ခြေလေးချောင်း တော်လှန်ရေး (သခင်ဘသောင်း)

မြန်မာပြည်တွင် ကာလအတန်ကြာနေဖူးပြီး နောင်တစ်ချိန် ကမ္ဘာကျော်ခဲ့သော အင်္ဂလိပ်စာရေး ဆရာကြီးဂျော့(ခ်ျ)အော်ဝဲ (George Orwell)၏ နာ မည်ကြီး Animal Farm ၀တ္ထုကို ဒို့ဗမာအစည်းအရုံး စတင်တည်ထောင်သူ သခင်ဘသောင်းက မြန်မာ ဘာသာသို့ ပြန်ဆိုသောစာအုပ်ဖြစ်သည်။ ၁၉၅၁ ခုနှစ်က ပထမအကြိမ်ထွက်ခဲ့ပြီး စာအုပ်ဈေးကွက်ထဲ ပြတ်လပ်နေကာ ယခုပြန်လည်ထွက်ရှိလာသော စာအုပ်လည်း ဖြစ်ပေသည်။ 


မြန်မာစာဖတ်သူများအနေဖြင့် ဂျော့(ခ်ျ)အော်ဝဲဆိုလျှင် The Burmese Days စာအုပ်နှင့် တွဲဖက်မြင်လေ့ရှိပါသည်။ မှန်ပါသည်။ အော်ဝဲသည် မြန်မာ ပြည်၌ ဗြိတိသျှအစိုးရ၏ ရဲဝန်ထမ်းတစ်ဦးအဖြစ် ၁၉၂၂ မှ ၁၉၂၇ အထိ တာဝန်ထမ်းရွက်ခဲ့ပြီး ကိုလိုနီ စနစ်၏ နယ်ချဲ့ဝါဒကို ရွံမုန်းကာ ရာထူးမှ နုတ်ထွက် ပြီး အင်္ဂလန်သို့ပြန်ခဲ့သည်။ ထို့နောက် အထီးကျန်ဘ၀ ဖြင့် ခက်ခက်ခဲခဲဖြတ်သန်းခဲ့ရပြီး စပိန်ပြည်တွင်းစစ် အတွင်း ၀င်ရောက်တိုက်ခိုက်ခဲ့သလို ဗြိတိသျှအသံ လွှင့်ဌာန(BBC)၌လည်း အမှုထမ်းခဲ့သည်။ ယခုဝတ္ထု ကို ဒုတိယကမ္ဘာစစ်ကြီးမပြီးဆုံးမီကတည်းက ရေး သားခဲ့သော်လည်း စစ်ကြီးပြီးဆုံး၍ အတန်ငယ်ကြာ သောအခါမှ  စာအုပ်အဖြစ် ပုံနှိပ်ထုတ်ဝေနိုင်ခဲ့သည်။ အော်ဝဲ၏ ထူးခြားသောအတွေးအခေါ်နှင့် ဆန်းသစ် သော အရေးအသားကြောင့် နေ့ချင်းညချင်း နာမည် ကြီးသွားပြီး အုပ်ရေတစ်သန်းကျော် ရောင်းချခဲ့ရ သည်။ ထိုစာအုပ်ကို ဥရောပ၌ ထုတ်ဝေပြီးမကြာ ဆရာကြီးသခင်ဘသောင်းက
မှီငြမ်းဘာသာပြန်ဆိုကာ မူရင်းအနှစ်သာရမပျက် ရေးသားနိုင်ခဲ့၍ မြန်မာ စာဖတ်ပရိသတ်များ အလွန်သဘောကျနှစ်ခြိုက်ခဲ့ကြသည်။ 

