ကြီးမြတ်လေသော
သမိုင်းကြောင်းများနဲ့
ပုဂံ

Authentic Myanmar Tea နှင့် 7DayTV တို့
ပူးပေါင်းစီစဉ်တင်ဆက်သည်။

ဒီတစ်ခါ AuthenticTravel ပရိတ်သတ်ကြီးကို ခေါ်သွားပေးချင်တာကတော့ ဘယ်နှစ်ခါရောက်ရောက်ရိုး မသွားနိုင်တဲ့ ချစ်သောပုဂံမြေဆီကိုပါပဲ။ အကြိမ်ကြိမ်ရောက်ဖူး အကြိမ်ကြိမ်ထပ်သွားချင် ထပ်လည်းသွားဖြစ်တဲ့ပုဂံကို တစ်ခေါက်နဲ့တစ်ခေါက်မတူ ဘယ်လိုခံစားမလဲဆိုတဲ့ ရှုထောင့်တွေစဉ်းစားရတာလဲ အရသာပါပဲ။

ဒါကြောင့် ဒီတစ်ခါ Authentic Travel အဖွဲ့သားတွေ ပုဂမတဲ့ရှုထောင့်ကနေ ဘယ်လိုလည်ခဲ့လဲဆိုတာ တစ်ခါတည်းဆက်ပြောပြပါ့မယ်နော်။

Image
Image
Image
Image

‘‘ပုဂံ နေထွက်ချိန်'’

BaganSunrise အချိန်ကိုဒီတစ်ခါ ထူးထူးခြားခြားအမှတ်တရလေးဖြစ်သွားအောင် စောစောထပြီး ပုဂံရဲ့ဘော်လုံးကြီးတွေရှိရာကိုသွားခဲ့ကြပါတယ်။ အပြိုင်အဆိုင်လေမှုတ်ရင်းကောင်းကင်ပေါ်ပျံတက်ဖို့စောင့်ဆိုင်းနေကြတဲ့ ရောင်စုံဘော်လုံးကြီးတွေအများကြီးကို အနီးကပ်ကြည့်ရတဲ့ခံစားချက်ဟာတကယ်ကိုထူးခြားတာ။ ဘော်လုံးတွေပေါ်က စိတ်လှုပ်ရှားနေတဲ့လူတွေရယ် ဘော်လုံးပျံတက်ဖို့လုပ်ပေးနေကြတဲ့ဝန်ထမ်းတွေရယ်၊ ဘော်လုံးအကြီးကြီးတွေရယ်ကိုကြည့်ရင်းပျော်တာရော၊ စိတ်လှုပ်ရှားတာရော ဓာတ်ပုံပြေးရိုက်ရလို့မောတာရောစုံနေတာပဲ။ ဒါနဲ့ အဲဒီနေရာလေးကိုလေပုဂံမှာအခုခေတ်စားနေတဲ့ တုတ်တုတ် taxi လေးတွေနဲ့ သွားခဲ့တာ။ တုတ်တုတ် taxi လေးတွေက အရောင်လေးတွေစုံနေတာပဲချစ်စရာလေးတွေ။ မောင်းတဲ့တုတ်တုတ်ဆရာတွေကလည်းတော်တယ်။ ဘယ်နေရာ ဘာရှိအကုန်သိ။ ကိုယ်ဆိုတစ်နေကုန် အဲဒီတုတ်တုတ် taxi လေးနဲ့လည်ခဲ့တာ။ ကိုယ့်အတွက်ကတော့ အဆင်ကိုပြေလို့။ ဘာလို့ဆို ကိုယ်က ဆိုင်ကယ်မမောင်းတတ် ebike လည်းမမောင်းတတ်၊ ကြောက်။ အခုတော့ တုတ်တုတ် taxi လေးက အမိုးလေးလည်းပါတော့ တစ်နေကုန်သူနဲ့လည်တာအိုကေပဲ။ ဈေးနှုန်းကတော့ တစ်နေ့လုံးလည်ရင် ၂၅၀၀၀။ မနက်ဘော်လုံးကွင်းလာကြည့်ချင်ရင်တော့ ၁၀၀၀၀ကျပ် သပ်သပ်ထပ်ပေးရပါတယ်။ ကိုယ်တို့ အဲဒီဘော်လုံးတက်တဲ့ ကွင်းကနေနောက်ထပ်ကုန်းမြင့်လေးတစ်ခုပေါ်မှာရှိတဲ့ အခုအပေါ်ကိုတက်လို့ရနေသေးတဲ့ပုဂံခေတ်အုတ်တိုက်တစ်ခုပေါ်ကိုလည်း သွားခဲ့သေးတယ်။ အဲဒီနေရာလေးကနေမှ ဘော်လုံးတွေအများကြီးကောင်းကင်ပေါ်မှာပျံသန်းနေတာကို ကြည့်ခဲ့ကြပါသေးတယ်။ ပုဂံရဲ့Sunrise ကတော့ ဘယ်နှစ်ခါခံစားရခံစားရတကယ့်ကို Amazing ပါပဲ။

