အွန်လိုင်းမှ တရားဝင်ဈေးရောင်းဝယ်မှုအတွက် အဆင်သင့်ဖြစ်ပြီလား

အင်တာနက်အသုံးပြုသူ သန်း ၃၀ ခန့်ရှိသည်ဟု ခန့်မှန်းထားသည့် မြန်မာနိုင်ငံတွင် ဖေ့စ်ဘွတ်ခ်အသုံးပြုသူ ၁၁ သန်းကျော်သို့ရောက်ရှိလာသည့်အခါ အွန်လိုင်းအခြေပြုကုန်ပစ္စည်းရောင်းချသည့် နယ် ပယ်၌ f commerce ဟူသောအ သုံးအနှုန်းတစ်ခု ထွက်ပေါ်လာ သည်။ ကမ္ဘာပေါ်တွင် အသုံးပြု သည့် e commerce (အီလက်ထ ရွန်နစ်ကုန်သွယ်ရေး) ဟူသော စကားလုံးကို f commerce (ဖေ့စ် ဘွတ်ခ်ကုန်သွယ်ရေး) ဟူ၍ မြန်မာနိုင်ငံက သရော်ကာ ပြောင်းလဲခေါ်ဝေါ်ခဲ့ခြင်းဖြစ်သည်။

ဖေ့စ်ဘွတ်ခ်မှ ကုန်ပစ္စည်း ရောင်းချသည့် ခေတ်သစ်ဈေးဆိုင် များ ၂၀၁၅ နောက်ပိုင်းများပြား စွာ ပေါ်ထွက်လာသည်။ e comm-erce ပလက်ဖောင်းတစ်ခုကို အကောင်အထည်ဖော်ဆောင်နေ သည့် Zawgyi Mart ၏စစ်တမ်း အရ မြန်မာနိုင်ငံတွင် ဖေ့စ်ဘွတ်ခ်အသုံးပြု၍ ကုန်ပစ္စည်းရောင်းချသူ သုံးထောင်ကျော် ရှိသော်လည်း ဝက်ဘ်ဆိုက်တည်ထောင်၍ စနစ်တကျ e commerce လုပ်ကိုင်နေ သူအရေအတွက်သည် ၁၀ ဦး ထက်ပင် နည်းနေသေးသည်ဟု ဆိုသည်။

အွန်လိုင်းအခြေပြု ကုန် ပစ္စည်းရောင်းချရမှုအခြေအနေ တွင် e commerce ပလက်ဖောင်း ပေါ်မှ ရောင်းချနိုင်မှုသည် ၁၀ ရာ ခိုင်နှုန်းပင်မပြည့်သော်လည်း ဖေ့စ်ဘွတ်ခ်ပေါ်မှ ကုန်ပစ္စည်းရောင်းချ မှုအခြေအနေသည် ၉၀ ရာခိုင်နှုန်း နှင့်အထက်ရှိနေသည်ဟု စစ်တမ်း က ဆိုသည်။

တစ်နိုင်တစ်ပိုင် စီးပွားရေး အနေဖြင့် သော်လည်းကောင်း၊ ခေတ်သစ်စီးပွားရေးအနေဖြင့် သော်လည်းကောင်း ဖေ့စ်ဘွတ်ခ် ပေါ်၌ ကုန်ပစ္စည်းရောင်းချသည့် အရောင်းဆိုင်များ ပေါများလာ ခြင်းသည် အစိုးရသစ်အကောင်အ ထည်ဖော်ဆောင်နေသည့် Digital Economy (ဒစ်ဂျစ်တယ်စီးပွား ရေး) ကို တစ်ဖက်တစ်လမ်းက အ ထောက်အကူဖြစ်စေခဲ့သည်။

