လူသတ်သမားနှင့်ဂျာနယ်လစ်

သေသွားပြီ။

၂၀၁၇ စက်တင်ဘာ ၅၊ အင်္ဂါနေ့က ဂျာနယ်လစ်၊ အယ်ဒီ တာ၊ ဂျာနယ်ထုတ်ဝေသူ၊ စာအုပ် ထုတ်ဝေသူ၊ တက်ကြွသူ ဂေါ်ရီ လန်ကက်ရှ် သည် အိန္ဒိယတောင် ပိုင်းမြို့တစ်မြို့ဖြစ်သော ဘန်ဂလို မှာ သေသွားခဲ့ပြီ။ သူမအိမ်သို့ အပြန် အိမ်ဝင်းအပေါက်ဝမှာ အမည်မသိ သေနတ်သမားက Gauri Lankesh ကို ပစ်သတ် လိုက်ခြင်းဖြစ်သည်။ ဂေါ်ရီ၏ ခေါင်းမှာ၊ ရင်ဘတ်မှာ သေနတ် ကျည်ဆန်ထိမှန်ခဲ့၏။ သေနတ် သမားသည် ဟဲလမက်ဆောင်း လျက် မော်တော်ဆိုင်ကယ်နှင့် လာခဲ့ခြင်းဖြစ်၏။

Gauri Lankesh သည် အိန္ဒိ ယ ဝန်ကြီးချုပ်မိုဒီနှင့် သူ၏ပါတီ ဖြစ်သော လက်ယာအစွန်းရောက် ဟိန္ဒူအမျိုးသားရေးဝါဒကို အဓိကထား၍ ပြောင်ပြောင်မြောက်မြောက် ဝေဖန်သူတစ်ဦး ဖြစ်သည်။

ဂေါ်ရီကို ၁၉၆၂ ဇန်နဝါရီ ၂၉ က Shivamogga ခရိုင်မှာ မွေးဖွားခဲ့၏။

ဂေါ်ရီသည် Karnataka ပြည်နယ်၏မြို့တော် Bangalore မှာ ပညာဆည်းပူးသည်။ နယူး ဒေလီမှာ ပညာဆက်သင်သည်။ သူမသည် ငယ်စဉ်က ဆရာဝန် တစ်ဦးဖြစ်လိုခဲ့၏။ သို့သော် ကဗျာဆရာတစ်ဦးဘဝမှ ဂျာနယ် လစ်တစ်ဦးဘဝသို့ ကူးပြောင်းလာ ခဲ့သော ဖခင်၏ စိတ်ကူးအိပ်မက် များကို သူမက ဆက်လက် အကောင်အထည်ဖော်လိုသည်။ ဖခင်၏ ထုတ်ဝေရေးလုပ်ငန်းကို ဂေါ်ရီက ဆက်လုပ်သည်။

 Gauri သည် Gauri Lankesh Patrike' a Weekly Kannada tabloid ကို ထုတ်ဝေ ဖြန့်ချိနေဆဲ အသက် ၅၅ နှစ်မှာ သေနတ်သမား၏ ကျည်ဆန်ဖြင့် သေဆုံးခဲ့ရသည်။ မည်မျှရင်နာဖို့ ကောင်းပါသနည်း။ ကိုယ့်အိမ် ရှေ့မှာကိုယ် သေနတ်သမားသတ် ၍ သေခဲ့ရသည်။

‘‘သူတို့က ကျုပ်တို့ သတင်း စာဆရာတွေကို ကြောက်သွား အောင်လုပ်တာ။ အခု အသက်ကို ပေးလိုက်ရပြီ’’

Press Club စီးပွားရေးနှင့် နိုင်ငံရေးဂျာနယ်ကြီးတစ်စောင်၏ ဝါရင့်အယ်ဒီတာကြီး တစ်ဦးက မှတ်ချက်ပြုသည်။ ဂေါ်ရီသည် အင်္ဂလိပ်လို သတင်းစာကြီးတစ် စောင်ကို ကောင်းကောင်းထုတ် နိုင်သည်။ သို့သော် သူမသည် Karnataka မှာပြောသော Kannada ဘာသာစကားဖြင့် စာစောင်ကို ထုတ်ဝေခဲ့သည်။