‘‘ပုဂံဘုရားတွေဖူး'’

အဲဒီကနေ ရွှေစည်းခုံဘုရားအပါအ၀င် အခြားပုဂံဘုရားတွေအများကြီးကိုသွားဖူးမျှော်ကြပါတယ်။ ဘယ်တော့မှမရိုးနိုင်တဲ့ ရွှေစည်းခုံဘုရားကမေတ္တာစောင်းတန်းလေးကို ပြန်ရောက်ချိန်မှာ ဓာတ်ပုံတွေအများကြီး ထပ်ရိုက်ခဲ့သေးတယ်။ ဒီရွှေစည်းခုံဘုရားက အဖြူရောင်မေတ္တာစောင်းတန်းလေး ဟာဆိုလို့ရှိရင် ဓာတ်ပုံရိုက်လို့အရမ်းလှတဲ့အတွက် Instagram လို Social Media တွေပေါ်မှာလည်း နာမည်ကြီးတဲ့နေရာလေးတစ်ခုပေါ့။ ရွှေစည်းခုံဘုရားဝန်းအတွင်းဘက်ကို ၀င်လိုက်ချိန်မှာတော့ ဘုရားသမိုင်းရှင်းပြတဲ့ကလေးတွေကိုတန်းတွေ့ရတော့တာပါပဲ။ သူတို့လေးတွေဟာလေသိပ်ကိုချစ်ဖို့ကောင်းကြတယ်။ မမဘုရားသမိုင်းရှင်းပြရမလား၊ အင်္ဂလိပ်လိုရော မြန်မာလိုရောရပါတယ်ဆိုတော့ ကိုယ့်မှာချီးလဲချီးကျူးမိတာပေါ့။ အဲဒီကနေမှ ရွှေစည်းခုံဘုရားကိုဖူးမျှော်ပြီးဘုရားသုံးဆူဘက်ကိုထွက်လာခဲ့ကြပါတယ်။ ဘုရားသုံးဆူဖူးပြီးချိန်မှာ တုရင်တောင်ဘက်ဆက်ထွက်ခဲ့ပြန်ပါတယ်။

‘‘တုရင်တောင်'’

တုရင်တောင်ပေါ်ကနေ မြင်ရတဲ့ရှုခင်းဟာအင်မတန်မှကိုလှပါတယ်။ တောင်ပေါ်သွားတဲ့ လမ်းတစ်လျှောက်မှာလဲထန်းလျက်ပေါက်ပေါက်ဆုပ်၊ ဇီးထန်းလျက်၊ ကြံသကာအစရှိတဲ့ဒေသထွက်ကုန်တွေကိုရောင်းချနေကြတာအားရစရာကောင်းပါတယ်။

