခရီးသည်များကို ပြန်လည် တောင်းပန်ခဲ့ကြောင်း သိရသည်။

တိုကျိုနှင့် ဆူကူဘားတို့ကြား ပြေးဆွဲနေသည့် ဆူကူဘား အိတ်စ်ပရက်စ် ရထားလိုင်း၏ စီမံရေးရာ အဖွဲ့က မိမိတို့၏ လွဲချော်မှုကြောင့် ထိခိုက်နစ်နာခဲ့သူ အားလုံးကို အနူးအညွတ် တောင်းပန်ကြောင်း ကြေညာခဲ့သည်။

အကြောင်းရင်းမှာ နိုဝင်ဘာ ၁၆ ရက် မနက်ပိုင်းက ဆူကူဘား အိတ်စ်ပရက်စ်၏ ရထားသည် သတ်မှတ်ထားသည်ထက် စက္ကန့် ၂၀ စောထွက်မိခဲ့၍ ဖြစ်သည်။ ရထားသည် တိုကျိုမြောက်ပိုင်းရှိ မီနာမီ နာဂါရီယာမာ ဘူတာမှ ၉ နာရီ ၄၄ မိနစ်နှင့် စက္ကန့် ၄၀ တွင် ထွက်ရမည် ဖြစ်သော်လည်း ၉ နာရီ ၄၄ မိနစ်နှင့် စက္ကန့် ၂၀ တွင် ဘူတာမှ ထွက်ခွာခဲ့သည်။

ကုမ္ပဏီက မိမိတို့၏ ဝန်ထမ်းများသည် ရထားလမ်းကြောင်း အချိန်စာရင်းကို ပြန်မစစ်မိသဖြင့် ယခုလို လွဲချော်သွားခြင်းဟု ကြေညာသည်။ ထိုကိစ္စအတွက် ခရီးသည်အချို့ အခက်တွေ့ခဲ့သည်ဟု သတင်းများ ပြန်ကြားခဲ့ရကြောင်း၊ သို့သော်လည်း ကုမ္ပဏီသို့ တရားဝင် အရေးဆို ကန့်ကွက်မှု မရှိသေးကြောင်းလည်း ဖော်ပြထားသည်။

ဂျပန်ကဲ့သို့ အချိန်ကို စနစ်ကျစွာ ကြပ်မတ်သည့် အလေ့အထမျိုးရှိသော နိုင်ငံမျိုးတွင်ပင် ကုမ္ပဏီ၏ တရားဝင် ထုတ်ပြန် တောင်းပန်သော တာဝန်ယူမှုသည် အများအတွက် အံ့ဩစရာ ဖြစ်ခဲ့သည်။ “ရထား ဝန်ထမ်းတွေက ထွက်ခွာချိန် သတ်မှတ်ချက်ကို လုံလောက်တဲ့ ပြန်လည် စစ်ဆေးမှုမျိုး မလုပ်မိခဲ့ပါဘူး”ဟု ကုမ္ပဏီက ကြေညာခဲ့သည်။

ဂျပန်၏ ရထားစနစ်သည် ကမ္ဘာပေါ်တွင် အယုံကြည်ရဆုံး၊ စိတ်အချရဆုံး ကွန်ရက်တစ်ခုအဖြစ် အသိအမှတ်ပြု ခံရပြီး ထွက်ခွာချိန်၊ ဆိုက်ရောက်ချိန် တိကျမှုများကြောင့်လည်း နာမည်ကောင်းဖြင့် ကျော်ကြားသည်။

Ref: BBC