တာလီဘန်တို့ ၅ နှစ်ကြာ ဖမ်းဆီးထားသည့် အမေရိကန်နှင့် ကနေဒါ စုံတွဲကို ပါကစ္စတန်စစ်တပ် ကယ်တင်

အာဖဂန်နစ္စတန် တာလီဘန်များ ဖမ်းဆီးထိန်းသိမ်းခြင်းကို ခံထားရသည့် အမေရိကန်နှင့် ကနေဒါ စုံတွဲကို သားသမီးများနှင့်အတူ ပါကစ္စတန် စစ်တပ်က ၅ နှစ်အကြာတွင် ကယ်တင်နိုင်ခဲ့ကြောင်း သိရသည်။

ကနေဒါ နိုင်ငံသား ဂျိုရှူအာဘွိုင်းလ်နှင့် အမေရိကန်သူ ဇနီးသည် ကိုင်တလန် ကိုးလ်မန်းတို့သည် ၂၀၁၂ က အာဖဂန်တွင် တောင်တက်ခရီး ထွက်ခွာသွားစဉ် တာလီဘန်များ၏ ဖမ်းဆီးခြင်းကို ခံခဲ့ရသည်။ တာလီဘန်တို့၏ အကျဉ်းသား ဘဝတွင် ၎င်းတို့သည် သားသမီး သုံးဦး ထွန်းကားခဲ့သည်။

ယခုအခါ အိမ်နီးချင်း ပါကစ္စတန်နိုင်ငံ၏ စစ်တပ်က မိသားစုဝင် ငါးဦးလုံးကို အောင်မြင်စွာ ကယ်ဆယ်နိုင်ခဲ့ခြင်း ဖြစ်သည်။

အာဖဂန်နှင့် နယ်စပ်အနီးတွင် အမေရိကန်က ထောက်လှမ်းရေး အချက်အလက်များ ပံ့ပိုးကူညီမှုဖြင့် ဆင်နွှဲသော စစ်ဆင်ရေး တစ်ရပ်အတွင်း ပါကစ္စတန် စစ်တပ်က ဘွိုင်းလ်နှင့် ကိုးလ်မန်းတို့ မိသားစုကို ရှာတွေ့ခဲ့ခြင်း ဖြစ်သည်။

အမေရိကန် သမ္မတ ဒေါ်နယ်လ်ထရမ့်က ပါကစ္စတန် စစ်တပ်၏ စွမ်းဆောင်မှုသည် အမေရိကန်-ပါကစ္စတန် ဆက်ဆံရေးအတွက် ကောင်းမွန်သည့် ကဏ္ဍသစ်တစ်ခုဟု ချီးကျူးခဲ့သည်။

အိမ်ဖြူတော်က “မစ္စကိုးလ်မန်းဟာ အဖမ်းခံထားရတဲ့ ကာလအတွင်း ကလေးသုံးဦး ရခဲ့ပါတယ်။ အခုတော့ သူတို့အားလုံး လွတ်မြောက်လာပါပြီ”ဟု ထုတ်ပြန် ကြေညာခဲ့သည်။ ထို့အပြင် ဒေသတွင်း လုံခြုံရေး ကဏ္ဍကို မြှင့်တင်ရန် အမေရိကန်၏ ဆန္ဒကို ပါကစ္စတန် အစိုးရက လက်တွေ့ကျကျ ပူးပေါင်းပါဝင် ဖြည့်ဆည်းခဲ့ခြင်းအတွက် ဂုဏ်ပြုကြောင်းလည်း အိမ်ဖြူတော်က ထုတ်ပြန်သည်။

တာလီဘန်တို့က အဆိုပါ စုံတွဲကို ပြန်ပေးဆွဲသည့် အနေဖြင့် ဖမ်းဆီးထားပြီး ၎င်းတို့ မိသားစု ဗီဒီယို မှတ်တမ်းများကို ထုတ်ပြခဲ့သည်။ ပြီးခဲ့သည့် ဒီဇင်ဘာလက နောက်ဆုံး ထွက်ပေါ်လာသည့် ဗီဒီယိုထဲတွင်မူ ကိုးလ်မန်းမှာ သားနှစ်ဦး ရှိနေပြီး တတိယ ကိုယ်ဝန် လွယ်ထားသည်ကို တွေ့ရသည်။ ထိုစဉ်က သူမတို့ အနေဖြင့် ယခု အိပ်မက်ဆိုးကြီးကို အမြန်ဆုံး အဆုံးသတ်နိုင်ရန် မျှော်လင့် တောင်းပန်ကြောင်း ကိုးလ်မန်းက ဖွင့်ဟခဲ့သည်။

ဘွိုင်းလ်၏ မိဘနှစ်ပါးက ၎င်းတို့သည် သားဖြစ်သူနှင့် ဖုန်းအဆက်အသွယ် ရခဲ့ကြောင်း အတည်ပြုခဲ့ပြီး ငါးနှစ်အတွင်း ပထမဆုံးအကြိမ်အဖြစ် ၎င်း၏ အသံကို ကြားခွင့်ရသည့်အခါ အလွန် ပျော်ရွှင် တုန်လှုပ်မိကြောင်း ဖွင့်ဟခဲ့သည်။

ဘွိုင်းလ်နှင့် ကိုးလ်မန်း မိသားစုများကလည်း ယခုစစ်ဆင်ရေးတွင် သက်စွန့်ဆံဖျား ကြိုးစား ကယ်တင်ပေးခဲ့သည့် ပါကစ္စတန် စစ်တပ်ကို အထူးတလည် ကျေးဇူးတင်ကြောင်း အသီးသီး ထုတ်ပြန်ခဲ့ကြသည်။

သို့သော် ဘွိုင်းလ်ကို အမေရိကန် ပြန်ခေါ်ရန် တာဝန်ရှိသူများက စီစဉ်ချိန်၌ ၎င်းက လေယာဉ်ပေါ်တက်ရန် ငြင်းဆိုနေဆဲဟု သိရသည်။ ဘွိုင်းလ်သည် အစွန်းရောက် အစ္စလာမ် အမြင်ရှိသူ အမျိုးသမီး တစ်ဦးနှင့်လည်း လက်ထပ်ခဲ့သည့်အတွက် အမေရိကန်နှင့် ကနေဒါ အာဏာပိုင်များက တရားစွဲဆိုမည်ကို စိုးရိမ်နေ၍ဟု Reuters သတင်းဌာနက ဖော်ပြခဲ့သည်။

ကနေဒါ နိုင်ငံခြားရေး ဝန်ကြီး ခရစ္စတီယာ ဖရီးလန်းကမူ လက်ရှိ အချိန်တွင် စုံစမ်းစစ်ဆေးမှု ကိစ္စကို လုံးဝ အာရုံမထားသေးဘဲ ဘွိုင်းလ်၏ မိသားစုအားလုံး ချောချောမောမော ပြန်လည် ရောက်ရှိရေးကိုသာ အလေးထား လုပ်ဆောင်နေကြောင်း မှတ်ချက်ပေး ပြောဆိုထားသည်။

Ref: Reuters

More in World News Section