မြို့ပြ ဘေးအန္တရာယ်လျှော့ချရေးစီမံချက် ခြောက်နှစ်အတွင်း ၆၀ ရာခိုင်နှုန်းသာ လွှမ်းခြုံနိုင်

၂၀၁၆ ဇန်န၀ါရီ ၉ ရက်က မင်္ဂလာဈေး ဒုတိယအကြိမ် မီးလောင်ကျွမ်းနေစဉ် (ဓာတ်ပုံ − ဂျေမောင်မောင်(အမရပူရ))

သဘာဝဘေးအန္တရာယ် များမဖြစ်ပေါ်မီ ကြိုတင်ပြင်ဆင် ခြင်းနှင့် ဘေးအန္တရာယ်လျှော့ချ ရေး ဆောင်ရွက်နေသည့် ခြောက် နှစ်အတွင်း မြို့ပြတွင် လွှမ်းခြုံနိုင် မှုသည် ၆၀ ရာခိုင်နှုန်းသာရှိကြောင်း မြန်မာနိုင်ငံ ကြက်ခြေနီအသင်း ဘေးဒုက္ခစီမံခန့်ခွဲရေးဌာန ဒုတိယညွှန်ကြားရေးမှူး ဒေါ်မိုးသီတာဝင်းက ပြောသည်။

လက်ရှိ မြန်မာနိုင်ငံတွင် နှစ် စဉ် မုန်တိုင်းဒဏ်ကြောင့် ရေကြီး ရေလျှံခြင်း၊ လေပြင်းများ တိုက် ခတ်ခြင်း၊ မြေငလျင်ဒဏ်ကြောင့် မြေပြိုမှုများ ဖြစ်ပေါ်ခြင်း၊ မီး လောင်ခြင်းတို့ကြောင့် အသက် အိုးအိမ် ပျက်စီးဆုံးရှုံးမှုများရှိနေ သည်။ ထို့ကြောင့် မြန်မာနိုင်ငံကြက်ခြေနီအသင်းက အသက်အိုးအိမ် ပျက်စီးဆုံးရှုံးမှုများကို ကြိုတင် ကာကွယ်နိုင်စေရန် သဘာဝဘေး အန္တရာယ်များမဖြစ်မီ ကြိုတင် ကာကွယ်ရေးနှင့် ဖြစ်ပေါ်လာပါက ရှောင်ရှားနိုင်ရန် အချက်များကို စီမံချက်များချကာ ကျေးလက်နှင့် မြို့ပြမကျန် အသိပညာပေး လုပ်ငန်းများ ဆောင်ရွက်နေသည်။

ထိုသို့ ဆောင်ရွက်ရာ၌ ကျေးလက်ဒေသနှင့် ဘေးအန္တရာယ် ထိခိုက်မှုများသည့်နေရာများတွင် ရာခိုင်နှုန်းပြည့်နီးပါး လွှမ်းခြုံနိုင် သော်လည်း မြို့ပြတွင် ၆၀ ရာနှုန်းသာ လွှမ်းခြုံမှုရှိကြောင်း ဒေါ်မိုးသီတာဝင်းက ပြောသည်။

‘‘ကျန်တဲ့ ၄၀ ရာခိုင်နှုန်း ပါဝင်လာဖို့အတွက် ဒီထက်ပိုပြီး လေ့လာဖို့၊ နားထောင်ဖို့လိုတယ်။ ဘေးအန္တရာယ်လျှော့ချရေးလုပ် ငန်းတွေကို သူများလာလုပ်မှ မဟုတ်ဘူး။ ကိုယ်ကိုယ်တိုင် လျှော့ချနိုင်မှရမှာ။ အန္တရာယ်ဖြစ်နိုင်တာကို သတိပေးနိုင်တဲ့ စနစ်တစ်ခုကို ကိုယ့်အိမ်ထဲကလူတွေကို သိအောင်လုပ်မှ ဒါတွေကို လျှော့ချနိုင်မှာ’’ဟု ၎င်းက ဆိုသည်။

ပြီးခဲ့သည့်နှစ်က ဧရာဝတီ တိုင်းအတွင်း ဆိုင်ကလုန်းမုန် တိုင်းဒဏ်မကျရောက်မီ ကြိုတင် အသိပေးခြင်း၊ ကာကွယ်ရေးလုပ် ငန်းများ ဆောင်ရွက်ခြင်းနှင့် ကြို တင်ပြောင်းရွှေ့ခြင်းလုပ်ငန်းများ ဆောင်ရွက်ခဲ့သဖြင့် အသက် ဆုံးရှုံးမှုမရှိဘဲ ပျက်စီးမှုများလည်း နည်းပါးကြောင်း ၎င်းကပြောသည်။

ထို့ကြောင့် မြို့ပြဘေးအန္တ ရာယ်လျှော့ချရေးတွင် လွှမ်းခြုံနိုင် မှုသည် ၆၀ ရာခိုင်နှုန်းသာရှိခြင်း ကြောင့် လူထုကိုယ်တိုင် ပါဝင်မှု ၄၀ ရာခိုင်နှုန်းလိုအပ်ကြောင်း ၎င်းက ဆိုသည်။

မြို့ပြနေလူထု ဘေးအန္တ ရာယ်လျှော့ချရေးလုပ်ငန်းများ တွင် စိတ်ပါဝင်စားမှုများရှိလာစေ ရန် ၂၀၁၂ ကစတင်၍ ဒဂုံတောင် နှင့် လှိုင်သာယာမြို့နယ်ရှိ ရပ် ကွက်အချို့နှင့် ကျောင်းအချို့ တွင် မုန်တိုင်းဒဏ်၊ ငလျင်ဒဏ်၊ မီးဘေးအပြင် အခြားဖြစ်ပေါ်လာ နိုင်သည့် အသက်အန္တရာယ်ထိ ခိုက်မှုနှင့် အိုးအိမ်ဆုံးရှုံးမှုများကာကွယ်နိုင်ရန် စီမံချက်များ ချမှတ်ဆောင်ရွက်နေခြင်းဖြစ်သည်။

Top News