သွေးထိုးလှုံ့ဆော်မည့်သူများကို အချိန်မီဟန့်တားအရေးယူရန် သမ္မတညွှန်ကြား

ရခိုင်အရေးနှင့်တရားဥပဒေစိုးမိုးရေးဆိုင်ရာ ရှင်းလင်းတင်ပြသည့်အခမ်းအနားကျင်းပစဉ် (ဓာတ်ပုံ − နိုင်ငံတော်သမ္မတရုံး)

ပြည်သူများ၏ စိုးရိမ် ကြောင့်ကြမှုများကို အခွင့်ကောင်း ယူ၍ သွေးထိုးလှုံ့ဆော်မည့်သူ များကို အချိန်မီ ဟန့်တားနိုင်ရေး၊ တရားဥပဒေနှင့်အညီ ထိရောက် စွာ အရေးယူရန် နိုင်ငံတော်သမ္မတ ဦးထင်ကျော်က ယမန်နေ့က ညွှန် ကြားလိုက်သည်။

စက်တင်ဘာ ၆ ရက်တွင် သမ္မတအိမ်တော်၌ နှစ်နာရီကြာ ပြုလုပ်သော ရခိုင်ပြည်နယ်အရေး ကိစ္စများနှင့် တရားဥပဒေစိုးမိုး ရေးဆိုင်ရာ ရှင်းလင်းတင်ပြသည့် အခမ်းအနား၌ ထည့်သွင်းပြော ကြားခြင်းဖြစ်သည်။ ယုံကြည်မှု အစွန်းရောက်သူများက ဆူပူမှု ဖြစ်ရန် ပြုလုပ်နိုင်သည့်အန္တရာယ် ရှိနေချိန်တွင် လုံခြုံရေးအဖွဲ့ အစည်းများက ဥပဒေနှင့်အညီ ထိရောက်စွာ ဟန့်တားပေးရန် လိုအပ်ကြောင်း နိုင်ငံတော်သမ္မတ က ပြောကြားသည်။

အဆိုပါ ရခိုင်အရေးနှင့် တရားဥပဒေ စိုးမိုးရေးဆိုင်ရာ ရှင်းလင်းတင်ပြသည့် အခမ်းအ နားသို့ နိုင်ငံတော်၏အတိုင်ပင် ခံပုဂ္ဂိုလ် ဒေါ်အောင်ဆန်းစုကြည်၊ ဒုသမ္မတနှစ်ဦး၊ အမျိုးသားလွှတ် တော်ဥက္ကဋ္ဌ၊ တပ်မတော်ကာ ကွယ်ရေးဦးစီးချုပ်၊ ဒုတိယတပ် မတော် ကာကွယ်ရေးဦးစီးချုပ်၊  ပြည်ထဲရေးဝန်ကြီး၊ ကာကွယ်ရေး ၀န်ကြီး၊ နယ်စပ်ရေးရာဝန်ကြီး၊ နိုင်ငံတော် အတိုင်ပင်ခံရုံးဝန်ကြီး၊ လူမှုဝန်ထမ်း၊ ကယ်ဆယ်ရေး နှင့် ပြန်လည်နေရာချထားရေး ၀န်ကြီး၊ အမျိုးသားလုံခြုံရေးဆိုင် ရာ အကြံပေးပုဂ္ဂိုလ်၊ သမ္မတရုံး ဒု ၀န်ကြီးတို့ တက်ရောက်သည်။နိုင်ငံတော် အတိုင်ပင်ခံရုံး သည် ARSA အစွန်းရောက် အ ကြမ်းဖက်သမားများ၏ အကြမ်း ဖက် တိုက်ခိုက်မှု သတင်း နှင့်မလို လားအပ်သော ပဋိပက္ခများ မဖြစ် ပေါ်စေရေးဆိုင်ရာ သတင်းထုတ် ပြန်ချက်ကို စက်တင်ဘာ ၅ ရက် စွဲဖြင့် ထုတ်ပြန်ခြင်းကြောင့် ပြည် သူများအနေဖြင့် ကြိုတင်သတိ ရှိကာ မလိုလားအပ်သည်များ ဖြစ် လာမည်ကို ကာကွယ်နိုင်မည်ဖြစ် ကြောင်း နိုင်ငံတော်သမ္မတ ဦး ထင်ကျော်က ပြောကြားသည်။

 ဆက်လက်၍ နိုင်ငံတော် သမ္မတက တစ်ဖက်တွင်လည်း  ပြည်သူများအကြား စိုးရိမ်ပူပန် မှုများ မဖြစ်စေရန် နိုင်ငံတော်ရှိ  ထိပ်ပိုင်းပုဂ္ဂိုလ်များက လုံခြုံရေး အခြေအနေများကို အားလုံးဝိုင်း ၀န်းညှိနှိုင်း ဆောင်ရွက်သည်များ  ကို ပြည်သူများအား အသိပေးရန် လိုအပ်ကြောင်း ညွှန်ကြားသည်။

အဆိုပါ အခမ်းအနားတွင်  နယ်စပ်ခြံစည်းရိုး ပျက်စီးနေသည့် နေရာ၌ အမြန်ဆုံး ပြုပြင်ခြင်း ဆောင်ရွက်လျက်ရှိရာ ပြုပြင်ခြင်း  နှင့် ခြံစည်းရိုးကာရန် ကျန်ရှိသည့် နေရာများကို အဆင့်မီ လုံခြုံစွာ အမြန်ဆုံးကာရံခြင်းတို့ကို  ချက်  ချင်းဆောင်ရွက်ရန်နှင့် လိုအပ် သည့် ဘဏ္ဍာငွေကို အစိုးရက ချက် ချင်းပေးမည်ဖြစ်ကြောင်း  နိုင်ငံ တော်၏ အတိုင်ပင်ခံပုဂ္ဂိုလ် ဒေါ် အောင်ဆန်းစုကြည်၊ တပ်မတော် ကာကွယ်ရေးဦးစီးချုပ်၊ ဒုတိယ တပ်မတော် ကာကွယ်ရေးဦးစီး ချုပ်တို့က ဆွေးနွေးသည်။

