အိန္ဒိယက မြန်မာနိုင်ငံသားများအတွက် အခမဲ့ဗီဇာအစီအစဉ် စတင်မည်

ထိန်းသိမ်းခံ မြန်မာနိုင်ငံသား ၄၀ ကို လွှတ်ပေးမည်ဟု အိန္ဒိယဝန်ကြီးချုပ်ပြော
ဒေါ်အောင်ဆန်းစုကြည်နှင့် မိုဒီတို့ ယမန်နေ့က တွေ့ရစဉ် (ဓာတ်ပုံ − AP/ Uncredited)

အိန္ဒိယနိုင်ငံက မြန်မာနိုင်ငံသားများအတွက် အခမဲ့ဗီဇာပေးအပ်မှု အစီအစဉ် စတင်မည်ဖြစ်ကြောင်း အိန္ဒိယဝန်ကြီးချုပ်က ပြောသည်။ ထို့အပြင်အကျဉ်းထောင်များတွင် ထိန်း သိမ်းခံထားရသည့် မြန်မာနိုင်ငံ သား ၄၀ ဦးကို လွှတ်ပေးမည်ဟု အိန္ဒိယနိုင်ငံ ဝန်ကြီးချုပ် ရှရီနာရန်ဒရာမိုဒီက ဆက်လက်ပြော ကြားသည်။


စက်တင်ဘာ ၆ ရက်က နေ ပြည်တော်ရှိ သမ္မတအိမ်တော် တွင် နိုင်ငံတော်၏ အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည် နှင့် တွေ့ဆုံအပြီး မီဒီယာရှင်း လင်းပွဲ၌ အိန္ဒိယဝန်ကြီးချုပ်က ထည့်သွင်းပြောကြားသည်။

အိန္ဒိယနှင့် မြန်မာနိုင်ငံသည် ဘက်စုံပါဝင်သည့် ဖွံ့ဖြိုးရေးမိတ် ဖက်ဆောင်ရွက်ချက်အရ အဆင့် မြင့်ကျန်းမာရေးစောင့်ရှောက်မှု၊ ပညာရေးနှင့် သုတေသနနယ်ပယ် များတွင် ပူးပေါင်းဆောင်ရွက်နေ ကြောင်း အိန္ဒိယဝန်ကြီးချုပ်က ဆို သည်။

ထို့အပြင် အိန္ဒိယနှင့် မြန်မာ နိုင်ငံအနေဖြင့် ရဲတပ်ဖွဲ့ကို လေ့ ကျင့်ပေးရေး အပါအဝင် ကဏ္ဍ အချို့တွင် နားလည်မှုစာချွန်လွှာ  ၁၁ ခု လက်မှတ်ရေးထိုးနိုင်ခဲ့သည် ဟု ၎င်းကပြောကြားသည်။

နိုင်ငံတော်၏ အတိုင်ပင်ခံ ပုဂ္ဂိုလ်နှင့် အိန္ဒိယဝန်ကြီးချုပ်တို့ သည် နှစ်နိုင်ငံအကြား ကျန်းမာ ရေး၊ ယဉ်ကျေးမှု၊ စွမ်းရည်မြှင့် တင်ရေး၊ ပင်လယ်ရေကြောင်း လုံခြုံရေးနှင့် အဓိကကျသော အ ဖွဲ့အစည်းများအကြား ပူးပေါင်း ဆောင်ရွက်ရေးဆိုင်ရာ သဘော တူညီချက်၊နားလည်မှုစာချွန်လွှာ များ လက်မှတ်ရေးထိုးခဲ့သည်။

အတိုင်ပင်ခံပုဂ္ဂိုလ်နှင့်အိန္ဒိယဝန်ကြီးချုပ်တို့ တွေ့ဆုံမှုတွင် မောင်တောဒေသ အကြမ်းဖက် ဖြစ်စဉ်မှန်သမျှကို နိုင်ငံတကာသို့ အသိပေးနိုင်ရေးအပါအဝင် နှစ် နိုင်ငံ ပူးပေါင်းဆောင်ရွက်မှုဆိုင် ရာကိစ္စရပ်များ ဆွေးနွေးခဲ့သည်။

ထို့အပြင် ကုန်သွယ်ရေး၊ ရင်းနှီးမြှုပ်နှံမှု၊ နည်းပညာနှင့် နယ်စပ်ရေးရာကိစ္စရပ်များ ပူး ပေါင်းဆောင်ရွက်ရေးဆိုင်ရာ ကိစ္စများလည်း ဆွေးနွေးသည်။

အိန္ဒိယဝန်ကြီးချုပ်က ညနေ တွင် ပုဂံမြို့ အာနန္ဒဘုရားသို့  သွားရောက်ခဲ့သေးသည်။ အာနန္ဒာ ဘုရား ပြုပြင်ထိန်းသိမ်းရေးကို နှစ်နိုင်ငံပညာရှင်များက ပူးပေါင်း ဆောင်ရွက်နေပြီး သာသနာရေး ဝန်ကြီးဌာနနှင့် အိန္ဒိယနိုင်ငံ ရှေးဟောင်း သုတေသနအဖွဲ့တို့ ဆောင်ရွက်သည့် အထိမ်းအ မှတ်မော်ကွန်းကို ဝန်ကြီးချုပ်က ဖွင့်လှစ်ပေးခဲ့သည်။

Top News