မောင်တောဒေသတွင် လူမျိုးတုံးသတ်ဖြတ်ခြင်း လုံးဝမရှိဟု ဒုသမ္မတ ဦးမြင့်ဆွေပြောကြား

ရခိုင်ပြည်နယ်တွင် အရပ်သားအုပ်ချုပ်ရေးက ပိုမိုသင့်လျော်ကြောင်း ကော်မရှင် သဘောထားပေး
ဓာတ်ပုံ − ထက်အာကာကျော်

ကုလသမဂ္ဂ လူ့အခွင့်အရေးဆိုင် ရာ မဟာမင်းကြီးရုံး (OHCHR)၏ အစီရင် ခံစာ၌ ဖော်ပြသကဲ့သို့ ရခိုင်ပြည်နယ် မောင်တောဒေသတွင်လူမျိုးတုံးသတ် ဖြတ်ခြင်းလုံးဝမရှိကြောင်း ဒုသမ္မတ(၁)ဦးမြင့်ဆွေက ပြောကြားသည်။

ဒုသမ္မတ(၁)ဦးမြင့်ဆွေ ဦးဆောင်သော မောင် တောဒေသ စုံစမ်းစစ်ဆေးရေးကော်မရှင်၏ သတင်းစာရှင်းလင်း ပွဲကို ဩဂုတ် ၆ ရက်တွင် ရန်ကုန် မြို့ စိမ်းလဲ့ကန်သာ၌ ပြုလုပ်ရာ ယင်းကဲ့သို့ ပြောကြားခြင်းဖြစ် သည်။

‘‘ကော်မရှင်ရဲ့ စုံစမ်းစစ် ဆေးချက်များကို အခြေခံပြီး သုံး သပ်ပြောကြားရမည်ဆိုပါလျှင် ကုလသမဂ္ဂလူ့အခွင့်အရေးဆိုင် ရာ မဟာမင်းကြီးရုံးမှ သုံးသပ် သည့် Crimes Against Humanity (လူသားမျိုးနွယ်အား ဆန့်ကျင်သည့် ရာဇ၀တ်မှု)လုံးဝ မရှိပါကြောင်းနှင့် Ethnic Cleansing (လူမျိုးတုံးသတ်ဖြတ် သန့်စင်ခြင်း)ဟု ယူဆနိုင်သည့် အနေအထားတွင်လည်း လုံးဝ မတွေ့ရှိပါကြောင်း ပြောကြားလို ပါတယ်’’ ဟု ဦးမြင့်ဆွေက ပြော သည်။

၂၀၁၆ အောက်တိုဘာတွင် မောင်တောအကြမ်းဖက်မှုဖြစ် ပွားပြီးနောက် အထက်ပါကော်မ ရှင်ကို ဒီဇင်ဘာ၌ ဖွဲ့စည်းခဲ့ပြီး ရှစ်လအကြာတွင် ကော်မရှင်၏ အစီရင်ခံစာကို နိုင်ငံတော်သမ္မတ ထံပေးပို့ခဲ့သည်။

နိုင်ငံတော်သမ္မတထံပေးပို့ သည့် အစီရင်ခံစာအပြည့်အစုံ တွင် စာမျက်နှာ ၇၇ မျက်နှာ၊ အ ပိုဒ် ၂၃၇ ပိုဒ်နှင့် လိုအပ်သည့် နောက်ဆက်တွဲဖော်ပြချက်များ နှင့်အတူ ရေးသားပြုစုထား ကြောင်း ကော်မရှင်အတွင်းရေး မှူးဦးဇော်မြင့်ဖေက ပြောသည်။

