မှောင်ခိုဆရာများ မဖြစ်ရလေအောင်

ပုဂ္ဂလိက ကိုယ်ပိုင်ကျောင်းတစ်ကျောင်း၏ စာသင်ခန်းမြင်ကွင်း (ဓာတ်ပုံ-ကျော်ဇင်သန်း)

ပြည်တွင်း ပညာရေးဈေးကွက်တွင် အစိုးရ အခြေခံပညာကျောင်းများနှင့်အပြိုင် ပုဂ္ဂလိကကိုယ်ပိုင် ကျောင်းများ နေရာယူလာခဲ့သည့် သက်တမ်းသည် ခြောက်နှစ်အတွင်းဝင်ရောက်လာပြီဖြစ်သည်။

၂၀၁၁ ပြည်ထောင်စုလွှတ်တော်ဥပဒေအမှတ် (၁၄) ဖြင့် ၂၀၁၁ ဒီဇင်ဘာ ၂ ရက်တွင် ကိုယ်ပိုင်ကျောင်းမှတ်ပုံတင်ဥပဒေကို အတည်ပြုပြဋ္ဌာန်းခဲ့သည်။ အဆိုပါ ဥပဒေအရ ၂၀၁၂ ဧပြီ ၄ ရက်တွင် ပညာရေးဝန်ကြီးဌာနက ကိုယ်ပိုင်ကျောင်းမှတ်ပုံတင်နည်းဥပဒေများကို ထပ်မံပြဋ္ဌာန်းခဲ့သည်။ အဆိုပါဥပဒေ၊ နည်းဥပဒေ များဖြင့် ၂၀၁၂-၂၀၁၃ ပညာသင် နှစ်ကစ၍ တစ်နိုင်ငံလုံးတွင် ပုဂ္ဂလိက ကိုယ်ပိုင်ကျောင်းများ စတင်ဖွင့်လှစ်ခွင့်ပြုခဲ့သည်။

ပုဂ္ဂလိကကိုယ်ပိုင်ကျောင်းများ စတင်ဖွင့်လှစ်ခွင့်ပြုသည့်နှစ်တွင်ပင် တစ်နိုင်ငံလုံး၌ ကိုယ်ပိုင် ကျောင်း ၆၅ ကျောင်း ဥပဒေနှင့်အညီ ဖွင့်လှစ်ခွင့်ရခဲ့သည်။ ပုဂ္ဂလိက ကျောင်းများကို စတင်ဖွင့်လှစ်ခွင့် ပြုပြီး ငါးနှစ်ကျော်အကြာ ယခု ၂၀၁၇-၁၈ ပညာသင်နှစ်တွင် တစ်နိုင်ငံလုံး၌ ပုဂ္ဂလိကကိုယ်ပိုင် ကျောင်း ၆၀၀ ခန့်ရှိလာသည်။ရန်ကုန်တိုင်းဒေသကြီးအတွင်းတွင်ပင် ယခုပညာသင်နှစ်၌ ပုဂ္ဂလိက ကိုယ်ပိုင်ကျောင်း ၁၈၈ ကျောင်းဖွင့်လှစ်ခွင့်ရထားသည်။

ပုဂ္ဂလိက ကိုယ်ပိုင်ကျောင်း အရေအတွက် တစ်နှစ်ထက်တစ် နှစ်များလာခြင်းကို ကြည့်ခြင်းဖြင့် ပညာရေးဈေးကွက်အတွင်း အဆိုပါကျောင်းများကို ကျောင်းသားမိဘများ၏ စိတ်ဝင်စားမှုအတိမ်အနက်ကို ခန့်မှန်းသိနိုင်သည်။ အစိုးရကျောင်းများ၏ ဆရာ၊ ကျောင်းသားအချိုးကွာဟမှု မြင့်မားခြင်း၊ သင်ကြားသင်ယူနည်း စနစ် ထိရောက်မှုအားနည်းခြင်း၊ ကျောင်းသား၏ ဘက်စုံထူးချွန်မှုကို ထိရောက်စွာသင်ကြားနိုင်မှုမရှိ ခြင်းတို့ကြောင့် ၂၀၁၃ ခန့်ကစ တင်ကာ ငွေကြေးတတ်နိုင်သော ကျောင်းသားမိဘများသည် ပုဂ္ဂလိက ကိုယ်ပိုင်ကျောင်းများကို ရွေးချယ်လာသည်။