သို့သော် ဥပဒေ၊ နည်းဥပဒေ နှင့် စည်းမျဉ်းစည်းကမ်းများ တိကျ ခိုင်မာစွာ ပြဋ္ဌာန်းနိုင်ခြင်းမရှိသေး သည့် အချိန်တွင် ဖေ့စ်ဘွတ်ခ်ကုန် ပစ္စည်းအရောင်းဆိုင်များနှင့် စား သုံးသူများအကြား အငြင်းပွားဖွယ် ဖြစ်လာသည်။ ဖေ့စ်ဘွတ်ခ်ပေါ်၌ ကုန်ပစ္စည်းရောင်းချသူများကိုယ် တိုင်ကပင် ဈေးကွက်အတွင်း ကြော်ငြာပစ္စည်းနှင့် အိမ်အရောက် ပေးပို့သည့်ပစ္စည်းသည် အရည်အ သွေးကွာခြားမှုများရှိနေသည်ဟု ဝန်ခံပြောကြားမှုအချို့ရှိသည်။

ပုံမှန်ရောင်းချသည့် အဝတ် အထည်နှင့် စက်ပစ္စည်းများတွင် အရည်အသွေးကွာဟမှုသည် အန္တ ရာယ်အဆင့်မဟုတ်သော်လည်း စားသောက်ကုန်၊ အလှကုန်နှင့် ဆေးဝါးတို့ကို အရည်အသွေးစစ် ဆေးထားခြင်းမရှိဘဲ စားသုံးသူဆီ အရောက်ပို့ဆောင်ခြင်းသည် ပြဿနာကြီးမားသည်ဟု Rocket အွန်လိုင်းစတိုးမှ ကိုအောင်ထွန်း မြတ်က ပြောသည်။

ပြီးခဲ့သည့် အောက်တိုဘာ ၁၁ ရက်က အွန်လိုင်းမှ ဈေးရောင်း နေသူများအကြား အထူးလှုပ်ခတ် ခဲ့သော သတင်းတစ်ပုဒ် ပေါ်ထွက် ခဲ့သည်။

အောက်တိုဘာ ၁၁ ရက်တွင် ကျင်းပသည့် ရန်ကုန်တိုင်းဒေသ ကြီးလွှတ်တော်၌ စီမံကိန်းနှင့် ဘဏ္ဍာရေးဝန်ကြီး (ရန်ကုန်တိုင်း) ဦးမြင့်သောင်းက တရားဝင်လိုင် စင်မရှိ၊ ခွင့်ပြုချက်မရှိဘဲ စား သောက်ကုန်၊ အလှကုန်နှင့် ဆေး ဝါးများ အွန်လိုင်းပေါ်မှ ရောင်းချ နေခြင်းကို အရေးယူမည်ဟု ပြော ကြားခဲ့သော သတင်းကြောင့်ဖြစ် သည်။

အကြောင်းပြချက်သည် နိုင်ငံတော်အတွက် အခွန်ငွေနစ်နာစေ ခြင်းနှင့် စားသုံးသူအခွင့်အရေး အ ကာအကွယ်မရှိခြင်းကြောင့် ဖြစ် သည်။ ‘‘ဒါက ဝါးလုံးရှည်ကြီးနဲ့ ယမ်းလို့ရတဲ့ကိစ္စမဟုတ်ဘူး။ ဘူး သီးကို အမွေးသပ်လိုက်သလိုမျိုး လည်း မဖြစ်စေချင်ဘူး’’ဟု မြန်မာ နိုင်ငံကွန်ပျူတာလုပ်ငန်းရှင်အ သင်း ဒုတိယဥက္ကဋ္ဌ ဦးမျိုးမြင့်ထွန်း က ပြောကြားသည်။

ဖွံ့ဖြိုးဆဲအဆင့်သာရှိသည့် ခေတ်သစ်အွန်လိုင်းကုန်ပစ္စည်း ရောင်းချသော ဈေးကွက်ကို အစိုး ရက အရေးယူမည်ဟု ယေဘုယျ ဆန်စွာ ထုတ်ပြန်ပြောဆိုခြင်းအ ပေါ် ပညာရှင်များနှင့် အသေးစား လုပ်ငန်းရှင်များက ရှင်းရှင်းလင်း လင်း နားလည်သဘောပေါက်လို သည်။

