ကွန်ဒိုများဆီ ဦးတည်လာသော အင်တာနက်ဝန်ဆောင်မှုတိုက်ပွဲ

အင်တာနက်ကေဘယ်ကြိုးသွယ်တန်းနေမှုလုပ်ငန်းခွင်တစ်ခုကို မြင်တွေ့ရစဉ် (ဓာတ်ပုံ − ကျော်ဇင်သန်း)

ဆက်သွယ်ရေးညွှန်ကြားမှုဦးစီးဌာနသည် ၂၀၁၅ ကစတင်၍ ဆက်သွယ်ရေးလိုင်စင် ၁၂၀ ကျော်ခွင့်ပြုပေးခဲ့သည့်နောက်ပိုင်း ရန်ကုန်မြို့တွင် အင်တာနက်လိုင်းဝန်ဆောင်မှုပေးအပ်သည့် ကုမ္ပဏီ ၁၀ ခုကျော် ထွက်ပေါ်လာသည်။

အင်တာနက်လိုင်းရောင်းချသည့် ကုမ္ပဏီများ၏ ပြိုင်ဆိုင်မှုလည်း၂၀၁၇ အတွင်း ပို၍ပြင်းထန်လာသည်။ ပြိုင်ဆိုင်မှုများ၏ အဓိကပစ်မှတ်သည် ကွန်ဒိုများဖြစ်သည်။ ဖိုက်ဘာအနေဖြင့်သော်လည်းကောင်း၊ ၀ိုင်ဖိုင်အနေဖြင့်သော်လည်းကောင်း အင်တာနက်လိုင်းရောင်းချခြင်းကို ဈေးကွက်လက်ဦးမှုရရှိရန် ပြိုင်ဆိုင်သည်။

ပြိုင်ဆိုင်မှု၏ နောက်ကွယ်တွင် အင်တာနက်လိုင်းရောင်းချသည့် ကုမ္ပဏီများအချင်းချင်း အ မြင်မကြည်လင်မှုများတစ်ပြိုင်တည်း ပေါ်ပေါက်လာသည်။ အင်တာနက်လိုင်းရောင်းချသည့် ကုမ္ပဏီတစ်ခုသည် အခန်းအရေ အတွက်များပြားသည့် ကွန်ဒိုတစ်ခု၊ အိမ်ရာတစ်ခုဆီသို့ စတင်ဝင် ရောက်သည့်အခါ အခြားသော ပြိုင်ဘက်ကုမ္ပဏီများ ထပ်မံဝင် ရောက်လာခြင်းမရှိစေရန် အိမ်ရာ ကော်မတီနှင့်ပူးပေါင်း၍ ဈေးကွက်ချုပ်ကိုင်ခြင်းသည် အင်တာနက်လိုင်းရောင်းချသည့် ကုမ္ပဏီများအကြား အငြင်းပွားဖွယ်ဖြစ်လာသည်။

‘‘ဒါက ဆက်သွယ်ရေးဥပဒေ နဲ့ငြိနေတယ်’’ဟု 5BB အင်တာ နက်လိုင်းရောင်းချသည့် ကုမ္ပဏီ မန်နေဂျာတစ်ဦးက ပြောသည်။ ၂၀၁၃ အောက်တိုဘာတွင် ပြဋ္ဌာန်းခဲ့သည့် ဆက်သွယ်ရေးဥပဒေ အခန်း(၁၁) ပြိုင်ဆိုင်မှုကို ဆန့်ကျင်သည့် လုပ်ဆောင်ချက်များကို တားမြစ်ခြင်း ခေါင်းစဉ်အောက်ရှိ ပုဒ်မများကို ကိုးကား၍ ၎င်းက ပြောဆိုခြင်းဖြစ်သည်။

ဆက်သွယ်ရေးဥပဒေပုဒ်မ ၃၅ တွင် လုပ်ငန်းလိုင်စင်ရရှိသူသည် ဆက်သွယ်ရေးဈေးကွက်အတွင်း လွတ်လပ်စွာပြိုင်ဆိုင်မှု သဘောသဘာဝကို ပျက်ပြားစေသည့် မည်သည့်လုပ်ဆောင်မှုမျိုးကိုမျှ လုပ်ဆောင်ခြင်းမပြုရဟု ဖော်ပြပါရှိသည်။

