ပူတာအိုဒေသ သဘာဝအခြေခံ ခရီးသွားလုပ်ငန်းများ ဖွံ့ဖြိုးတိုးတက်ရေး ဆွေးနွေးပွဲကျင်းပ

ကချင်ပြည်နယ် ပူတာအိုဒေသရှိ မူလာရှိဒီးချောင်းအတွင်း လာရောက် လည်ပတ်သည့် ခရီးသည်များကို တွေ့ရစဉ် ဓာတ်ပုံ − စိုင်းဇော်

ကချင်ပြည်နယ်ရှိ သဘာဝအခြေခံ ခရီးစဉ်တစ်ခုဖြစ်သော ပူတာအို ဒေသတွင် သဘာဝအခြေခံခရီး သွားလုပ်ငန်းများ ဖွံ့ဖြိုးတိုးတက် ရေး အသိပညာများ ဖလှယ်နိုင် စေရန် ဟိုတယ်နှင့် ခရီးသွားလာ ရေးဝန်ကြီးဌာနနှင့် သားငှက်ထိန်း သိမ်းရေးအဖွဲ့ (WCS) တို့ ပူးပေါင်းကာ ပြည်တွင်း၊ ပြည်ပပညာရှင် များပါဝင်သည့် ဆွေးနွေးပွဲတစ်ခု ကို ဇူလိုင် ဒုတိယပတ်အတွင်းက ပြုလုပ်ခဲ့သည်။


‘‘သဘာဝ အခြေခံခရီးသွားလုပ်ငန်း (Eco-Tourism) တွေကိုလုပ်တဲ့အခါမှာ သဘာဝတွေကို ထိန်းသိမ်း ကာကွယ်ရင်းနဲ့ ခရီး သွားကဏ္ဍဖွံ့ဖြိုးရေးအတွက် လုပ် လို့ရတယ်ဆိုတဲ့ကိုင်းကျွန်းမှီ ကျွန်း ကိုင်းမှီ သဘောတရားရှိတဲ့ အ တွက် သဘာဝအခြေခံကို အသုံး ပြုပြီး ခရီးသွားလုပ်ငန်းလုပ်တဲ့အ ခါ သူတို့အတွက် ဘာတွေအခက် အခဲရှိလဲ၊ ဘာတွေပြုပြင်ဆောင် ရွက်ရမလဲဆိုတာတွေကို ဆွေးနွေး ခဲ့တာ ဖြစ်ပါတယ်’’ဟု ဟိုတယ်နှင့် ခရီးသွားလာရေးဝန်ကြီးဌာန ညွှန် ကြားရေးမှူး ဦးမြင့်ထွေးက ပြော သည်။

ကချင်ပြည်နယ်သည် အရှေ့ တောင်အာရှနိုင်ငံများတွင် မရှိ သော ဆီးနှင်းများ ဖုံးလွှမ်းနေပြီး မီတာသုံးထောင်ကျော် မြင့်မား သည့် တောင်များနှင့် တိုင်းရင်း သားများ၏ ရိုးရာလူနေမှုပုံစံများ၊  ဝတ်စားဆင်ယင်မှုနှင့် ဓလေ့ထုံး တမ်းအစဉ်အလာများ၊ သဘာဝ အရင်းအမြစ်များ ပေါကြွယ်ဝ သည်။

သို့သော် နယ်မြေအေးချမ်းမှု နှင့် လမ်းပန်းဆက်သွယ်ရေး လို အပ်ချက်တို့ကြောင့် တိုးတက်သင့် သလောက် မတိုးတက်ဘဲ ဖြစ်နေ သော်လည်း မကြာမီ တိုးတက် မည့် အလားအလာကောင်းများ အပြည့်အဝရှိနေ၍ ကြိုတင်ပြင် ဆင်ဆောင်ရွက်ရမည့် လုပ်ငန်း များကို ဆောင်ရွက်ထားရန်နှင့် လူ့ စွမ်းအားအရင်းအမြစ်များ ကြိုတင်ပြင်ဆင်ထားရန် ပြည်တွင်း၊ ပြည်ပပညာရှင်များက အဆိုပါဆွေးနွေး ပွဲတွင် ဆွေးနွေးခဲ့သည်။

ကချင်ပြည်နယ်တွင် သဘာဝ အခြေခံခရီးစဉ်ဒေသအဖြစ် သတ် မှတ်ထားသော ဒေသလေးခုရှိပြီး ခရီးစဉ်များ ရေရှည်တည်တံ့ရန်နှင့် ပူတာအိုဒေသ ဖွံ့ဖြိုးရန် အရင်းအ မြစ်များ ထုတ်ယူသုံးစွဲမှု၊ မှီခိုမှုများ ကို လျှော့ချဆောင်ရွက်ပြီး ဒေသ ခံများကို မိမိတို့၏ ဒေသအရင်း အမြစ်များကို ထိန်းသိမ်းစောင့် ရှောက်ရန် အသိပညာဖလှယ်ခြင်း ဖြင့် ပူးပေါင်းဆောင်ရွက်နိုင်မည် ဟု ယုံကြည်ကြောင်း ဟိုတယ်နှင့် ခရီးသွားလာရေးဝန်ကြီးဌာန ပြည်ထောင်စုဝန်ကြီး ဦးအုန်းမောင်က အဆိုပါဆွေးနွေးပွဲတွင် ပြောကြား ခဲ့သည်။

အဆိုပါ အသိပညာဖလှယ် ရေးဆွေးနွေးပွဲကို နေပြည်တော်ရှိ Hotel M Gallery by Sofitel ၌ ကျင်းပခဲ့ပြီး ကချင်ပြည်နယ် အစိုးရအဖွဲ့မှ တာဝန်ရှိသူများ၊ လွှတ် တော်ကိုယ်စားလှယ်များ၊ ဟိုတယ်ခရီးဝန်ကြီးဌာန တာဝန်ရှိသူများ၊ ခရီးသွားလုပ်ငန်း အသင်းအဖွဲ့များ၊ သားငှက်ထိန်းသိမ်းရေး အဖွဲ့မှ တာဝန်ရှိသူများနှင့်ယူနက်စကိုမှ တာဝန်ရှိသူများ တက်ရောက် ဆွေးနွေးခဲ့သည်။

More in Tourism Section

Top News