ပုပ္ပားတောင်ဒေသ၏ ယူနက်စကိုအိပ်မက်

ပုပ္ပါးတောင်ကလပ်ပေါ်မှ မြင်တွေ့ရသော ပုပ္ပါးတောင်မကြီး၏ သဘာဝအလှ Go Myanmar.com

ပုပ္ပားတောင်ကို မြန်မာနိုင်ငံ အလယ်ပိုင်း အပူပိုင်းဒေသက အို အေစစ်ဟု တင်စားကြသည်။ မီး တောင်ဟောင်းဖြစ်ပြီး သစ်တော သစ်ပင်များစွာ ကျန်ရှိနေသေး သော ပုပ္ပားတောင်မကြီးနှင့် နတ် ကိုးကွယ်ယုံကြည်သူများ နှစ်တိုင်း သွားကြသော ပုပ္ပားတောင်ကလပ် တို့ကြောင့် ၂၀၀၅ က ကမ္ဘာကျော် တိုင်းမ်မဂ္ဂဇင်းတွင် နတ်ကိုးကွယ်ယုံကြည်သူများအတွက် အကောင်းဆုံးစိတ်ခံစားမှုပေးနိုင်သော နေရာအဖြစ်ပင် ရွေးချယ်ခံရသည်။ ဒဏ္ဍာရီဆန်ဆန် ရာဇဝင်များနှင့် လှပသောရှုခင်းများက ခရီးသွားများ၏ စိတ်အာရုံကို အမြဲဆွဲဆောင်နိုင်သော နေရာဖြစ်သည်။


ပုဂံရှေးဟောင်းယဉ်ကျေးမှု နယ်မြေနှင့် မဝေးလှသည့် နေရာ တွင်တည်ရှိပြီး လွန်ခဲ့သော နှစ် ပေါင်းသုံးသိန်းကျော်က ဖြစ်ပေါ်ခဲ့သည့် မီးတောင်ဟောင်းတစ် ခုတည်ရှိကာ သဘာဝအတိုင်း သာယာလှပသည့် ရေမြေတောတောင် ရှုခင်းများနှင့် ကျေးငှက်တိရစ္ဆာန် များကို လေ့လာနိုင်၍ ပုပ္ပားတောင်သည် ခရီးသွားဧည့်သည်များအ ကြား ထင်ရှားသည့် ဒေသတစ်ခု အနေဖြင့် တည်ရှိနေခြင်းဖြစ်သည်။

လက်ရှိတွင် ပုပ္ပားတောင်မ ကြီးကို ဗဟိုပြု၍ စတုရန်းမိုင် ၅၀ ခန့်ကို ယူနက်စကို အသိအမှတ်ပြု Geopark ဘူမိဥယျာဉ်ဒေသတစ် ခုအဖြစ် အမည်စာရင်းတင်သွင်း နိုင်ရန် ပြည်တွင်း၊ ပြည်ပ ပညာရှင်များနှင့် ပူးပေါင်းကာ ရှေ့ပြေးစီမံ ချက်တစ်ခုကို ဆောင်ရွက်နေပြီ ဖြစ်သည်။

မြန်မာနိုင်ငံသည် အခြား သော နိုင်ငံများကဲ့သို့ ကမ်းခြေများ၊ဖျော်ဖြေရေးများ၊ ဈေးဝယ်ထွက် ခြင်းတို့ဖြင့် ခရီးသွားလုပ်ငန်းကို ဆွဲဆောင်လုပ်ကိုင်ခြင်းမဟုတ်ဘဲ သဘာဝနှင့် ယဉ်ကျေးမှုကို အဓိကအခြေခံ၍ ခရီးသွားလုပ်ငန်းကို
ဆောင်ရွက်နေသည့် နိုင်ငံတစ်ခု ဖြစ်၍ ပုပ္ပားဒေသကို ယူနက်စကို စာရင်းဝင်လာပါက ခရီးသွားလုပ် ငန်းဖွံ့ဖြိုးရေး အထောက်အကူပြု စေမည်ဖြစ်ကြောင်း ခရီးသွားလုပ် ငန်းရှင်များက သုံးသပ်သည်။

