လောကီထုပ္ပတ် လူတို့ဇာတ် (မြို့မကျောင်းဆရာ ဦးစံထွား)

ကမ္ဘာ့သမိုင်းကို မြန်မာဘာသာစကားဖြင့် အ တော်လေးပြည့်စုံအောင် ရေးထားသောစာအုပ် အ များအပြားမရှိပါ။ ယခင်တစ်ပါတီစနစ် ဆိုရှယ်လစ် ခေတ်က ထွက်ခဲ့သော ကမ္ဘာ့သမိုင်းမှတ်တိုင်များ၊ ဆရာကြီးဒေါက်တာသန်းထွန်း၏ ခေတ်ဟောင်းခေတ်ဦးကမ္ဘာ့သမိုင်း၊ ခေတ်သစ်ကမ္ဘာ့သမိုင်းနှင့် အိန္ဒိယ၀န်ကြီးချုပ်ဟောင်း ဂျဝါဟာလာနေရူး ရေး သားပြီး ဆရာပါရဂူ မကွယ်လွန်မီ ဘာသာပြန်ဆိုခဲ့ သည့် တစေ့တစောင်း ကမ္ဘာ့အကြောင်းနှင့် ယင်းကို ပင် ဆရာဘိုးလှိုင်ဘာသာပြန်သော လျှပ်တစ်ပြက် ကမ္ဘာ့သမိုင်းစာအုပ်တို့လောက်သာရှိကာ ယခုနှစ်ပိုင်းအတွင်း ဆရာလှိုင်သင်း ကြိုးပမ်းအားထုတ်ထားသော လူ့ယဉ်ကျေးမှုသမိုင်းစာအုပ်အချို့သာ ရှိခဲ့ပါသည်။


မြန်မာပြည်လွတ်လပ်ရေးမရမီ ၁၉၄၆-၄၇ တွင် ပေါ်ထွက်ခဲ့သော အကောင်းဆုံး ကျောင်းသုံးစာ အုပ်ဆုရ  လောကီထုပ္ပတ် လူတို့ဇာတ် သည် ကမ္ဘာ့ သမိုင်းနှင့်ပတ်သက်၍ အရေးကြီးသည့် ဖြစ်ရပ်မှန်သ မျှကို မကြွင်းမကျန်ရစ်အောင် ပြုစုထားသောစာအုပ် ဖြစ်ပြီး ကျောင်းသုံးအဖြစ်သာမက သမိုင်းကို ပြည့် ပြည့်စုံစုံ လေ့လာလိုသူများအတွက် အရေးကြီးသော စာအုပ်ဖြစ်ပါသည်။ ယခုနှစ်ပေါင်း ၇၀ တင်းတင်း ပြည့်ချိန်ကျမှ ပြန်လည်ပုံနှိပ်လာပြီး လူကြီး၊ လူငယ် မရွေး၊ အတန်းပညာမရွေး လူတိုင်းဖတ်ရှုလေ့လာ သင့်ပေသည်။ ယခုစာအုပ်နှင့်ပတ်သက်၍ ရေးသား ပြုစုသူ မြို့မကျောင်းဆရာ ဦးစံထွားက အညွှန်း၌ ‘‘ဤစာအုပ်၏ စာကိုယ်တွင် မလိုအပ်သော အသေး အဖွဲများ မပါစေရန် သတိပြုရေးသားထားပါသည်။ အချို့ရာဇ၀င်သမိုင်းစာအုပ်၌ တွေ့မြင်ဖတ်ရှုရမည့် အကြောင်းအရာ အဖြစ်အပျက်ကိုလည်းကောင်း၊ ပုဂ္ဂိုလ်အချို့၏ အတ္ထုပ္ပတ္တိကိုလည်းကောင်း ဤ စာအုပ်တွင် မတွေ့မမြင်ဘဲ ရှိမည်။ ‘ငါးသိုင်းများ လျှင် ဟင်းဟုံ’ ဟူသော စကားကဲ့သို့ အသေးအဖွဲ များလွန်းလျှင် ပဓာနအကြောင်းအရင်းမှာမထင်မရှား မှိုင်းမှုန်သွားတတ်ပေသည်။ သို့သော် အသေးအဖွဲ များကို ထည့်သွင်းခြင်းဖြင့် ပဓာနအချက်ကြီးများကို ပိုမိုထင်ရှားစေနိုင်လျှင်လည်းကောင်း၊ သင်ကြားလေ့ လာသူများ ပိုမိုနားရှင်းစေနိုင်လျှင်လည်းကောင်း အ သေးအဖွဲများပင် ဖြစ်လင့်ကစား ထည့်သွင်းဖော်ပြ ထားသည်ကို တွေ့ရလိမ့်မည်။ အကြောင်းအရာအ ဖြစ်အပျက်များ အဆက်ပြတ်သွားစေမည့်အသေးအ ဖွဲများကိုမူ ဤစာအုပ်၏ စာကိုယ်မှ တမင်တကာ ဖြုတ်ပယ်ထားပါသည်။