ပုဂ္ဂလိက ကိုယ်ပိုင်ကျောင်းများကို ရွေးချယ်သူများလာသည် နှင့်အမျှ ကျောင်းအချင်းချင်းပြိုင်ဆိုင်မှုလည်း မြင့်တက်လာသည်။ အဆိုပါကျောင်းများ၏ အောင်မြင်မှုကို မိဘများက အောင်ချက်ဖြင့် တိုင်းတာသည်။ သို့ဖြစ်ရာ ကျောင်းတစ်ကျောင်းနှင့် တစ် ကျောင်းအောင်ချက်ရာခိုင်နှုန်းက ကြီးမားသော ယှဉ်ပြိုင်စိန်ခေါ်မှု ဖြစ်လာသည်။

အောင်ချက် မြင့်မားရေးသည်လည်း ကိုယ်ပိုင်ကျောင်းရှိ ဆရာများ၏ သင်ကြားပြသမှုအ ပေါ် အဓိကမှီတည်နေရာ ဆရာ ကောင်းများကိုရရှိရေး တစ် ကျောင်းနှင့်တစ်ကျောင်း အပြိုင်အဆိုင်ဖြစ်လာသည်။

သို့သော် ယခုနောက်ပိုင်းနှစ်  များတွင် ပုဂ္ဂလိကကိုယ်ပိုင် ကျောင်းများနှင့် ကိုယ်ပိုင်ကျောင်း ဆရာ၊ ဆရာမများရင်ဆိုင်ရသည့် အဓိက အခက်အခဲတစ်ခုရှိလာ သည်။ မည်မျှစာသင်ကောင်းသော ဆရာဖြစ်ပါစေ ကိုယ်ပိုင်ကျောင်း ဆရာ မှတ်ပုံတင်လက်မှတ်ခေါ် Green Card မရရှိထားပါကမှောင် ခိုဆရာ (တရားမ၀င်ဆရာ)ဖြစ် နေခြင်းပင်။

‘‘ဥပဒေအရ Green Card ရှိပြီးသားသူတွေကိုပဲခန့်ခွင့်ရှိတာ။ Green Card ရှိပြီးသားဆရာတွေ ကို ကျောင်းတွေက၀ိုင်းပြီးလုကြ တဲ့အခါ Green Card ရှိတဲ့အရေ အတွက်က ကျောင်းအရေအတွက် နဲ့ နှိုင်းယှဉ်မယ်ဆိုရင် နည်းနေ သေးတယ်’’ ဟု ကိုယ်ပိုင်ကျောင်း ဆရာများအသင်းဥက္ကဋ္ဌ ဒေါက် တာဇီဝက ပြောသည်။

ကိုယ်ပိုင်ကျောင်းမှတ်ပုံတင် ဥပဒေတွင် ကိုယ်ပိုင်ကျောင်းများ ၌ သင်ကြားသောဆရာသည် ကိုယ်ပိုင်ကျောင်းဆရာမှတ်ပုံတင် လက်မှတ်ရရှိထားရမည်ဖြစ်ပြီး ဘာသာရပ်အလိုက် သင်ကြားမည့် ကျောင်းဆရာဦးရေ လုံလောက်မှ သာ ကိုယ်ပိုင်ကျောင်းတည် ထောင်ဖွင့်လှစ်ခြင်း၊ သက်တမ်း တိုးခြင်း၊ ကျောင်းအဆင့်တိုးခြင်း များ ဆောင်ရွက်ပေးမည်ဟုပါရှိ သည်။


ပုဂ္ဂလိက ကိုယ်ပိုင်ကျောင်းတစ်ကျောင်းတွင် စာသင်ကြားနေစဉ် (ဓာတ်ပုံ-ကျော်ဇင်သန်း)

‘‘ဆရာကတော့ လုံလောက် မှုမရှိဘူး။ Green Card ရှိတဲ့ဆရာ ဦးရေက နည်းတယ်။Green Cardမရှိတဲ့ဆရာဦးရေက များတယ်။ Green Card မရှိတဲ့ဆရာက မှောင်ခိုသင်နေရတာပေါ့။ ခိုးပြီး သင်နေရတာပေါ့။ စာသင်စားပါ တယ်ဆို ခိုးသင်နေရတဲ့ အခြေအ နေဖြစ်နေတယ်’’ ဟု မြန်မာနိုင်ငံ လုံးဆိုင်ရာ ဆရာ၊ ဆရာမများအ ဖွဲ့ချုပ် အတွင်းရေးမှူးလည်းဖြစ် သူ၊ ပုဂ္ဂလိကကိုယ်ပိုင်ကျောင်း တစ်ခု၏ အုပ်ချုပ်ရေးမှူးလည်းဖြစ် သူဦးကျော်မင်းခန့်ကပြောသည်။

