လုံးပတ် ၂၇ ပေကျော်ရှိ ကမ္ဘာ့အကြီးဆုံးကျွန်းပင် နှစ်ပင် တွေ့ရှိ

ဟုမ္မလင်းမြို့နယ်အတွင်း တွေ့ရှိသည့် ကျွန်းပင်ကြီးနှင့်အတူ တာဝန်ရှိသူများကိုတွေ့ရစဉ်(ဓာတ်ပုံ − Sagaing Regional Information Page)

လုံးပတ် ၂၇ ပေရှိ ကမ္ဘာ့ အကြီးဆုံးနှင့် ဒုတိယအကြီးဆုံး ကျွန်းပင်ကို ဟုမ္မလင်းမြို့နယ် ဥရုကြိုးဝိုင်းတွင် ရှာဖွေတွေ့ရှိခဲ့သည် ဟု စစ်ကိုင်းတိုင်းဒေသကြီး သစ် တောဦးစီးဌာန ညွှန်ကြားရေးမှူး ဦးခင်မောင်ဝင်းက ပြောသည်။

လုံးပတ် ၂၇ ပေ ၅ လက်မ၊ အမြင့်ပေ ၁၁၀ ခန့်ရှိသော ဟုမ္မ လင်း-၁ အမည်ရှိ ကမ္ဘာ့အကြီး ဆုံး ကျွန်းပင်ကြီးနှင့် လုံးပတ် ၂၇ ပေအရွယ်ရှိ ဒုတိယအကြီးဆုံး ကျွန်းပင် ဟုမ္မလင်း -၂ ကို စစ်ကိုင်းတိုင်းဒေသကြီး ဟုမ္မလင်းမြို့နယ် နံ့သာအုပ်စု တုံစကားရွာအနီး ဥရုကြိုးဝိုင်းတွင် တွေ့ရှိသည်ဟု ၎င်းကပြောကြားသည်။

ယင်းကျွန်းပင်နှစ်ပင်ကို ဗန်း မောက်နယ်သားတစ်ဦးက လွန်ခဲ့ သည့် ငါးနှစ်က တောထဲတွင် တွေ့ရှိခဲ့သည်ဟု သတင်းရရှိခြင်း ကြောင့် စစ်ကိုင်းတိုင်းဒေသကြီး အစိုးရအဖွဲ့ဝန်ကြီးချုပ်၏ လမ်း ညွှန်ချက်အရ စစ်ကိုင်းတိုင်းသစ် တောဦးစီးဌာန ညွှန်ကြားရေးမှူး ဦးဆောင်သော အဖွဲ့က ယင်းဒေ သခံ၏အကူအညီဖြင့် သွား ရောက်ရှာဖွေရာ သြဂုတ် ၂၈ ရက်က တွေ့ရှိခြင်းဖြစ်သည်ဟု ဦးခင်မောင်ဝင်းက ပြောသည်။

‘‘သဘာဝတောကြီးအတိုင်း ရှိနေတာပေါ့။ ဒီအပင်တင် မက ဘူး။ အဲဒီနေရာအနီးတစ်ဝိုက်မှာ လုံးပတ် ၂၀ ကျော်တဲ့ အပင်တွေ အများကြီးရှိသေးတယ်။ ဘယ်သူ မှမထိဖူး၊ မတို့ဖူးသေးတဲ့နေရာ’’ဟု ၎င်းက ပြောကြားသည်။

လက်ရှိတွင် ယင်းကျွန်းပင် ရှိရာနေရာကို ထိန်းသိမ်းရေးနေ ရာအဖြစ် သိရှိစေရန် ခြံခတ်ထား ပြီး မကြာမီ တိုင်းဒေသကြီးအစိုး ရအစီအစဉ်ဖြင့် လုံခြုံရေးအစီအ မံများပြုလုပ်မည်ဖြစ်သည်။

ဟုမ္မလင်းမြို့နယ်မှ ကျွန်း ပင်နှစ်ပင်ကို မတွေ့မီအချိန်ထိ ကမ္ဘာပေါ်တွင် အကြီးဆုံးဟု သတ်မှတ်ထားသည့် ကျွန်းပင်သည် ဗန်းမောက်မြို့နယ်ရှိ လုံးပတ် ၂၆ ပေ ၈ လက်မအရွယ် ကျွန်းပင်ဖြစ် သည်။ 

‘‘ကျွန်းပင်ကြီးကို တွေ့ခဲ့ တယ်။ အောင်မြင်တယ်။ ပြန်လာ ပြီလို့တော့ ပြောတယ်။ အဲဒီက ပြန်လာတဲ့သူတွေနဲ့ မတွေ့သေး ဘူး။ အရင်တွေ့ထားတဲ့ ကျွန်းပင် ကြီးကိုက ကမ္ဘာမှာ အကြီးဆုံးလို့ ပြောတယ်။ တိုင်းတာတဲ့ သူတွေ က ဘယ်လိုမှားသွားလို့လဲ မသိ ဘူး။ အခုတွေ့တာနှစ်ပင်တွေ့ တယ်လို့ ပြောတယ်။ သွားတာက တော့ တစ်ပင်တည်း။ အရင်ဆုံးတစ်ပင်တွေ့တယ်။ မုဆိုးက လမ်းပြနဲ့ သွားခဲ့ရတာ။ တို့ဒေသမှာ ဒီလိုကြီးမားတဲ့ သစ်ပင်ကြီးတွေ တစ်ချိန်က ရှိခဲ့ပါလား။ တို့တစ်တွေ ဘယ် လိုပြန်လည်ထိန်းသိမ်းရမှာလဲ’’ ဟု စစ်ကိုင်းတိုင်းဝန်ကြီးချုပ် ဒေါက်တာမြင့်နိုင်က ပြောသည်။

ကမ္ဘာ့အကြီးဆုံး ကျွန်းသစ် ပင်ကြီးရှိရာသို့ ဟုမ္မလင်းမြို့မှစက်လှေဖြင့် ရေလမ်းခရီး၊  ကုန်းလမ်းခြေလျင်ခရီးတို့ဖြင့် အသွား၊ အပြန် ငါးရက်ခန့် ကြာမြင့်ကြောင်း ဦးခင်မောင်ဝင်းက ဆက်လက်ပြောကြားသည်။