မေရီချက်ပ်မင်းနားမကြား ကလေးများကျောင်းသို့ တရုတ်သံရုံးက ကျပ်သိန်း ၆၀၀ လှူဒါန်း

တရုတ်သံရုံးတာဝန်ရှိသူများက မေရီချက်(ပ်)မင်း နားမကြားကျောင်းတွင် လှူဒါန်းမှု မှတ်တမ်းရေးထိုးနေစဉ်(ဓာတ်ပုံ − ယုဝေ)

 မေရီချက်ပ်မင်းနားမ ကြားသော ကလေးများကျောင်း သို့ မြန်မာနိုင်ငံဆိုင်ရာ တရုတ် ပြည်သူ့သမ္မတနိုင်ငံသံရုံးက ကျပ်သိန်း ၆၀၀ လှူဒါန်းရာ လှူဒါန်းပွဲကို နိုဝင်ဘာ ၁၄ ရက်က အဆိုပါကျောင်းတွင် ကျင်းပခဲ့သည်။

ဆန်၊ ဆီ၊ ဆား၊ ငရုတ်၊ ကြက်သွန်၊ အသားနှင့် အသီးနေ့စဉ်သုံး ပစ္စည်းများ ကျောပိုးအိတ်၊ စောင်အစရှိသည်တို့ကို ၁၂ လ တိုင် City Mart မှတစ်ဆင့် လှူဒါန်းမည်ဖြစ်ပြီး စုစုပေါင်းတန်ဖိုးကျပ်သိန်း ၆၀၀ ရှိသည်။


‘‘လွန်ခဲ့တဲ့လတွေက ဘဏ္ဍာ ရေးအခက်အခဲရှိခဲ့ပါတယ်။ အဲဒါ ကြောင့် ဘုရားသခင်ကိုပဲ ဆု တောင်းရတယ်။ ကူညီပါပေါ့ နော်။ ဘဏ္ဍာရေးနဲ့ ပတ်သက်ပြီး ပုံမှန်တာဝန်ယူထားတဲ့ အဖွဲ့အ စည်းမရှိပါဘူး။ အခုလို လှူဒါန်းတဲ့သူပေါ်ပေါက်လာတာ အရမ်း ကျေးဇူးတင်ရပါတယ်’’ ဟု ကျောင်းအုပ်ဆရာမကြီး ဒေါ်ညွန့် ညွန့်သိန်းက ပြောသည်။

ကျောင်းအိပ်၊ ကျောင်းစား ကလေးများကို တစ်လလျှင် စား စရိတ် ကျပ်တစ်သောင်းခွဲနှင့် ကျောင်းစရိတ် ငါးထောင်ကျပ် ကောက်ခံသော်လည်း ကျောင်း သားဦးရေထက်ဝက်ခန့်သည် ကျောင်းလခ ပုံမှန်မပေးနိုင်ဟု၎င်းက ဆိုသည်။

ကျောင်းက နံနက်စာနှင့် ည နေစာ၊ ညစာအတွက် နို့ဆန်ပြုတ် တာဝန်ယူကျွေးမွေးပြီး နေ့လယ်စာအတွက် အလှူရှင်များ၏ ကျွေးမွေးမှုများရှိသည်ဟု ဒေါ်ညွန့်ညွန့်သိန်းက ပြောသည်။

‘‘ဒီကျောင်းမှာ လိုအပ်ချက် တွေရှိတယ်ဆိုတာကို ကြားသိရ တယ်။ အဲဒါကြောင့်လည်း ဒီလို လှူဒါန်းရတာပါ။ လှူဒါန်းခွင့်ရ တဲ့အတွက်လည်း ၀မ်းသာဂုဏ်ယူ မိပါတယ်’’ဟု မြန်မာနိုင်ငံဆိုင်ရာ တရုတ်သံအမတ်ကြီး မစ္စတာ ဟုန် လျန်က ပြောသည်။

အဆိုပါကျောင်းတွင် ကျောင်းအိပ်၊ ကျောင်းစားကလေး ၂၀၃ ဦး၊ အိမ်မှ နေ့စဉ်ကျောင်းလာတက် သူ ၁၅၄ ဦး၊ စုစုပေါင်း ၃၅၇ ဦးရှိ သည်။ ဆရာ၊ ဆရာမအင်အား ၃၉ ဦးရှိပြီး အခြားဝန်ထမ်း ၂၀ ဦးရှိသည်။

မေရီချက်ပ်မင်းနားမကြား ကလေးများ ကျောင်းသည် ကလေးငယ်များကို အသက် (၆ )နှစ်ကစတင်လက်ခံပြီး ကျောင်းစာစိတ်ဝင်စားသည့် ကလေးများအတွက် အထက (၃) ဒဂုံမြို့နယ် နှင့် ချိတ်ဆက်၍ အထက်တန်း ဆက်တက်နိုင်ရန် ကူညီပေးနေသည်။ ထို့အပြင် အသက်မွေး ၀မ်းကျောင်းပညာရပ်သင်ကြား လိုသည့် ကျောင်းသားများအတွက်မုန့်ဖုတ်၊ စက်ပြင်၊ လျှပ်စစ်ပစ္စည်းပြင်ဆင်ခြင်းအစရှိသည့် သင်တန်းများ ဖွင့်လှစ်သင်ကြားပေးနေ သည်။

အဆိုပါကျောင်းကို ၁၉၂၀ ပြည့်နှစ်က စတင်ဖွင့်လှစ်ခဲ့ပြီး သတ္တမတန်းအထိ သင်ကြားပေးနေသည်။