စစ်တပ်က ထိန်းသိမ်းထားသည့် ဇင်ဘာဘွေ သမ္မတ၏ ဓာတ်ပုံများ ပြန်လည်ထွက်ပေါ်လာ

စစ်တပ်၏ ထိန်းသိမ်းခြင်း ခံထားရပြီးနောက်ပိုင်း ဇင်ဘာဘွေ သမ္မတ ရောဘတ်မူဂါဘီ၏ ဓာတ်ပုံများ ပထမဆုံးအကြိမ် ပြန်လည် ထွက်ပေါ်လာခဲ့သည်။

တောင်အာဖရိက သမ္မတ ယာကော့ဘ် ဇူးမားက ၎င်းသည် မူဂါဘီနှင့် အဆက်အသွယ် ရခဲ့ကြောင်း၊ ဇင်ဘာဘွေ စစ်တပ်သည် မြို့တော် ဟာရာရီကို ထိန်းချုပ်ထားပြီး မူဂါဘီကို နေအိမ်အကျယ်ချုပ် ချထားကြောင်း ထုတ်ဖော် ပြောကြားခဲ့သည်။

နိုဝင်ဘာ ၁၆ ရက်ကမူ အသက် ၉၃ နှစ်အရွယ် မူဂါဘီသည် ဇင်ဘာဘွေ စစ်တပ် အကြီးအကဲ ဗိုလ်ချုပ်ကြီး ကွန်စတန်တီနို ချီဝမ်ဂါနှင့် အတူယှဉ်တွဲပြီး ပြုံးပြုံးရွှင်ရွှင် ဓာတ်ပုံရိုက်ထားသည့် ဓာတ်ပုံ ထွက်ပေါ်လာသည်။ ထို့အပြင် အစိုးရ အဖွဲ့ဝင်များနှင့် မူဂါဘီတို့ ဆွေးနွေး စကားပြောနေသည့် ဓာတ်ပုံတစ်ပုံလည်း ထပ်မံ ပေါ်ထွက်လာကြောင်း သိရသည်။

ဇင်ဘာဘွေ စစ်တပ်က မြို့တော်ကို ထိန်းချုပ်ထားခြင်းသည် အာဏာသိမ်းရန် မဟုတ်ဟု အခိုင်အမာ ငြင်းဆိုနေဆဲ ဖြစ်သည်။ ယခုလုပ်ရပ်သည် ဇင်ဘာဘွေ အစိုးရနှင့် အာဏာရ ပါတီအတွင်းမှ မသမာသူများကို ရှင်းလင်းရန် စစ်ဆင်ရေးတစ်ရပ် ဆင်နွှဲခြင်းဟု စစ်တပ်က ကြေညာထားသည်။

သတင်းအချို့က စစ်တပ်သည် မူဂါဘီကို အာဏာစွန့်ရန် တောင်းဆိုထားသော်လည်း သမ္မတက တောက်လျှောက် ငြင်းဆန်နေကြောင်း ဖော်ပြခဲ့သည်။ သို့သော် ဇင်ဘာဘွေ၏ လက်ရှိ ပြည်တွင်းရေးမှာ တိတိကျကျ ခန့်မှန်းရန် အလွန်ခက်ခဲနေဆဲ ဖြစ်သည်။

ဇင်ဘာဘွေတွင် မူဂါဘီ၏ အရိုက်အရာကို ဆက်ခံရေးနှင့် ပတ်သက်၍ ပြိုင်ဆိုင်မှုများ ပြင်းထန်နေချိန်၌ မူဂါဘီက ဒုတိယ သမ္မတ အမ်မာဆန် အန်ဂါဝါကို ရုတ်တရက် ရာထူးမှ ထုတ်ပယ်လိုက်သည်။ ထို့ကြောင့် သမ္မတနေရာ ဆက်ခံရေး ပြိုင်ပွဲတွင် ၎င်း၏ ဇနီးဖြစ်သူ ဂရေ့စ် မူဂါဘီက ပြိုင်ဘက်မရှိ ဦးဆောင်နိုင်သည့် အခြေအနေသို့ ရောက်ရှိလာခဲ့သည်။ အန်ဂါဝါသည် စစ်တပ် အကြီးအကဲများနှင့် ရင်းနှီးသူ တစ်ဦးဖြစ်ရာ နောက်ဆက်တွဲ အရှုပ်အထွေး အခြေအနေများ ပေါ်ပေါက်လာခဲ့သည်။

အတည်မပြုနိုင်သေးသော်လည်း အတွင်းသတင်းများ၏ အဆိုအရ မူဂါဘီသည် ရာထူးမှ နုတ်ထွက်ပေးရလျှင်ပင် ၎င်းနှင့် ၎င်း၏ မိသားစုအတွက် အပြည့်အဝ လုံခြုံမှု အာမခံချက် ရရှိရန် လိုလားနေကြောင်း သိရသည်။ စစ်တပ်အကြီးအကဲနှင့် မူဂါဘီတို့၏ ညှိနှိုင်း ဆွေးနွေးမှုတွင် အိမ်နီးချင်း တောင်အာဖရိက နိုင်ငံမှ သံတမန်ရေးရာ အရာရှိများကပါ ပါဝင် စေ့စပ်ပေးနေကြောင်း သတင်းများက ဆိုသည်။

အခြေအနေများ ရှုပ်ထွေးနေသည့်တိုင် အာဏာရ ဇာနူပီအက်ဖ် ပါတီ၏ အရာရှိများကမူ မူဂါဘီသည် ဒီဇင်ဘာတွင် ကျင်းပမည့် ပါတီညီလာခံထိ လက်ရှိ ရာထူးတွင် ဆက်ရှိနေနိုင်ကြောင်း အစောပိုင်းက မှတ်ချက်ပေးခဲ့သည်။ ညှိနှိုင်းမှုများ အဆင်ပြေပါက အန်ဂါဝါသည် ထိုညီလာခံတွင် မူဂါဘီအစား ပါတီခေါင်းဆောင်နှင့် နိုင်ငံသမ္မတ ရာထူးများကို ဆက်ခံလာဖွယ် ရှိနေကြောင်း သိရှိရသည်။

Ref: AFP