အလားတူ ပုဒ်မ ၃၇ တွင် လုပ်ငန်းလိုင်စင်ရရှိသူသည် မိမိထံမှသော်လည်းကောင်း၊ အခြားသူတစ်ဦးထံမှသော်လည်းကောင်း ဆက်သွယ်ရေးပစ္စည်း (သို့မဟုတ်) ဆက်သွယ်ရေးဝန်ဆောင်မှုကိုသာ ရယူသုံးစွဲရေးအတွက် အသုံးပြုသူ အား ချုပ်ချယ်ကန့်သတ်ခြင်းမပြုရဟု ဖော်ပြထားသည်။

လက်ရှိအချိန်၌ ကွန်ဒိုများနှင့် အိမ်ရာများတွင် နေထိုင်သူများအတွက် စိတ်ကြိုက်အင်တာနက်လိုင်းရွေးချယ်အသုံးပြုခွင့်ကို သက်ဆိုင်ရာကွန်ဒိုနှင့် အိမ်ရာ ကော်မတီများက ကန့်သတ်ချုပ်ချယ်ထားသည့်သဘော သက် ရောက်နေသည်။

‘‘အိမ်ရာထဲမှာ အင်တာနက်လိုင်းတွေအကုန်လုံး ဆွဲခွင့်ပေးလိုက်ရင် ရှုပ်ပွကုန်မှာပေါ့’’ဟု ယုဇနဟိုင်းဝေးကွန်းပလက်စ် သာယာရေးကော်မတီအဖွဲ့ဝင် ဦးလင်း အောင်က ပြောသည်။ အခန်းနေထိုင်သူများ၏ သဘောဆန္ဒအ လျောက် အင်တာနက်လိုင်း ရောင်းချသည့် ကုမ္ပဏီတိုင်းကို အိမ်ရာအတွင်း ၀င်ရောက်ချိတ်ဆက်ခွင့်ပြုခဲ့ပါက Cable လိုင်း ရှုပ်ထွေးမှုနှင့် အခြေခံတည်ဆောက်ထားမှုကို ထိခိုက်စေခြင်း၊ နည်းစနစ်မ ကျခြင်းများ ဖြစ်လာမည်ကို သာယာရေးကော်မတီက စိုးရိမ်သည်။

ထို့ကြောင့် အင်တာနက်လိုင်း ရောင်းချသည့် ကုမ္ပဏီတစ်ခုတည်းကိုသာ သာယာရေးကော်မတီက စိစစ်ရွေးချယ်​၍ ၀င်ရောက်ခွင့်ပြုခဲ့သည်။ ကွန်ဒိုများနှင့် အိမ်ရာများရှိ ကော်မတီများသည် အင်တာနက်လိုင်းရောင်းချသည့် ကုမ္ပဏီကို ရွေးချယ်ရာတွင် လုံခြုံ ရေးဝန်ထမ်းများအတွက် လစာ ထောက်ပံ့ခြင်း၊ လုံခြုံရေးအတွက် စီစီတီဗီကင်မရာများတပ်ဆင်ပေး ခြင်း အစရှိသည်ဖြင့် ပြန်လည်ဖွံ့ ဖြိုးရေးလုပ်ငန်းများ ပြုလုပ်ပေး နိုင်သူကို အချက်တစ်ချက်အနေ ဖြင့် ထည့်သွင်းစဉ်းစားလေ့ရှိ သည်။

သို့သော် အငြင်းပွားဖွယ်များက ဆက်လက်ဖြစ်ပေါ်နေသည်။ ကွန်ဒိုတွင်နေထိုင်သူအချို့က သာယာရေးကော်မတီဝင်ရောက်ခွင့် ပြုခဲ့သည့် အင်တာနက်လိုင်းအပြင် အခြားသော အင်တာနက်လိုင်းများကို စီးပွားရေးလုပ်ငန်းအတွက် ချိတ်ဆက်အသုံးပြုလိုကြသည်။ ပြိုင်ဘက်အင်တာနက်လိုင်းကုမ္ပဏီကလည်း ကွန်ဒိုနှင့် အိမ်ရာဈေးကွက်ကို သဘောကျသဖြင့် လိုလိုလားလား ချိတ်ဆက်ချင်သည်။