‘‘ထွန်းပေါက်အောင်လုပ် ပေးမှာလား။ အခွန်ဆိုတာကြီး၊ ထောင်ဒဏ်ဆိုတာကြီးနဲ့ လိုက်ပြီး တော့ ရိုက်ချိုးနေမှာလား။ အဲဒါကို မသဲကွဲဘူး’’ဟု ရန်ကုန်တိုင်းဒေသ ကြီး ကွန်ပျူတာပညာရှင်အသင်း အတွင်းရေးမှူး ဦးထွန်းမြင့်နောင် က ပြောသည်။

အွန်လိုင်းပေါ်တွင် အရောင်း အဝယ်ပြုလုပ်ခြင်းကို တရားဝင် လုပ်ကိုင်လိုပါက ပြည်ပမှ တရား ဝင် တင်သွင်းလာသည့် ကုန်ပစ္စည်းဖြစ်ရန်လိုအပ်ကြောင်း၊ အစားအ သောက်နှင့် ဆေးဝါးကွပ်ကဲရေး ထောက်ခံချက်အပြင် စည်ပင်သာ ယာရေးကော်မတီထံမှ လုပ်ငန်း လိုင်စင်လိုအပ်ကြောင်း ဝန်ကြီး ဦးမြင့်သောင်းက ဆိုသည်။

‘‘ကျွန်တော်တို့ ပစ္စည်းသွင်း တယ်။ အဲဒီပေါ်မှာ အစစ်ဆေးခံ ပြီး အခွန်ဆောင်ထားတယ်’’ဟု ကိုအောင်ထွန်းမြတ်က ပြော သည်။ အွန်လိုင်းပေါ်မှ ကုန်ပစ္စည်းရောင်းချသူအချို့သည် ကိုယ်ပိုင် အနေဖြင့် လက်တွေ့နယ်ပယ်တွင် အရောင်းဆိုင်များ ပိုင်ဆိုင်ထားပြီး အရောင်းဆိုင်မှ ကုန်ပစ္စည်းများ ကို အွန်လိုင်းပေါ်၌ ထပ်မံရောင်းချ ခြင်းဖြစ်သည်ဟု လရိပ်မေမေ အွန်လိုင်းစတိုးမှ မသိမ့်က ပြောသည်။

သို့သော် ဖေ့စ်ဘွတ်ခ်ပေါ် တွင် ကုန်ပစ္စည်းရောင်းချသူတိုင်း စည်ပင်လိုင်စင်ကို ပိုင်ဆိုင်ထားသူ များမဟုတ်ပေ။ အွန်လိုင်းပေါ်၌ ကုန်ပစ္စည်းရောင်းချသူများက စည်ပင်လိုင်စင်ပြုလုပ်လိုသော်လည်း လိုင်စင်လျှောက်ထားရန် လိုအပ် ချက်သည် အွန်လိုင်းအရောင်းဆိုင် ရပ်တည်ချက်နှင့် ခြားနားသည်။

‘‘စည်ပင်လိုင်စင်က တချို့ မြို့နယ်တွေဆိုရင် ပေးတယ်။ တချို့မြို့နယ်တွေက မပေးဘူး။ အွန်လိုင်းအတွက် သူတို့မှာ ပေါ်လ စီမရှိဘူး။ အင်္ဂါရပ်တွေ၊ စည်းမျဉ်း စည်းကမ်းတွေ မရှိဘူးလေ’’ဟု Zawgyi Mart မှ ဦးဇော်မင်းအောင်က ပြောသည်။

ဥပဒေ၊ နည်းဥပဒေနှင့် စည်း မျဉ်းစည်းကမ်းများကို အစိုးရနှင့် လွှတ်တော်က စနစ်တကျပြဋ္ဌာန်း နိုင်ခြင်းမရှိပါက တရားဝင်အနေ ဖြင့် အွန်လိုင်းကုန်ပစ္စည်းအရောင်း ဆိုင်များ ရပ်တည်ရန် မဖြစ်နိုင် ကြောင်း ဦးမင်းဇော်အောင်က ပြောသည်။ အလားတူ အခွန် ကောက်ခံမှုကို အစိုးရအနေဖြင့် စိစစ်လုပ်ဆောင်နိုင်မည် မဟုတ် ကြောင်း ၎င်းက ဆက်လက် ပြော ကြားသည်။