‘‘ဒီလို သဘာဝပတ်ဝန်းကျင် ဒေသတွေကို ယူနက်စကို အ စောင့်ရှောက်ခံဖြစ်မှ သဘာဝပတ် ဝန်းကျင်ထိန်းသိမ်းစောင့်ရှောက် ပြီးသား ဖြစ်မှာဖြစ်တဲ့အတွက် ခရီးသွားလုပ်ငန်းက ဖွံ့ဖြိုးတိုးတက် လာမှာ ဖြစ်ပါတယ်။ ခရီးသွား
လုပ် ငန်းနဲ့ ယူနက်စကိုဝင်ဒေသဖြစ်ဖို့ က ချိတ်ဆက်မှုရှိနေတဲ့အတွက် ခရီးသွားလုပ်ငန်းဖွံ့ဖြိုးတိုးတက်ဖို့ဒါက အရေးကြီးပါတယ်’’ ဟုNature Dream ခရီးသွားလုပ်ငန်း မန်နေဂျင်းဒါရိုက်တာ ဒေါ်စံပယ်အောင်က ဆိုသည်။

ပုပ္ပားတောင်ဒေသကို ယူနက်စကို အသိအမှတ်ပြု Geopark အဖြစ် တင်သွင်းနိုင်ရန် ပုပ္ပား တောင် ယူနက်စကိုကမ္ဘာလုံးဆိုင် ရာ အမိကမ္ဘာစခန်းသာဖြစ်မြောက် ရေးကော်မတီအမည်ဖြင့် ကော် မတီတစ်ခုကို ၂၀၁၇ နှစ်ဆန်းတွင် ဖွဲ့စည်း ဆောင်ရွက်လျက်ရှိသည်။

အဆိုပါ ကော်မတီ၌ မြန်မာ နိုင်ငံ ဘူမိသိပ္ပံအသင်း၊ သစ်တော ဦးစီးဌာန၊ ရန်ကုန်တက္ကသိုလ် ဘူမိသိပ္ပံဌာန၊ သယံဇာတနှင့် သဘာဝ ပတ်ဝန်းကျင်ထိန်းသိမ်းရေးဝန် ကြီးဌာန၊ သာသနာရေးနှင့် ယဉ် ကျေးမှုဝန်ကြီးဌာနတို့မှ တာဝန်ရှိ သူများဖြင့် ဖွဲ့စည်းထားခြင်းဖြစ် သည်။

ယူနက်စကိုသို့ Geopark ဘူမိဥယျာဉ်အဖြစ် တင်သွင်းရန် ပုပ္ပားတောင်အပါအဝင် မြန်မာ နိုင်ငံရှိ ဒေသ ၁၀ ခုကို လျာထား ပြီး ခါကာဘိုရာဇီတောင်၊ အင်း တော်ကြီးအိုင်၊ ပင်းတယလိုဏ်ဂူ၊ တွင်းတောင်၊ လန်ပိကျွန်းနှင့် ဇွဲကပင်တောင်တို့လည်း ပါဝင်ကြောင်းဖြစ်မြောက်ရေးကော်မတီမှ တာဝန်ရှိသူက ပြောသည်။

သို့သော် အဆိုပါ ဒေသ ၁၀ ခုထဲ၌ ပုပ္ပားဒေသသည် ဘူမိ ဥယျာဉ်အဖြစ် တင်သွင်းရန် အကောင်းဆုံးဒေသတစ်ခုဖြစ်နေ၍ကနဦးရွေးချယ်ကာ အဆိုပြုအ မည်စာရင်းတင်သွင်းရန် ဆောင်ရွက်ခြင်းဖြစ်ကြောင်း ကော်မတီ ဥက္ကဋ္ဌ ဦးသန်းထွန်းက ရှင်းပြ သည်။

‘‘မြန်မာနိုင်ငံမှာ ယူနက်စကို အသိအမှတ်ပြု Geopark ဒေသ အဖြစ် တင်သွင်းဖို့လျာထားတဲ့ ဒေသတွေထဲမှာ ပုပ္ပားတောင်က ခရီးသွားဖွံ့ဖြိုးရေးအတွက်ရော ဘူမိဥယျာဉ် (အမိကမ္ဘာစခန်းသာ) အဖြစ်ပါ ဆောင်ရွက်ဖို့အတွက် အကောင်းဆုံးဒေသတစ်ခုပဲ။ သူ့ ရဲ့ အနီးတစ်ဝိုက်မှာ မတူညီတဲ့ မျိုးကွဲသစ်ပင်တွေ၊ တိရစ္ဆာန်တွေ၊ ကျောက်ဖြစ်ရုပ်ကြွင်းတွေ အများ ကြီးတည်ရှိနေတယ်’’ဟု မြန်မာ နိုင်ငံ ဘူမိသိပ္ပံအသင်း အတွင်းရေးမှူးလည်းဖြစ်သူ ဦးသန်းထွန်းက ပြောသည်။