တုရင်တောင်စေတီပေါ်ကနေမြင်ရတဲ့ သတင်းကြီးတဲ့မြကန်ဟာကိုယ်တို့ရောက်သွားချိန်မှာ နွေရာသီဖြစ်နေတာမို့ ရေမရှိဘဲခန်းခြောက်နေတာကိုတွေ့ရပေမယ့် မိုးရာသီဆိုရင်တော့ တောင်ကျရေတွေနဲ့ မြကန်ကြီးရေပြန်ပြည့်သွားမှာမို့ ပိုလှမှာပါ။ မြကန်ကိုရောက်တော့မှ ငယ်ငယ်ကသင်ခဲ့ရတဲ့ မြကန်ကဗျာလေးကို သတိရမိကြမှာပါ။ "တောင်ကျချောင်းတေး၊ ရေ၀င်ပြေးလှည့်၊ ရေအေးကြည်စွာ၊ ကန်ပိုင်မာလျက်၊ ကြာပေါင်းထုံထုံ၊ နံ့မျိုးစုံသည်၊ ဘုံဝတိံသာ၊ နန္ဒာပေလော၊ တူစွဟုတ္တာ.. " တဲ့။ အရမ်းနားဝင်ချိုတဲ့ ကဗျာလေး။ မြကန်ကို တာဝတိံသာနတ်ရွာနဲ့ တူတယ်လို့ကိုတင်စားခဲ့ကြတာလေနော်။ တုရင်တောင်ပေါ်ကနေလှမ်းမြင်ရတဲ့ မြကန်ရယ်၊ မြကန်ကိုကာရံထားတဲ့ တောင်တန်းတွေရယ်ဟာလဲတကယ်ကိုကာရံညီညီနဲ့လှနေတာ။ တုရင်တောင်ပေါ်မှာအေးအေးဆေးဆေးနားပြီးတော့မှ ပုဂံရဲ့ထင်ရှားတဲ့ activitiyတစ်ခုဖြစ်တဲ့Sunset ကြည့်ဖို့အတွက် ဧရာဝတီမြစ်ကြီးရှိရာကိုထွက်လာခဲ့ကြပါတော့တယ်။

‘‘ကမ္ဘာကျော်တဲ့ ပုဂံရဲ့ နေဝင်ချိန်ရှုခင်း'’

ဒီတစ်ခါပုဂံလာမယ်ဆိုတော့ မလုပ်ဖူးတာ လေးတွေ မသွားဖူးတဲ့နေရာလေးတွေသွားကြမယ်ဆိုပြီး စဉ်းစားတဲ့အချိန်မှာ Sunsetကိုရောဘယ်လိုကြည့်ကြရင်ကောင်းမလဲတွေးကြတာပေါ့။ အဲဒီတော့မှ ဧရာဝတီမြစ်ထဲကနေ Sunset မကြည့်ဖူးတာသတိရသွားပြီး အဲဒီကပဲကြည့်ကြမယ်ဆိုပြီးစီစဉ်ဖြစ်သွားကြတာ။ တန့်ကြည်တောင်ကိုလှမ်းမြင်ရတဲ့ ဧရာဝတီမြစ်ကမ်းက Rrawadi သဘောင်္ပေါ်ကနေကိုယ့်အကြိုက် Authentic Myanmar Tea လေးသောက်ရင်းပုဂံရဲ့ Sunset ကိုခံစားခဲ့တာဒီတစ်ခါ။ လေလေးကတဖြူးဖြူးတိုက်နေတဲ့ သဘောင်္ပေါ်မှာပက်လက်ကုလားထိုင်လေးချပြီးတန့်ကြည်တောင်အနောက်ကိုဝင်သွားတဲ့နေလုံးကြီးရယ်၊ ပုဇွန်ဆီ ရောင်ကောင်းကင်ရယ်၊ ဖြတ်ပျံသွားတဲ့ ငှက်အုပ်လိုက်တွေရယ်၊ ဧရာဝတီမြစ်ကြီးထဲကလှေကြီးကြီးငယ်ငယ်တွေရယ်ကိုတိတ်ဆိတ်နေတဲ့ရှုခင်းကနေခံစားရတာဟာပြောမပြနိုင်အောင်လှတာပါ။ အခုနောက်ပိုင်းလည်းပုဂံဘုရားတွေကိုတက်ခွင့်ပိတ်လိုက်တဲ့အတွက် ပုဂံရဲ့Sunset ကိုအခြားဘယ်လိုနည်းလမ်းတွေနဲ့ ခံစားလို့ရနိုင်ဦးမလဲ ဆိုပြီးစဉ်းစားနေသူတွေအတွက် ဒီနေရာလေးကအရမ်းသင့်တော်တာမို့ သွားဖြစ်အောင်သွားကြပါလို့်တကယ်တိုက်တွန်းချင်ပါတယ်နော်။ မတူညီတဲ့ခံစားမှုပေးနိုင်တဲ့ နေရာလေးပေါ့။

