ရာသီတုပ်ကွေးဖြစ်ပွားသူ ၁၇ ဦးထပ်မံတိုး

တစ်ရက်အတွင်း ရာသီ တုပ်ကွေးရောဂါ (H1N1) ဖြစ်ပွား သူ ၁၇ ဦး ထပ်မံစစ်ဆေးတွေ့ရှိ ကြောင်း ကျန်းမာရေးနှင့် အား ကစားဝန်ကြီးဌာနက သြဂုတ် ၁၂ ရက်တွင် ထုတ်ပြန်သည်။


သြဂုတ် ၁၁ ရက် မွန်းလွဲ ၂ နာရီမှ သြဂုတ် ၁၂ ရက် မွန်းလွဲ ၂ နာရီအထိ ၂၄ နာရီအတွင်း သံသယလူနာ ၄၈ ဦးကို ဓာတ်ခွဲစစ် ဆေးရာ H1N1 ပိုးတွေ့ရှိသူ ၁၇ ဦးရှိခဲ့သည်။

သို့ဖြစ်ရာ ဇူလိုင် ၂၁ ရက်မှ သြဂုတ် ၁၂ ရက်အထိ ၂၂ ရက်အတွင်း ရာသီ တုပ်ကွေးဖြစ်ပွားသူ ၂၂၁ ဦးရှိပြီဖြစ်သည်။ထို့ကြောင့် ပျမ်းမျှအားဖြင့် တစ်ရက်လျှင် ၁၀ဦး ရာသီတုပ်ကွေး ရောဂါဖြစ်ပွား နေခြင်းဖြစ်သည်။

ရာသီ တုပ်ကွေးရောဂါ ကြောင့် သြဂုတ် ၁၁ ရက်အထိ သေဆုံးသူ ၂၃ ဦးရှိပြီး သြဂုတ် ၁၂ရက်တွင်မူ သေဆုံးသူမရှိပေ။ ရာသီတုပ်ကွေးရောဂါကြောင့် သေဆုံးသူများသည် ရန်ကုန်တိုင်းတွင် ခုနစ်ဦး၊ ဧရာဝတီတိုင်းတွင် ကိုးဦး၊ မွန်ပြည်နယ်တွင် တစ်ဦး၊ပဲခူးတိုင်းတွင် သုံးဦး၊ မန္တလေး တိုင်းတွင်တစ်ဦး၊ မကွေးတိုင်း တွင် နှစ်ဦးဖြစ်သည်။

ရာသီတုပ်ကွေးရောဂါဖြစ် ပွားသူ ၆၅ ဦးသည် ဆေးရုံများ၌ အ တွင်းလူနာအဖြစ် ကုသမှုခံယူနေ ရပြီး အများစုသည် သက်သာနေ ကြောင်းလည်း ကျန်းမာရေးနှင့် အားကစားဝန်ကြီးဌာန ထုတ် ပြန်ချက်တွင် ပါရှိသည်။

ရာသီတုပ်ကွေး (H1N1) ရောဂါပိုး တွေ့ရှိသော်လည်း ယင်းရောဂါ၏ နောက်ဆက်တွဲ ဆိုးကျိုးကြောင့်မဟုတ်ဘဲ အခြား ရောဂါအခံများကြောင့် သေဆုံးသူလည်း သြဂုတ် ၁၂ ရက်အထိ ၁၆ ဦးရှိကြောင်း ဖော်ပြထားသည်။

More in News Section

Top News