အစိုးရက ဖေ့စ်ဘွတ်ခ်ပေါ် တွင် လည်ပတ်နေသည့် ငွေကြေး ပမာဏကို တိုင်းတာကာ အခွန်ငွေ ကောက်ခံရန် စဉ်းစားနေခြင်းသည် မဖြစ်နိုင်ကြောင်း အွန်လိုင်းပေါ်မှ ကုန်ပစ္စည်းရောင်းချသူများက ပြောသည်။ အွန်လိုင်းပေါ်မှ ကုန် ပစ္စည်းရောင်းချသည့် ဈေးကွက်ကိုအခွန်ကောက်ခံရန် ထိန်းချုပ်လို ပါက e commerce potal တစ်ခု (သို့မဟုတ်)ပလက်ဖောင်းတစ်ခု ကို ဥပဒေ၊ နည်းဥပဒေများနှင့်အ ညီ လုပ်ကိုင်ခွင့်ပြုရန် လိုအပ် ကြောင်း အွန်လိုင်းကုန်သွယ်ရေး နှင့်ပတ်သက်၍ လေ့လာထားသူ များက ပြောသည်။

လက်တွေ့၌ အွန်လိုင်းပေါ် တွင် ကုန်ပစ္စည်းရောင်းချသည့် လုပ်ငန်းကို ပြည်ပမှ ဝင်ရောက် လာသည့် ရင်းနှီးမြှုပ်နှံမှုများပြား သော ဝက်ဘ်ဆိုက်များက သိမ်း ပိုက်ထားသည်။ ပြည်တွင်းမှ StartUp အချို့ ဈေးကွက်အတွင်း ထိုး ဖောက်ဝင်ရောက်သော်လည်း ယှဉ်ပြိုင်နိုင်စွမ်းမရှိပေ။

အရင်းအနှီးအရ ပြည်ပမှ ဝင်ရောက်လာသည့် e commerceဝက်ဘ်ဆိုက်များကို ယှဉ်ပြိုင်နိုင် ခြင်းမရှိသော်လည်း အစိုးရအနေ ဖြင့် ပြည်တွင်းမှ Start Up များအ ပေါ် ကာကွယ်ရပ်တည်ပေးပါက အောင်မြင်လာဖွယ်ရှိကြောင်း ကွန် ပျူတာပညာရှင်အချို့က အကြံပြု သည်။

‘‘တရုတ်ပြည်စီးပွားရေးတိုး တက်လာတာ e-commerce ကြောင့်လည်း ပါတယ်’’ဟု ဦးမျိုး မြင့်ထွန်းက ပြောသည်။ အစိုးရ အနေဖြင့် အခွန်ငွေမရရှိခြင်းနှင့် စားသုံးသူနစ်နာမှုကို အကြောင်းပြု၍ အီလက်ထရွန်နစ်ကုန်သွယ်ရေး ကို ထိန်းချုပ်လာသည့်အခါ အခြား သောအွန်လိုင်းပေါ်၌ ဆက်နွှယ်နေ သည့် စီးပွားရေးလုပ်ငန်းများ ထိ ခိုက်နစ်နာလာမည်ကို ၎င်းက စိုး ရိမ်နေသည်။

e commerce လုပ်ငန်းဖွံ့ဖြိုး တိုးတက်ရန် အိမ်နီးချင်းနိုင်ငံအချို့တွင် သီးခြားဥပဒေများ ပြဋ္ဌာန်းထားပြီး အချို့နိုင်ငံများတွင်မူ ပြဋ္ဌာန်းထားခြင်း မရှိသော်လည်း ဆက်နွှယ်မှုရှိသည့် ဥပဒေများနှင့်ရောနှောကာ ဝန်ဆောင်မှုလုပ်ငန်းလည်ပတ်နိုင်ရန် ဆောင်ရွက်ထားသည်။