ယင်းအစီရင်ခံစာအပြည့် အစုံတွင် ရခိုင်ပြည်နယ်၏ အနေ အထား၊ ရခိုင်ပြည်နယ် ပဋိပက္ခ ဖြစ်စဉ်များ၏ နောက်ခံအခြေအ နေ၊ မောင်တောဒေသအကြမ်း ဖက်တိုက်ခိုက်မှု ဖြစ်စဉ်များ၊ ၂၀၁၆ မောင်တောဒေသအကြမ်း ဖက်ဖြစ်စဉ်တွင်ဦးဆောင်ပါဝင် သူများ၊ မောင်တောဖြစ်စဉ်၏ ထူးခြားချက်၊ ဒေသတည်ငြိမ်အေး ချမ်းရေးနှင့် လုံခြုံရေးအတွက် ဆောင်ရွက်နိုင်မှုအခြေအနေ၊ ပြည်သူများ၏ လုံခြုံရေးနှင့်အခြေ ခံအခွင့်အရေးများ အာမခံချက် ပေးနိုင်မှုအခြေအနေ၊ ပဋိပက္ခ ကြိုတင်ကာကွယ်ရေးနှင့် လူသား ချင်းစာနာထောက်ထားမှုအကူအ ညီပေးရေး၊ ပြင်ပစွပ်စွဲပြောဆိုမှု များအပေါ် စိစစ်တွေ့ရှိချက်၊ ကုလသမဂ္ဂလူ့အခွင့်အရေးဆိုင် ရာ မဟာမင်းကြီးရုံး(OHCHR) ၏ အစီရင်ခံစာပါဖော်ပြချက်များအ ပေါ် ကော်မရှင်၏သုံးသပ်ချက်၊ ဘင်္ဂလားဒေ့ရ်ှနိုင်ငံသို့ ကော်မရှင် အဖွဲ့သွားရောက်စစ်ဆေးချက်၊ ကော်မရှင်၏ အကြံပြုချက်များ စသည့်အခန်းများပါဝင်ကြောင်း ဦးဇော်မြင့်ဖေက ရှင်းပြသည်။

သို့ရာတွင် ဩဂုတ် ၆ ရက် သတင်းစာရှင်းလင်းပွဲ၌ ရခိုင်ပြည် နယ် မောင်တောဒေသစုံစမ်းစစ် ဆေးရေးကော်မရှင်၏ အစီရင်ခံ စာအကျဉ်းချုပ်ကိုသာ သတင်း ထောက်များအားဖြန့်ဝေခဲ့ပြီး သ တင်းထောက်များနှင့်တစ်နာရီခန့် ကြာ အမေးအဖြေပြုလုပ်ခဲ့သည်။

ပြည်ခိုင်ဖြိုးပါတီအပါအ၀င် နိုင်ငံရေးပါတီ ၁၄ ခုက ဇူလိုင်လ ဆန်းတွင် ရခိုင်ပြည်နယ်အတွင်း စစ်အုပ်ချုပ်ရေးကြေညာပေးရန် တောင်းဆိုခဲ့သော်လည်း ယမန် နေ့က ပြုလုပ်သောသတင်းစာ ရှင်းလင်းပွဲ၌ ကော်မရှင်၏သ ဘောထားကို သတင်းထောက် တစ်ဦးက မေးမြန်းရာ အရပ်သား အုပ်ချုပ်ရေးက ပိုမိုသင့်လျော် ကြောင်း ကော်မရှင်အဖွဲ့ဝင် ဦး အောင်ကြည် (ပြန်ကြားရေးဝန်ကြီး ဟောင်း)က မှတ်ချက်ပြုသည်။

ကော်မရှင်သည် မောင် တောဒေသသို့ ကွင်းဆင်းစစ်ဆေး မှုလေးကြိမ်၊ ဘင်္ဂလားဒေ့ရ်ှနိုင်ငံ ဘက်သို့ တစ်ကြိမ်၊ ကော်မရှင် အစည်းအဝေးဆယ့်တစ်ကြိမ်နှင့် အခါအားလျော်စွာ သတင်းထုတ် ပြန်မှုငါးကြိမ်ပြုလုပ်ခဲ့သည်ဟု ဆို သည်။