ပြောရမယ်ဆိုရင်တဲ့ ပုဂံမြေကြီးမှာတကယ်တမ်းလိုက်ကြည့်ကြည့်ရင် ဘုရားဖူးရုံတင်မက ရင်သပ်ရှုမောခံစားစရာတွေကတကယ်ကိုများတာ။ Sunrise မှာဘုရားတွေကြားထဲမြင်းစီးရင်းကြည့်မလား၊ ဒါမှမဟုတ်ဘော်လုံးစီးမလား၊ ဒါမှမဟုတ်ကိုယ်တို့လိုပဲ ဘော်လုံးတွေပျံတက်တဲ့ကွင်းထဲကိုသွားပြီးနေထွက်ချိန်ကိုစိတ်လှုပ်လှုပ်ရှားရှားနဲ့ခံစားမလား၊ Sunset ဆိုရင်လည်းအခုဆိုဘုရားတွေ ကုန်းကမူလေးတွေပေါ်ကနေကြည့်တာမျိုးအပြင် ကိုယ်တို့လိုဧရာဝတီမြစ်ထဲက သင်္ဘောကြီးပေါ်ကနေပဲခံစားမလားစုံလို့လေနော်။ ဒါကြောင့် Authentic Travel ပရိတ်သတ်ကြီးလဲဒီတစ်ခေါက်ပိတ်ရက်တွေမှာပုဂံသွားဖြစ်မယ်ဆိုရင်မလုပ်ဖူးသေးတာလေးတွေလုပ်ဖြစ်ခဲ့အောင်လို့ Authentic Travel အဖွဲ့သားတွေက ဒီပုဂံ Episode လေးကိုပါ တပါတည်းတင်ဆက်ပေးလိုက်ပါတယ်နော်။ အားလုံးပဲ Have a lovely holiday to Baganပါ။

Article's

Video

‘‘ကြီးမြတ်လေသော သမိုင်းကြောင်းများနဲ့ပုဂံ'’

မြန်မာစကားပုံတစ်ခုရှိပါတယ်။ "မြန်မာမှန်ရင် ပုဂံရောက်ဖူးရမယ်" တဲ့။ ပုဂံဟာမြန်မာတွေအတွက်တော့ အမျိုးသားရေးလက္ခဏာတစ်ရပ်အဖြစ် ဂုဏ်ယူဖွယ်ရာတွေပဲ ဖြစ်ပါတယ်။ ‘တမ္ပဒီပ’လို့ခေါ်တဲ့ ပုဂံဟာ မြန်မာနိုင်ငံရဲ့ ပထမဆုံးဧကရာဇ်နိုင်ငံတည်ထောင်ရာမြို့တော် ဖြစ်ပါတယ်။ ရှေးဟောင်းလက်ရာစေတီပုထိုးတွေကြောင့် ကမ္ဘာလှည့်ခရီးသွားဧည့်သည်တွေ မြန်မာနိုင်ငံကိုလာရောက်လည်ပတ်ရင် မသွားမဖြစ် အဓိကလည်ပတ်စရာနေရာတစ်ခုအဖြစ်ဆွဲဆောင်နိုင်ပြီးထင်ရှားလှတာကြောင့် 7Day TV ရဲ့ Authetic Travel ကနေဒီတစ်ပတ် ဖော်ပြပေးလိုက်ပါတယ်။

ပုဂံဆိုတာ မြန်မာနိုင်ငံသမိုင်းမှာပုဂံမင်းဆက်တွေရဲ့ ထီးနန်းဆိုက်ရာနေပြည်တော်ကြီးဖြစ်ခဲ့ပါတယ်။ (ပုဂံရာဇ၀င်ကို တုတ်ထမ်းပြီးပြောရတယ်)ဆိုတဲ့ စကားနဲ့အညီ ပုဂံရာဇ၀င်ဟာ ရှုပ်ထွေးလှပါတယ်။ ပုဂံကောင်းစားစဉ်ကပုဂံပြည်မှာအိမ်ခြေပေါင်း (၉၉၉၉၉၉၉၉၉) ရှိလေဟန်ကို (ကိုးကိုးတန်ပုဂံအိမ်ခြေပေါင်း) ၊ ရပ်ကွက်တိုင်းမှာ လောကဓမ္မရာဇ၀တ်ရေးကိစ္စတွေအတွက် တီးခတ်နှိုးဆော်တဲ့ မောင်းတစ်လုံးစီထားရာရပ်ကွက်ပေါင်း(၃၃၃၃) ရှိလေဟန်ကို (ညိုးညိုးညံညံပုဂံဆော်သည့်မောင်း) ၊ ပုဂံတစ်ခွင်မှာစေတီကူဘုရားပေါင်း (၄၄၄၆၇၃၃)ဆူရှိလေဟန်ကို(လှည်းဝင်ရိုးသံ၊ တညံညံ၊ ပုဂံဘုရားပေါင်း)လို့ စကားအစဉ်အလာတွေ ရှိခဲ့ပါတယ်။