ပထ၀ီဘာသာကို သင်ကြားသောအခါ မြေပုံ ကြမ်းမပါလျှင် အကျိုးမများသကဲ့သို့ ကမ္ဘာ့သမိုင်း သင်ကြားသောအခါလည်း ရုပ်ပုံမပါလျှင် အကျိုး တင်းပြည့်ကျပ်ပြည့်မခံစားရဘဲ တစ်ဝက်မျှသာရရှိ မည်ဖြစ်သောကြောင့် လိုအပ်သော ရုပ်ပုံများကို အ ခန်းတိုင်းတွင်ပါဝင်အောင် ပါရဂူများ၏ ကမ္ဘာ့သမိုင်း စာအုပ်များမှ များသောအားဖြင့် ထုတ်နုတ်ထည့်သွင်း ဖော်ပြထားပါကြောင်း။

ကမ္ဘာ့သမိုင်းမည်သည် ကမ္ဘာ့အကြောင်းအရာ အဖြစ်သနစ်တို့ကို အချိန်ကာလအလိုက် စဉ်းစား ဆင်ခြင်နည်းပင်ဖြစ်သောကြောင့် အချိန်ဇယားကို လည်းကောင်း၊ ကမ္ဘာ့သမိုင်း ပြက္ခဒိန်ကိုလည်းကောင်း ထည့်သွင်းဖော်ပြထားပါသည်။

ကမ္ဘာ့သမိုင်းသင်ကြားရာတွင် အချိန်ကာလကို သာမက နေရာဒေသကိုပါသိနားလည်ရန် လိုသော ကြောင့် မြေပုံများကိုလည်း လိုအပ်သောနေရာတိုင်း ၌ ထည့်သွင်းဖော်ပြထားပါသည်။ ကမ္ဘာ့အကြောင်း အရာအဖြစ်အပျက်များကို အရေးကြီးလျှင် ကြီးသလို အရေးငယ်လျှင် ငယ်သည့်အလိုက် အချိုးကျညီမျှ သင့်တင့်အောင် အထူးသတိပြုလျက်စီစဉ်ရေးသား ထားပါသည်။

စာမျက်နှာ၏ အောက်ခြေတွင် စာလုံးသေးဖြင့် မှတ်စုများလည်း ထည့်သွင်းထား၏။ ‘‘မှတ်စုများတွင် အင်္ဂလိပ်အခေါ်အဝေါ် အသုံးအနှုန်းများကိုလည်း ကောင်း၊ စာကိုယ်မှဖြုတ်ပယ်ထားသော မှတ်သား ဖွယ်ရာ ဒဏ္ဍာရီများကိုလည်းကောင်း၊ သမိုင်းအလို အားဖြင့် များစွာအရေးမကြီးလှစေကာမူ လေ့လာသူ များ၏ စိတ်တွင် စွဲငြိစေမည့် အကြောင်းအချက်များ ကိုလည်းကောင်း ထည့်သွင်းဖော်ပြထားပါကြောင်း’’ ဟု ရေးထားသည်။ စာအုပ်ကို စိတ်ကူးချိုချိုစာပေက တန်ဖိုး ၉,၀၀၀ ကျပ်ဖြင့်ထုတ်ဝေပြီး စိတ်ကူးချိုချို စာအုပ်ဆိုင်များနှင့် စီးတီးမတ်တို့တွင် ဩဂုတ် ၁၃ ရက်အထိ ၇,၂၀၀ ကျပ်ဖြင့် ၀ယ်ယူနိုင်ပါသည်။