ကြက်ငှက်တုပ်ကွေးကြောင့် ကြက်နှင့်ကြက်ထွက်ပစ္စည်းများ ရောင်းဝယ်သယ်ယူခွင့် တားမြစ်မှု ပယ်ဖျက်နိုင်ရန် အစိုးရထံ တင်ပြ

ဒေသအချို့တွင် ကြက်သားစားသုံးမှု စိတ်ချရသည့် အခြေအနေများကြောင့် တားမြစ်မှုများ ပယ်ဖျက်ရန် တင်ပြခြင်းဖြစ်သည်။ (ဓာတ်ပုံ − စိုင်းဇော်)

ကူးစက်မြန် ကြက်ငှက် တုပ်ကွေးရောဂါ(H5N1) ဖြစ်ပွား မှုကြောင့် တိုင်းဒေသကြီးနှင့် ပြည် နယ်အချို့တွင် ကြက်နှင့် ကြက် ထွက်ပစ္စည်းများ ရောင်းဝယ် သယ်ယူခွင့် တားမြစ်ထားသည့် အမိန့်ညွှန်ကြားချက်များကို ပယ်ဖျက်နိုင်ရန် စိုက်ပျိုးရေး၊ မွေးမြူ ရေးနှင့် ဆည်မြောင်းဝန်ကြီးဌာန က ဩဂုတ် ၂၂ ရက်တွင် ပြည် ထောင်စုအစိုးရအဖွဲ့ရုံးသို့ တင်ပြ ခဲ့သည်။

အဆိုပါ တင်ပြချက်တွင် H5N1 ရောဂါဖြစ်ပွားသည့် မရမ်းကုန်းမြို့နယ်တွင် ဩဂုတ် ၁၈ ရက်၌လည်းကောင်း၊ ထားဝယ်မြို့နယ်တွင် ဩဂုတ် ၂၄ ရက်၌ လည်းကောင်း ရောဂါထိန်းချုပ် ကာလ ၂၁ ရက် ပြည့်မည်ဖြစ် သောကြောင့် သက်ဆိုင်ရာဒေသ များတွင် ကြက်နှင့် ကြက်ထွက်ပစ္စည်းများ ရွှေ့ပြောင်းမှု ကန့်သတ်ခြင်းကို စိစစ်ခွင့်ပြုနိုင်မည်ဖြစ်ကြောင်း၊ ကြက်များ ပြန်လည် မွေးမြူရေးနှင့် ပြန်လည်ထူထောင်ရေးလုပ်ငန်းများကို စနစ်တကျ ဆောင်ရွက်နိုင်ရန် ရောဂါဖြစ်ပွား ခဲ့သော ဒေသများတွင် တွေ့ရှိ သည့်ရက်က စတင်၍ ပိုးသတ်သန့်စင်ခြင်းလုပ်ငန်းများ၊ ရောဂါ စူးစမ်းမှုလုပ်ငန်းများနှင့် ဇီဝလုံခြုံမှု အသိပညာပေးလုပ်ငန်းများကို ရက် ၉၀ အတွင်း ဆောင်ရွက်မည်ဖြစ်ကြောင်း စသည့် အချက်များ ပါဝင်သည်။


တိုင်းဒေသကြီးနှင့် ပြည်နယ် များတွင် ကူးစက်မြန် ကြက်ငှက် တုပ်ကွေးရောဂါ (H5N1) ဖြစ်ပွား မှုမရှိစေရေး ကာကွယ်သည့်အနေဖြင့် ကချင်ပြည်နယ်အတွင်းသို့ အခြားတိုင်းဒေသကြီးနှင့် ပြည် နယ်များမှ ကြက်ဥ၊ ကြက်များ တင်ပို့ခွင့်ကို ဩဂုတ် ၄ ရက်တွင် ကချင်ပြည်နယ် အစိုးရအဖွဲ့က ညွှန်ကြားချက်ထုတ်ပြန်ကာ ပိတ် ပင်ခဲ့သည်။

အဆိုပါ ပိတ်ပင်ခြင်းအပေါ် မန္တလေးတိုင်းဒေသကြီး မွေးမြူ ရေးလုပ်ငန်းအဖွဲ့ချုပ်က ညှိနှိုင်း ဆောင်ရွက်ပေးရန် စိုက်ပျိုးရေး၊ မွေးမြူရေးနှင့်ဆည်မြောင်း ၀န် ကြီးဌာန ပြည်ထောင်စုဝန်ကြီးသို့ စာတင်တောင်းဆိုခဲ့ကြောင်း မန္တလေးတိုင်းဒေသကြီး မွေးမြူရေးလုပ်ငန်းအဖွဲ့ချုပ်ဥက္ကဋ္ဌ ဒေါက်တာ ကျော်ထင်ကပြောသည်။