‘‘ပုဂံရဲ့တည်နေရာ'’

ပုဂံဟာ မန္တလေးတိုင်းဒေသကြီး၊ ညောင်ဦးမြို့နယ်၊ ဧရာဝတီမြစ်ရဲ့ အရှေ့ဘက်ကမ်းမှာတည်ရှိပြီးမန္တလေးမြို့ကနေအနောက်တောင်ဘက် မိုင်(၉၀)အကွာမှာတည်ရှိပါတယ်။ပုဂံဟာသီးခြားမြို့အဖြစ် ရပ်တည်နိုင်ခြင်းမရှိပဲညောင်ဦးမြို့နယ်အတွင်းမှာပဲပုဂံရှေားဟောင်းယဉ်ကျေးမှုနယ်မြေအဖြစ် ထည့်သွင်းထားလို့ အများအခေါ်အရ (ပုဂံ-ညောင်ဦး)လို့ ထင်ရှားပါတယ်။ပုဂံကိုလေယာဉ်၊ ရထား၊ ကားနဲ့အပြင် သင်္ဘောနဲ့ပါ သွာရောက်လို့ရပါသေးတယ်။

‘‘ပုဂံဆိုတဲ့အမည် ဘယ်ကဆင်းသက်လာသလဲ'’

ပုဂံဆိုတဲ့အသုံအနှုန်းကိုများသောအားဖြင့် ပျူဂါမ မှ ပုဂါမ ၊ ပုဂါမ မှ ပုဂံ ဖြစ်လာတယ်လို့ ဖော်ပြလေ့ရှိကြပါတယ်။ အဲ့ဒီလိုဖော်ပြရခြင်းဟာသရေခေတ္တရာပြည် ပျက်ပြီးတဲ့နောက် သရေခေတ္တရာက ပျူအစုတို့ဟာတောင်ညိုအရပ်ကနေပန်းတောင်းသက်သာအရပ်၊ အဲ့ဒီကတစ်ဆင့် မင်းတုန်းအရပ်၊ နောက် ယုန်လွှတ်ကျွန်းအရပ်တွေဆီကိုအဆင့်ဆင့်ပြောင်းရွှေ့ပြီးတဲ့နောက် ယုန်လွှတ်ကျွန်းအရပ်မှာရွာပေါင်းတစ်ဆယ့်ကိုးရွာရွာသားတွေနဲ့ သမုဒ္ဒရာဇ်မင်းဟာအရိမဒ္ဒနာမည်နဲ့ ပုဂံပြည်ကိုတည်ခဲ့တယ်လို့ အထောက်အထားပြုဖော်ပြကြပါတယ်။ ယုန်လွှတ်ကျွန်းဒေသမှာလာရောက်တည်ထောင်တဲ့ ပျူလူမျိုးစုတွေနဲ့ ရွာတစ်ဆယ့်ကိုးရွာဆိုတဲ့ စကားကိုပေါင်းစပ်ပြီး ပျူဂါမဆိုတဲ့အမည်ပေါ်ထွက်လာခြင်း ဖြစ်နိုင်တယ်လို့ အထောက်အထားတွေကဆိုထားကြပါတယ်။ ရှေးပုဂံကျောက်စာတွေ နဲ့ ပင်းယ၊ အင်းဝ ကျောက်စာတွေမှာတော့ ‘ပုကံ’ လို့ရေးသားထားပြီး ‘ပုဂံ’ ဆိုတဲ့ အရေးအသားကအလွန်နည်းပါးပါတယ်။

‘‘ပုဂံနိုင်ငံတော်ကိုစတင်တည်ထောင်သူ'’

ပျူမြို့ပြခေတ် ကုန်ဆုံးပြီးတဲ့နောက် ကျောက်ဆည်နယ်ကတစ်ဆင့် ယပ်တောင်ပုံဖြန့်ပြီး မြန်မာနိုင်ငံအလယ်ပိုင်းဒေသအတွင်းကိုအုပ်စုဖွဲ့ပြီး ၀င်ရောက်နေထိုင်လာတဲ့ ဗမာလူမျိုးတွေဟာမူရင်းဌာနေလူမျိုးတွေဖြစ်တဲ့ ပျူ နဲ့ မွန်တွေဆီကစာပေ၊ လယ်ယာစိုက်ပျိုးရေးနဲ့ ယဉ်ကျေးမှုတွေကိုဆက်ခံပြီးတဖြည်းဖြည်းအင်အားကောင်းတဲ့ အနေအထားကိုရောက်လာပါတယ်။ သူတို့အခြေချရာဒေသကကျေးရွာတွေကိုစုစည်းပြီးပုဂံမြို့အဖြစ် တည်ထောင်ခဲ့ကြပါတယ်..။