သင်ကြားရေးအရည်အသွေး ကောင်းသည့် ကိုယ်ပိုင်ကျောင်း ဆရာမှတ်ပုံတင်လက်မှတ်မရှိသူ ဆရာများကို အသိမိတ်ဆွေကိုယ် ပိုင်ကျောင်းအချို့က ဆရာလိုအပ် ချက်အရ နားလည်မှုဖြင့်ခန့်အပ် ပေးနေရသည်ဟု မိတ္ထီလာမြို့ရှိ ကိုယ်ပိုင်ကျောင်းပိုင်ရှင်တစ်ဦးက ဆိုသည်။

‘‘စာသင်ခန်းတစ်ခန်းကို ကျောင်းသား ၄၀ ပဲထည့်ရတယ်။ တချို့က ၂၅ ယောက်ပဲထည့်ရ တယ်။ စာသင်ခန်းလေးခန်းရှိရင် တစ်ဘာသာကို ဆရာမလေး ယောက်လိုပြီ။ ကျောင်းသားဦးရေ ပေါ်မူတည်ပြီး ဆရာ၊ ဆရာမအင် အားကလိုတယ်။ အခုက ပုဂ္ဂလိက ကျောင်းတွေက တစ်စတစ်စ ကျောင်းသားအင်အားများလာတဲ့ အခါ ဆရာအင်အားက တိုးတိုးပြီး လိုတယ်။ လိုတဲ့အခြေအနေမှာ Green Card ရှိတဲ့ဆရာအင်အား လုံလောက်အောင်အစိုးရက ချ မပေးနိုင်ဘူး။ မပေးနိုင်ဘူးဆိုတာ  ပိုက်ဆံလည်း သူတို့မကုန်ဘူး။ ဘဏ္ဍာငွေလည်း မကုန်ဘူး။ ချ မပေးချင်လို့ကို မပေးတဲ့သဘော ဖြစ်နေတယ်’’ ဟု ဦးကျော်မင်းခန့် က Green Card ရဆရာရှားပါးမှု အခြေအနေအပေါ် သုံးသပ်ပြော ကြားသည်။

ဥပဒေအရ ပါရဂူဘွဲ့ (သို့မ ဟုတ်) ပညာရေးဘွဲ့ရရှိသူ၊ ဘွဲ့ တစ်ခုခုရရှိပြီး ဆရာအတတ်ပညာ ဆိုင်ရာဒီပလိုမာ (သို့မဟုတ်) လက်မှတ်ရရှိသူများကို ကိုယ်ပိုင် ကျောင်းဆရာ မှတ်ပုံတင်လက် မှတ် ချက်ချင်းထုတ်ပေးသော် လည်း ဘွဲ့တစ်ခုခုသာရရှိပြီး ကိုယ်ပိုင်ကျောင်းဆရာလက်မှတ် လျှောက်ထားပါက ဘာသာရပ် ဆိုင်ရာ သင်ကြားမှုအတွေ့အကြုံ ငါးနှစ်ရှိရမည်ဖြစ်သည်။ သင် ကြားမှု အတွေ့အကြုံ ငါးနှစ်ရှိ ကြောင်း တစ်နှစ်တစ်ကြိမ်ပညာရေးမှူးထံ ထောက်ခံချက် သွား ရောက်ရယူထားပြီး ငါးနှစ်ပြည့်မှ သာကိုယ်ပိုင်ကျောင်းဆရာလက် မှတ် လျှောက်ထားရမည်ဖြစ် သည်။