‘‘ဒါကြီးက (လူမျိုးတုံးသတ် ဖြတ်မှုရှိတယ်ဆိုပြီး) ကမ္ဘာသိ အောင်ကြေညာလိုက်တာ။ ကျွန် တော်တို့နိုင်ငံအတွက် အင်မတန် ထိခိုက်ပါတယ်’’ ဟု ဦးဇော်မြင့် ဖေက ဆိုသည်။

လက်ရှိတွင် မောင်တောဒေ သ၌ ထိပ်တိုက်ရင်ဆိုင်သည့် တိုက်ခိုက်မှုဖြစ်စဉ်များ ထပ်မံ ဖြစ်ပွားခြင်းမရှိတော့သော်လည်း လုံခြုံရေးအရ စိတ်ချရသည့်အနေ အထားမဟုတ်ကြောင်း အဆိုပါ ကော်မရှင်အတွင်းရေးမှူးက သ တင်းစာရှင်းလင်းပွဲ၌ ပြောကြား သည်။

ရဲစခန်းများမှ ယူဆောင် သွားသော လက်နက်အားလုံးပြန် လည်ဖော်ထုတ်မရသေးခြင်း၊ လျှို့ဝှက်အကြမ်းဖက်သင်တန်း နေရာများ၊ အကြမ်းဖက်အဖွဲ့အ စည်းဝင်များကို ဖော်ထုတ်ဖမ်း ဆီးရမိနေခြင်း၊ လက်လုပ်မိုင်းများ နှင့် လက်နက်ပစ္စည်းများ၊ ရိက္ခာ များ ဖော်ထုတ်သိမ်းဆည်းရရှိနေ ခြင်း၊ ဒေသခံမွတ်စလင်များအပြင် ရခိုင်တိုင်းရင်းသားများကိုပါ ခြိမ်း ခြောက်လုပ်ကြံသတ်ဖြတ်မှုများ ဆက်တိုက်ရှိနေခြင်းတို့က လုံခြုံ ရေးစိတ်ချရသည့်အခြေအနေ မဟုတ်ကြောင်း ၎င်းက ဥပမာပေး သည်။

‘‘နောက်ထပ်အကြမ်းဖက် တိုက်ခိုက်မှုပြုလုပ်ရန် စနစ်တကျ ကြံစည်ဆောင်ရွက်နေသည့်ဖြစ် စဉ်များကိုလည်း တွေ့ရှိရပါ တယ်’’ ဟု ဦးဇော်မြင့်ဖေကဆက် လက်ပြောကြားသည်။

နိုင်ငံတော်သမ္မတထံပေးပို့ သော ကော်မရှင်၏အစီရင်ခံစာ အပြည့်အစုံတွင် လက်ငင်း ဆောင်ရွက်ရမည့်အချက်နှင့်ရေ ရှည်မဟာဗျူဟာချမှတ်လုပ် ဆောင်ရမည့်အချက်များဟူ၍ အ ချက် ၄၈ ချက်ကို တင်ပြထား သည်ဟု ဆိုသည်။

အဆိုပါ အကြံပြုချက် ၄၈ ချက်တွင် အုပ်ချုပ်ရေးကဏ္ဍအ တွက် ၁၃ ချက်၊ သတင်းမီဒီယာ ကဏ္ဍအတွက်သုံးချက်၊ UN နှင့် INGO ကဏ္ဍအတွက် နှစ်ချက်၊ နိုင်ငံသားစိစစ်ရေးကိစ္စနှင့်ပတ် သက်၍ ငါးချက်၊ ဘာသာရေး၊ သာသနာရေးကဏ္ဍအတွက် သုံး ချက်၊စီးပွားရေးနှင့်လူမှုရေးကဏ္ဍ အတွက် ခြောက်ချက်၊ အမျိုးသား လုံခြုံရေးနှင့်နယ်စပ်ဒေသလုံခြုံ ရေးအတွက် ၁၂ ချက်၊ နိုင်ငံတ ကာလုံခြုံရေးအဖွဲ့အစည်းများ နှင့် မြန်မာနိုင်ငံပူးပေါင်းဆောင် ရွက်ရန် တစ်ချက်၊ အထွေထွေ အကြံပြုချက် သုံးချက်တို့ပါဝင် ကြောင်း ဦးဇော်မြင့်ဖေက ရှင်းပြ သည်။

