ရန်ကုန်တိုင်းအစိုးရအဖွဲ့ကတိခံထားသည့် စီမံကိန်းများ အကောင်အထည်ဖော်မှု တိုးတက်စေရေး လွှတ်တော်ကော်မတီ ဆောင်ရွက်နေဟုဆို

ရန်ကုန်တိုင်းဒေသကြီး လွှတ်တော်အစည်းအဝေးကျင်းပနေစဉ် (ဓာတ်ပုံ − စိုင်းဇော်)

ရန်ကုန်တိုင်းအစိုးရ အဖွဲ့၏ လွှတ်တော်အတွင်း ကတိကဝတ်ခံယူထားသည့်ကိစ္စ ရပ်များကို အကောင်အထည်ဖော် ဆောင်ရွက်ရာတွင် ယခင်နှစ်များ ထက် တိုးတက်မှုရှိစေရန် ရန်ကုန် တိုင်းလွှတ်တော် ကတိကဝတ်၊ အာမခံချက်များနှင့် လွှတ်တော် အခွင့်အရေးကော်မတီအနေဖြင့် ကွင်းဆင်းစစ်ဆေးခြင်း၊ ကြားဝင် ညှိနှိုင်းခြင်းတို့ဖြင့် တွန်းအားပေး ဆောင်ရွက်နေကြောင်း အဆိုပါ ကော်မတီဥက္ကဋ္ဌ ဦးခင်မောင်ဝင်း က ပြောသည်။


လွှတ်တော်ကိုယ်စားလှယ် များ၏ လွှတ်တော်တွင် မေးမြန်း ခဲ့သည့်မေးခွန်းများ၊ အဆိုများနှင့် ပတ်သက်၍ အစိုးရအဖွဲ့က လုပ် ဆောင်ရန် ကတိကဝတ်ခံထား သည့်ကိစ္စရပ်များကို လက်တွေ့ ၌ လုပ်ဆောင်ခြင်းရှိ၊ မရှိ အဆိုပါ ကော်မတီက လွှတ်တော်ကိုယ် စားလှယ်များ၊ ဌာနဆိုင်ရာများ နှင့် ပူးပေါင်းကာ စစ်ဆေးခြင်း ဖြစ်သည်။

‘‘မြေပြင်မှာ တကယ်လုပ်၊ မလုပ် ကွင်းဆင်းစစ်ဆေးတယ်။ မလုပ်ရသေးရင် ကြားဝင်ညှိနှိုင်း ပေးတယ်။ မလုပ်ရင် ဝန်ကြီးဌာန ကို တင်ပြပေးတယ်။ ဒါတွေ ကြောင့် အရင်ကထက် တိုးတက် မှုတွေ ရှိလာပါတယ်’’ဟု ဦးခင် မောင်ဝင်းက ပြောသည်။

လွှတ်တော်အတွင်း လုပ် ဆောင်ရန် ကတိကဝတ် ခံထား သည့် လုပ်ငန်းများကို ဌာနဆိုင်ရာ များက လုပ်ဆောင်ခြင်းမရှိပါက ကြားဝင်ညှိနှိုင်းပေးခြင်း၊ ဝန်ကြီး ဌာနသို့ တင်ပြခြင်း၊ ကွင်းဆင်း ဆောင်ရွက်ခြင်းတို့ကို လုပ် ဆောင်ကြောင်း ၎င်းကပြောသည်။

ရန်ကုန်တိုင်း လွှတ်တော် ဒုတိယအကြိမ် ဒုတိယပုံမှန် အစည်းအဝေးတွင် ကိုယ်စား လှယ်များ မေးမြန်းခဲ့သည့် မေး ခွန်းများထဲမှ ၂၀၁၆-၁၇ ဘဏ္ဍာ နှစ်အတွက် ကတိကဝတ် ၁၆ ခု ရှိခဲ့ရာ ကိုးခုကို ပြီးစီးအောင် လုပ်ဆောင်နိုင်ခဲ့ပြီး ၂၀၁၇-၁၈ ဘဏ္ဍာနှစ်အတွက် ဆောင်ရွက် ဆဲ ကတိကဝတ်ပေါင်း သုံးခုရှိ ကြောင်း ဦးခင်မောင်ဝင်းက ပြောသည်။

ယင်းအပြင် အဆိုခြောက်ခု တင်သွင်းခဲ့သည့်အနက် အဆို လေးခုကို အကောင်အထည်ဖော် ဆောင်ရွက်ရန် လွှတ်တော်က အတည်ပြုခဲ့သည်။