‘‘ကျုပ်ကတော့ မျှော်လင့်နေ တယ်။ ဂျာနယ်လစ်တစ်ဦးဖြစ်တဲ့၊ အယ်ဒီတာတစ်ဦးဖြစ်တဲ့၊ ထုတ် ဝေသူတစ်ဦးဖြစ်တဲ့ Gauri Lankesh သေခဲ့ရပေမယ့် နောက် ထပ် Gauri Lankeshes တွေ ထောင်နဲ့ချီပြီး မွေးဖွားလာဦးမှာ ပါ။ သူတို့တွေဟာ ကျုပ်တို့မီဒီ ယာလောကမှာ ပီပြင်တဲ့ဆောင်း ပါးတွေကို ဂေါ်ရီလို ရေးသားကြ ဦးမှာပါ’’

 ဝါရင့် အယ်ဒီတာကြီးက ဆက်လက်ပြောကြားသည်။

ဖယောင်းတိုင်လေးများ။

ဖယောင်းတိုင်လေးများ။

ဖယောင်းတိုင်လေးများ။

လူပေါင်းများစွာသည် လက် ထဲမှာ တောက်ပလင်းကျင်းသော ဖယောင်းတိုက်ကိုယ်စီဖြင့် ဂေါ်ရီ ကို လွမ်းဆွတ် တမ်းတနေကြ သည်။ ဆုတောင်းမေတ္တာ ပို့သနေ ကြသည်။

‘‘သတင်းအတုတွေ၊ ကော လာဟလသတင်းတွေကို ပြည်သူ တွေက မယုံဖို့လိုတယ်။ အရေး အကြီးဆုံးကတော့ ပြည်သူလူထု ဟာ အချင်းချင်း အမြဲညီညွတ်နေ ရမယ်။ အမြဲချစ်ခင်နေရမယ်။ အမြဲချစ်ခင်နေရမယ်’’

Gauri Lankesh က ဟိုတစ် လောလေးကမှ အွန်လိုင်းမီဒီယာ မှ ပြည်သူလူထုကို စကားပြောခဲ့ သေး၏။

အခုတော့ သူမ သေဆုံးခဲ့ရ ပြီ။

သူမ သေဆုံးသွားပါပြီ။

အကြမ်းဖက်သမား၏ လုပ် ကြံမှုဖြင့် သတ္တိကောင်းသော အမျိုးသမီးဂျာနယ်လစ်တစ်ဦး သေဆုံးခဲ့ရပြီ။

‘‘အိန္ဒိယအစိုးရဟာ သတင်း စာဆရာတစ်ဦး အသတ်ခံရခြင်း အတွက် ထိရောက်တဲ့ပြစ်ဒဏ်ကို ပေးဖို့ တာဝန်ရှိတယ်။ ထိရောက် တဲ့ စုံစမ်းစစ်ဆေးမှုတွေကိုလုပ်ပြီး တရားခံကို ဖော်ထုတ်နိုင်ပြီး အဲဒီ တရားခံကို ထိရောက်တဲ့အပြစ် ပေးရမယ်။ ဒါမှသာ စာနယ်ဇင်း မီဒီယာဟာ လွတ်လပ်စွာ အလုပ် လုပ်နိုင်တော့မှာပေါ့’’

Steven Butler က ဝါရှင် တန်ဒီစီမှ ပြောသည်။ သူသည် Aria Progran Co-ordinator တစ်ဦးဖြစ်သည်။

မြို့တော်၏ စာရေးဆရာ များ အသင်းတိုက်ရှေ့သို့ သတင်း စာဆရာများ၊ တက်ကြွသူများ အုံ ကြွရောက်ရှိလာကြသည်။ သူတို့ ၏လက်ထဲမှာ ဆိုင်းဘုတ်ကိုယ်စီ ကိုင်ဆောင်ထားကြ၏။

‘‘ကျုပ်တို့ဟာ Gauri ဖြစ် တယ်’’

