တစ်အိမ်လျှင် ဝါးငါးပင် စိုက်ပျိုးမည့် အစီအစဉ် မြို့နယ်ခြောက်ခုတွင် စတင်ဖော်ဆောင်မည်

အညာကျေးလက်ရွာများတွင် ၀ါးကိုအဓိကသုံးစွဲနေကြဆဲဖြစ်သည်။ ဓာတ်ပုံ − မြန်မာနိုင်ငံဝါးစိုက်ပျိုးရေးအသင်း

သဘာဝပတ်ဝန်းကျင် ထိန်းသိမ်း ရေးနှင့် ကျေးလက်နေပြည်သူများ အလုပ်အကိုင် အခွင့်အလမ်းရရှိ စေရေး တစ်အိမ်လျှင် ဝါးငါးပင် စိုက်ပျိုးရေး အစီအစဉ်ကို စစ်ကိုင်းတိုင်းဒေသကြီးအတွင်းရှိ မြို့နယ် ခြောက်ခုတွင် စတင်ဖော်ဆောင်မည်ဟု မြန်မာနိုင်ငံ ဝါးစိုက်ပျိုးရေး အသင်းဥက္ကဋ္ဌ ဦးဝင်းကျော်ဦးက ပြောကြားသည်။


တစ်အိမ်လျှင် ဝါးပင်စိုက်ပျိုး ရေး အစီအစဉ်ကို စစ်ကိုင်းတိုင်း ဒေသကြီးရှိ ဘုန်းကြီးကျောင်း၊ ဆေးရုံ၊ ရဲစခန်းများ၊ တပ်မတော် တပ်ရင်းများနှင့် နေအိမ်များတွင် စိုက်ပျိုးနိုင်ရန် မြန်မာနိုင်ငံဝါးစိုက် ပျိုးရေးအသင်းက ဝါးငါးပင်စီဖြန့် ဖြူးပေးခဲ့ကြောင်း ၎င်းကပြော သည်။

လက်ရှိတွင် ကန့်ဘလူ၊ ခင် ဦး၊ ကျွန်းလှ၊ ကောလင်း၊ ဝန်းသို၊ ရွှေဘို စသည့်မြို့နယ်ခြောက်ခု တွင် တစ်အိမ်လျှင် ဝါးငါးပင်စီဖြင့် ဝါးပျိုးပင်သုံးသောင်းခန့် ဖြန့်ဝေ ထားပြီး တိုင်းဒေသကြီးရှိအခြားမြို့နယ်များ၌လည်း ဆက်လက်ဆောင်ရွက်မည်ဖြစ်ကြောင်း ဦးဝင်းကျော်ဦးကပြောသည်။

အသင်း ဖြန့်ဝေခဲ့သည့် ဝါးပင် များကြီးထွားလာပါက ကျေးလက် ဦးစီးဌာနနှင့် ပူးပေါင်း၍ဝါး လက်မှု သင်တန်းများ၊ ဝါးပရိဘောဂသင် တန်းများ ဖွင့်လှစ်ကာကျေးလက် နေပြည်သူများ ဝင်ငွေရရှိရေး လုပ်ဆောင်မည်ဖြစ်သည်။

‘‘မိန်းကလေးတွေလည်း လက်မှုပညာရော၊ ယောက်ျား လေးတွေဆိုရင်လည်းစားပွဲတွေ၊ ကုလားထိုင်တွေ လုပ်လို့ရမယ် ပေါ့။ တစ်ဆင့်ချင်းစီ သင်တန်းတွေ လုပ်သွားမယ်။ နောက်ပိုင်းကျရင် ကျွန်တော်တို့ အစီအစဉ်က လမ်း ဘေးဝဲယာတွေကို ဝါးစိုက်ပျိုးအ လှဆင်ဖို့ပဲ၊ လမ်းဘေးဝဲယာဆို တော့ မျှစ်ပဲချိုးချိုး၊ ဝါးပဲခုတ်ခုတ် အလုပ်တစ်ခုပေါ့’’ ဟု ဦးဝင်းကျော် ဦးက ပြောသည်။

လက်ရှိတွင် မြန်မာနိုင်ငံဝါး စိုက်ပျိုးရေးအသင်းက ဝါးငါးပင် ဖြန့်ဖြူးထားသော်လည်း လာမည့် နှစ်များတွင်တစ်အိမ်လျှင် ဝါး ၁၀ ပင်စီတိုး၍ ဖြန့်ဖြူးမည် ဖြစ်ကာ ရန်ကုန်၊ မန္တလေးနှင့် မကွေးတိုင်း တို့တွင်ပါ လုပ်ဆောင်မည်ဖြစ် သည်။

ဝါးတောများလည် သာမန် သစ်တောထက် ရေကို နှစ်ဆထိန်း သိမ်းပေးနိုင်ခြင်း၊ ဝါးတစ်ရုံသည် ၆ ကုဗမီတာပတ်လည်အတွင်းရှိ ရေမြေသြဇာကို ထိန်းသိမ်းပေးနိုင် ခြင်း၊ သစ်တောထက်အောက်ဆီ ဂျင် ၃၅ ရာခိုင်နှုန်းအထိ ထုတ်လွှတ် ပေးနိုင်ခြင်း၊ သစ်တောတစ်ဟက် တာထက် ဝါးတစ်ဟက်တာက ကာဗွန်ဒိုင်အောက်ဆိုက် ငါးဆခန့် စုပ်ယူပေးနိုင်ခြင်း စသည်တို့ ကြောင့် ပတ်ဝန်းကျင်ထိန်းသိမ်း ရေးအတွက် အရေးပါသည်ဟု ဝါး ထိန်းသိမ်းရေး လုပ်ဆောင်နေသူ များကဆိုသည်။

ထို့အပြင် ဝါးသည် စိုက်ပျိုး ပြီးပါက သုံးနှစ်အတွင်း အသုံးပြု နိုင်၍ တွက်ခြေကိုက်သည့် သယံ ဇာတတစ်ခုဖြစ်ပြီး ဆင်းရဲသား များ ဝါးကိုသစ်အဖြစ် သတ်မှတ် ထားသကဲ့သို့ ကမ္ဘာ့ဈေးကွက်၌ လည်း အစိမ်းရောင်းရွှေဟုတင်စား သတ်မှတ်ထားသည်။