ရန်ကုန်တိုင်းလွှတ်တော်က အတည်ပြုခဲ့သည့် အဆိုများထဲ တွင် ရန်ကုန်မြို့တွင်း ယာဉ်ကြော ကျပ်တည်းမှုကို ဖြေရှင်းပေးရန်၊ ရေကြီးရေလျှံမှုကို ဖြေရှင်းပေးရန်၊ အများပြည်သူ အပန်းဖြေအနား ယူသည့်နေရာများ ပြည်သူပိုင်ဖြစ် ရေး၊ ဈေးများ အင်္ဂါရပ်နှင့်အညီ အဆင့်မြှင့်တင်ရေး စသည့် အဆို တို့ ပါဝင်ခဲ့သော်လည်း ရန်ကုန် မြို့ ရေကြီးရေလျှံမှုများ၊ ယာဉ် ကြောကျပ်တည်းမှုများ ဆက် လက်ဖြစ်ပေါ်နေပြီး ပြည်သူများ ကြား၌ ဝေဖန်မှုများရှိနေသည်။

လွှတ်တော်ကိုယ်စားလှယ် များက ဌာနဆိုင်ရာများ၏ ဘတ် ဂျက်အသုံးပြုခြင်း၊ စီမံကိန်း အကောင်အထည်ဖော်ခြင်းများ တွင် ထိန်းကျောင်းမှုများပြုလုပ် ခြင်းကြောင့် ဌာနဆိုင်ရာအများစု သည် ယခင်ကဲ့သို့ ဘတ်ဂျက် အလဟဿ အသုံးပြုမှု အများ အပြားမရှိတော့ဘဲ ပြောင်းလဲနေ ကြောင်း အဆိုပါကော်မတီဝင် ဒေါ်ကြည်ပြာက ပြောသည်။

ယခင် ဘဏ္ဍာနှစ်များတွင် ဒေသဖွံ့ဖြိုးရေးစီမံကိန်းများ ပြု လုပ်ရန် လိုအပ်ချက်များကို ဌာန ဆိုင်ရာတာဝန်ရှိသူများကသာ တင်ပြခဲ့သဖြင့် မြေပြင်အခြေ အနေလိုအပ်ချက်များနှင့် ကိုက် ညီမှုမရှိဘဲ ဘတ်ဂျက်အလဟဿ ဖြစ်ခဲ့ရကြောင်း ၎င်းကပြော သည်။

ဒေါ်ကြည်ပြာက‘‘အရင် တုန်းက ဌာနဆိုင်ရာတွေက လုပ် ချင်သလိုလုပ်ခဲ့ကြတယ်။ အခုကျ တော့ ပြည်သူ့ကိုယ်စားလှယ်တွေ က မြေပြင်အထိဆင်းပြီး ဘယ်မှာ တော့ ဘာလိုနေတယ်ဆိုတာတွေ ကို တင်ပြတဲ့အတွက် အဆင်ပြေ ပါတယ်’’ဟု ပြောသည်။

ဌာနဆိုင်ရာများအနေဖြင့် ကတိကဝတ်ခံထားသည့် စီမံကိန်း များကို လုပ်ဆောင်ခြင်းမရှိပါက အစိုးရအဖွဲ့သို့ တင်ပြသဖြင့် ဌာနဆိုင်ရာများ၏ လုပ်ဆောင်မှု တိုးတက်မှုရှိလာသည်ကို တွေ့ရ ကြောင်း တောင်ဒဂုံမြို့နယ် တိုင်း ဒေသကြီး လွှတ်တော်ကိုယ်စား လှယ် ဦးညီညီက ပြောသည်။

အဆိုပါကော်မတီက တစ် နှစ်ပြည့်အစီရင်ခံစာကို ပြီးခဲ့သည့် ရန်ကုန်တိုင်းလွှတ်တော် စတုတ္ထ အကြိမ် ရန်ကုန်တိုင်းလွှတ်တော် အစည်းအဝေးတွင် တင်သွင်းခဲ့ပြီး နောက်ထပ် အစီရင်ခံစာတင်သွင်း နိုင်ရန် ကတိကဝတ်များကို စစ် ဆေးနေကြောင်း တိုင်းလွှတ်တော် အစိုးရ၏ ကတိကဝတ်၊ အာမခံ ချက်များနှင့် လွှတ်တော်အခွင့် အရေးကော်မတီက ပြောကြား သည်။