အလုပ်သမားတစ်ဦး၏ တစ်ရက်တာ ကုန်ကျစရိတ် ၂ နှစ်အတွင်း ကျပ် ၁,၅၀၀ ခန့် ပိုလာဟု စစ်တမ်းတစ်ခုဖော်ပြ

အလုပ်သမားတစ်ဦး၏ တစ်ရက်တာ ကုန်ကျစရိတ်သည် ၂ နှစ်အတွင်း ကျပ် ၁,၅၀၀ ခန့် ပိုလာကြောင်း မြန်မာနိုင်ငံစက်မှု လက်မှုနှင့် ၀န်ဆောင်မှုလုပ်ငန်း ပေါင်းစုံ အလုပ်သမားသမဂ္ဂများ အဖွဲ့ချုပ်(MICS) ဒုတိယဥက္ကဋ္ဌ ဦးနော်အောင်က ပြောသည်။

 MICS က ရန်ကုန်နှင့် မန္တ လေးတိုင်း ဒေသကြီးအတွင်းရှိ ဈေး ၁၂ ဈေးတွင် တစ်လကြာ ကောက်ယူထားသော စားသောက်ကုန်ဈေးနှုန်းကို အခြေခံ၍ အလုပ်သမားများ၏ တစ်ရက်တာကုန် ကျမူကို တွက်ချက်ကာ စားသောက်ကုန်စရိတ် စစ်တမ်းပြုစုခဲ့သည်။


အဆိုပါ စစ်တမ်းအရ တစ် နိုင်ငံလုံးအတိုင်းအတာဖြင့် အ လုပ်သမားတစ်ဦး၏ တစ်ရက်ပျမ်း မျှကုန်ကျစရိတ်သည် ၅,၇၆၀ ကျပ်ရှိပြီး ၂၀၁၅ ကကောက်ယူခဲ့ စဉ်က ၄,၅၀၀ ကျပ်ခန့်သာရှိ၍ ၂ နှစ်အတွင်း တစ်ရက်တာကုန်ကျ စရိတ် ၁,၅၀၀ ကျပ်ခန့်ပို၍ ကုန်ကျလာခြင်းဖြစ်သည်။  

‘‘ဒီစစ်တမ်းကို မကြာခင်မှာ ပဲ အစိုးရဆီကို ကျွန်တော်တို့တင် ပြသွားပါမယ်။ ဒီဇင်ဘာမှာပြု လုပ်မယ့် အနည်းဆုံးအခကြေး ငွေသတ်မှတ်ရေး ဖိုရမ်မှာလည်း ဒီအချက်အလက်တွေကို အခြေခံ ပြီး ကျွန်တော်တို့ဆွေးနွေးပါမယ်’’ ဟု ၎င်းကဆိုသည်။

 လက်ရှိကောက်ယူထား သော စစ်တမ်းတွင် မိသားစုအ လိုက် ကုန်ကျမှုများကိုထည့်သွင်း ထားခြင်း မရှိသောကြောင့် အ လုပ်သမားများ အမှန်တကယ် ကုန်ကျနေမှုသည် စစ်တမ်းဖော်ပြ ချက်ထက် ပိုနိုင်သည်ဟု ၎င်းက ဆိုသည်။

ရွှေပြည်သာစက်မှုဇုန်မှ အ ထည်ချုပ်အလုပ်သမား မဇင်မာ ခိုင်က တစ်ရက်တာကုန်ကျစရိတ် ကို အတိအကျမမှတ်သားထား သော်လည်း ကျပ် ၅,၀၀၀ အ ထက်တွင်ရှိနေသည်ဟု ယူဆ ကြောင်း ပြောသည်။

‘‘သားရေး၊ နာရေး၊ ကျန်းမာ ရေးကိစ္စတွေရှိတဲ့ရက်မျိုးတွေဆို ရင် ပိုကုန်တယ်’’ ဟု ၎င်းကဆိုသည်။

အလုပ်သမားများက လက် ရှိလုပ်ခလစာ တစ်ရက်ကျပ် ၃,၆၀၀သတ်မှတ်ထားရာမှ ကျပ် ၅,၆၀၀ အထိ တိုးမြှင့်သက်မှတ်ပေးရန် တောင်းဆိုထားသည်။

အနည်းဆုံးအခကြေးငွေ ပြင်ဆင်သတ်မှတ်ရေးအတွက် ဒီဇင်ဘာတွင် ဖိုရမ်တစ်ခုပြုလုပ် ၍ အဆိုပြုနှုန်းထားတစ်ခု ရွေး ချယ်နိုင်ရန် အစိုးရကစီစဉ်နေ သည်။

လက်ရှိအချိန်တွင် တိုင်း ဒေသကြီးနှင့် ပြည်နယ်များမှ တစ် ရက်လုပ်ခအဆိုပြုနှုန်းကို အနည်း ဆုံးကျပ် ၄,၀၀၀ မှ အများဆုံး ကျပ် ၆,၄၀၀ အကြား သတ်မှတ် ပေးရန် အနည်းဆုံးအခကြေးငွေ သတ်မှတ်ရေးဆိုင်ရာ အမျိုးသား ကော်မတီသို့ တင်ပြထားသည်။

Top News