ဒုဋ္ဌ၀တီမြစ်ဘေးတွင် ဖွင့်လှစ်ထားသော အပန်းဖြေစခန်းများကို တိုင်းအစိုးရက တရားဝင်ခွင့်ပြုထားခြင်း မရှိ

 ပြင်ဦးလွင်မြို့နယ် ဒုဋ္ဌ၀တီမြစ်ဘေးရှိ မြေယာများ ပေါ်တွင် ဖွင့်လှစ်ထားသည့် အ ပန်းဖြေစခန်းများကို မန္တလေး တိုင်းအစိုးရအဖွဲ့က တရားဝင်ခွင့် ပြုထားခြင်း မရှိသေးဘဲ၊ ခွင့်ပြု ချက်မရှိဘဲ လတ်တလောဖွင့်လှစ် နေသည့်အပေါ် ဒဏ်ရိုက်အရေးယူမည်ဟု တိုင်းဒေသကြီးအစိုးရ သယံဇာတနှင့် သဘာဝ ပတ်ဝန်းကျင်ထိန်းသိမ်းရေးဝန်ကြီး ဦးမျိုးသစ်က ပြောသည်။

လက်ရှိ ဖွင့်လှစ်ထားသည့် အပန်းဖြေစခန်းများကို ပုဂ္ဂလိက လုပ်ငန်းရှင်များက ပိုင်ဆိုင်ပြီး ၎င်းတို့ပိုင်မြေပေါ်တွင် တည် ဆောက်ထားခြင်းဖြစ်သည်။ မြစ် ဘေးရှိ အပန်းဖြေစခန်းများနှင့် ပတ်သက်၍ လတ်တလောတွင် အစိုးရဘက်က တရားဝင်ခွင့်ပြု ထားခြင်း မရှိသေးဘဲ တရားဝင် ခွင့်ပြုရန် စိစစ်နေဆဲသာ ဖြစ် သည်ဟု ၎င်းကဆိုသည်။

‘‘ဖွံ့ဖြိုးရေးလုပ်ငန်းတွေကို အားပေးတယ်။ ပုဂ္ဂလိကလုပ်တဲ့ နေရာမှာ ဒါတွေက အခွန်အခ တွေပေးချေထားသလား။ အ ဆောက်အအုံတွေဆောက်ထား တယ်။ ဒါတွေအတွက်လည်း ဒဏ်ကြေးတွေ သက်ဆိုင်ရာဌာန တွေကို ပေးဆောင်ရမယ်။ သဘာဝပတ်ဝန်းကျင်ဘက်က ဘာတွေ ဆောင်ရွက်ရမယ်ဆိုတာလည်း ပြောထားတယ်။ အဲဒီအဆင့် လိုက် သူတို့ဖြတ်သန်းရမယ်။ ၀င်ငွေခွန်တွေ ပေးဆောင်ရမယ် ဆိုတာလည်း ပြောထားတယ်။ ပြောရရင် လိုအပ်တဲ့ အချက်အ လက်တွေ၊ စည်းကမ်းချက်တွေ ထုတ်ထားပေးတယ်။ စိစစ်နေပါ တယ်’’ဟု ဦးမျိုးသစ်က ပြော သည်။

မန္တလေး-ပြင်ဦးလွင် ကား လမ်းမှတစ်ဆင့် ရဲရွာရေအား လျှပ်စစ်စီမံကိန်းသွားရာ လမ်း တစ်လျှောက်ရှိ ဒုဋ္ဌ၀တီမြစ်ဘေး တွင် ဖွင့်လှစ်ထားသည့် အပန်း ဖြေစခန်း ငါးခုခန့်ရှိနေပြီး စနစ် တကျဖြစ်အောင် စစ်ဆေးညှိနှိုင်း သည်ဟု ၎င်းကဆိုသည်။

အပန်းဖြေစခန်းများ စနစ် တကျဖြစ်စေရန် ကြီးကြပ်ရေး အဖွဲ့ကို   သြဂုတ်လအတွင်းက ဖွဲ့စည်းထားသည်။

ဒုဋ္ဌ၀တီမြစ်ဘေးရှိ သုံးမိုင်၊ ငါးမိုင်၊ ခြောက်မိုင်၊ ခုနစ်မိုင်များ တွင် လူထုအပန်းဖြေစခန်းများ တရားဝင်ဖွင့်လှစ်ခွင့်ပေးရန် မန္တ လေးတိုင်းဒေသကြီး အစိုးရအဖွဲ့ ထံ လုပ်ငန်းရှင်များက တင်ပြထား သည်။

အစိုးရဘက်က တရားဝင် ခွင့်ပြုထားခြင်း မရှိသေးသော် လည်း အပန်းဖြေစခန်းများသို့ လာ ရောက်လည်ပတ်နေသူများဖြင့် နေ့စဉ်စည်ကားနေပြီး တရားဝင် ခွင့်မပြုသေးသည့်အတွက် နိုင်ငံ တော်ရရှိမည့် အခွန်ငွေများနစ်နာ ကြောင်း အသေးစားစက်မှုလုပ် ငန်းရှင်တစ်ဦးက သုံးသပ်သည်။

More in Regional Section