မြန်မာနိုင်ငံတွင်လည်း e commerce ဝန်ဆောင်မှုလုပ်ငန်း ကို ထိန်းချုပ်ရန် Electronic Transaction Law ကို ပြဋ္ဌာန်းပြီး ဖြစ်သော်လည်း ပြည့်စုံခြင်းမရှိခဲ့ ပေ။ အဆိုပါဥပဒေကို လွှတ်တော် တွင် တစ်ကြိမ်ပြင်ဆင်ခဲ့ပြီးဖြစ် သော်လည်း e commerce ဝန် ဆောင်မှုအတွက် သင့်တော်သည့် အချက်အလက်များကို ပြင်ဆင် ဖြည့်စွက်ခဲ့ခြင်းမရှိကြောင်း မြန်မာ နိုင်ငံ ကွန်ပျူတာအသင်းချုပ်အ တွင်းရေးမှူး ဦးဇော်မင်းဦးက ပြောသည်။ ထို့ပြင် အွန်လိုင်းအခြေပြု ကုန်ပစ္စည်းရောင်းချသည့် ဝန် ဆောင်မှုလုပ်ငန်းများအတွက် အ သိအမှတ်ပြုလက်မှတ်နှင့် ပတ် သက်သည်များ၊ ငွေပေးချေခြင်း၊ ကုန်စည်စီးဆင်းခြင်းနှင့် သက်ဆိုင်သည့် အချက်အလက်များ ဖြည့်သွင်းရန် အရပ်ဘက်အဖွဲ့အစည်း များနှင့် ကွန်ပျူတာပညာရှင်များ က ကြိုးစားသော်လည်း အောင်မြင်ခြင်းမရှိခဲ့ပေ။

တရားမဝင်တင်သွင်းရောင်း ချသည့် Online Shopping များကို ဥပဒေအရ ထိန်းချုပ်မည့် အစီအ စဉ်နှင့်ပတ်သက်၍ Online မှ ပစ္စည်းများဝယ်လေ့ရှိသူ သင်္ဃန်း ကျွန်းမြို့နယ်မှ မသက်နှင်းထွေးက ‘‘Online Shopping သဘောတ ရားက ပစ္စည်းရောက်မှ ငွေရှင်းရ တာ။ တချို့ ငွေကြိုရှင်းရတဲ့ဟာ တွေဆိုရင်တော့ ဥပဒေထွက်လာ ရင် ပိုအဆင်ပြေလိမ့်မယ်။ ဝယ်သူ က ပစ္စည်းမှာပြီး မယူဘဲ ရှောင်နေ တာမျိုး၊ ရောင်းသူက ငွေယူပြီး ရှောင်နေတာမျိုးတွေ ဥပဒေအရ ဖြေရှင်းလို့ ရတာပေါ့။ အဓိက က တော့ ဥပဒေရှိလာရင် ဗရုတ်သုတ် ခ Online Shopping တွေ စစ်လို့ရ တာပေါ့။ တစ်ခုခုမှားယွင်းခဲ့ရင် လည်း ဥပဒေအရ ရင်ဆိုင်လို့ရ တယ်လေ’’ဟု မှတ်ချက်ပြုသည်။

သို့သော် တစ်ဖက်တွင်လည်း လိုင်စင်များဖြင့် တရားဝင်လုပ် ကိုင်စေလျှင် ဝယ်ယူသူဘက်မှ အခွန်နှင့် အပိုကုန်ကျစရိတ်များ ထပ်ဆောင်းပေးရနိုင်သည့်အခြေအနေများ ဖြစ်လာနိုင်ကြောင်း တောင်ဒဂုံမြို့နယ်မှ   မဓာတုက ပြောသည်။