‘‘ကျွန်မဟာ Gauri ဖြစ် တယ်’’

‘‘နောက်တစ်ယောက်က ဘယ်သူလဲ’’

‘‘Gauri Lankesh ဟာ ကျုပ် တို့ရင်ထဲမှာမသေဘဲ အမြဲရှိနေ တယ်’’

ဆိုင်းဘုတ်ပေါ်မှစာသား များ၊ စကားလုံးများသည် တက် ကြွသူတို့က အော်ဟစ်လိုက်သော အသံများဖြစ်သည်။ သတင်းစာ ဆရာတို့က ကြွေးကြော်လိုက် သော အသံများဖြစ်သည်။

* * *

The Committee to Protect Journalists (CPJ) နှင့် အချို့သော အဖွဲ့အစည်းအသီး သီးကလည်း ဂျာနယ်လစ်တစ်ဦး ကို အမည်မသိ သေနတ်သမား က ပစ်သတ်မှုနှင့်ပတ်သက်၍ ထိ ရောက်စွာ စုံစမ်းစစ်ဆေးပေးပါ ရန် အစိုးရထံတောင်းဆိုကြသည်။

 ကြောက်ရွံ့ခြင်း ကင်းမဲ့ သော အိန္ဒိယဂျာနယ်လစ်ကို လူ သတ်သမားက သေနတ်ဖြင့် နှုတ် ပိတ်ခဲ့ပြီ။

‘‘သူမ အသတ်ခံရခြင်းဟာ ဒီမိုကရေစီကို ကန့်ကွက်ခြင်း သဘောကို ဆောင်တဲ့ အတိတ် နိ မိတ်ဆိုးတစ်ခုဖြစ်တယ်။ နောက် ပြီးတော့ ဒါဟာ စာနယ်ဇင်းလွတ် လပ်မှုကို ရက်ရက်စက်စက် ထိုး နှက်တိုက်ခိုက်ခြင်း တစ်မျိုးလည်း ဖြစ်တယ်’’

ဂျာနယ်လစ်များ အသက် အန္တရာယ် ကာကွယ်စောင့်ရှောက် ရေးကော်မတီမှ ပုဂ္ဂိုလ်တစ်ဦးက ပြောသည်။

ဂျာနယ်လစ်တစ်ဦးသည် တက်ကြွသူတစ်ဦးအဖြစ် အသံပြု လှုပ်ရှားမှုများ ပြုလုပ်လာသော အခါ ယခုကဲ့သို့ ကံအကြောင်း မလှမှုများကို ကြုံတွေ့ရတတ် သည်။ ဤသည်မှာ အစဉ်အလာ ဖြစ်နေပြီလော။

* * *

သူမသည် မတူညီသော ဂိုဏ်းဂဏအုပ်စုများကို အတူတူ ဖြစ်စေရန်၊ ရောနှောရန် ဆောင် ရွက်တတ်သည့် ‘ကော်’ တစ်မျိုး ဖြစ်ပါသည်။

Gauri Lankesh အသတ်ခံ ရခြင်းသည် သူမ၏အလုပ်အကိုင် ကြောင့်ဖြစ်သည်။ ဂျာနယ်အလုပ် ကြောင့်ဖြစ်သည်။

Gauri Lankesh အသတ်ခံ ရခြင်းသည် သူမ၏ Ideology ကြောင့်ဖြစ်သည်။

ထိုသို့ သူမ၏လုပ်ဖော်ကိုင် ဖက် စာနယ်ဇင်းလောကမှ၊ မီဒီ ယာလောကမှ ပုဂ္ဂိုလ်များက မှတ် ချက်ပြုကြသည်။

လူသားအကျိုးကို ဆောင် ရွက်လုပ်ကိုင်နေသော ဂျာနယ်လစ်Gauri Lankesh သည် ဟဲလမက်ဆောင်းထားသော၊ ဆိုင်ကယ်စီးလာသော လူသတ်သမား၏ ပစ်သတ်ခြင်းကို ခံလိုက်ရပါပြီ။

