ဒေသတွင်း ဘာသာရေးအစွန်းရောက်မှုနှင့် အကြမ်းဖက်အန္တရာယ် မြင့်မားလာမှု မြန်မာနှင့် အင်ဒိုနီးရှား ဆွေးနွေး

မြန်မာ-အင်ဒိုနီးရှား နှစ်နိုင်ငံအကြား အကြမ်းဖက်မှုတိုက်ဖျက်ရေးဆိုင်ရာ စကားဝိုင်း ဆွေးနွေးပွဲကျင်းပနေစဉ် (ဓာတ်ပုံ−State Counsellor Office Information Committee)

 မြန်မာနိုင်ငံနှင့် အင်ဒိုနီး ရှားနိုင်ငံတို့အကြား အကြမ်းဖက် မှု တိုက်ဖျက်ရေးဆိုင်ရာ စကား ၀ိုင်းဆွေးနွေးပွဲတွင် ဒေသတွင်း ဘာသာရေး အစွန်းရောက်မှုနှင့် အကြမ်းဖက်မှုအန္တရာယ် မြင့်မား လာသည့် အခြေအနေတို့ကိုဆွေးနွေးခဲ့ကြောင်း နိုင်ငံတော်အတိုင်ပင်ခံပုဂ္ဂိုလ်ရုံးက သတင်းထုတ်ပြန်သည်။


နေပြည်တော်၌ သြဂုတ် ၂၃ ရက်က ပြုလုပ်သော စကားဝိုင်း ဆွေးနွေးပွဲကို အမျိုးသားလုံခြုံရေးဆိုင်ရာ အကြံပေးပုဂ္ဂိုလ် ဦးသောင်းထွန်းက ဦးဆောင်ကျင်းပခဲ့သည်။ အကြမ်းဖက်မှုတိုက်ဖျက်ရေးနှင့် ပတ်သက်၍ မြန်မာနှင့် အင်ဒိုနီးရှားတို့အကြား နှစ်နိုင်ငံ ပူးပေါင်းဆောင်ရွက်မှု တိုးမြှင့်ရေး၊ ဒေသတွင်းအဆင့်နှင့် နိုင်ငံတကာအဆင့်များတွင် ပိုမိုပူးပေါင်း ဆောင်ရွက်နိုင်မည့် နည်းလမ်းများ ဆွေးနွေးခဲ့သည်။

ယင်းစကားဝိုင်းဆွေးနွေးပွဲ သို့ နယ်စပ်ရေးရာဝန်ကြီးဌာန ဒုတိယ၀န်ကြီး ဗိုလ်ချုပ်သန်းထွဋ်၊ ကာကွယ်ရေးဦးစီးချုပ်ရုံး(ကြည်း)၊ နိုင်ငံခြားရေးဝန်ကြီးဌာန၊ ပြည်ထဲရေးဝန်ကြီးဌာန၊  နိုင်ငံတော်အတိုင်ပင်ခံ ရုံးဝန်ကြီးဌာန၊ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနတို့မှ အဆင့်မြင့်အရာရှိကြီးများ တက်ရောက်ခဲ့သည်။ အင်ဒိုနီးရှားဘက် မှ မြန်မာနိုင်ငံဆိုင်ရာ အင်ဒိုနီးရှားသံအမတ်ကြီး Dr.lto Sumardi,အင်ဒိုနီးရှားနိုင်ငံ အမျိုးသားအကြမ်းဖက်မှု တိုက်ဖျက်ရေးအေဂျင်စီနှင့် အင်ဒိုနီးရှားသံရုံးမှ အ ဆင့်မြင့်ကိုယ်စားလှယ်များ တက် ရောက်ခဲ့သည်။

အငြိမ်းစား သံအမတ်ကြီး ဦးသောင်းထွန်းကို အမျိုးသားလုံခြုံရေးဆိုင်ရာ အကြံပေးပုဂ္ဂိုလ် အဖြစ် ပြီးခဲ့သည့် ဇန်န၀ါရီ ၁၀ ရက်တွင် စတင်ခန့်အပ်ခဲ့သည်။

နိုင်ငံတော်သမ္မတနှင့် ပြည်ထောင်စုအစိုးရအဖွဲ့အား ပြည်တွင်း၊ ပြည်ပ အန္တရာယ်များနှင့် စပ်လျဉ်း၍ မဟာဗျူဟာရှုထောင့်မှ လေ့လာသုံးသပ်အကြံပြုနိုင် ရေး လက်ရှိ အင်န်အယ်လ်ဒီ အစိုးရက ၎င်းကို တာဝန်ပေးအပ် ထားသည်။

More in News Section

Top News