ထို့အပြင် နယ်စပ်ခြံစည်းရိုး လုံခြုံမှု အားနည်းသည့်နေရာများ တွင် လုံခြုံရေးတပ်ဖွဲ့ဝင်များ လုံ လောက်စွာ တိုးမြှင့်ချထားရမည် ဖြစ်ကြောင်းနှင့် အကြမ်းဖက်မှု၌ ပါဝင်သူများကို ဥပဒေနှင့်အညီ ဖော်ထုတ် အရေးယူမည် ဖြစ် ကြောင်း ထည့်သွင်းဆွေးနွေး သည်။

ရခိုင်ပြည်နယ်အတွင်း ဘာ သာ၊ လူမျိုးမခွဲခြားဘဲ လူသားချင်း စာနာ ထောက်ထားမှုဆိုင်ရာအကူအညီများ ပေးအပ်နေပြီး ဆက်လက်ဆောင်ရွက်မည့် ရှေ့လုပ်ငန်းစဉ် များကို  ၀ိုင်းဝန်းဆွေးနွေးခဲ့သည်။

ယခုပြုလုပ်သည့် ရခိုင်အရေးနှင့် တရားဥပဒေစိုးမိုးရေးအခမ်းအနားတွင် တရုတ်နိုင်ငံသို့ရောက်ရှိနေသည့် ပြည်သူ့လွှတ် တော်ဥက္ကဌ ဦးဝင်းမြင့်မှအပ ကာလုံတွင်ပါဝင်သည့် ကျန်ပုဂ္ဂိုလ်များအားလုံးတက်ရောက်သည်ကိုတွေ့ရသည်။

ဒီချုပ်အစိုးရလက်ထက်တွင် အမျိုးသားကာကွယ်ရေးနှင့် လုံခြုံရေးကောင်စီ အစည်းအဝေး(ကာလုံ)ကို တစ်ကြိမ်မျှ ခေါ်ဆိုခြင်း မရှိသေးဘဲ ၂၀၁၆ အောက်တိုဘာ ၁၄ ရက်တွင် အမျိုးသားကာကွယ်ရေးနှင့် လုံခြုံရေးဆိုင်ရာ အထူးအစည်းအဝေးပြုလုပ်ခဲ့ပြီး ယင်းအချိန်က ဒုသမ္မတနှစ်ဦးမှအပ ကာလုံတွင်ပါဝင်သော ကျန်ပုဂ္ဂိုလ် အားလုံးတက်ရောက်ခဲ့ကြသည်။

       ထို့အပြင်နိုင်ငံတော်သမ္မတရုံးက ယမန်နေ့ညတွင် အချက်ငါးချက်ပါ သတင်းထုတ်ပြန်ချက် တစ် စောင် ထုတ်ပြန်ခဲ့ပြီး အထက်ပါ အခမ်းအနားတွင် ဆွေးနွေးခဲ့သည်များကို ဖော်ပြသည်။

 သတင်းထုတ်ပြန်ချက်၏ နောက်ဆုံးအချက်တွင် နိုင်ငံတော် တည်ငြိမ်းရေးအတွက် လုံခြုံရေး သတိရှိရေးနှင့် တရား ဥပဒေ စိုးမိုးရေးတို့သည် အဓိက အကျဆုံး လုပ်ငန်းများဖြစ်၍ ပြည်သူများအားလုံးက တရားဥပဒေနှင့်အညီ တည်ငြိမ်အေးချမ်းစွာ နေထိုင်ခြင်းဖြင့် နိုင်ငံတော် အစိုးရအား ကူညီပံ့ပိုးပေးရန် အသိပေး တိုက်တွန်းထားသည်။

အစိုးရက ယင်းကဲ့သို့ ထုတ် ပြန်သည့်နေ့တွင် ဖေ့စ်ဘွတ်ခ် မက် ဆင်ဂျာမှ တစ်ဆင့် ‘ဂျီဟတ်ကို ရင်ဆိုင်ဖို့ ဘာတွေပြင်ဆင်ထား လဲ’ ခေါင်းစဉ်ဖြင့် စာရှည်တစ် ဆောင်ကို ပြည်သူအချင်းချင်း ပြန် မျှဝေပေးရန်  ဖြန့်ချိသည့်စာများ  ပေါ်ထွက်ခဲ့သည်။  မည်သူ့ထံမှ စတင်ဖြန့်ချိခဲ့သည်ကို မသိရှိ သော်လည်း နိုင်ငံအတွင်းရှိ ဗုဒ္ဓ ဘာသာနှင့် မွတ်စလင် ဘာသာ ၀င်များအကြား အဓိကရုဏ်း ဖြစ် စေရန် ရည်ရွယ်ချက်ဖြင့် စက်တင် ဘာ ၆ ရက် ညနေတွင် ဖြန့်ဝေခဲ့ခြင်းဖြစ်ကြောင်း လေ့လာသူ များက သုံးသပ်ထားပြီး ပြည်သူ များက နားမယောင်ဘဲ သတိပြု ကြရန် ၎င်းတို့ကအကြံပြုသည်။