အစောပိုင်းပုဂံမင်းဆက်တွေနဲ့ ပက်သက်ပြီးတိကျတဲ့ သမိုင်းအထောက်အထားတွေကိုမတွေ့ရဘဲ ပါးစပ်ရာဇ၀င်တွေ အနေနဲ့သာမှတ်သားလာခဲ့ရပြီးအနော်ရထာမင်းလက်ထက် ရောက်တဲ့အခါမှသာတိကျတဲ့ သမိုင်းအထောက်အထားတွေကိုစတင်တွေ့ရှိခဲ့ပါတယ်။ အနော်ရထာမင်းရဲ့ စည်းရုံးမှုတွေကြောင့် ပုဂံနိုင်ငံတော်ဟာပဒေသရာဇ်အဆင့်ကနေဧကရာဇ်(အင်ပါယာ)အဆင့်ကိုတက်လှမ်းလာနိုင်ခဲ့ပါတယ်။နောက်ဆက်ခံတဲ့ စောလူးမင်းလက်ထက်မှာတော့ တိုင်းပြည်အခြေအနေဆိုးရွားခဲ့ပြီးကျန်စစ်သား၊ အလောင်းစည်သူစတဲ့မင်းတွေလက်ထက်မှာတော့ တိုင်းပြည်ပြန်လည် ကောင်းမွန်လာပါတယ်။ အလောင်းစည်သူမင်းနောက် နန်းတက်လာတဲ့မင်းတွေ လက်ထက်မှာတော့ ပုဂံဟာအာဏာကျဆင်းလာသလိုနယ်ခြားရန်သူတွေရဲ့ လုပ်ကြံမှုကြောင့် ထီးဆောင်းမင်းတစ်ပါးကျဆုံးခဲ့ရသလိုနရသီဟပတေ့မင်းလိုအစားကျူးပြီးအမြတ်ဒေါသကြီးတဲ့မင်းလည်းပေါ်ပေါက်ခဲ့ပါတယ်။ ခရစ်နှစ်(၁၂၈၇)ခုနှစ်မှာတော့ မွန်ဂိုတို့ရဲ့ ကျူးကျော်မှုတွေကြောင့် နရသီဟပတေ့မင်းဟာပုဂံကိုစွန့်ခွာထွက်ခွာပြေးခဲ့ရပြီးပုဂံရဲ့အာဏာဟာ လုံးဝ ကျဆင်းခဲ့ရပါတော့တယ်.။

‘‘ပထမမြန်မာနိုင်ငံတော်ကြီးကိုစတင်တည်ထောင်ခဲ့တဲ့ မင်းအနော်ရထာ'’

အနော်ရထာမင်းဟာပထမမြန်မာနိုင်ငံတော်ကြီးကိုစတင်တည်ထောင်ခဲ့တဲ့ မင်းဖြစ်ပါတယ်။ ပုဂံမင်းဆက်(၅၅)အနက်က(၄၂)ဆက်မြောက်မင်း ဖြစ်ပါတယ်။ အနော်ရထာမင်းကိုပုဂံပြည့်ရှင် ကွမ်းဆော်မင်း(သို့)ကြောင်ဖြူမင်းနဲ့ မိဖုရားမြောက်ပြင်တို့ကသက္ကရာဇ်(၃၇၆)ခုနှစ်မှာဖွားမြင်တဲ့သားတော်ဖြစ်ပါတယ်။

အနော်ရထာဟာခမည်းတော်ကိုနန်းချပြီးထီးနန်းစိုးစံနေတဲ့ နောင်တော်စုက္ကတေးနဲ့ မြင်းစီးချင်းတိုက်ပြီးအနိုင်ရလာတဲ့အခါ ခမည်းတော်ကိုမင်းပြုဖို့တောင်းဆိုတဲ့အခါမှာတော့ ခမည်းတော်ကမင်းမပြုတော့လို့ မိန့်တော်မှုလို့ ရာဇာဘိသေကခံပြီးနန်းတက်ခဲ့ပါတယ်။ ခမည်းတော်ကိုလည်းမင်းမြောက်တန်ဆာငါးပါးနဲ့တစ်ကွ မင်းခမ်းမင်းနားနဲ့ ကျင်းပပြီးရဟန်းမင်းပြုစေပါတယ်။

