ကြိုတင်တင်ပြခြင်းမရှိဘဲ အာရှဗုဒ္ဓဘာသာအသင်း ဖွဲ့စည်းခြင်းကို မဟနဆရာတော်များ ပြစ်တင်မိန့်ကြား

နိုင်ငံတော်သံဃမဟာနာယက (မဟန) အဖွဲ့ ထံ ကြိုတင် တင်ပြခြင်းမရှိဘဲ အာရှဗုဒ္ဓဘာသာ အသင်း ဖွဲ့စည်းတည်ထောင်ရန် ဆောင်ရွက်ခဲ့သဖြင့် အသင်း ဖွဲ့စည်းရေးဦးဆောင်ခဲ့သူ ဇေကမ္ဘာဦးခင်ရွှေကို မဟန ဆရာတော်များက ပြစ်တင်မိန့်ကြားရာ ဦးခင်ရွှေက ပြန်လည်တောင်းပန်ခဲ့သည်။

ထို့အပြင် အသင်းဖွဲ့စည်းရေးနှင့်ပတ်သက်၍ လုပ်ထုံးလုပ်နည်းနှင့်အညီတင်ပြကာ အတည်ပြုချက် ရရှိမှသာ ဖွဲ့စည်းနိုင်မည်ဖြစ်ကြောင်း မဟနဥက္ကဋ္ဌ ဗန်း မော်ဆရာတော်က ဆက်လက်မိန့်ကြားလိုက်သည်။

ဥက္ကဋ္ဌ ဗန်းမော်ဆရာတော်အပါအ၀င် မဟန အဖွဲ့ဝင် ဆရာတော်များသည် ရန်ကုန်မြို့ရှိ ကရ၀ိက် နန်းတော်၌ကျင်းပသော အာရှဗုဒ္ဓဘာသာအသင်း တည်ထောင်ခြင်း အခမ်းအနားသို့ ကြွရောက်ခဲ့သော် လည်း အခမ်းအနားအစီအစဉ်များမှာ ကြိုတင်သိရှိ ထားသည့် အခြေအနေနှင့်လွဲချော်နေကြောင်း မိန့် ကြားခြင်းဖြစ်သည်။အခမ်းအနားတွင် ထုတ်ပြန် ထားသည့် အစီအစဉ်အရ အောက်တိုဘာ ၁၂ ရက်၌  အာရှဗုဒ္ဓဘာသာ အသင်း၏ ဖွဲ့စည်းပုံအခြေခံစည်းမျဉ်းကို ဆွေးနွေးအတည်ပြုခြင်း၊ ဥက္ကဋ္ဌနှင့် အတွင်းရေးမှူး ဆရာတော်များ ရွေးချယ်တင်မြှောက်ခြင်းတို့ကို ပြုလုပ်မည်ဖြစ်သည်။

မဟန ဆရာတော်များအနေ ဖြင့် အဆိုပါ အစီအစဉ်များကို ကြိုတင်သိရှိခြင်းမရှိဘဲ မဟနအဖွဲ့၏ သြ၀ါဒကိုခံယူ၍ ဆက်လက်ဆောင်ရွက်မည်ဟုသာ နားလည်ထားကြောင်း မဟန ဒုတိယဥက္ကဋ္ဌ ဆရာတော်က မိန့်ကြားသည်။ ထို့အပြင် အခမ်းအနား တက်ရောက်ရန် ပင့်ဖိတ်မှုကိုလည်း အောက်တိုဘာ ၁၀ ရက်မှသာ လက်ခံရရှိသည်ဟု ဆိုသည်။

‘‘အခြေအနေအရ မပြောမ ဖြစ်လို့ ဒီစကားကို ပြောနေတာ။ မဟာနာယကကိုသာ အလေး ထားတယ်ဆိုရင် စောစောစီးစီး ကြိုတင်ပြီးတော့ ဘယ်လိုလုပ် သင့်သလဲ အကြံဉာဏ်တွေ တောင်းသင့်တယ်’’ ဟု ဒုတိယဥက္ကဋ္ဌ ဆရာတော်က မိန့်ကြား သည်။ သံဃာ့အဖွဲ့အစည်း လုပ် ထုံးလုပ်နည်း၊ စည်းမျဉ်းအရ မဟနအဖွဲ့၏ ၄၇ ပါးစုံညီအစည်း အဝေးမှ အတည်ပြုချက် မရှိဘဲ မည်သည့် သံဃာ့အဖွဲ့အစည်း မျှ ဖွဲ့စည်းခွင့်မရှိကြောင်း ဒုတိယ ဥက္ကဋ္ဌ ဆရာတော်ကမိန့်သည်။

‘‘မြန်မာတွေရော၊ နိုင်ငံခြား သား သံဃာတွေရော ရောထွေး ပြီးတော့ဖွဲ့လို့ မဟာနယကရဲ့ ဆုံး ဖြတ်ချက်ကို လိုက်နာစရာမလို ဘူးလို့ မထင်ပါနဲ့။ နိုင်ငံခြားသား တွေ ဒီမှာ လာဖွဲ့လည်း မြန်မာ နိုင်ငံရဲ့ သံဃာ့အဖွဲ့အစည်းရဲ့ စည်းမျဉ်းနဲ့အညီ လိုက်နာရမှာ ဖြစ်ပါတယ်’’ဟု ဆရာတော်က မိန့်ကြားသည်။

 အာရှဗုဒ္ဓဘာသာအသင်း တည်ထောင်မှုသည် ကောင်းမွန် သည့် လုပ်ရပ်ဖြစ်သော်လည်း လုပ်ထုံးလုပ်နည်းနှင့်ညီညွတ်ရန် လိုအပ်ကြောင်း ဆက်လက်မိန့် ကြားသည်။

