သတ္တု တူးဖော်ရန်အတွက် သဘာဝကြိုးဝိုင်းသစ်တော သတ်မှတ်ဇုန် တစ်ခုကို ဘရာဇီး အစိုးရ ဖျက်သိမ်း

သဘာဝ အမျိုးသားဥယျာဉ် နယ်နိမိတ်အဖြစ် ထိန်းသိမ်းထားသည့် ကျယ်ပြန့်လှသော အမေဇုန် သစ်တော ကြိုးဝိုင်း ဧရိယာ တစ်ခုကို ဖျက်သိမ်းကာ သတ္တုတူးဖော်ရန် ဘရာဇီး အစိုးရက စီစဉ်နေကြောင်း သိရသည်။

အစိုးရက နိုင်ငံ မြောက်ပိုင်းရှိ သစ်တောကြိုးဝိုင်းဇုန်ကို သဘာဝ အမျိုးသား ဥယျာဉ်အဖြစ် သတ်မှတ်ထားမှုကို ပယ်ဖျက်ကြောင်း ထုတ်ပြန်ခဲ့သည်။ အဆိုပါ ဧရိယာသည် စတုရန်း ကီလိုမီတာ ၄၆၀၀၀ မျှ ကျယ်ပြန့်သည်။

အေမာပါနှင့် ပါရာ ပြည်နယ်များကြား ဆက်စပ် ပါရှိနေသည့် ဧရိယာထဲမှ အထူး ထိန်းသိမ်းရေးဇုန် ကိုးခုနှင့် တိုင်းရင်းသား နယ်မြေများကိုမူ ဆက်လက် အကာအကွယ် ပေးထားမည်ဟု အစိုးရက ဆိုသည်။

ဘူမိဗေဒ လေ့လာမှုများအရ ယင်းဒေသတွင် ရွှေကြောများ ရှိနေပြီး အခြား သတ္တုများပါ ထုတ်ယူနိုင်ကြောင်း ဖော်ထုတ် တွေ့ရှိခဲ့သည်။

သဘာဝ ပတ်ဝန်းကျင် ထိန်းသိမ်းရေး လှုပ်ရှား တောင်းဆိုသူများက အစိုးရ၏ အစီအစဉ်ကြောင့် ပတ်ဝန်းကျင်ကို ဆိုးဆိုးရွားရွား ညစ်ညမ်း ထိခိုက်သွားမည်ကို စိုးရိမ်နေကြသည်။ ယင်းဧရိယာကို ထိန်းသိမ်းထားရန် ၁၉၈၄ ခုနှစ်တွင် ဘရာဇီး စစ်အစိုးရက သတ်မှတ်ခဲ့ခြင်း ဖြစ်သည်။ ယခု ကြိုးဝိုင်းသစ်တောဇုန် သတ်မှတ်ချက် ဖျက်သိမ်းလိုက်သော ဧရိယာသည် ဒိန်းမတ်နိုင်ငံ၏ အရွယ်အစားထက်ပင် ပို၍ကြီးမားသည်။ ယင်းဇုန်ကြီး တစ်ခုလုံး၏ ၃၀ ရာခိုင်နှုန်းခန့်မှာ သတ္တုတူးဖော်ရေး လုပ်ငန်းခွင်များ ဖြစ်လာမည်ဟု သိရသည်။

ကမ္ဘာ့ သားရိုင်းတိရစ္ဆာန် စောင့်ရှောက်ရေး အဖွဲ့ကြီး (WWF)က အဆိုပါ ဒေသတွင် ရွှေနှင့် ကြေးနီ သတ္တုကြောများ ရှိနိုင်သည်ကို အတည်ပြုခဲ့သော်လည်း ယခုအပြောင်းအလဲကြောင့် တောတွင်း တိရစ္ဆာန်များ၏ စားကျက်မြေ ဆုံးရှုံးမှုများနှင့် ဒေသခံ တိုင်းရင်းသား မျိုးနွယ်များ၏ လူနေမှု အလေ့အထများကို ထိခိုက်လာနိုင်ကြောင်း သတိပေးထားသည်။

Ref: BBC

More in World News Section

Top News