‘‘စာချုပ်ချုပ်ဆိုထားလို့ ဒါကိုပဲသုံးရမယ်ဆိုတာကတော့ အဆင်မပြေချင်ဘူး။ ဒါပေမဲ့လည်း ကိုယ်ကလည်း အဲဒီမှာနေတာဆိုတော့ သူတို့ (သာယာရေးကော်မတီ) ခွင့်ပြုချက်ရှိတဲ့လိုင်းကိုပဲ ချိတ်ဆက်ပြီး သုံးရတာပေါ့’’ဟု ကမာရွတ်မြို့နယ်အတွင်းရှိ ကွန်ဒိုတစ်ခုတွင်နေထိုင်သော ဦးကျော်စိုးက ပြောသည်။


(ဓာတ်ပုံ-ကျော်ဇင်သန်း)

လိုင်စင်ရ ဆက်သွယ်ရေး ကုမ္ပဏီများ၏ ပြိုင်ဆိုင်မှုနှင့်ပတ်သက်၍ ဆက်သွယ်ရေးနှင့် သတင်းအချက်အလက်နည်းပညာဝန်ကြီးဌာန (ယခင်)က ၂၀၁၅ ဇွန်လတွင် ဆက်သွယ်ရေးကဏ္ဍ၏ ပြိုင်ဆိုင်မှုဆိုင်ရာ နည်းဥပဒေများကို ထုတ် ပြန်ခဲ့သည်။

ဈေးကွက်တွင်း မိုနိုပိုလီအရ တစ်ဦးတည်းချုပ်ကိုင်ထားမှုများမရှိစေရန် ဆက်သွယ်ရေး ကုမ္ပဏီများကို ဥပဒေ၊ နည်းဥပဒေများနှင့် ထိန်းချုပ်ထားခြင်းဖြစ်သည်။

ကွန်ဒိုများ၊ အိမ်ရာများရှိ ကော်မတီများနှင့် စာချုပ်ချုပ်ဆို၍ အခြားသော ကုမ္ပဏီများ ၀င် ရောက်လာခြင်းမရှိစေရန် ဆောင်ရွက်ခြင်းသည် ဈေးကွက်ကို ချုပ်ကိုင်ထားခြင်းဖြစ်သည်ဟု အင်တာနက်လိုင်းရောင်းချသည့် ကုမ္ပဏီအချို့က သုံးသပ်သည်။

သို့သော် အဆိုပါကိစ္စသည် တိုက်ပိုင်ရှင်နှင့်သာ သက်ဆိုင်ပြီး ပိုင်ရှင်ခွင့်ပြုခြင်းမရှိပါက ပြိုင်ဘက်အင်တာနက်ကုမ္ပဏီအနေ ဖြင့် ၀င်ရောက်ခွင့်ရရှိမည်မဟုတ်ကြောင်း ဆက်သွယ်ရေးလိုင်စင် ထုတ်ပေးရေးဌာန အကြီးအကဲက ပြောသည်။

‘‘တယ်လီနောလည်းလာတယ်။ တခြားကုမ္ပဏီလည်းလာတယ်။ သူတို့နဲ့ (ကော်မတီ)ညှိလို့ မရဘူးဆိုတော့ ရောက်မလာ တော့ဘူး။ ဒီတော့ ကိုယ်သုံးချင်တဲ့ လိုင်းမသုံးရတော့ဘူးပေါ့’’ဟု ဗဟန်းမြို့နယ်ရှိ ကွန်ဒိုတစ်ခုတွင် နေထိုင်သည့် ဦးဝဏ္ဏထွန်းက ပြောသည်။

အင်တာနက်လိုင်းများ ရောင်းချသည့် ကုမ္ပဏီများ၏ ပြိုင်ဆိုင်မှုသည် ကွန်ဒိုများ၊ အိမ်ရာ များတွင်သာမက စက်မှုဇုန်များ၊ တိုင်းဒေသကြီးနှင့် ပြည်နယ်များအထိ ပြင်းထန်မှုရှိသည်။ ရန်ကုန်တိုင်းဒေသကြီးအတွင်းရှိ စက်မှု ဇုန်တစ်ခုတွင် အင်တာနက်လိုင်း ၀င်ရောက်ရောင်းချခွင့်ရရှိရန် ကုမ္ပဏီများဝင်ရောက်ပြိုင်ဆိုင်ရာ ၌ ဇုန်အတွက် လိုအပ်သော ဖွံ့ဖြိုးရေးလုပ်ငန်းစဉ်ကို အများဆုံး ထောက်ပံ့ပေးနိုင်သည့် ကုမ္ပဏီက လုပ်ကိုင်ခွင့်ရရှိသည်။