ဘာသာရေးဆိုင်ရာ သံဃာ့ အဖွဲ့အစည်းများနှင့်ပတ်သက်၍ နိုင်ငံတော် သံဃမဟာနာယက အဖွဲ့ အခြေခံစည်းမျဉ်းလုပ်ထုံး အပိုဒ် ၃ (က)နှင့် (ခ) တို့တွင် အဖွဲ့အစည်း ဖွဲ့စည်းခွင့်တောင်းခံလာသည့် ဘာသာရေးဆိုင်ရာ သံဃာ့အဖွဲ့အစည်းများကို သံဃမဟာနာယက အဖွဲ့အစည်းအဆင့်ဆင့်၏ ကြီးကြပ်မှုဖြင့် ခွင့်ပြုနိုင်ကြောင်းနှင့် သံဃမဟာနာယကအဖွဲ့ အဆင့်ဆင့်၏ ကြီးကြပ်မှုကို မခံယူသော ဘာသာရေးဆိုင်ရာ သံဃာ့အဖွဲ့အစည်းများကို ခွင့်မပြုရဟု ပြဋ္ဌာန်းထားကြောင်း ဒုတိယဥက္ကဋ္ဌ ဆရာတော်က ဖတ် ကြားရှင်းလင်းသည်။

သံဃမဟာနာယကအဖွဲ့၏ စည်းမျဉ်းနှင့် လုပ်ထုံးလုပ်နည်း များကို သေချာစွာ သိရှိနားလည်မှု မရှိခြင်းနှင့် နားလည်မှုလွဲချော် ခြင်းများရှိသဖြင့် အမှားအ ယွင်းရှိပါက တောင်းပန်ကြောင်း အာရှဗုဒ္ဓဘာသာအသင်း ဖွဲ့စည်း ရေး ဦးဆောင်ကြိုးပမ်းနေသူ ဇေကမ္ဘာဦးခင်ရွှေက ပြန်လည်လျှောက်ထားသည်။

ထိုသို့ ပြန်လည်လျှောက် ထားတောင်းပန်ပြီးနောက် မဟန ဆရာတော်များက အခမ်းအနား ကို မူလစီစဉ်ထားသည့်အတိုင်း ဆက်လက်ကျင်းပရန် ခွင့်ပြုခဲ့ သော်လည်း အာရှဗုဒ္ဓဘာသာ အသင်းဖွဲ့စည်းရေးနှင့်ပတ်သက် ၍ လုပ်ထုံးလုပ်နည်းနှင့်အညီ သံဃမဟာနာယကအဖွဲ့သို့ ပြန် လည်တင်ပြကာ အတည်ပြုချက်ရမှသာ ဖွဲ့စည်းနိုင်မည်ဖြစ်ကြောင်း မိန့်ကြားသည်။

ဦးခင်ရွှေနှင့် ထိုင်းနိုင်ငံသား ဒေါက်တာစူပါချိုင်းဗီရာပူချောင် တို့သည် အာရှဗုဒ္ဓဘာသာအသင်း ဖွဲ့စည်းနိုင်ရေး ပူးတွဲ အလှူရှင်အဖြစ် နားလည်မှုစာချွန်လွှာ ရေးထိုးဆောင်ရွက်နေခြင်း ဖြစ်သည်။

အာရှဗုဒ္ဓဘာသာအသင်း ဖွဲ့ စည်းခြင်းသည် ကမ္ဘာ့ဗုဒ္ဓဘာသာ အဖွဲ့ ဖွဲ့စည်းနိုင်ရေး ပထမခြေ လှမ်းဖြစ်ပြီး အာရှဗုဒ္ဓဘာသာအ သင်း၏ ဥက္ကဋ္ဌအဖြစ် မဟနဥက္ကဋ္ဌ ဗန်းမော်ဆရာတော်အားရွေးချယ် ရန် အခြားနိုင်ငံမှ သံဃာတော် များနှင့် သဘောတူညီမှုရရှိထား ပြီးဖြစ်ကြောင်း ဇေကမ္ဘာဦးခင်ရွှေ က ပြောသည်။

အာရှ ဗုဒ္ဓဘာသာအသင်း ဖွဲ့စည်းရာတွင် မြန်မာအပါအ၀င် အာရှရှိ ထေရ၀ါဒနှင့်မဟာယာန ဗုဒ္ဓဘာသာ ၁၀ နိုင်ငံမှ သံဃာ တော်များပါဝင်ပြီး အောက်တိုဘာ ၁၂ ရက်မှ ၁၃ ရက်အထိ ကျင်းပနေသည့်အသင်း တည်ထောင်ခြင်းအခမ်းအနားသို့လည်း တက်ရောက်လျက်ရှိသည်။

သို့သော် မဟနအဖွဲ့၏ ညွှန် ကြားချက်အရ အာရှဗုဒ္ဓဘာသာ အသင်းကို လတ်တလောတွင် အ တည်ပြုဖွဲ့စည်းနိုင်မည်မဟုတ် ပေ။ အောက်တိုဘာ ၁၃ ရက်တွင် ကျင်းပမည့် အခမ်းအနားသို့ သာ သနာရေးနှင့် ယဉ်ကျေးမှုဝန်ကြီး ဌာန ပြည်ထောင်စုဝန်ကြီး သူရဦးအောင်ကိုနှင့် ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းတို့ တက်ရောက်ရန်ရှိကြောင်း ဦးခင်ရွှေက ပြောသည်။

More in News Section