ထိုသို့ အမည်စာရင်းတင် သွင်းနိုင်ရန် အာရှပစိဖိတ် Geo-park အဖွဲ့နှင့် ကွန်ရက်ချိတ်ဆက် ကာ ပူးပေါင်းဆောင်ရွက်နေပြီး အာရှပစိဖိတ်ဒေသအတွင်း ယူ နက်စကို အသိအမှတ်ပြု Geoparkတစ်ခုဖြစ်လာရေး အကောင်အ ထည်ဖော်မည်ဖြစ်ကြောင်း ၎င်းက ရှင်းပြသည်။

ကနဦးအဆင့်အနေဖြင့် အ ဆိုပြုနာမည်စာရင်းတင်သွင်းရန် ရှေးပြေးစီမံချက်တစ်ခုကို ဆောင် ရွက်နေပြီး အဆိုပါစီမံချက်ကို အ နည်းဆုံး တစ်နှစ်ခန့်အချိန်ယူကာ ဆောင်ရွက်ရမည်ဖြစ်ကြောင်း ရှေးဟောင်းသုတေသနနှင့် အမျိုးသား ပြတိုက်ဦးစီးဌာနက ဆိုသည်။

‘‘ကမ္ဘာ့အမွေအနှစ် တင်သွင်းခွင့်ရှိတာ ကြိုတင်ပြီးတော့ စာရင်း သွင်းထားတာပေါ့။ ဒီနေရာတွေ မှာ ဒီလိုအချက်အလက်တွေရှိတဲ့ အတွက် ကမ္ဘာ့အမွေအနှစ်တင် သွင်းဖို့ အဆိုပြုထားပါတယ်ဆို တာ အနည်းဆုံး တစ်နှစ်ကြိုတင် ရတယ်။ အရင်က တင်ထားတာ ကို Review ပြန်လုပ်တယ်။ အဲဒီ ထဲမှာ ရွှေတိဂုံတို့၊ ပုပ္ပားတို့ ပါလာ တာဖြစ်ပါတယ်’’ဟု ရှေးဟောင်း သုတေသနနှင့် အမျိုးသားပြတိုက် ဦးစီးဌာန ညွှန်ကြားရေးမှူး ဦးအောင်အောင်ကျော်က ရှင်းပြသည်။ ပုပ္ပားတောင်အနီးဝန်းကျင်ရှိ ၄၉ ဒသမ ၆၃ စတုရန်းမိုင်ကို ဟို တယ်နှင့် ခရီးသွားလာရေးဝန်ကြီး ဌာနက ပတ်ဝန်းကျင်ထိန်းသိမ်းရေးနှင့် သစ်တောရေးရာ ဝန်ကြီးဌာနနှင့် ပူးပေါင်းကာ ၁၉၈၉ တွင်ပုပ္ပားတောင် အမျိုးသားဥယျာဉ်အဖြစ် သတ်မှတ်ဆောင်ရွက်ခဲ့သော်လည်း စနစ်တကျ ထိန်းသိမ်းနိုင်မှု အားနည်းခဲ့၍ သိသာစွာ ဖွံ့ဖြိုးလာခဲ့ခြင်းမရှိကြောင်းဦးသန်းထွန်းက ပြောသည်။

 ပုပ္ပားတောင်မကြီးအနီးရှိ ပုပ္ပားတောင်ကလပ်ဒေသနှင့်ပတ် သက်၍ မြန်မာနိုင်ငံ ခရီးသွားလုပ် ငန်းရှင်များအသင်းဥက္ကဋ္ဌ ဦးသက်လွင်တိုးက ‘‘တချို့ဧည့်သည်တွေ ကတော့ မကြိုက်ကြဘူး။ မျောက် တွေရယ်၊ တောင်ပေါ်တက်ရင် ပန်း အတင်းရောင်းတဲ့လူတွေရယ်၊ အတင်းကို ဝယ်ခိုင်းတာမျိုးတွေ မကြိုက်ဘူး။ အောက်မှာလည်း ပေပွနေတာမျိုးတွေ ရှင်းလင်းထိန်းသိမ်းမှုမရှိဘူး’’ဟု ပြောသည်။

လက်ရှိတွင် ပုပ္ပားဒေသကို ၂၀၁၈ တွင် ယူနက်စကိုသို့ အဆို ပြု အမည်စာရင်းသွင်းနိုင်ရန် ဆောင်ရွက်နေပြီး လက်ခံပါက ကမ္ဘာ့အမွေအနှစ်အဖြစ် တင်သွင်းနိုင်ရန် ဆက်လက်ဆောင်ရွက်မည် ဖြစ်သည်။