ထို့အပြင် အထူးကိစ္စရပ်အ နေဖြင့် မောင်တောစုံစမ်းစစ်ဆေး ရေးကော်မရှင်၏ အကြံပြုချက် များကိုလည်းကောင်း၊ ရခိုင်ပြည် နယ်ဆိုင်ရာ အကြံပေးကော်မရှင် မှ အကြံပြုချက်များကိုလည်း ကောင်း အသေးစိတ်လေ့လာစိ စစ်၍ လက်တွေ့အကောင်အ ထည်ဖော်နိုင်မည့်အဆင့်မြင့် ကော်မတီတစ်ရပ်ကို အစိုးရကဖွဲ့ စည်းတာဝန်ပေးအပ်သင့်ကြောင်း အကြံပြုထားသည်။

မောင်တောဖြစ်စဉ်တွင် အ မှတ်(၁)နယ်ခြားစောင့်ကွပ်ကဲမှု အဖွဲ့ဌာနချုပ် ကျီးကန်းပြင်၊ ငါး ခူရနယ်မြေရဲစခန်း၊ ကိုးတန် ကောက် ရဲကင်းစခန်းများကို ၂၀၁၆ အောက်တိုဘာ ၉ ရက်၌ တိုက်ခိုက်၍ လက်နက်ခဲယမ်း မျိုးစုံရယူသွားခြင်းသည် နိုင်ငံ တော်ပုန်ကန်မှုဖြစ်သည်ဟု ဦး မြင့်ဆွေက ပြောကြားသည်။

ထို့အပြင် ယင်းဖြစ်စဉ်တွင် ပြည်ပနှင့်ဆက်စပ်မှုကွင်းဆက် များလည်း ပေါ်ပေါက်ခဲ့သဖြင့် ရခိုင်ပြည်နယ်အတွင်း ယခင်ဖြစ် ပွားခဲ့သည့်ဖြစ်စဉ်များထက် ပိုမို ရှုပ်ထွေးနက်ရှိုင်းနေကြောင်း ဒု သမ္မတက သုံးသပ်သည်။

‘‘မောင်တောဒေသမှာ စိတ် ကြွရူးသွပ်ဆေးပြားအမြောက်အ မြား ဖမ်းဆီးရရှိမှုများရှိနေတဲ့အ တွက် မူးယစ်ဆေးဝါးကုန်သွယ်မှု လမ်းကြောင်းဟာ လက်နက်ကိုင် ပုန်ကန်မှုများ၊ စီးပွားရေးသမား များနဲ့ဆက်နွှယ်ပြီး ကြီးထွားလာ နိုင်တဲ့အခြေအနေများကို တွေ့ရှိ နေရပါတယ်’’ ဟု ဦးမြင့်ဆွေက သတင်းစာရှင်းလင်းပွဲ၏ အဖွင့်အ မှာစကားတွင် ထည့်သွင်းပြော ကြားသည်။

ကုလသမဂ္ဂလူ့အခွင့်အရေး ဆိုင်ရာမဟာမင်းကြီးရုံး၏အစီရင်ခံစာတွင် မောင်တောဒေသမှ ထွက်ပြေးလာသူများအပေါ် မေး မြန်းထွက်ဆိုချက်များကို နိုင်ငံ တကာက အထင်အမြင်လွဲမှား အောင် ပုံကြီးချဲ့ပြီး ပုံဖော်မီးမောင်းထိုးပြခဲ့ကြောင်းနှင့် ယင်းဒေသ၏ လူနည်းစုဒေသခံ တိုင်းရင်းသား များအပေါ်မေးမြန်းခြင်း၊ သဘော ထားဖြေဆိုချက်များကို ထည့် သွင်းစဉ်းစား ဖော်ပြခြင်းမရှိခဲ့ ကြောင်း ကော်မရှင်ဥက္ကဋ္ဌ ဦးမြင့် ဆွေက ပြောသည်။

