နည်းပညာ

အမ်ပီတီ၏ ဖေ့စ်ဘွတ်ခ်အခမဲ့ အသုံးပြုနိုင်သည့် ဝန်ဆောင်မှုရပ်ဆိုင်း

 ဖေ့စ်ဘွတ်ခ်ကွန်ရက်ကို အခမဲ့အသုံးပြုနိုင်သည့် Face-book Flex ဝန်ဆောင်မှုကို စက် တင်ဘာ ၉ ရက်က စတင်ကာ အသုံးပြုခွင့်ရပ်တန့်ကြောင်း မြန်မာ့ဆက်သွယ်ရေးလုပ်ငန်း (MPT) က ကြေညာသည်။ 


မြန်မာ့ဆက်သွယ်ရေးလုပ် ငန်းသည် Facebook Flex ဝန် ဆောင်မှုကို ၂၀၁၆ ဇွန်လတွင် စတင်မိတ်ဆက်ခဲ့သည်။ ပရိုမိုး ရှင်းအနေဖြင့် ဝန်ဆောင်မှုပေး အပ်ခြင်းမဟုတ်ဘဲ ဖေ့စ်ဘွတ်ခ် နှင့် သဘောတူညီမှုအရ အချိန် အကန့်အသတ်မရှိဘဲ အသုံးပြုခွင့် ပေးမည်ဟု ကြေညာထားသည့် ဝန်ဆောင်မှုကို ရပ်တန့်ခြင်းဖြစ် သည်။ 

Facebook Flex ဆိုသည်မှာ ဓာတ်ပုံနှင့်ဗီဒီယိုများ ဖော်ပြခြင်းကြည့်ရှုခြင်းမှအပ စာတိုဖတ်ရှု ခြင်းနှင့် ကျန်ရှိသော ဖေ့စ်ဘွတ်ခ်ဝန်ဆောင်မှုများကို အခမဲ့အသုံးပြုနိုင်သည့် အစီအစဉ်ဖြစ်သည်။ ‘‘ပျင်းလို့ စာပဲဖတ်ချင်တဲ့ အခါ ဒီဝန်ဆောင်မှုက တော်တော်လေး အဆင်ပြေခဲ့တယ်’’ ဟု FacebookFlex အသုံးပြုသူ  ကိုမင်းမင်းက ပြောသည်။ 

အခမဲ့ အသုံးပြုနိုင်သည့် ဖေ့စ်ဘွတ်ခ်ဝန်ဆောင်မှုကို ရပ် တန့်ရခြင်းနှင့်ပတ်သက်၍ မြန်မာ့ဆက်သွယ်ရေးလုပ်ငန်း တာဝန်ရှိ သူများထံသို့ ဆက်သွယ်မေးမြန်း သော်လည်း အတိအကျ ပြန်လည် ထုတ်ပြန်မည်ဟုသာ ဖြေကြား သည်။ 

မြန်မာ့ဆက်သွယ်ရေးလုပ် ငန်း၏ဆွေသဟာဝန်ဆောင်မှုကို ရယူထားသူများသည် ဖေ့စ် ဘွတ်ခ် အသုံးပြုသည့်အခါ DataMode နှင့် Free Mode ကို အလိုအလျောက် ရွေးချယ်အသုံးပြုနိုင်ပြီး Free Mode နှင့်အသုံးပြုသည့်အခါ အခမဲ့ဝန်ဆောင်မှု ရရှိခြင်းဖြစ်သည်။ 

Facebook Flex ကို မြန်မာ့ ဆက်သွယ်ရေးလုပ်ငန်းက စတင် မိတ်ဆက်စဉ် အဆိုပါဝန်ဆောင်မှု သည် အခြားသောအော်ပရေတာ များ၏ ဈေးကွက်နှင့် Start Up ကုမ္ပဏီများ၏အသစ်အဆန်းတီ ထွင်မှုကို အဟန့်အတားဖြစ်စေ ကြောင်း ဝေဖန်မှုများ ရှိခဲ့သည်။