ပုပ္ပားဒေသကို ယူနက်စကို အသိအမှတ်ပြု တင်သွင်းရေး ဆောင်ရွက်နိုင်မည်ဆိုပါက ခရီး သွားလုပ်ငန်း ဖွံ့ဖြိုးမှုကို ပို၍အ ထောက်အကူပြုစေမည် ဖြစ် ကြောင်း ခရီးသွားလုပ်ငန်းရှင်များ က သုံးသပ်သည်။

‘‘ပုပ္ပားကတော့ ပုဂံကနေ နေ့ချင်းပြန် သွားကြတယ်။ ဗမာပဲ ဖြစ်ဖြစ်၊ နိုင်ငံခြားသားပဲဖြစ်ဖြစ် ပုပ္ပားတောင်ကလပ်နဲ့ လမ်း ကြောင်းတစ်လျှောက်နဲ့ကို သွား ကြတယ်။ အဲဒီလို သွားကြတော့ တစ်ရက်ပိုနေသွားကြတဲ့အတွက် ခရီးသွားလုပ်ငန်းအတွက် အကျိုး ရှိတာပေါ့’’ဟု မြန်မာနိုင်ငံ ခရီး သွားလုပ်ငန်းအဖွဲ့ချုပ် အထွေထွေအတွင်းရေးမှူး ဦးကြည်သိန်းကိုက ပြောသည်။

ဒေါ်စံပယ်အောင်က ပုပ္ပား ဒေသသာမက မြန်မာနိုင်ငံရှိ အခြားဒေသအချို့ ယူနက်စကို အသိအမှတ်ပြု ဆောင်ရွက်ခြင်း နှင့် ခရီးသွားလုပ်ငန်း ဆက်စပ်အ ရေးကြီးပုံကို ယခုကဲ့သို့ပြောသည်။

‘‘ပုပ္ပားတစ်ခုတည်းတင် မဟုတ်ပါဘူး။ အင်းတော်ကြီးအိုင် တို့လို ဒေသတွေကိုပါ ယူနက်စကို အထိန်းသိမ်းခံဖြစ်သင့်ပါတယ်။ ခရီးသွားလုပ်ငန်း ဖွံ့ဖြိုးရေး အ တွက် ယူနက်စကိုဝင်ဖို့က အရေး ကြီးတဲ့ကိစ္စလို့ မြင်ပါတယ်။’’

ပုပ္ပါးတောင်ဝန်းကျင်တွင်သဘာဝပတ်ဝန်းကျင်ထိန်းသိမ်းရေးလုပ်ငန်းများ ဆောင်ရွက်နေသော ပုပ္ပါးတောင်ချစ်သူများ အသင်းဥက္ကဋ္ဌ ဦးကျော်ဝင်းဆွေက ‘‘ဒေသခံတွေအနေနဲ့ကတော့ ဒီကိစ္စကို သဘောတူနှစ်ခြိုက်ကြတယ်။ ယူနက်စကို အသိအမှတ်ပြုဖို့ အတွက်လည်း ဒေသခံနဲ့ ပူးပေါင်းလှုပ်ရှားကြတာကို တွေ့ရတယ်။ ယူနက်စကိုအဖွဲ့က နှစ်ခေါက်၊ သုံးခေါက်လာပြီးတော့ စစ်တမ်းထုတ်တာတွေလုပ်ပါတယ်။ ဒေသခံတွေကိုလည်း မေးမြန်းတာတွေလုပ်ပါတယ်။ ဒါက ဒေသခံတွေရဲ့ စီးပွားရေးဖွံ့ဖြိုးမှုအတွက် လုပ်ဆောင်ပေးနိုင်မယ်လို့ မျှော်လင့်ပါတယ်။ ဒီနှစ်ဆန်းပိုင်းကနေ စပြီးတော့လုပ်နေတာ ဖြစ်ပါတယ်။ ယူနက်စကိုက လာပူးပေါင်းပြီး ကျွန်တော်တို့အသင်းကို သူတို့လိုချင်တဲ့ အချက်အလက်တွေ မေးတယ်။သူတို့သိပြီးသား အချက်တွေကိုလည်း ကျွန်တော်တို့ကို ဝေမျှပေးပါတယ်။ 

 ဒေသခံတွေကို အမြင်ဖွင့်နိုင်ပြီး Eoc Tourism နဲ့ ဖွံ့ဖြိုးအောင် လုပ်နိုင်မယ်လို့ မျှော်လင့်ပါတယ်။ ဒေသခံတွေရဲ့ ပညာရေးကအစ မြှင့်တင်ပေးနိုင်မယ်လို့ မျှောလင့်ပါတယ်’’ဟု သုံးသပ်ပြောလေသည်။   ။