မဲခေါင်ဒေသနိုင်ငံများ စုစည်း၍ Super Gate Way တစ်ခုအနေဖြင့် တရုတ်နှင့်အိန္ဒိယသို့ ကုန်သွယ်ရန်ဆွေးနွေး

ဓာတ်ပုံ−gisreportsonline.com

 မြန်မာနိုင်ငံအပါအဝင် မဲခေါင်ဒေသတွင်း နိုင်ငံများဖြစ် သည့် CLMVT နိုင်ငံငါးခူပူးပေါင်း ၍ ရင်းနှီးမြှုပ်နှံမှုနှင့် ကုန်သွယ်မှု များ အပြန်အလှန်ပြုလုပ်ကာ တရုတ်နှင့် အိန္ဒိယနိုင်ငံထံသို့ Super Gate Way တစ်ခုအနေဖြင့်ကုန်သွယ်ရန် စက်တင်ဘာ ၅ ရက်ကမန္တလေးမြို့တွင် ဆွေးနွေးခဲ့သည်။

‘‘CLMVT နိုင်ငံတွေ  ပူး ပေါင်းပြီးတော့ ကုန်သွယ်မှုတွေ၊ ရင်းနှီးမြှုပ်နှံမှုတွေ အပြန်အလှန် ဘယ်လိုလုပ်ကြမလဲ၊ အဲဒီကနေ တစ်ဆင့် တရုတ်၊ အိန္ဒိယ ထွက် ပေါက်တွေကို Super Gate Way တစ်ခုအနေဖြင့် ကုန်သွယ်မှုတွေ ဘယ်လိုလုပ်ကြမလဲဆိုတာကို အဓိကထားပြီးတော့ ဆွေးနွေးခဲ့ ကြတာဖြစ်ပါတယ်’’ဟု မန္တလေး တိုင်း ကုန်သည်များနှင့် စက်မှု လက်မှုလုပ်ငန်းရှင်များအသင်း ဒုဥက္ကဋ္ဌဦးဝင်းဌေးက ပြောသည်။


ဆွေးနွေးပွဲကို ထိုင်းနိုင်ငံရှိ Exchange Commision က ဦးစီး ပြုလုပ်ခြင်းဖြစ်ပြီး မဲခေါင်ဒေသ တွင်း နိုင်ငံများဖြစ်သည့် မြန်မာ၊ ထိုင်း၊ ကမ္ဘောဒီးယား၊ လာအိုနှင့် ဗီယက်နမ်နိုင်ငံတို့သည် ရင်းနှီး မြှုပ်နှံမှုနှင့် ကုန်သွယ်မှုများ ပူး ပေါင်းဆောင်ရွက်ကာ Super Gate Way တစ်ခု ဖြစ်လာစေရန် မန္တလေးမြို့ရှိ မန္တလေးတောင်ဟိုတယ်တွင် လုပ်ငန်းရှင်များအချင်းချင်းတွေ့ဆုံ၍ ဆွေးနွေးခဲ့သည်။

ယင်းဆွေးနွေးပွဲတွင် စိုက် ပျိုးရေး၊ သယ်ယူပို့ဆောင်ရေးနှင့် ကုန်သွယ်ရေးကဏ္ဍတို့မှ ရရှိလာ နိုင်သည့် ရင်းနှီးမြှုပ်နှံမှု အခွင့် အလမ်းများနှင့် မြန်မာနိုင်ငံ၌ လက်ရှိကျင့်သုံးနေသော မူဝါဒနှင့် ဥပဒေများအကြောင်း အဓိက ထားဆွေးနွေးသည်။

 ယခု ဆွေးနွေးပွဲသည် CLMVT နိုင်ငံများအကြား Super Gate Way တစ်ခုအနေဖြင့် ဆောင်ရွက်ရန် ကနဦးဆွေးနွေးပွဲဖြစ်ပြီး ပြည်တွင်း ပြည်ပ လုပ်ငန်းရှင် ၆၀ ခန့် တက်ရောက်ဆွေးနွေးခဲ့ကြောင်း ဦးဝင်းဌေးကပြောသည်။