အွန်လိုင်းပေါ်မှ တရားမဝင် ရောင်းချနေသည်များကို တရားဝင်ဖြစ်အောင် အစိုးရအနေဖြင့် ဆောင်ရွက်ပေးရန် အစီအစဉ်ရှိ၊ မရှိ မေးမြန်းခဲ့သည့်ရန်ကုန်တိုင်း ဒေသကြီးလွှတ်တော်ကိုယ်စား လှယ် ဦးသန်းနိုင်ဦးက အွန်လိုင်း ပေါ်မှ ကုန်ပစ္စည်းရောင်းချနေသူ များနှင့်ပတ်သက်၍ အသင်းအဖွဲ့ ပေါ်ပေါက် လာစေလိုကြောင်း ပြောသည်။

အွန်လိုင်းပေါ်၌ ကုန်ပစ္စည်း ရောင်းချခြင်းကို အရေးယူခြင်းနှင့် ပြန်လည်စိစစ်ခြင်းများပြုလုပ်ပါက ရန်ကုန်တိုင်းဒေသကြီးတစ်ခု တည်းအနေဖြင့် လုပ်ဆောင်ခြင်း ထက် ပြည်ထောင်စုအဆင့်အနေ ဖြင့် တစ်နိုင်ငံလုံးအတိုင်းအတာ ညီတူညီမျှဖြစ်လာစေချင်သည်ဟု လုပ်ငန်းလည်ပတ်လုပ်ကိုင်နေသူများက ဆိုကြသည်။

ဖေ့စ်ဘွတ်ခ်အသုံးပြု၍ ကုန် ပစ္စည်းရောင်းချနေသူများ၏ဘုံသ ဘောတူညီချက်သည် တရားမဝင် သော ဆေးဝါးများနှင့် အလှကုန် များရောင်းချနေမှုကို ဖမ်းဆီးအ ရေးယူစေလိုသော်လည်း တရား ဝင်တင်သွင်းလာသည့် ကုန်ပစ္စည်း များ အွန်လိုင်းတင်၍ ရောင်းချနေ သည့် ဈေးကွက်ကို ထိခိုက်စေလို ခြင်းမရှိပေ။

အွန်လိုင်းအခြေပြု ကုန် ပစ္စည်းရောင်းချမှုကို တရားဝင်ဖြစ် စေရန် အခွန်ပေးဆောင်လိုသော်လည်း အစိုးရထံ မည်သည့်နည်းလမ်းဖြင့် ပေးဆောင်ရမည်ကို  မသိရှိကြပေ။ အခွန်ကောက်ခံမှုတွင်လည်း စီးပွားဖြစ်လုပ်ငန်းနှင့် မိသားစုတစ်နိုင်တစ်ပိုင်စီးပွားရေး ခွဲခြားကောက်ခံပေးစေလိုကြောင်း အွန်လိုင်းစတိုးလုပ်ကိုင်နေသူ မနန်းစုစန္ဒီဟန်က ပြောသည်။

လက်ရှိအချိန်တွင် အစိုးရအ နေဖြင့် အွန်လိုင်းအခြေပြုကုန် ပစ္စည်းရောင်းချနေမှုများကို စိစစ် အရေးယူမည်ဟု ထုတ်ပြန်ပြော ဆိုခဲ့သော်လည်း မည်သည့်နည်း လမ်းဖြင့် အရေးယူဆောင်ရွက် မည်၊ မည်သည့်နည်းလမ်းဖြင့် တရားဝင်ဖြစ်စေရန် ဆောင်ရွက် ပေးမည်ကို သဲသဲကွဲကွဲပြောဆို ထားခြင်းမရှိသည့်အတွက် ဖေ့စ် ဘွတ်ခ်ပေါ်မှ ကုန်ပစ္စည်းရောင်းချ သူများသည် ဈေးမရောင်းရသည့် နယ်မြေတွင် ဈေးရောင်းချသည့် လမ်းဘေးဈေးသည်များကဲ့သို့သာ ဖြစ်နေမည်ဟု ဦးထူးမြင့်နောင်က ပြောသည်။

Top News