အနီးစပ်ဆုံးအနေဖြင့် ပဲခူးမြို့ပေါ်တွင် အင်တာနက်လိုင်း ရောင်းချခွင့်ကို ကုမ္ပဏီများ ၀င်ရောက်ပြိုင်ဆိုင်ခဲ့သည်။ နောက်ဆုံး၌ နယ်မြေခွဲခြားသတ်မှတ်၍ ကုမ္ပဏီသုံးခုကို ပဲခူးမြို့၌ အင်တာနက်လိုင်းရောင်းချခွင့်ပြုခဲ့သည်။ ပုံမှန်အားဖြင့် ဆက်သွယ်ရေးလိုင်စင်ရရှိသည့် ကုမ္ပဏီများသည် မြန်မာနိုင်ငံအတွင်း မည်သည့်ဒေသတွင်မဆို ၀န်ဆောင်မှုလုပ်ငန်းများ လုပ်ကိုင်ခွင့်ရှိသော်လည်း နေရာဒေသအပေါ် မူတည်၍ ခွင့်ပြုချက်များ၊ ကန့်သတ်ချက်များနှင့် ပြိုင်ဆိုင်မှုကို ရင်ဆိုင်နေရခြင်းဖြစ်သည်။

‘‘ရွေးချယ်ခွင့်မရှိဘူးလေ။ ကုမ္ပဏီတွေလည်း ၀င်မလာတော့ ရှိတဲ့ဟာကိုပဲ အဆင်ပြေအောင် သုံးလိုက်ရတာပဲ’’ဟု မင်္ဂလာဒုံမြို့နယ် အိမ်ရာတစ်ခုတွင် နေထိုင်သည့် ဦးကြည်ထွဋ်ဦးက ပြောသည်။ အင်တာနက်ရောင်းချသည့် ကုမ္ပဏီတစ်ခုအနေဖြင့် စားသုံးသူအစုလိုက်အပြုံလိုက်နေထိုင်သည့် ကွန်ဒိုတိုက်ခန်းများနှင့် အိမ်ရာများကို တစ်ဦးတည်းဝန်ဆောင်မှု ပေးအပ်ခွင့်ရရှိခြင်းသည် စီးပွားရေးအရ အကျိုးအမြတ်များပြားလှသည်။

လူနေအိမ်ခန်း၊ ရုံးခန်း စုစု ပေါင်း ၅၀ ခန့်ရှိသော ကွန်ဒိုတစ်ခု တွင် ငါးဦးခန့်သာ အင်တာနက် လိုင်းကို စတင်ချိတ်ဆက်ခြင်းဖြင့် အင်တာနက်ဝန်ဆောင်မှုပေးအပ် နေသော ကုမ္ပဏသည် စီးပွားရေး တွက်ခြေကိုက်နေသည်။ ရေရှည် စီးပွားရေးဖြစ်သည့်အလျောက် လစဉ်ဝင်ငွေဖြင့် တစ်နှစ်ကျော် အတွင်း အရင်းကျေနိုင်သည်။

မည်သည့်ပြိုင်ဘက်ကုမ္ပဏီ မှ ၀င်ရောက်လာခြင်းမရှိသဖြင့် အသုံးပြုသူ ၅၀ ဦးလုံးရရှိခဲ့ပါက တစ်လအတွင်းပင် အမြတ်စတင်ရရှိနိုင်သောစီးပွားရေးဖြစ်သည်။ အချို့သော ကွန်ဒိုများတွင် သာယာရေးကော်မတီအနေဖြင့် အင်တာနက်ကုမ္ပဏီတစ်ခုကိုသာ လက်ခံထားသော်လည်း ချို့ယွင်းချက်အနေဖြင့် အခန်းနေထိုင်သူ အချို့သည် စိတ်ကြိုက်အင်တာနက်လိုင်းများ ရွေးချယ်​တပ်ဆင်ခွင့်ရှိနေပြန်သည်။

‘‘ကျွန်တော်တို့ကို ၀င်ခွင့်မပြု ပေမယ့် အခန်းရှင်က ဖြစ်လာတာရှင်းမယ်ဆိုပြီး တပ်ခိုင်းတော့ မရမ်းကုန်းက ကွန်ဒိုတစ်ခုမှာ တပ်ပေးထားတာတစ်ခုရှိတယ်’’ဟု အင်တာနက်လိုင်း လိုက်လံတပ်ဆင်နေသူတစ်ဦးက ပြောသည်။

