ထပ်မံအကောင်အထည်ဖော်မည့် စက်မှုဇုန်များတွင် မြေငှားရမ်းစနစ်ကို ကျင့်သုံးမည်ဟုဆို

လှိုင်သာယာစက်မှုဇုန်အတွင်းရှိ စက်ရုံ၊ အလုပ်ရုံများကို တွေ့ရစဉ် ဓာတ်ပုံ − ဂျေမောင်မောင်(အမရပူရ)

 ထပ်မံအကောင်အထည် ဖော်မည့် စက်မှုဇုန်များတွင် လုပ် ငန်းရှင်များအား မြေအပြတ် ရောင်းသည့်စနစ်အစား နှစ်အပိုင်းခြားအလိုက် ကုမ္ပဏီအမည် ပေါက်ဖြင့် မြေငှားသည့်စနစ်ကို သာ ကျင့်သုံးမည်ဖြစ်ကြောင်းစက်မှုဝန်ကြီးဌာန အမြဲတမ်း အတွင်းဝန် ဦးကိုကိုလွင်က ပြောသည်။

ယခင် အကောင်အထည် ဖော်သည့် စက်မှုဇုန် ၃၀ တွင် လုပ်ငန်းရှင်အချို့က လုပ်ငန်း မလုပ်ဘဲ မြေဦးထားသဖြင့် ယခု ကဲ့သို့ မူဝါဒကို ပြောင်းလဲခြင်းဖြစ် ကြောင်း ၎င်းက ဆက်လက်ပြော ကြားသည်။

‘‘ဒါတွေ (စက်မှုဇုန်မြေ)အပြီးရောင်းထားတော့ ပြန်သိမ်း ဖို့ခက်ပါတယ်။ လုပ်ငန်းအကောင် အထည်ဖော်ဖို့ပဲ တွန်းအားပေး တာ လုပ်နိုင်တယ်။ ဒါကြောင့် တဖြည်းဖြည်းနဲ့ ပြောင်းလဲဖို့ လုပ်နေတာပါ’’ဟု ဦးကိုကိုလွင် က ပြောသည်။

စက်မှုဇုန်များ အကောင် အထည်ဖော်ခြင်းကို တိုင်းဒေသ ကြီး၊ ပြည်နယ်အစိုးရများ၏ အစီ အစဉ်ဖြင့် အကောင်အထည်ဖော် နေကာ လုပ်ငန်းစီိမံကိန်းတင်ပြ နိုင်ပြီး လုပ်ငန်းဖြစ်နိုင်ခြေရှိသည့် စီမံကိန်းများကိုသာ ကုမ္ပဏီ အမည်ပေါက်ဖြင့် မြေငှားပေးမည် ဖြစ်ကြောင်း ဦးကိုကိုလွင်က ဆက်လက်ပြောသည်။

မြန်မာ-ဂျပန် သီလဝါဖွံ့ဖြိုး ရေးကုမ္ပဏီ (MJTD) ဥက္ကဋ္ဌနှင့် အမှုဆောင်အရာရှိချုပ် မစ္စတာ ရန်နိုင်တာကာရှိက သီလဝါ အထူးစီးပွားရေးဇုန် မြေငှားရမ်းမှု များတွင် လုပ်ငန်းတင်ပြနိုင်သည့် စီမံကိန်းများကိုသာ မြေငှားခြင်း ဖြစ်ပြီး မြေဦးရန် တင်ပြသည့် စီမံ ကိန်းများကို ငှားရမ်းခြင်းမရှိ ကြောင်း ပြောသည်။

မြန်မာနိုင်ငံတွင် ကုန်ထုတ် လုပ်မှုကို ၂၀၁၆-၁၇ ဘဏ္ဍာနှစ် တွင် နိုင်ငံ့ဝင်ငွေအားလုံး စုစု ပေါင်း (GDP)၏ ၂၅ ရာခိုင်နှုန်း နှင့် ၃၀ ရာခိုင်နှုန်းကြားအထိ ရှိ လာအောင် ဆောင်ရွက်ရန် ရည် မှန်းထားပြီး ကုန်ထုတ်လုပ်မှုသည် ပြီးခဲ့သည့် ၂၀၁၅-၁၆ ဘဏ္ဍာနှစ် တွင် ကုန်ထုတ်လုပ်မှု ကျဆင်းခဲ့ သဖြင့် GDP ၂၀ ရာခိုင်နှုန်းသာရှိ ကြောင်း ဦးကိုကိုလွင်က ပြော ကြားသည်။

လက်ရှိ တိုင်းဒေသကြီးနှင့် ပြည်နယ်အစိုးရများ အစီအမံဖြင့် ရန်ကုန်၊ ပဲခူး၊ ဧရာဝတီတိုင်းနှင့် ချင်း၊ ရှမ်း၊ ရခိုင်ပြည်နယ်တို့တွင် စက်မှုဇုန်များ အကောင်အထည် ဖော်ရန် သက်ဆိုင်ရာအစိုးရများ က စီစဉ်နေသည်။