မြန်မာ့ဒီမိုကရေစီကူးပြောင်းမှုဖြစ်စဉ် သုံးသပ်ဆွေးနွေးပွဲမှ အချက်အလက်များကို ဒေါ်အောင်ဆန်းစုကြည်ထံ တင်ပြထား

အခြားမြို့ကြီးများတွင်လည်း သုံးသပ်ဆွေးနွေးပွဲများပြုလုပ်ရန် အစီအစဉ်ရှိဟုဆို
မြန်မာ့ဒီမိုကရေစီကူးပြောင်းမှုဖြစ်စဉ် ဆွေးနွေးပွဲ ကျင်းပနေစဉ် (ဓာတ်ပုံ − ထက်အာကာကျော်)

မြန်မာ့ဒီမိုကရေစီကူး ပြောင်းမှုဖြစ်စဉ်သုံးသပ်ဆွေးနွေး ပွဲမှ အချက်အလက်များကို စု စည်း၍ နိုင်ငံတော်၏အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်ထံ တင်ပြထားကြောင်း အတိုင်ပင်ခံ ရုံးညွှန်ကြားရေးမှူးချုပ် ဦးဇော် ဌေးကပြောသည်။


နေပြည်တော်၌ သုံးရက် ကြာပြုလုပ်သော မြန်မာ့ဒီမိုက ရေစီကူးပြောင်းမှုဖြစ်စဉ်သုံးသပ် ဆွေးနွေးပွဲမှ ဆွေးနွေးအကြံပြု ချက်များကို စုစည်းကာနိုင်ငံတော် ၏ အတိုင်ပင်ခံပုဂ္ဂိုလ်ထံ ဩဂုတ် ၁၇ ရက်တွင် ပြန်ကြားရေးဝန်ကြီး ဌာနကပေးပို့ခဲ့ကြောင်း ၎င်းက ရှင်းပြသည်။

အဆိုပါ ဒီမိုကရေစီကူး ပြောင်းမှုဖြစ်စဉ်သုံးသပ်ဆွေးနွေး ပွဲကို ဒီချုပ်အစိုးရအာဏာရလာ ပြီးနောက် တစ်နှစ်ကျော်အကြာ တွင် ပထမဆုံးအကြိမ်ပြုလုပ် ခြင်းဖြစ်ပြီး နိုင်ငံတော်၏အတိုင် ပင်ခံပုဂ္ဂိုလ် ဒေါ်အောင်ဆန်းစု ကြည်တက်ရောက်အဖွင့်အမှာ စကားပြောကြားခဲ့သည်။

ယင်းကဲ့သို့ သုံးသပ်ဆွေးနွေး ပွဲများကို နေပြည်တော်သာမက အခြားမြို့များတွင်လည်း ပြုလုပ် ရန် အစီအစဉ်ရှိကြောင်း ပြန်ကြား ရေးဝန်ကြီးဌာန အမြဲတမ်းအတွင်း ၀န်ဦးမျိုးမြင့်မောင်က ပြောသည်။

‘‘ပြီးခဲ့တဲ့ ဖိုရမ်မှာ လက်ခံနိုင် လောက်တဲ့ အကြံပြုချက်တွေရှိ တယ်။ သတိထားရမယ့်အကြံပြု ချက်တွေရှိတယ်။ မဖြစ်မနေလုပ် ဆောင်ရမယ့် အကြံပြုချက်တွေရှိ တယ်။ ဖိုရမ်တစ်ခုရဲ့ရလဒ်ကို ကံ သေကံမမပြောနိုင်ဘူး။ ဒါပေမဲ့ ဒီလိုဖိုရမ်မျိုးက နောက်ထပ်လုပ် ဖို့လိုအပ်တယ်ဆိုတာ အားလုံးက လက်ခံတယ်’’ ဟု၎င်းကဆိုသည်။

ဩဂုတ် ၁၁ မှ ၁၃ ရက်အထိ ပြုလုပ်ခဲ့သော မြန်မာ့ဒီမိုကရေစီ ကူးပြောင်းမှုဖြစ်စဉ်သုံးသပ်ဆွေး နွေးပွဲတွင် မူဘောင်ချမှတ်ခြင်း  (နိုင်ငံတကာရှုမြင်သုံးသပ်ချက်)၊ စစ်ဘက်မှ အရပ်ဘက်အစိုးရသို့ နိုင်ငံရေးကူးပြောင်းလာခြင်း၊ဗဟို ချုပ်ကိုင်မှုမှ ဈေးကွက်စီးပွားရေး ကူးပြောင်းလာခြင်း၊ စစ်ပွဲများမှ ငြိမ်းချမ်းရေးဆီသို့ ကူးပြောင်း ခြင်း၊ ဒီမိုကရေစီကူးပြောင်းမှုဖြစ် စဉ်တွင် မီဒီယာအခန်းကဏ္ဍ၊ မြန်မာ့ဒီမိုကရေစီကူးပြောင်းမှု ခရီး မည်မျှရောက်ပြီလဲစသည့် ခေါင်းစဉ်များဖြင့် စကားဝိုင်းဆွေးနွေးပွဲများနှင့် စာတမ်းအချို့ တင်သွင်းခဲ့သည်။

Top News