အင်္ဂလိပ်စာသင်ကြားမှု ထိရောက်မှုမရှိ၍ ခေတ်နှင့်လျော်ညီစွာ ပြောင်းလဲသင်ကြားပေးရန် အစိုးရကို လွှတ်တော်တိုက်တွန်း

အင်္ဂလိပ်စာကို မသင်မနေရ ဘာသာရပ်အဖြစ် အခြေခံပညာ ကျောင်းများတွင် ပညာသင်နှစ် ၁၁ နှစ်ကြာ သင် ကြားပေးခဲ့သော်လည်း ထိရောက် မှုမရှိသောကြောင့် အဋ္ဌမတန်းက စ၍ ခေတ်နှင့်လျော်ညီသော အ ပြော၊ အရေး၊ အဖတ်၊ နားထောင်ခြင်း (4 skill) ကို ပြောင်းလဲသင် ကြားပေးရေး အဆိုကို လက်ခံ ဆွေးနွေးရန် နိုဝင်ဘာ ၁၄ ရက် တွင် အမျိုးသားလွှတ်တော်က ဆုံးဖြတ်ခဲ့သည်။

ယင်းအဆိုကို ရခိုင်ပြည်နယ် မဲဆန္ဒနယ် အမှတ် (၁၁)မှ အမျိုး သားလွှတ်တော် ကိုယ်စားလှယ် ဒေါ်ထုမေက တင်သွင်းခဲ့ခြင်းဖြစ် သည်။

မြန်မာနိုင်ငံတွင် သူငယ် တန်းကစတင်၍ တက္ကသိုလ်ဝင် တန်း (အထက်တန်း) အောင်မြင် ပြီးချိန်အထိ အင်္ဂလိပ်ဘာသာကို မသင်မနေရ ဘာသာရပ်တစ်ခုအ ဖြစ် ပြဋ္ဌာန်းသင်ကြားပေးနေသော် လည်း အထက်တန်းအဆင့် ပညာရေးပြီးဆုံးချိန်တွင် ကျောင်းသား၊ ကျောင်းသူ အများစုသည် အင်္ဂ လိပ်ဘာသာဖြင့် ရေးသားပြောဆို ဆက်သွယ်နိုင်စွမ်း အလွန်နိမ့် ကျနေဆဲဖြစ်ကြောင်း ဒေါ်ထုမေ က အဆိုတင်သွင်းစဉ် ပြောကြား သည်။

ထို့ကြောင့် အင်္ဂလိပ်ဘာသာ စကားကို ပညာရပ်ဆိုင်ရာလုပ် ငန်းခွင်တွင် အသုံးပြုနိုင်ရန် သင် တန်းကျောင်းများ၌ ငွေစိုက်ထုတ် ကာ ထပ်မံသင်ကြားရမှုများရှိနေ ကြောင်း ဒေါ်ထုမေက ပြောကြားသည်။

‘‘ဒီလို မဖြစ်ရတဲ့အကြောင်း ရင်းက သင်ရိုးညွှန်းတမ်းတွေက ခေတ်နဲ့လျော်ညီခြင်း မရှိတော့ တာပဲ ဖြစ်ပါတယ်။ လက်ရှိ ပြဋ္ဌာန်းသင်ကြားနေတဲ့ သင်ရိုးညွှန်းတမ်းတွေမှာ ရေးခြင်း၊ ဖတ်ခြင်းနှစ်ခုကိုသာ အဓိကထား သင်ကြားပေးနေတာ တွေ့ပါတယ်။ ဒါပေမဲ့ ကျောင်းသားတွေအနေနဲ့ အဓိကထားသင်ပေးနေတဲ့ skill နှစ်ခုကိုတောင် တတ်မြောက်အသုံးချနိုင်စွမ်း နိမ့်ပါးနေကြတာကို အားလုံးအသိဖြစ်ပါလိမ့်မယ်’’ဟု ဒေါ်ထုမေက ပြောသည်။

ထို့ကြောင့် ကျောင်းသား၊ ကျောင်းသူများအနေဖြင့် အထက်တန်းပြီးဆုံးချိန်တွင် အင်္ဂလိပ်ဘာ သာဖြင့် ရေးသားခြင်း၊ ဖတ်ခြင်း၊ နားထောင် နားလည်နိုင်ခြင်း၊ ပြောဆိုဆက်သွယ်နိုင်ခြင်းတို့ကို သင့်တော်သော အတိုင်းအတာ တစ်ခုအထိ လုပ်နိုင်သော အရည် အသွေးရှိရေး စီစဉ်သင်ကြားပေး ရန် တိုက်တွန်းကြောင်း ၎င်းက ပြောသည်။

ဒေါ်ထုမေ တင်သွင်းသည့် အဆိုကို လက်ခံဆွေးနွေးမည့် လွှတ်တော်ကိုယ်စားလှယ်များရှိ ပါက အမည်စာရင်း ပေးပို့နိုင် ကြောင်း လွှတ်တော်ဥက္ကဋ္ဌ မန်း ဝင်းခိုင်သန်းက ကြေညာခဲ့သည်။