နည်းပညာ

ရွှေ့ပြောင်း လုပ်သားများ အသုံးဝင်မည့် အက်ပလီကေးရှင်း မိတ်ဆက်

ထိုင်းနိုင်ငံရောက်ရွှေ့ ပြောင်းလုပ်သားများအတွက် လို အပ်သော သတင်းအချက်အ လက်နှင့် သိသင့်သိထိုက်သော မူဝါဒများ၊ ကြေညာချက်များကို စုစည်းဖော်ပြမည့် FED Myanmarအက်ပလီကေးရှင်းကို စက်တင် ဘာ ၇ ရက်တွင် စတင်မိတ်ဆက်ခဲ့ သည်။


Android ဖုန်းများ၌သာ အသုံးပြုနိုင်သည့် FED Myanmar အက်ပလီကေးရှင်းကို လက်ရှိတွင် Play Store ၌ အခမဲ့ရယူနိုင် ကြောင်း အဓိကအားဖြင့် ထိုင်း နိုင်ငံရောက် မြန်မာလုပ်သားများ အတွက် ရည်ရွယ်ထုတ်လုပ်ထား ကြောင်း FED Myanmar မှ အမှုဆောင်ဒါရိုက်တာ ဦးထူးချစ်က ပြောသည်။

အက်ပလီကေးရှင်းက၂၀၁၇မတ်လကစတင်၍ ထိုင်းနိုင်ငံ ရောက် ရွှေ့ပြောင်းမြန်မာလုပ် သား ငါးထောင်ခန့်က စတင်အသုံးပြုခဲ့သည်။ အက်ပလီကေးရှင်းတွင် အလုပ်သမားအခွင့်အရေးနှင့် ထိုင်းနိုင်ငံတွင်ကျင့်သုံးနေသည့် မူဝါဒများကို ဖော်ပြထားသည်။

ထို့အပြင် လူကုန်ကူးခံရပါ က ဆက်သွယ်ရမည့် အဖွဲ့အစည်း များနှင့် သံရုံးလိပ်စာတို့ကို အက် ပလီကေးရှင်းတွင် ဖော်ပြထား သည့်အပြင် ရွှေ့ပြောင်းလုပ်သား များနှင့် သက်ဆိုင်သည့်အထွေ ထွေသတင်းများနှင့် ဗဟုသုတ များလည်း ဖော်ပြထားသည်။

အက်ပလီကေးရှင်းကို ထိုင်း နိုင်ငံရောက် မြန်မာရွှေ့ပြောင်း လုပ်သားများအတွက် ပညာရေး၊ ဖွံ့ဖြိုးရေး၊ ကျန်းမာရေးနှင့် လုပ်သား အခွင့်အရေးတို့ကို ဆောင်ရွက်ပေးနေသည့် FED Myanmarက ထုတ်လုပ်ဖြန့်ချိခြင်းဖြစ်သည်။ ‘‘နောက်ဆိုရင် မြန်မာလုပ်သား တွေရှိတဲ့ စင်ကာပူ၊ မလေးရှားတို့က ဥပဒေတွေကိုပါ အက်ပလီ ကေးရှင်းထဲ ဖြည့်သွင်းသွားဖို့ ရှိပါတယ်’’ဟု ဦးထူးချစ်ကပြောသည်။

ထိုင်းအစိုးရနှင့် မြန်မာအစိုး ရက ထုတ်ပြန်သည့် ကြေညာချက် များကိုလည်း ဘာသာပြန်ကာ Update အနေဖြင့် ပုံမှန်ဖော်ပြ မည်ဟု FED Myanmar က ကြေညာထားသည်။ ထိုင်းနိုင်ငံတွင် မြန်မာရွှေ့ပြောင်းလုပ်သား လေး သန်းခန့်ရှိပြီး နှစ်သန်းကျော်သည် တရားဝင် သွားရောက်နေထိုင် လုပ်ကိုင်ခြင်းဖြစ်သည်။ 

Top News