စစ်ဖြစ်ပွားရာဒေသအချို့တွင် ဒီချုပ်လူငယ်ညီလာခံကျင်းပရေးကော်မရှင်ဖွဲ့စည်းရန် အခက်အခဲရှိနိုင်

၂၀၁၄ ဒီချုပ်လူငယ်ညီလာခံတွင် ဒေါ်အောင်ဆန်းစုကြည် မိန့်ခွန်းပြောကြားနေစဉ် (ဓာတ်ပုံ − ကျော်ဇင်သန်း)

စစ်ဖြစ်ပွားရာ ဒေသများ၌ အမျိုးသားဒီမိုကရေစီအဖွဲ့ချုပ် မြို့နယ် လူငယ်ညီလာခံကျင်းပ ရေးကော်မရှင်များ ဖွဲ့စည်းရန် အခက်အခဲရှိနိုင်ကြောင်း လူငယ် ညီလာခံကျင်းပရေး ဗဟိုကော်မ ရှင် ဥက္ကဋ္ဌက ပြောသည်။


NLD ၏ မူဝါဒများ၊ ရွေး ကောက်ပွဲကြေညာစာတမ်းများ ဆက်လက်အကောင်အထည် ဖော်နိုင်ရန် ရည်ရွယ်၍ ဒုတိယအ ကြိမ် လူငယ်ညီလာခံကို အမြန် ဆုံးကျင်းပနိုင်ရန် ကြိုးစားနေပြီး လက်ရှိတွင် တိုင်းဒေသကြီးနှင့် ပြည်နယ်အဆင့် ကော်မရှင်များ ဖွဲ့စည်းပြီးဖြစ်ကြောင်း ဥက္ကဋ္ဌ ဦးမောင်မောင်ဦးက ဆိုသည်။

ခရိုင်အဆင့်နှင့် မြို့နယ်အ ဆင့် ကော်မရှင်များ ဖွဲ့စည်းရာ တွင် စစ်ဖြစ်ပွားနေသည့် ပြည်နယ်အချို့၌ ကော်မရှင်ဖွဲ့စည်းရေး အခက်အခဲရှိနိုင်သည်ဟု ဦးမောင်မောင်ဦးက ပြောသည်။

‘‘ရွေးကောက်ပွဲတောင် မကျင်းပနိုင်ခဲ့တဲ့ မြို့တွေရှိသေး တာကိုး။ အဲဒီလိုဟာတွေက ကျန် ကောင်းကျန်မှာပေါ့။ ဒါပေမဲ့ မဖွဲ့ နိုင်သေးဘူးလို့တော့ အပြတ်ပြော လို့မရသေးဘူး။ ဒီနေရာတွေမှာ တော့ အခက်အခဲရှိနိုင်တာပေါ့’’ ဟု ၎င်းကပြောသည်။

လက်ရှိ အာဏာရပါတီ အမျိုးသားဒီမိုကရေစီအဖွဲ့ချုပ် (NLD) ၏ မျိုးဆက်သစ်ခေါင်း ဆောင်မှုအတွက် ရည်ရွယ်၍ အသက် (၁၆)နှစ်မှ (၃၀)နှစ်အ ကြား လူငယ်များ ပါတီဝင်အဖြစ် လျှောက်ထားနိုင်ကြောင်းနှင့် အ ဖွဲ့ဝင်စုဆောင်းသည့် လျှောက် လွှာ တစ်သိန်းရိုက်နှိပ်ထား ကြောင်း ၎င်းကပြောသည်။

ပထမအကြိမ် NLD လူငယ် ညီလာခံတွင် အဖွဲ့ဝင်၏ အသက် ကို (၁၆)နှစ်မှ (၃၅)နှစ်အကြား သတ်မှတ်ထားသော်လည်း ယခု ဒုတိယအကြိမ်တွင် အသက် (၃၀)နှစ်အောက်ဟု သတ်မှတ်ခဲ့သည်။

အသက် (၃၀)အောက် လူ ငယ်များ နိုင်ငံရေးအပေါ် စိတ်ဝင် စားမှုသည် (၃၅)နှစ်အရွယ်ထက် စိတ်ဝင်စားမှု မပြင်းထန်နိုင်၍ လူ ငယ်ပါတီဝင်အင်အား စုဆောင်း ရန် အခက်အခဲအနည်းငယ်ရှိနိုင် သည်ဟု ဦးမောင်မောင်ဦးကဆို သည်။

NLD လူငယ်အဖွဲ့ဝင်အဖြစ် လျှောက်ထားလိုပါက မြန်မာနိုင်ငံသားဖြစ်ရမည်ဖြစ်ပြီး အသက် (၁၆)နှစ်နှင့် (၃၀)နှစ်ကြားဖြစ်ရမည်ဖြစ်သည်။ အခြားပါတီဝင်တစ်ဦးမဖြစ်ရ၊ အကယ်၍ အခြားပါတီဝင်ဖြစ်ပါက ယင်းပါတီမှ နုတ်ထွက်စာတင်ပြီးမှ ပါတီဝင်အဖြစ် လျှောက်ခွင့်ရမည်စသည့်စည်းကမ်းချက်များ သတ်မှတ်ထားသည်။

‘‘သူတို့အရည်အချင်းရှိရင် ရှိတဲ့အတိုင်း ရမှာပါ။ ကျွန်တော် တို့ကတော့ ဒီမိုကရေစီနည်းကျ ကျ မဲခွဲဆုံးဖြတ်ပြီး အဆင့်ဆင့် ပေါ့။ အရည်အချင်းရှိရင် ရှိသ လောက် ရကြမှာ’’ဟု ဦးမောင် မောင်ဦးက ပြောသည်။ အမျိုးသ မီး၊ လူငယ်၊ တိုင်းရင်းသား ဦးစား ပေးရမည်ဆိုသည့် မူဝါဒကို NLD ပါတီက ဆက်လက်ဆုပ်ကိုင် ထားသည်ဟု ဆိုသည်။

လူငယ်အဖွဲ့ဝင်များ စု ဆောင်းပြီးပါက အဖွဲ့ဝင်အရေ အတွက်ပေါ် မူတည်ပြီး ညီလာခံ အဆင့်ဆင့်ကျင်းပရန် NLD က ရည်မှန်းထားသည်။

လူငယ်ညီလာခံကို ယခု ၂၀၁၇ နှစ်မကုန်မီ ကျင်းပမည် ဟု ပါတီဗဟိုအလုပ်အမှုဆောင် အဖွဲ့ အတွင်းရေးမှူး အဖွဲ့ဝင် ဦးဉာဏ်ဝင်းက ဇူလိုင်အတွင်းက ပြောကြားထားသည်။

NLD ဒုတိယအကြိမ် လူ ငယ်ညီလာခံကျင်းပရေး ဗဟို ကော်မရှင်ကို ဇူလိုင် ၂၃ ရက်က ပြုလုပ်ခဲ့သည့် ပါတီဗဟိုအလုပ် အမှုဆောင်အဖွဲ့အစည်းအဝေး တွင် ဆုံးဖြတ်ဖွဲ့စည်းခဲ့သည်။

More in Politics Section