ပုဂ္ဂလိကကိုယ်ပိုင်ကျောင်း များတွင် ဆရာအဖြစ် ၀င်ရောက် လုပ်ကိုင်လိုသူအများစုသည် ဘွဲ့ တစ်ခုခုရရှိပြီး စာသင်ဂိုက်လုပ်နေ သူ၊ ဘာသာရပ်ကျူရှင်သင်တန်း များပို့ချနေသူများနှင့် အခြေခံပ ညာကျောင်းများမှ အငြိမ်းစား ဆရာ၊ ဆရာမများဖြစ်သည်။ ၎င်း တို့အတွက် ကိုယ်ပိုင်ကျောင်းဆ ရာမှတ်ပုံတင်လက်မှတ်လျှောက် ထားရန် သတ်မှတ်ချက်များသည် အခက်အခဲဖြစ်ရသည်။ ဥပဒေ ပြဋ္ဌာန်းပြီး အသက်ဝင်သည်မှာ လည်း ယခုနှစ်မှသာငါးနှစ်ပြည့်ရာ သင်ကြားရေးလုပ်သက်ထောက်ခံ ချက် ငါးနှစ် နှစ်စဉ်ယူထားရန်မှာ မလွယ်ကူသော အခြေအနေဖြစ် နေသည်။

ဥပဒေတွင် ယင်းတို့အတွက် လျှော့ပေ့ါခံစားခွင့်တစ်ခုပေးထား သည်။ ဘွဲ့တစ်ခုခုသာရထားသော် လည်း ပညာရေးဝန်ကြီးက ဖွင့် လှစ်ထားသော ရက်တိုသင်တန်း ဆင်းလက်မှတ်ရရှိထားပါကကိုယ် ပိုင်ကျောင်းဆရာမှတ်ပုံတင်လက် မှတ်ရနိုင်သည်ဟူသော အချက် ဖြစ်သည်။

သို့သော် ပညာရေးဝန်ကြီး ဌာနက အဆိုပါရက်တိုသင်တန်း ကို ကိုယ်ပိုင်ကျောင်းမှတ်ပုံတင် ဥပဒေပြဋ္ဌာန်းပြီးကတည်းက တစ် ကြိမ်သာ ဖွင့်လှစ်ပေးခဲ့ခြင်းဖြစ် သည်။ ၂၀၁၂ က ဖွင့်လှစ်သော ရက်တိုသင်တန်းကို တက်ရောက် ခွင့်ရသူ အနည်းငယ်သာကိုယ်ပိုင် ကျောင်းဆရာမှတ်ပုံတင်လက် မှတ် ရရှိထားသော်လည်း နောက် ပိုင်းနှစ်များတွင် မှတ်ပုံတင် လျှောက်လိုသူများသည် ငါးနှစ် ထောက်ခံချက်ကိုသာ ပြည့် အောင်စုနေရသည့်သဘောဖြစ် သည်။

‘‘ငါးနှစ်ဆက်တိုက် ထောက် ခံချက်ရထားမှ Green Card ရ မယ်ဆိုတော့ များသောအားဖြင့် က မပြနိုင်ကြဘူး။ အဲဒါက အခက် အခဲဖြစ်တော့ ဥပဒေအရ သက် ဆိုင်ရာ တိုင်းပညာရေးမှူးရုံးကပဲ ဖြစ်ဖြစ်၊ အခြေခံပညာဦးစီးဌာန ကပဲဖြစ်ဖြစ်၊ ဆရာအတတ်သင် ကျောင်းမှပဲဖြစ်ဖြစ် သူတို့ကို သင် တန်းတွေ ခေါ်ပေးမယ်ဆိုရင် Green Card ပေးခွင့်ရှိတယ်။ခက်တာက အဲဒီသင်တန်းက တစ်ခါ နှစ်ခါလောက်ပေးပြီး ဆက်မပေး တော့ဘူး’’ ဟု ပုဂ္ဂလိကကိုယ်ပိုင် ကျောင်း တည်ထောင်ထားသူ ဒေါက်တာဇီဝကပြောသည်။

မြန်မာနိုင်ငံလုံးဆိုင်ရာ ဆရာ ဆရာမများအဖွဲ့ချုပ် ပုဂ္ဂလိက ဆရာအစုအဖွဲ့၏ မှတ်တမ်းအရ တစ်နိုင်ငံလုံးတွင် ကိုယ်ပိုင် ကျောင်းဆရာ မှတ်ပုံတင်လက် မှတ်လျှောက်ထားလိုသူ ခုနစ် သောင်းကျော်ရှိနေသည်။ ပညာ ရေးဝန်ကြီးဌာနက လက်မှတ်ချ ထားပေးသည့်အရေအတွက် ငါး ထောင်ကျော်သာရှိသည်။