‘‘အချို့နေရာတွေမှာ ဒေသ အလိုက်ပိတ်ထားတာရှိတယ်။ အ ချို့ကတော့ ပြန်ဖွင့်နေပါပြီ။ ပြည် နယ်အဆင့် ပိတ်တာကတော့ က ချင်ပြည်နယ်က ပိတ်လိုက်တယ်။ ဒီလိုမျိုးပိတ်လိုက်တဲ့အခါမှာ လူ တွေက ပိုပြီးထိတ်လန့်လာတယ်။ သံသယဖြစ်ပြီး စားသုံးမှုတွေပါ ကျလာတယ်’’ဟု ဒေါက်တာကျော်ထင်ကဆိုသည်။

ရောဂါဖြစ်ပွားမှု မရှိသည့် အခြားတိုင်းဒေသကြီးနှင့် ပြည် နယ်များတွင် ကျန်းမာသည့်ကြက် နှင့် ကြက်ထွက်ပစ္စည်းများသည် စားသုံးရန် သင့်လျော်သဖြင့် မွေး မြူရေးနှင့် ကုသရေးဦးစီးဌာနက တိရစ္ဆာန်ထွက် ပစ္စည်းများအား သတ်မှတ်ချက်နှင့်အညီ မွေးမြူ ရေး၊ ခြံစစ်ဆေးခြင်း၊ မွေးမြူရေး ခြံမှတ်ပုံတင်ခြင်းနှင့် ကျန်းမာရေး ထောက်ခံချက် လက်မှတ်တို့ဖြင့် စိစစ်ဆောင်ရွက်ပေးထားပြီး ယင်းစိစစ်ပေးထားသည့် ကြက်နှင့် ကြက်ထွက်ပစ္စည်းများကို လွတ်လပ်စွာ သယ်ယူပို့ဆောင်ပြီး စားသုံးနိုင်ကြောင်း စိုက်ပျိုးရေး၊ မွေးမြူရေးနှင့် ဆည်မြောင်းဝန် ကြီးဌာနမှ သိရသည်။

 ‘‘ဒီတင်ပြချက်ကို ပြည် ထောင်စု အစိုးရအဖွဲ့ရုံးကနေ တိုင်းနဲ့ ပြည်နယ်တွေကို ပို့လိမ့် မယ်။ ဘယ်တော့လောက်မှ ပြန် ခွင့်ပြုမလဲဆိုတာ မပြောတတ် သေးဘူး’’ဟု ဒေါက်တာကျော် ထင်က ပြောသည်။ သက်ဆိုင်ရာ ၀န်ကြီးဌာနက ဆောင်ရွက်ရမည့် ကိစ္စများကို ဒေသအလိုက် လုပ် ဆောင်နေခြင်းကြောင့် ရှုပ်ထွေးမှုများဖြစ်ပွားပြီး ကုန်စည်စီးဆင်းမှု နှောင့်နှေးစေခဲ့ကြောင်း ဒေါက် တာကျော်ထင်က သုံးသပ်ပြော သည်။

ဇူလိုင်အတွင်းက တနင်္သာရီ တိုင်းဒေသကြီး ထားဝယ်ခရိုင်၊ ထားဝယ်မြို့နယ် ၀ဲကျွန်းထိန်း သစ်ရပ်ကွက်ရှိ စီးပွားဖြစ်မွေးမြူ ထားသော ဥစားကြက်များနှင့် ရန်ကုန်တိုင်းဒေသကြီး မရမ်း ကုန်းမြို့နယ် အမှတ်(၆)ရပ်ကွက် ရှိ အိမ်မွေးဒေသကြက်များတွင် ကြက်ငှက်တုပ်ကွေးရောဂါ (H5 N1) ဖြစ်ပွားသည်ကို တွေ့ရှိခဲ့ပြီး မွေးမြူရေးနှင့်ကုသရေးဦးစီးဌာန၊ သက်ဆိုင်ရာဒေသ အုပ်ချုပ်ရေး အဖွဲ့များ၏ ပေါင်းစပ်ညှိနှိုင်းမှု များဖြင့် ရောဂါရပ်စဲသည်အထိ စနစ်တကျထိန်းချုပ်နိုင်ခဲ့ကြောင်း သတင်းရရှိသည်။

Top News