ပြည်သူ့လွှတ်တော်တွင်တင်သွင်းသည့် အဆိုထက်ဝက်ကျော် မှတ်တမ်းတင်ခံရ

အဆိုများမှတ်တမ်းတင်မှုများလာသဖြင့် အစိုးရကို အပြန်အလှန်ထိန်းကျောင်းရေး အားလျော့နိုင်ဟုဆို
ပြည်သူ့လွှတ်တော်အစည်းအဝေး ကျင်းပနေစဉ် (ဓာတ်ပုံ − စိုင်းဇော်)

လက်ရှိ လွှတ်တော်သက် တမ်းတွင် တင်သွင်းလာသော အဆိုများကို မှတ်တမ်းတင်ရန် ဆုံးဖြတ်သည့် ပမာဏပိုမိုမြင့် တက်လာနေခြင်းကြောင့် အစိုးရ ကို အပြန်အလှန်ထိန်းကျောင်း ရေးတွင် အားလျော့လာနိုင် ကြောင်း လွှတ်တော်ကိုယ်စား လှယ်များနှင့် လွှတ်တော်ရေးရာ သုတေသနလုပ်ငန်းဆောင်ရွက် နေသူများက ပြောသည်။

အမျိုးသားဒီမိုကရေစီအဖွဲ့ ချုပ်က ဦးဆောင်သည့် ဒုတိယအ ကြိမ် လွှတ်တော်ပုံမှန်အစည်းအ ဝေးများကို ပဉ္စမအကြိမ်အထိ ကျင်းပပြီးစီးခဲ့ပြီဖြစ်သည်။ စာရင်းဇယားများအရ လက်ရှိအချိန်ထိ ပြည်သူ့လွှတ်တော်တွင် တင်သွင်း ခဲ့သော အဆို ၆၈ ခုအနက် ၂၇ ခုကိုသာ အတည်ပြုနိုင်ပြီး မှတ်တမ်း တင်ရန်ဆုံးဖြတ်သည့် အဆို ၃၆ခုအထိရှိခဲ့သည်။ ကျန်အဆိုများ သည် ဆက်လက်ဆွေးနွေးရန် မသင့်ကြောင်း ဆုံးဖြတ်ခြင်း၊ ရှုံးနိမ့်ခြင်းနှင့် အဆိုရှင်က ပြန်လည် ရုပ်သိမ်းသော အဆိုဖြစ်သည်။

ထို့အပြင် လွှတ်တော်သို့ တင်သွင်းခွင့်မရသည့် အဆိုများ လည်း ရှိခဲ့သည်။ အမျိုးသားလွှတ် တော်တွင် အရေးကြီးအဆိုတစ်ခု အပါအဝင် စုစုပေါင်းအဆို ၁၁ ခုအနက် ခြောက်ခုကို အတည်ပြု နိုင်ပြီး အဆိုလေးခုကို မှတ်တမ်း တင်ကာ ဆက်လက်ဆွေးနွေးရန် အဆိုတစ်ခုကျန်ရှိနေကြောင်း လွှတ်တော်မှတ်တမ်းများအရ သိရသည်။

‘‘အဆိုတင်သွင်းတယ်ဆို တာ အစိုးရကို ထိန်းကျောင်းမယ့် နည်းလမ်းတစ်ခု၊ ကိရိယာတစ်ခု။ အခု အဲဒီနည်းလမ်းက အားပျော့ နေတယ်လို့ ယူဆလို့ရတယ်’’ ဟု ပွင့်လင်း မြန်မာ့ရှေ့ဆောင် သုတေသနဒါရိုက်တာ ဦးထင် ကျော်အေးက ပြောသည်။ လွှတ် တော်ဆိုင်ရာ နည်းဥပဒေများတွင် အဆိုများကို မှတ်တမ်းတင်ခြင်း နှင့်ပတ်သက်၍ ပြဋ္ဌာန်းထားခြင်း မရှိသော်လည်း ပထမအကြိမ် လွှတ်တော်သက်တမ်း၌ အဆိုများ မှတ်တမ်းတင်မှုကို စတင်ကျင့်သုံးကြောင်း လွှတ်တော်ကိုယ်စား လှယ်များက ပြောသည်။

‘‘ဒီတစ်ခေါက်မှာက အဆို ခပ်များများ ဆွေးနွေးခွင့်ရတယ်။ ဒါပေမဲ့ အများစုကို မှတ်တမ်းတင် တဲ့ သဘောရှိတယ်’’ဟု နှစ်ကြိမ် ဆက် ပြည်သူ့လွှတ်တော်ကိုယ် စားလှယ် ဦးစိုင်းသီဟကျော်က ပြောသည်။ ပထမအကြိမ် လွှတ် တော်သက်တမ်း ငါးနှစ်အတွင်း ပြည်သူ့လွှတ်တော်တွင် အရေး ကြီးအဆိုအပါအဝင် စုစုပေါင်း ၂၁၈ ခု တင်သွင်းရာ အဆို ၉၇ ခုကို အတည်ပြုနိုင်ခဲ့သည်။

လွှတ်တော်က အတည်ပြုခဲ့ သည့် အဆိုတစ်ရပ်အပေါ် အစိုးရအဖွဲ့က လိုက်နာဆောင်ရွက်နိုင် ခြင်းမရှိပါက စွပ်စွဲပြစ်တင်နိုင် သည်အထိ အဆင့်ဆင့်ဆောင် ရွက်နိုင်သည့်အခြေအနေရှိပြီး မှတ်တမ်းတင်ကြောင်း ဆုံးဖြတ်ခံ ရသည့်အဆိုများကို အစိုးရအဖွဲ့ က လိုက်နာဆောင်ရွက်မှု အား ကောင်းမည်မဟုတ်ကြောင်း ဦး စိုင်းသီဟကျော်က ဆိုသည်။