* * *

သူမသည် ပြည်သူလူထုက လေးစားသော ဂျာနယ်လစ်တစ် ဦးဖြစ်၏။ Corrupt Politicians များနှင့်ပတ်သက်၍ ပြည်သူထဲက သူမထံသို့ တိုင်တန်းလေ့ရှိ၏။

‘‘ဖောက်ပြန်တယ်ဆိုတာ၊ မတော်လောဘလုပ်တယ်ဆိုတာ မကောင်းဘူး။ နိုင်ငံရေးသမား တွေထဲက ဖောက်ပြန်လာရင်တော့ တိုင်းပြည်ဟာ ပျက်စီးရာ ပျက်စီးကြောင်း ဖြစ်မှာပဲ’’

သူမက ပြော၏။

‘‘Because of her ideology and hard-core writing’’

ဟု သူမ လုပ်ကြံမှုခံရခြင်း နှင့်ပတ်သက်၍ သုံးသပ်ကြသည်။ အယူအဆ၊ ယုံကြည်မှု မပြောင်း လဲသော ရေးသားမှု။

‘‘ဂျာနယ်လစ်တစ်ယောက် အသတ်ခံရရင် တရားခံကို ထိထိ ရောက်ရောက် အပြစ်မပေးနိုင်ခဲ့ တာက များပါတယ်။ နောက်ပြီး တော့ အသတ်ခံရပြီးနောက်ပိုင်း မှာ သေဆုံးရတဲ့ ဂျာနယ်လစ်ဘက် က ရပ်တည်တာတို့၊ သက်သေ လိုက်တာတို့ လုပ်ရင် အဲဒီလူပါ အသတ်ခံရတတ်ပါတယ်’’

ထိုသို့ သုံးသပ်တင်ပြမှုမျိုး လည်း ရှိသည်။

ဂျာနယ်လစ်များသည် အ လုပ် လုပ်နေစဉ်အတွင်း အသတ် ခံရမှုမျိုးလည်း ဖြစ်တတ်သည်။

ဂျာနယ်လစ်များ အသက် အန္တရာယ် စိုးရိမ်ရကြောင်းနှင့် ပတ်သက်၍ ဂျာနယ်လစ်တစ်ဦး က အင်တာဗျူးလုပ်နေစဉ်ကာလ မှာပင် ထိုဂျာနယ်လစ် အသတ်ခံ လိုက်ရသည့် သာဓကများလည်း ရှိသည်။

၂၀၁၆ အတွင်းမှာ ဂျာနယ် လစ် ၁၁၅ ဦးသည် သူတို့၏ မီဒီ ယာဆိုင်ရာလုပ်ငန်းများ လုပ်နေ စဉ်အတွင်းမှာ အသတ်ခံကြရ သည်ဟု လေ့လာသူတစ်ဦးက ဖော်ပြထားသည်။

ကမ္ဘောဒီးယား၊ မက္ကဆီကို၊ အာဖဂနစ္စတန်၊ အီရတ်၊ ရုရှား နိုင်ငံတို့သည် ဂျာနယ်လစ်များ အတွက် အန္တရာယ်အထူပြွမ်းဆုံး နိုင်ငံများဖြစ်သည်ဟု စစ်တမ်း တစ်ခုက ဖော်ပြထားသည်။

၂၀၁၇ စက်တင်ဘာ ၅ အင်္ဂါနေ့။ အမျိုးသမီးဂျာနယ်လစ်၊ အယ်ဒီတာ Gauri Lankesh သည် လူသတ်သမား၏ ရက်စက် သော ကျည်ဆန်ဖြင့် သေဆုံးသွား ခဲ့ရပါပြီ။

မည်သို့ပင်ဖြစ်စေ Gauri Lankesh ကဲ့သို့သော ရဲရဲတောက် ဂျာနယ်လစ်များ အားနှင့်အင်နှင့်၊ ထုနှင့်ထည်နှင့် ပေါ်ပေါက်လာပါ ဦးမည်။

(ဖော်ပြပါ ဆောင်းပါးသည် စာရေးသူ၏ အာဘော်သာဖြစ်ပါသည်)
 

Top News