ကွမ်းဆော်ကြောင်ဖြူမင်းထီးနန်းကျပြီးတဲ့နောက် သားတော် စုက္ကတေးမင်းထီနန်းတက်ခဲ့ရာအဖေတူအမေကွဲဖြစ်တဲ့ အနော်ရထာရဲ့မယ်တော်ကိုမိဖုရားမြှောက်ခဲ့ရာကအနော်ရထာဟာစုက္ကတေးကိုမကျေမနပ်ဖြစ်ပြီးစစ်တိုက်ဖို့ လူစုဆောင်းခဲ့ပါတော့တယ်.။ ပုဂံကိုသိမ်းပိုက်ဖို့ ချီတက်လာပြီးတဲ့အခါမှာစစ်ဖြစ်ရင် လူအများသေကြေပျက်စီးတာကိုမလိုလားတာကြောင့် တစ်ဦးချင်းစီးချင်းထိုးခဲ့ရာက နောက်ဆုံးမှာ အနော်ရထာအနိုင်ရရှိခဲ့ပြီး ပုဂံမှာ မင်းဖြစ်လာခဲ့ပါတော့တယ်.။

‘‘ပုဂံမှာရှိတဲ့ ထင်ရှားတဲ့ဘုရားတွေ နဲ့ အထင်ကရနေရာများ'’

ပုဂံမှာရှိတဲ့ စေတီပုထိုးများစွာရှိတဲ့အနက်ကထင်ရှားတဲ့စေတီပုထိုးတွေကတော့ ရွှေစည်းခုံ (စွယ်တော်လေးဆူ) ၊ လောကနန္ဒာစေတီ (စွယ်တော်လေးဆူ)၊ တန့်ကြည့်တောင်စေတီ (စွယ်တော်လေးဆူ)၊ တုရင်းတောင်စေတီ (စွယ်တော်လေးဆူ)၊ အလိုတော်ပြည့်ဂူဘုရား၊ ထီးလိုမင်းလိုဘုရား၊အာနန္ဒာဘုရား၊ ကန်တော့ပုလ္လင်ဘုရား၊သဗ္ဗညုတဘုရား၊ ဗူးဘုရား၊ ရွှေဆံတော်စေတီ၊ ဓမ္မရံကြီး (ထုမှာဓမ္မရံ)၊လောကထိပ်ပန်ဘုရား၊ မနူဟာဘုရား၊ နန်းဘုရားကျောင်း၊ ပြသာဒ်ကြီး၊သကျမုနိဘုရား၊ ရှင်ပင်သာလျောင်းဘုရား၊ မင်းအိုချမ်းသာ၊ ရှင်အရဟံအုတ်ကျောင်း ၊ သက်တော်ဂူကျောင်း ၊ရွှေဂူကြီးဘုရားခေါ် နန်းဦးဘုရား ၊မျက်တော်ပြေဘုရား ၊ အတွင်းစည်းခုံဘုရား၊ စူဠါမဏိဂူဘုရား၊ ရှင်အဇ္ဇျဂေါဏဘုရား ၊ ဂူပြောက်ကြီးတို့ပဲ ဖြစ်ပြီးအထင်ကရနေရာတွေကတော့ သရပါတံခါး၊ မြစေတီကျောက်စာ၊ မြင်းကပါ၊ နန်းမြင့်မျှော်စင်၊ ဥပါလိသိမ်၊ ပုဂံယဉ်ကျေးမှုပြတိုက် နဲ့ ငှက်ပစ်တောင် တို့ပဲ ဖြစ်ပါတယ်။

‘‘ပုဂံမှာရှိတဲ့ ဘုရားအရေအတွက်တွေနဲ့ ရှေးဟောင်းအဆောက်အအုံပေါင်း'’

