အာဆီယံခရီးသွားဖိုရမ်တွင် မြန်မာက မြို့ငါးမြို့ဝင်ရောက်ယှဉ်ပြိုင်မည်

ရန်ကုန်မြို့လယ်တွင် လည်ပတ်နေသော နိုင်ငံခြားခရီးသွားများ ဓာတ်ပုံ − စိုင်းဇော်

အာဆီယံဒေသအတွင်း အသန့် ရှင်းဆုံး ခရီးသွားမြို့များနှင့် စဉ် ဆက်မပြတ် ဖွံ့ဖြိုးတိုးတက်နေ သော မြို့များအဖြစ် မြန်မာနိုင်ငံမှ မြို့ငါးခုအား ရွေးချယ်ကာ အာဆီယံခရီးသွားဖိုရမ်(ATF)တွင် ဝင်ရောက်ယှဉ်ပြိုင်မည်ဖြစ်ကြောင်း ဟိုတယ်နှင့် ခရီးသွားလာရေးဝန် ကြီးဌာန ညွှန်ကြားရေးမှူးချုပ် ဦးတင့်သွင်က ပြောသည်။ 


၂၀၁၈ ဇန်နဝါရီအတွင်း ထိုင်းနိုင်ငံချင်းမိုင်မြို့တွင် ကျင်းပမည့် အာဆီယံခရီးသွားဖိုရမ်၌ မြန်မာ နိုင်ငံမှ အသန့်ရှင်းဆုံးခရီးသွားမြို့ သုံးခုနှင့် စဉ်ဆက်မပြတ်ဖွံ့ဖြိုးတိုး တက်နေသော ခရီးသွားမြို့နှစ်ခု ဟူ၍ မြို့ငါးခုကို ရွေးချယ်ကာ ဝင်ရောက်ယှဉ်ပြိုင်မည်ဖြစ်ကြောင်း ၎င်းက ပြောသည်။ 

 ‘‘မြို့ငါးခုကို နိုင်ငံအလိုက် ရွေးချယ်ပြီးတော့ တင်ပြရမှာဖြစ် ပါတယ်။ ဘယ်လိုအရည်အချင်း တွေနဲ့ ကိုက်ညီမှ ဖြစ်ရမယ်ဆိုတဲ့ အချက်အလက်တွေရှိတယ်။ အဲဒါ တွေကို သက်ဆိုင်တဲ့ ဝန်ကြီးဌာန တွေနဲ့ ပြည်နယ်၊တိုင်းတွေ သတင်း ပေးထားပါတယ်။ ဘယ်မြို့တွေကို ရွေးချယ်မယ်ဆိုတာမျိုးတော့ မဆုံးဖြတ်ရသေးပါဘူး’’ဟု  ဦးတင့်သွင် က ပြောသည်။ 

ခရီးသွားလုပ်ငန်း စဉ်ဆက် မပြတ်ဖွံ့ဖြိုးတိုးတက်ရေးဆောင် ရွက်နေသော ခရီးသွားမြို့များအား ရွေးချယ်ရာတွင် ပုဂံ၊ ညောင်ရွှေ၊ ကလော စသည့် မြို့များပါဝင် လာနိုင်ပြီး ခရီးသွားလုပ်ငန်းဖွံ့ဖြိုး ရေး စဉ်ဆက်မပြတ် ဆောင်ရွက်နေသော မြို့များကို ရွေးချယ်ကာ တင်ပြမည်ဖြစ်သည်။ 

‘‘အသန့်ရှင်းဆုံးမြို့သုံးမြို့ဆို ရင် အမှိုက်ကင်းစင်ရမယ်။ ပတ် ဝန်းကျင်စိမ်းလန်းစိုပြည်ရမယ် စတဲ့သတ်မှတ်ချက်တွေ အများအပြားပါဝင်သလို စဉ်ဆက်မပြတ်ဖွံ့ဖြိုးတိုးတက်နေတဲ့ ခရီးသွားမြို့ဆိုရင်လည်း ကျေးလက်ဒေသနဲ့ ပတ်သက်တဲ့ မြို့တစ်မြို့ရယ်၊ မြို့ပြနဲ့ ပတ်သက်တဲ့ မြို့တစ်မြို့ဆိုပြီး နှစ်ခုရွေးချယ်ပေးရမှာ ဖြစ်ပါတယ်’’ ဟု ဦးတင့်သွင်က ပြောသည်။ 

ယှဉ်ပြိုင်မည့် မြို့များကို ရွေး ချယ်ခြင်းနှင့် အထွေထွေဆွေးနွေး ခြင်းများ ဆောင်ရွက်နိုင်ရန် အာဆီယံခရီးသွားမြို့တော်စံနှုန်းများနှင့်ရေရှည်တည်တံ့ခိုင်မြဲသော ခရီးသွားလုပ်ငန်းဆိုင်ရာ အကောင်အထည်ဖော်ရေးလုပ်ငန်း ကော်မတီများဖွဲ့စည်းကာ ဆောင်ရွက်မည်ဖြစ်ကြောင်း ဟိုတယ်နှင့် ခရီးသွားလာရေးဝန်ကြီးဌာနမှ သိရသည်။