‘‘မှတ်တမ်းတင်ထားတဲ့အ တွက် မဖြစ်မနေ လုပ်ရမယ့်ဟာ မဟုတ်တော့ နည်းနည်းအားပျော့ တယ်လို့တော့ မြင်တယ်’’ဟု ၎င်း က ပြောသည်။ လွှတ်တော်သို့ တင်သွင်းလာသည့် အဆိုများအနက် အချို့အဆိုများသည် အစိုးရအဖွဲ့အပေါ် အကျပ်အတည်းဖြစ်စေနိုင် ခြင်းကြောင့် နှစ်ဖက်ညှိနှိုင်းကာ လွှတ်တော်ဥက္ကဋ္ဌထံ တင်ပြ၍ မှတ်တမ်းတင်ရန် ဆုံးဖြတ်သည့် လုပ်ငန်းစဉ် ပေါ်ပေါက်လာ ကြောင်း အမျိုးသားလွှတ်တော် ဥက္ကဋ္ဌဟောင်း၊ ဦးခင်အောင်မြင့် က ၂၀၁၆ စက်တင်ဘာ ၁၂ ရက် တွင် အမျိုးသားလွှတ်တော်၌ ပြောကြားသည်။

‘‘အဆိုအတည်ဖြစ်တယ်ဆို ရင်တော့ အဲဒီဟာက ကတိဖြစ် တယ်လို့ အဓိပ္ပာယ်သက်ရောက် တယ်။ အစိုးရရဲ့ ကတိကဝတ် စောင့်ကြည့်ရေးကောက်မတီက စောင့်ကြည့်ပြီး ကတိမတည်ရင် လွှတ်တော်ကို ပြန်တင်ကာ ဆွေး နွေးတာတွေ ရှိလာတာပေါ့’’ဟု ပြည်သူ့လွှတ်တော်ကိုယ်စား လှယ်ဟောင်း ဦးရဲထွန်းက ရှင်းပြ သည်။

လွှတ်တော်တွင် မေးခွန်းနှင့် အဆိုများတင်သွင်းဆွေးနွေးခြင်း နှင့်ပတ်သက်၍ သက်ဆိုင်ရာ ဥပဒေပြဋ္ဌာန်းချက်အတိုင်း ဆောင်ရွက်ရမည်ဖြစ်ပြီး အဆိုတစ်ရပ် အောင်မြင်မှု၊ မအောင်မြင်မှုကို လည်း လွှတ်တော်က မဲခွဲဆုံးဖြတ် ပေးနေကြောင်း ဒီချုပ်ပါတီဝင် အမျိုးသားလွှတ်တော်ကိုယ်စား လှယ် ဦးအောင်ကြည်ညွန့်က ပြောသည်။

လွှတ်တော်သို့ တင်သွင်း လာသည့် အဆိုများကို အတည် ပြုနိုင်ရေး အချက်အလက်ခိုင်မာ စွာဖြင့် ကိုယ်စားလှယ်အများစု လက်ခံသည်အထိ ဆွေးနွေးတင် ပြနိုင်ရန်လိုကြောင်း အမျိုးသား လွှတ်တော်ကိုယ်စားလှယ် ဦးဌေးဦးက ဆိုသည်။ ‘‘ကိုယ့်အဆို အောင်ချင်ရင် အဆိုဟာ ဘယ်လိုအကြောင်းတွေကြောင့် အောင်ထိုက်တယ်ဆိုတာကို အများယုံ ကြည်လက်ခံနိုင်အောင် ခိုင်ခိုင်မာမာပြောပြနိုင်ဖို့လိုတယ်။ လွှတ်တော်ကိုယ်စားလှယ်တွေကို လည်း စည်းရုံးနိုင်ဖို့လိုတယ်’’ဟု ၎င်းက ပြောသည်။

ကျင်းပပြီးစီးခဲ့သည့် လွှတ် တော်ပဉ္စမပုံမှန်အစည်းအဝေး များတွင် ‘ရခိုင်ပြည်နယ်မြောက် ပိုင်း အကြမ်းဖက်မှုဖြစ်စဉ်နှင့်ပတ် သက်သည့် အဆို’နှင့် ‘ရာသီ တုပ်ကွေးရောဂါ ကူးစက်ပြန့်ပွား မှုမရှိစေရေးဆောင်ရွက်ရန် တိုက် တွန်းသည့်အဆို’များကို ပြည်သူ့ လွှတ်တော်က မှတ်တမ်းတင်ရန် ဆုံးဖြတ်၍ ဝေဖန်မှုများ ကြုံတွေ့ခဲ့သည်။ ထို့အပြင်ရခိုင်အရေးကိစ္စ နှင့်ပတ်သက်ပြီး ကာလုံခေါ်ရန် အဆိုနှင့် ရခိုင်ပြည်နယ်ကို အရေး ပေါ်အခြေအနေကြေညာရန် အ ရေးကြီးပယ်ချခံရခြင်းကြောင့် ပြည်ခိုင်ဖြိုးပါတီအမတ်များနှင့် ရခိုင်ပါတီအမတ်များက ဝေဖန်ခဲ့ သည်။