အင်တာနက်လိုင်းရောင်းချသည့် ကုမ္ပဏီများကြားတွင် ပြိုင်ဆိုင်မှုကိုချုပ်ကိုင်ထားခြင်းနှင့် ပတ်သက်၍ မကျေနပ်မှုများရှိနေသော်လည်း အဆိုပါကိစ္စရပ်နှင့် ပတ်သက်၍ ဆက်သွယ်ရေးညွှန်ကြားမှုဦးစီးဌာနက ကြားခံဖြေရှင်းဆောင်ရွက်ပေးရသည့် ကိစ္စရပ်များ မရှိခဲ့ပေ။

ဈေးကွက်ပုံစံသည် စားသုံးသူကို ဦးတည်ပြိုင်ဆိုင်ခြင်းမဟုတ်ဘဲ ကွန်ဒိုများ၊ အိမ်ရာများရှိ သာယာရေးကော်မတီများ၏ ရွေးချယ်မှုကို ပြိုင်ဆိုင်ရခြင်းဖြစ်သည်။ သာယာရေးကော်မတီများအနေဖြင့်လည်း ရေရှည်ဝန်ဆောင်မှု ကောင်းမွန်ပြီး ဈေးနှုန်းသက်သာ သောကုမ္ပဏီကို ဦးစားပေးရွေး ချယ်ခြင်းဖြစ်သည်။

အဆိုပါ ဈေးကွက်ကို ပြိုင်ဆိုင်နိုင်ခြင်းမရှိပါက အစုအဝေးလိုက်တည်ရှိသော စားသုံးသူဈေးကွက်ကို အင်တာနက်ဝန်ဆောင်မှုပေးအပ်သည့် ကုမ္ပဏီများက လက်လွှတ်ဆုံးရှုံးရမည်ဖြစ်သည်။

ဥပဒေ၌ ပြိုင်ဆိုင်မှုကို အဟန့်အတားမပြုလုပ်ရဟုပါရှိသော်လည်း အိမ်ရာများအထိ အသေးစိတ်ပါဝင်ခြင်းမရှိ၍ သာယာရေးကော်မတီများ၏ စီမံခန့်ခွဲမှုမှာလည်း လွတ်လပ်ခွင့်ရှိနေသည်။

ထို့ကြောင့် စားသုံးသူနှင့် တိုက်ရိုက်ချိတ်ဆက်ပြိုင်ဆိုင်လိုသည့် ကုမ္ပဏီများအနေဖြင့် ဈေးကွက်တွင် အခက်အခဲများနှင့် ရင်ဆိုင်နေရသော်လည်း ကွန်ဒိုများ၊ အိမ်ရာများအနေဖြင့် အင်တာနက်လိုင်းရောင်းချသည့် ကုမ္ပဏီတိုင်းကို ၀င်ရောက်ယှဉ်ပြိုင်ခွင့်ပြုရန်သည် စဉ်းစားစရာဖြစ်နေသည်။

အခြားတစ်ဖက်တွင် ကွန်ဒိုများ၊ အိမ်ရာများတွင် နေထိုင်သူများအနေဖြင့် စိတ်ကြိုက်အင်တာနက်လိုင်းကို အသုံးပြုခွင့်မရခြင်းသည် နစ်နာမှုတစ်ခုဖြစ်သည်။ ထို့ကြောင့် အများဆန္ဒအရ ရွေးချယ်ထားသည့် အင်တာနက်လိုင်းကို လက်ခံလိုခြင်းမရှိဘဲ သုံးစွဲနေရသူအချို့က ဝေဖန်ခဲ့ခြင်းဖြစ်သည်။

ဥပဒေ၊ နည်းဥပဒေနှင့်အတူ အင်တာနက်လိုင်းရောင်းချသည့် ဈေးကွက်ကြီးတစ်ခု ၂၀၁၇ အ တွင်း အရှိန်အဟုန်ဖြင့် ကြီးထွားလာသော်လည်း ပြိုင်ဆိုင်မှုရှုပ်ထွေးခြင်းနှင့် ကုမ္ပဏီအချင်းချင်း အမြင်မကြည်လင်မှုသည် စားသုံးသူထံသို့ တဖြည်းဖြည်းနှင့် တိုက်ရိုက်သက်ရောက်လာသည်ကို ဖြေရှင်းရန် နည်းလမ်းများ လိုအပ်နေပြီ ဖြစ်သည်။