အသားစားသုံးမှု မြင့်မားခြင်းကြောင့် ဆီးချိုရောဂါ ဖြစ်ပွားနိုင်သည့်အန္တရာယ် မြင့်မား

အနီရောင်အသားများနှင့် မွေးမြူရေးတိရစ္ဆာန်အသားများ စားသုံး မှု မြင့်မားခြင်းကြောင့် ဆီးချိုရောဂါဖြစ်ပွားနိုင်သည့် အန္တရာယ်မြင့် မားကြောင်း လေ့လာမှုတစ်ရပ်က ဖော်ပြသည်။

သို့သော် ငါးနှင့် အခွံမာရေသတ္တဝါများကို စားသုံးခြင်းကြောင့် ဆီးချိုရောဂါနှင့်ဆိုင်သော အန္တရာယ်မရှိဟု စင်ကာပူနိုင်ငံမှ သုတေ သီများက ပြောသည်။


အသားများထက် အပင်ကိုအခြေခံသော အစားအစာများသည် ကျန်းမာရေးအတွက် ပိုအကျိုးရှိကြောင်း မကြာမီက လေ့လာမှုများတွင် ဖော်ပြခဲ့သည်။ ဥပမာ ပြီးခဲ့သည့်လက Medical News Today  ဂျာနယ်၌ ဖော်ပြထားသည့် လေ့လာမှုတစ်ရပ်က ဟင်းသီးဟင်းရွက် အဓိကပါဝင်သော အစာများ စားခြင်းကြောင့် ကိုလက်စထရောပမာဏ လျော့ကျစေနိုင်ကြောင်း ဖော်ပြထား သည်။

တစ်ချိန်တည်းမှာပင် လောလောဆယ် ဖော်ပြထားသော လေ့ လာမှု အများအပြားက အသားစားသုံးခြင်းနှင့် ဆီးချိုရောဂါဖြစ်ပွား မှု အန္တရာယ်မြင့်မားမှုကြား ဆက်စပ်နေကြောင်း ဖော်ပြထားသည်။

စင်ကာပူနိုင်ငံရှိ Duke-NUS ဆေးပညာကျောင်းက ယင်းလေ့ လာမှုများကို အတည်ပြုထားပြီး အသားစားသုံးမှု မြင့်မားခြင်းက မည်သည့်အတွက်ကြောင့် ဆီးချိုရောဂါဖြစ်ပွားနိုင်သည့် အန္တရာယ် မြင့်မားစေသည်ကို ဖော်ပြထားသည်။

အနီရောင်အသား အများဆုံးစားသူများသည် ယင်းအသားအနည်းငယ်သာ စားသုံးသူများထက် ဆီးချိုရောဂါဖြစ်ပွားနိုင်သည့်အန္တရာယ် ၂၃ ရာခိုင်နှုန်း မြင့်မားကြောင်း သုတေသီများက လေ့ လာတွေ့ရှိခဲ့သည်။ သို့သော် အသားများအစား ငါးနှင့် အခွံမာ ရေသတ္တဝါများ စားသုံးခြင်းဖြင့် ယင်းအန္တရာယ်များကို လျော့ကျစေနိုင်သည်ဟု သုတေသီများကပြောသည်။

လူအများအနေဖြင့် နေ့စဉ်အသားစားသုံးမှုကို လုံးဝရပ်တန့်ပစ်ရန် မလိုဘဲ နေ့စဉ်စားသုံးမှု ပမာဏကို လျှော့ချကာ အထူးသဖြင့် အနီရောင်အသားစားသုံးမှုကို လျှော့ချသင့်ကြောင်း သုတေသီ များကပြောသည်။

ဆီးချိုရောဂါအန္တရာယ်လျှော့ချရေး အပင်ကိုအခြေခံသော အစားအစာများ၊ ငါးနှင့် အခွံမာရေသတ္တဝါများ စားသုံးသင့်ကြောင်း သုတေသီများက ပြောသည်။ အနီရောင်အသားများတွင် ပါဝင် သော သံဓာတ်က စားသုံးမှုမြင့်မားလျှင် ကျန်းမာရေးအန္တရာယ် ကျရောက်စေနိုင်ကြောင်း သုတေသီများကပြောသည်။

—Ref: MNT

Top News