ဂျော့(ခ်ျ)အော်ဝဲသည် ယခုစာအုပ်ကိုဖန်တီးရာ တွင် ခြံမြေဧရိယာကြီးတစ်ခုအတွင်း ခေါင်းပုံဖြတ်အမြတ်ထုတ်နေသော ခြံပိုင်ရှင်ကို တိရစ္ဆာန်များက စုပေါင်း၍ တော်လှန်မောင်းထုတ်လိုက်ပြီး တန်းတူညီ မျှရှိသော အဖွဲ့အစည်း
တစ်ခု တည်ထောင်ရန် စီစဉ် ခဲ့ပုံ၊ ထိုတိရစ္ဆာန်များထဲတွင် ပါးနပ်ပြီး ကိုယ်ကျိုးရှာလိုသူ ၀က်များက မူလဦးတည်ချက်များကို သွေဖည်ကာ ကျန်တိရစ္ဆာန်များကို စိုးမိုးအုပ်ချုပ်ရန် ကြိုးပမ်းလာပုံ၊ ထိုဝက်များ လက်အောက်တွင် အခြား တိရစ္ဆာန်များသည် ယခင် လူသားအုပ်ချုပ်စဉ်ကထက် ပိုမိုဖိနှိပ်ခံရပုံတို့ကို နိမိတ်ပုံ၊ ဥဒါဟရုဏ်တို့ဖြင့် ရသမြောက်စွာ ရေးထားသည်။ အော်ဝဲသည် ထိုခေတ် ထိုအချိန်က ကမ္ဘာတွင် အာဏာရှင်စနစ်ဖြစ်ထွန်းလာ ပြီး လူသား
ပဋိပက္ခများဆီ ဦးတည်နေသော အခြေအနေကို ကြိုတင်ရေးသားခဲ့သည်။ အထူးသဖြင့် ‘တိရစ္ဆာန်အားလုံး တန်းတူညီမျှကြပါသည်။ သို့သော် အချို့တိရစ္ဆာန်များက အခြားတိရစ္ဆာန်များထက် ပို၍ ပင် တန်းတူညီမျှကြပါသည်’
ဟူသော အရေးအသား က ထိမိသော သရော်လှောင်ပြောင်ချက်ဖြစ်သည်။ သခင်ဘသောင်းသည် ယခုစာအုပ်ကို မှီငြမ်းဘာသာပြန်ရာ၌ ဦးသာခေါင်၊ ဒေါ်အိုစာ၊ ဦးပေါက်ကျော်၊ ဦးအောင်ပန်း အစရှိသည့် လူပုဂ္ဂိုလ်များ
ထည့်သွင်း ကာ မြန်မာစာဖတ်ပရိသတ် အလွယ်တကူနားလည် သဘောပေါက်အောင် ရေးထားသည်။ ထိုသို့ မြန်မာ အမည်ဖြင့် ဇာတ်ကောင်များ ထည့်သွင်းခဲ့သော်လည်း မူရင်းစာအုပ်၏အနှစ်သာရ မပျက်စီးအောင် ရေးသား ထားသည်။ ဂျော့(ခ်ျ)အော်ဝဲသည် ယခုဝတ္ထုနှင့်ပင် အနာဂတ်အန္တရာယ်ကို ကြိုတင်မျှော်တွေးနိုင်သောစာရေးဆရာအဖြစ် အသိအမှတ်ပြုခံခဲ့ရသည်။ Animal Farm စာအုပ်နှင့်ပတ်သက်၍ အော်ဝဲက ‘‘နောင်နှစ် တွေမှာဆိုရင်
ကျွန်ုပ်အနေနဲ့ ဖွဲ့နွဲ့တာကို လျှော့ချပြီး ပိုပြီးတိကျအောင်ပဲ ကြိုးစားပါတော့တယ်။ တကယ် တော့ ခင်ဗျားအနေနဲ့ ရေးဟန်တစ်ခုကို အသားကျပြီ ဆိုရင် ဒီဟန်ကို စွန့်လွှတ်မိတော့တာပါပဲ။ ခြေလေး ချောင်းတော်လှန်ရေးဟာ
ကျွန်တော်စမ်းသပ်ရေးသား တဲ့ ပထမစာအုပ်ပါ။ ကိုယ်ဘာလုပ်နေတယ်ဆိုတာကို အသိရှိရှိလက်ကိုင်ထားပြီး နိုင်ငံရေးရည်မှန်းချက်နဲ့ အနုပညာရည်မှန်းချက်၊ အဲဒီနှစ်ခုစလုံးကို တစ်ပေါင်း တည်းဖော်ပြဖို့ ကြိုးစားခဲ့တဲ့စာအုပ်ပါ’’ ဟု အက်ဆေး တစ်ပုဒ်တွင် ရေးခဲ့သည်။ အော်ဝဲသည် ယခုစာအုပ် ပြီးခါမှ ပိုမိုထင်ရှားသည့် 1984 ကို ရေးသားခဲ့ပြီး အ သက်(၄၇)နှစ်အရွယ်တွင် ကွယ်လွန်သွားပါသည်။ 

တစ်ချိန်က ကမ္ဘာ့စာပေလောကကို အုတ်အော် သောင်းတင်းဖြစ်စေပြီး အုပ်ရေသန်းချီရောင်းချခဲ့ရ သော ယခုစာအုပ်သည် မြန်မာစာဖတ်ပရိသတ် လက်ဝယ်ရောက်ရှိလာပါပြီ။ ရာပြည့်စာအုပ်တိုက် က တန်ဖိုး ၂,၀၀၀ ကျပ်ဖြင့်
ဖြန့်ချိထားပါသည်။