ပုဂံ-ဆီယမ်ရိခရီးစဉ်အတွက် နိုင်ငံခြားသားများကို လက်ရှိဗီဇာစနစ်ဖြင့် ဆောင်ရွက်မည်ဟုဆို

နိုင်ငံခြားခရီးသွားအများအပြား လာရောက်လည်ပတ်လေ့ရှိသည့် ပုဂံဒေသ ဓာတ်ပုံ - စိုင်းဇော်

မြန်မာ-ကမ္ဘောဒီးယား နှစ်နိုင်ငံ ဆောင်ရွက်မည့် Two Country, One Destination အစီအစဉ်အရ ပုဂံ-ဆီယမ်ရိခရီးစဉ်အတွက် ရောက်ရှိလာမည့် နိုင်ငံခြားသား များကို Free Visa ပေးမည်မဟုတ်ဘဲ လက်ရှိဗီဇာပေးသည့်စနစ်ဖြင့်ပင် ဆောင်ရွက်မည်ဖြစ်သည်။


‘‘ဗီဇာကတော့ Free Visa မပေးဘူး။ လက်ရှိစနစ်အတိုင်းပဲ ကျင့်သုံးမှာ ဖြစ်ပါတယ်။ ဆိုက် ရောက်ဗီဇာ သဘောမျိုးပေါ့’’ဟု ဟိုတယ်နှင့်ခရီးသွားလာရေး ဝန် ကြီးဌာန ညွှန်ကြားရေးမှူး ဦးလှ မြင့်က ပြောသည်။

အထက်ပါ ခရီးသွားအစီအ စဉ်အရ ပုဂံသို့ နိုင်ငံတကာတိုက် ရိုက်လေကြောင်းလိုင်းများ ဆင်း သက်ရန် အဆင်သင့်မဖြစ်သေး သဖြင့် ရန်ကုန်မြို့သို့ တိုက်ရိုက် လေကြောင်းလိုင်း ပျံသန်းရန် Emirates လေကြောင်းလိုင်းဖြင့် ပြေးဆွဲရန် စီစဉ်နေကာ ရန်ကုန်မှ တစ်ဆင့် ပြည်တွင်းလေကြောင်း လိုင်းများဖြင့် ပုဂံသို့ သွားရောက် ရမည်ဖြစ်ကြောင်း ၎င်းကပြော သည်။

 ခရီးသွားမြှင့်တင်ရေးအ တွက် ခရီးသွားဧည့်သည် ယခုထက် ပိုမိုလာရောက်ရန် လိုအပ်သော်လည်း Free Visa ပေးရန် လတ်တလောအခြေအနေအရ မဖြစ်နိုင်သေးသဖြင့် လက်ရှိ ကျင့်သုံးသည့်စနစ်ကိုသာ အသုံးပြုသည်မှာ သင့်လျော်ကြောင်း မြန်မာနိုင်ငံ ခရီးသွားလုပ်ငန်းရှင်များအသင်း (UMTA) ဥက္ကဋ္ဌ ဦးသက်လွင်တိုးကပြောသည်။

ပုဂံသို့ တစ်နှစ်လျှင် နိုင်ငံ ခြားသားဧည့်သည် သုံးသိန်းခန့် သာ ဝင်ရောက်သော်လည်း အန် ကောဝပ် ဘုရားကျောင်းရှိရာ ကမ္ဘောဒီးယား ဆီယမ်ရိသို့ နိုင်ငံ ခြားသား ခရီးသွားသုံးသန်းခန့် ဝင်ရောက်သောကြောင့် အဆိုပါခရီး သွားအစီအစဉ် ပြုလုပ်နိုင်ပါက ပုဂံသို့ နိုင်ငံခြားသားခရီးသွားဧည့် သည်များ ပိုမိုဝင်ရောက်လာမည် ဖြစ်ကြောင်း ဦးလှမြင့်က ပြော ကြားသည်။

နိုင်ငံခြားခရီးသွားဧည့်သည် များ ပိုမိုလာရောက်ရန် ဆွဲဆောင် သည့်အနေဖြင့် အဆိုပါအစီအစဉ် ပြုလုပ်ခြင်း ဖြစ်သော်လည်း Free Visa ပေးနိုင်မှုမရှိခြင်း၊ ကမ္ဘောဒီး ယား ဆီယမ်ရိမှ ပုဂံသို့ တိုက်ရိုက်သွားရောက်နိုင်မည် မဟုတ်ဘဲ ရန်ကုန်မြို့မှ တစ်ဆင့်သာ သွားရောက်ရမည် ဖြစ်ခြင်းတို့ကြောင့် နိုင်ငံခြားခရီးသွားများ စိတ်ဝင် စားမှု နည်းပါးနိုင်ကြောင်း ခရီးသွားလုပ်ငန်းရှင်အချို့က ဝေဖန် ပြောကြားသည်။

လတ်တလောတွင် အာဆီယံ ဒေသတွင်း ၁၀ နိုင်ငံအနက် မလေးရှားနိုင်ငံကလွဲ၍ အခြားနိုင်ငံများနှင့် မြန်မာနိုင်ငံအကြား နိုင်ငံသားများ အပြန်အလှန် ဗီဇာ

ကင်းလွတ်ခွင့်ဖြင့် ခရီးသွားလာခွင့်ပြုထားပြီး နိုင်ငံ ၅၁ နိုင်ငံကို ဆိုက်ရောက်ဗီဇာ လျှောက်ထား ခွင့်ပြုထားသည်။

More in Tourism Section

Top News