ယခုနှစ်တွင် လုပ်သက် ထောက်ခံချက် ငါးနှစ်ပြည့်ခြင်း ကြောင့် ကိုယ်ပိုင်ကျောင်းဆရာ မှတ်ပုံတင်လက်မှတ် လျှောက် ထားသူများသည် လိုင်စင်ကြေး ၈၀,၀၀၀ ကျပ်ပေးသွင်းထားသော် လည်း ကျောင်းဖွင့်ပြီး  လေးလ ကြာသည်အထိ လက်မှတ်ချမပေး သေးဟုဆိုသည်။

ပုဂ္ဂလိကကိုယ်ပိုင်ကျောင်း အများစုသည် ဖေဖော်ဝါရီတွင် ဆရာအသစ်ခေါ်ယူလေ့ရှိသော် လည်း ကိုယ်ပိုင်ကျောင်းဆရာ မှတ်ပုံတင်ချထားပေးသည့်အချိန် မှာ နောက်ကျခြင်းကြောင့် ဆရာ၊ ဆရာမများအနေဖြင့် စာသင်နှစ် တစ်နှစ်စာ အလုပ်အကိုင်အခွင့် အရေးဆုံးရှုံးရမှုများရှိနေသည်ဟု ဆိုသည်။

‘‘ကိုယ်ပိုင်ကျောင်းတွေက Green Card ပြမှကိုလက်ခံတာ။ ပညာရေးဝန်ကြီးဌာနက Green Card မိတ္တူကို ပြန်တောင်းသေး တော့ ကျောင်းတွေကလည်း Green Card ရှိမှခန့်တယ်။ သူတို့ က ငွေသွင်းချလန်ပဲပေးထားပြီး Green Card မှ Green Card ဆို တော့ ဘယ်လိုလုပ်မလဲ’’ ဟု ဦး ကျော်မင်းခန့်က ပြောသည်။

စာသင်သက် ၂၃နှစ်ရှိ သင်္ချာဆရာဦးကျော်သာက ‘‘Green Card မရှိလည်းပဲ အသက်မွေး ၀မ်းကျောင်းအတွက် စာသင်နေ ရမှာပဲလေ။ စာပဲသင်တတ်တာ ကိုး။ အခက်အခဲကတော့ ကျွန်တော်တို့က ဥပဒေနဲ့မညီဘဲနဲ့ စာသင်နေသလိုဖြစ်နေတယ်။ ရိုးသားစွာကိုယ်တတ်တဲ့ ပညာနဲ့ အ သက်မွေးဝမ်းကျောင်းတာတောင် မှပဲ အချုပ်ထဲဝင်ရမလိုဖြစ်နေ တယ်။ ကျွန်တော်တို့အတွက် စာသင်စားရတာတောင် အန္တရာယ်ရှိနေတယ်။ မနာလိုတဲ့လူက ဥပဒေနဲ့ကိုင်ပြောရင် အန္တရာယ်ရှိတာ ပေါ့’’ ဟု ပြောသည်။

မြန်မာနိုင်ငံလုံးဆိုင်ရာ ဆရာ၊ ဆရာမများအဖွဲ့ချုပ်အနေဖြင့် ပညာရေးဝန်ကြီးဌာန၊ အခြေခံ ပညာဦးစီးဌာန ညွှန်ကြားရေးမှူး ချုပ် ဒေါက်တာအောင်နိုင်စိုးနှင့် ဩဂုတ်လဆန်းက တွေ့ဆုံစဉ် ဥပဒေတွင် ပြဋ္ဌာန်းထားသည့်အ တိုင်း ကိုယ်ပိုင်ကျောင်းဆရာများ အတွက် ရက်တိုသင်တန်းများ ဖွင့်လှစ်ပေးပြီး ကိုယ်ပိုင်ကျောင်း ဆရာမှတ်ပုံတင်ထုတ်ပေးရန်တင် ပြခဲ့ရာ လာမည့်နွေရာသီ၌ ဆောင် ရွက်ပေးမည်ဖြစ်ကြောင်း ကတိပြု ခဲ့သည်ဟု ဦးကျော်မင်းခန့်က ဆို သည်။

ပညာရေးဝန်ကြီးဌာနအနေ ဖြင့် လာမည့်ပညာသင်နှစ်များတွင် ကိုယ်ပိုင်ကျောင်းမှတ်ပုံတင် ဥပဒေနှင့်အညီ ကိုယ်ပိုင်ကျောင်း ဆရာ မှတ်ပုံတင်လက်မှတ်အ တွက် ရက်တိုသင်တန်းဖွင့်လှစ်ပေး နိုင်ခြင်း ရှိ၊ မရှိစောင့်ကြည့်ရပေဦး မည်။