အကြမ်းဖက်မှု ဖြစ်စဉ်များကြောင့် ပိတ်ထားသည့် မောင်တောရှိဘဏ်အချို့ အချိန်ပိုင်းပြန်ဖွင့်

ရဲကင်းစခန်း ၃၀ ကျော်ကို အာဆာ (ARSA) အကြမ်းဖက်သမားများက တိုက် ခိုက်ခဲ့သည့်ဖြစ်စဉ်ကြောင့် မောင် တောမြို့ရှိ ပိတ်ထားသည့်ဘဏ် အချို့ ယခုအခါ အချိန်ပိုင်းပြန်လည်ဖွင့်လှစ်နေသည်။

အဆိုပါ ဘဏ်များသည် ပုဂ္ဂလိကဘဏ်များဖြစ်ပြီး အကြမ်း ဖက်တိုက်ခိုက်မှု ဖြစ်ပွားသည့် သြဂုတ် ၂၅ ရက်ကစတင်ကာ ပိတ်ထားခဲ့သည်။ ထိုသို့ ပိတ် ထားပြီး ၁၃ ရက်အကြာတွင် ပြန် လည်ဖွင့်လှစ်ခဲ့ကြောင်း သတင်းရင်းမြစ်များက ပြောသည်။

‘‘အခြေအနေကြည့်ပြီးတော့ အချိန်ပိုင်းဖွင့်ပါတယ်။ တဖြည်း ဖြည်း အချိန်တိုးဖွင့်သွားပါမယ်’’ ဟု ပုဂ္ဂလိကဘဏ်တစ်ခုမှ ဝန်ထမ်းတစ်ဦးက ပြောသည်။

မောင်တောမြို့တွင် မြန်မာ့ စီးပွားရေးဘဏ်၊ ကမ္ဘောဇဘဏ် နှင့် ကမ္ဘာ့ရတနာဘဏ်တို့ရှိပြီး မြန်မာ့စီးပွားရေးဘဏ်သည် စက် တင်ဘာလဆန်းက စတင်ဖွင့်လှစ်ခဲ့သည်။ လုံခြုံရေးစိုးရိမ်မှုကြောင့် သောင်းနှင့်ချီသော မောင်တောဒေသခံများသည် မြို့ပေါ်စုရပ် ကယ်ဆယ်ရေးစခန်းများနှင့် အခြားမြို့နယ်များသို့ ပြောင်းရွှေ့နေထိုင်နေကာ မြို့ပေါ်တွင် လူသွားလူလာနည်းပါးနေပြီး ဘဏ်နှင့် ဆက်သွယ်ဆောင်ရွက်သူများ လည်း နည်းပါးသည်။

မောင်တောမြို့မဈေးကြီးကို ဖွင့်လှစ်ထားသော်လည်း ဈေး ရောင်းမည့်သူမရှိခြင်း၊ နယ်စပ် ကုန်သွယ်ရေးလုပ်ငန်းများ ပုံမှန် မလည်ပတ်နိုင်သေးခြင်းတို့ ကြောင့် ငွေကြေးစီးဆင်းမှုလျော့နည်းနေကြောင်း ကုန်သည်ပွဲစား များက ပြောသည်။

Top News