မောင်တောဒေသစုံစမ်းစစ် ဆေးရေးကော်မရှင်၏ အစီရင်ခံ စာတွင် ယင်းဒေသ၌နေထိုင် နေသည့် တိုင်းရင်းသားလူမျိုးစု များနှင့် မွတ်စလင်များ၏ ဆင်းရဲ နွမ်းပါးမှု၊ ပညာရေးအဆင့်အ တန်းနိမ့်ကျမှုများကို ဖော်ပြထား ပြီး ဒေသတွင်းတည်ငြိမ်အေးချမ်း မှုရှိလာစေရန်နှင့် လူမှုစီးပွားရေး အလျင်အမြန်တိုးတက်လာစေ ရန် အရေးကြီးကြောင်း သုံးသပ် တင်ပြထားသည်ဟု အတွင်းရေး မှူးဦးဇော်မြင့်ဖေက ပြောသည်။

‘‘ဒီအကြမ်းဖက်ဖြစ်စဉ် အား လုံးဟာ မောင်တောဒေသမှာ နှစ် ကာလရှည်ကြာစွာမဖြေရှင်းနိုင်ခဲ့ သော အခြေခံအကြောင်းတရား မျိုးစုံအပေါ်အခြေပြုပြီး ပြည်ပနိုင် ငံများရှိ အစွန်းရောက်အဖွဲ့အ စည်းများ၊ လူမျိုးရေးအရ သွေး ခွဲလှုံ့ဆော်လိုသူများ၏ ထောက်ခံ မှု၊ စည်းရုံးမှုများ၊ ငွေကြေး ထောက်ပံ့မှုများနှင့်အတူ ဒေသခံ မွတ်စလင်များရဲ့ အထွေထွေမကျေ နပ်မှုကိုအသုံးချပြီး မောင်တော ဒေသကိုနိုင်ငံတကာက အလေး ထားအာရုံပြုလာအောင် အကွက် ကျကျဖန်တီးဖော်ဆောင်တဲ့၊ နိုင်ငံ တော်ကိုဆန့်ကျင်တဲ့ နိုင်ငံတော် တရားဥပဒေ စိုးမိုးရေးအဖွဲ့အ စည်းကို ထိပါးတဲ့အကြမ်းဖက် တိုက်ခိုက်မှုမျိုးဖြစ်နေတယ်ဆို တာ မျက်မှောက်ပြုရမှာဖြစ်ပါ တယ်’’ ဟု ၎င်းကဆိုသည်။

သို့ရာတွင် မောင်တောဒေ သ၌ လူ့အခွင့်အရေးချိုးဖောက် မှုများရှိနေကြောင်းနှင့် လူ့အခွင့် အရေးချိုးဖောက်မှုများတစ်နည်း တစ်ဖုံ ထပ်မံပေါ်ပေါက်လာနိုင် သည့်အခြေအနေများကြောင့် လူ့ အခွင့်အရေးစောင့်ကြည့်ရေး၊ ညှိ နှိုင်းရေး အမြဲတမ်းရုံးထားရှိသင့် ကြောင်း ကော်မရှင်က အကြံပြု ထားသည်ဟုဆိုသည်။

ဘင်္ဂလားဒေ့ရ်ှနိုင်ငံဘက်သို့ ထွက်ပြေးသူများအား ကော်မရှင် က သွားရောက်တွေ့ဆုံရာတွင် ၎င်းတို့၏ နစ်နာမှုများအတွက် မြန်မာနိုင်ငံသို့ပြန်လာ၍ တရားစွဲ ဆိုရန် ကမ်းလှမ်းခဲ့သော်လည်း လက်ရှိအချိန်ထိ လာရောက် တရားစွဲသူမရှိသေးကြောင်း ဦး ဇော်မြင့်ဖေက ပြောကြားသည်။