နယ်စပ်ဂိတ်သုံးခုမှ တင်သွင်းနေသည့် အစားအသောက်နှင့် ကုန်ပစ္စည်းများ၏အရည်အသွေး စစ်ဆေးမည်

 နယ်စပ်ကုန်သွယ်ရေး လမ်းကြောင်း သုံးခုမှ တင်သွင်း နေသော ကုန်ပစ္စည်းနှင့် အစား အသောက်များ၏ အရည်အသွေး များကို စစ်ဆေးရန် စီစဉ်နေ ကြောင်း စီးပွားရေးနှင့် ကူးသန်း ရောင်းဝယ်ရေးဝန်ကြီးဌာန စား သုံးသူရေးရာဦးစီးဌာန ဒုတိယ ညွှန်ကြားရေးမှူးချုပ် ဦးလှမော်ဦး က ပြောသည်။

ယခုအချိန်တွင် နယ်စပ်ကုန် သွယ်ရေးစခန်း ၁၇ ခုရှိသော် လည်း အဆိုပါဂိတ်များမှ တင် သွင်းလာသော ကုန်ပစ္စည်းနှင့် အစားအသောက်များသည် လိုင် စင်လျှောက်ထားကာ တင်သွင်း ခြင်းရှိ၊ မရှိနှင့် အရေအတွက် မှန် ကန်မှုရှိ၊ မရှိသာ စစ်ဆေးနေ ခြင်းဖြစ်သည်ဟု ၎င်းကဆိုသည်။

‘‘အဲဒီနေရာတွေက ထိ ရောက်အောင် မစစ်ဆေးနိုင်သေး ဘူး။ သွင်းကုန်၊ ပို့ကုန်လိုင်စင်ရှိ၊ မရှိပဲ စစ်ဆေးနိုင်တာ။ စီးပွား ကူးသန်းက လိုင်စင်ကိုစစ်တယ်။ အကောက်ခွန်က အရေအတွက် ကိုစစ်တယ်။ အရည်အသွေးကို စစ်ဖို့ လိုပေမယ့် တိတိကျကျ စစ် ဆေးနိုင်တာမရှိဘူး။ ဒါကြောင့် နယ်စပ်ဂိတ်သုံးခုမှာ အရည် အသွေးစစ်ဆေးမှုတွေ လုပ် ဆောင်သွားမယ်’’ဟု ဦးလှမော်ဦး ကဆိုသည်။ တရုတ်နိုင်ငံနှင့် အဓိကနယ်စပ် ကုန်သွယ်ရေးဂိတ်ဖြစ် သည့် မူဆယ်နယ်စပ် ကုန်သွယ် ရေးစခန်း၊ ထိုင်းနိုင်ငံနှင့် အဓိက ကုန်သွယ် ရေးစခန်းဖြစ်သည့် မြဝတီနယ်စပ် ကုန်သွယ်ရေး စခန်းနှင့် အိန္ဒိယနိုင်ငံနှင့် ကုန် သွယ်မှုပြုလုပ်သည့် တမူးနယ် စပ် ကုန်သွယ်ရေးစခန်းတို့တွင် အဓိကထား ဆောင်ရွက် မည်ဟုဆိုသည်။

‘‘ဒီလို စစ်ဆေးနိုင်ဖို့အတွက် အခုစားသုံးသူကာကွယ်ပေးရေး ဥပဒေကို ပြန်လည်ပြင်ဆင်ထား တယ်။ အဲဒီဥပဒေနဲ့ အရေးယူ မယ်။ အခု နယ်စပ်ဂိတ်တွေမှာ စစ်ဆေးပေမယ့် တွေ့ရင် ပစ္စည်း သိမ်းပညာပေးတာလောက်ပဲ လုပ်လို့ရတယ်။ ထိရောက်တဲ့ အရေးယူမှုတွေ လုပ်လို့မရသေး ဘူး။ ဒါကြောင့် ဒီဥပဒေထွက်လာ တာနဲ့ လုပ်ဆောင်သွားမယ်’’ဟု ဦးလှမော်ဦးက ပြောသည်။

စားသုံးသူ ကာကွယ်ပေးရေး ဥပဒေသည် ၂၀၁၄ ကထွက်ရှိပြီး ဖြစ်သော်လည်း ဥပဒေလိုအပ် ချက်များရှိနေခြင်း၊ နည်းဥပဒေ မထွက်လာခြင်းတို့ကြောင့် အရေး ယူနိုင်ခြင်းမရှိသေးဘဲ ပညာပေး အဆင့်ဖြင့်သာ ရပ်တန့်နေ ကြောင်း သိရသည်။

ဥပဒေတွင် လိုအပ်သည့် အချက်အလက်များကို ပြန်လည် ပြင်ဆင်ဖြည့်စွက်ကာ ရှေ့နေချုပ် ရုံးသို့ တင်ပြထားပြီး ၂၀၁၈ အတွင်း စားသုံးသူကာကွယ်ပေး ရေးနည်းဥပဒေတစ်ခု ထွက်ရှိလာ မည်ဟု ခန့်မှန်းထားကြောင်း ဦးလှမော်က ဆိုသည်။

ဥပဒေထွက်လာသည့်အချိန် တွင် စစ်ဆေးမှုများ စတင်နိုင်ရန် စီးပွားရေးနှင့်ကူးသန်းရောင်းဝယ် ရေး ဝန်ကြီးဌာနရှိ ဝန်ထမ်းများကို စားသောက်ကုန်စစ်ဆေးခြင်း၊ အီ လက်ထရွန်နစ် ပစ္စည်းများ၏ အရည်အသွေးကို စစ်ဆေးခြင်း၊ ဘိလပ်မြေနှင့် ဆောက်လုပ်ရေး ပစ္စည်းများ၏ ခိုင်ခံ့မှုကို စစ်ဆေး နိုင်စေရန် သင်တန်းများပို့ချပေး နေကြောင်း သိရသည်။