အေဒီ (၁၀၄၄ )ခု၊ ‘တမ္မဒီပ’လို့ ခေါ်ဝေါ်ခဲ့ကြတဲ့ ကြေးရောင်လွှမ်းတဲ့မြို့၊ အရိမဒ္ဒနပူရလို့ ဆိုခဲ့တဲ့ ရန်မျိုးနှိမ်မြို့တော်ကြီးအတွင်းမှာစေတီ၊ ပုထိုးများစွာလက်ညှိုးထိုးမလွဲရှိခဲ့ဖူးပါတယ်။ အလွန်များပြားလှတဲ့ စေတီပုထိုးတွေဟာပုဂံမင်း( ၅၅) ဆက်တိုင်အောင် အလွန်တင့်တယ်စွာရှိခဲ့ဖူးပြီးအနုရုဒ္ဓဒေဝအနော်ရထာမင်းကြီးရဲ့ ကုသိုလ်တော်ဘုရားတွေ နဲ့ ကျန်စစ်သား၊ အလောင်းစည်သူမင်းတို့ရဲ့ ကောင်းမှုတော် ဘုရားတွေကလည်းပုဂံဒေသတစ်ဝိုက်မှာထင်ရှားသပ္ပာယ်စွာတည်ရှိခဲ့ပါတယ်။

ပုဂံမှာရှိတဲ့ ဘုရားအရေအတွက်တွေနဲ့ ပတ်သက်ပြီး (လှည်းဝင်ရိုးသံ၊ တညံညံ၊ ပုဂံဘုရားပေါင်း) ဆိုတဲ့သံပေါက် ဂဏန်းအရေအတွက်အားဖြင့်(၄,၄၄၆,၇၃၃)ဟာတစ်ခါကပုဂံဘုရား၊ ဂူ၊ ပုထိုးတွေရဲ့ အရေအတွက်ကိုမှတ်သားနိုင်စေဖို့ သံပေါက်စပ်ဆိုထားခြင်းပဲ ဖြစ်ပါတယ်။ အမှန်မှာတော့ အရေအတွက် လေးသန်းကျော်ရှိတဲ့ စေတီပုထိုးတွေကိုတည်နိုင်ဖို့ လုံလောက်တဲ့မြေနေရာမရှိတာကြောင့်ရှေးသက်ကြီးရွယ်အိုတွေကအဲ့ဒီသံပေါက် ကိန်းဂဏန်းတွေအရစေတီပုထိုးတွေမှာရှိတဲ့ ဗုဒ္ဓရုပ်ပွားတော်တွေ၊ ဆင်းတုတော်တွေ ၊ နံရံဆေးရေးပန်းချီတွေကိုပါ ထည့်သွင်းရေတွက်ကြခြင်းဖြစ်လိမ့်မယ်လို့ ယူဆကြပါတယ်။

တစ်ချို့ကလည်း (ရွှေလသာ ၀ါဝါ၀င်း ပုဂံဘုရားရေချိုးဆင်း)သံပေါက်အရ (၄၄၆,၄၄၄)အရေအတွက်ဟာ ဧရာဝတီမြစ်ကမ်းပါးပြိုရာမှာ ပါသွားတယ်လို့ ဆိုပြန်ပါတယ်။

အင်းဝ မိုးညှင်းမင်းတရားလက်ထက် သက္ကရာဇ်(၈၀၀)ခန့်၊ လွန်ခဲ့တဲ့နှစ်ပေါင်း(၅၀၀)လောက်ကပုဂံဒေသမှာရှိတဲ့ ဘုရားပုထိုးအရေအတွက်ကိုရေတွက်ကောက်ယူပြီးသင်္ကေတအဖြစ်(၀င်းဝင်းထိတ်လျှံ ပုဂံဘုရားပေါင်း) ဂဏန်းအရေအတွက်အားဖြင့်(၄,၄၇၄)ဖြစ်တယ်လို့ သိရပါတယ်။

နောက်ထပ် အမှတ်အသားအရတစ်ခြားကဗျာမှာလည်းပဲ(ကုန်းဘောင်ခေတ်ကဗျာ ဖြစ်ဟန်တူ) (မြတ်ဘုရားဆူရေ၊ ဖြူရွှေလိုဝင်း၊ ပုဂံပြည် ဘယ်တိုင်းဌာနေနှင့် စံမမှလွန်ထင်ရှား၊ စောမုနိများ)အရဘုရားဆူရေကို(ဖြူရွှေလိုဝင်း)လို့ မှတ်သားထားရာနောက်ကနေပြီးဂဏန်းချကြည့်ရင် (၄,၄၄၅)ဖြစ်ပါတယ်..။

မြန်မာနိုင်ငံ ဗြိတိသျှတို့လက်ထက်ကကမ္ဗည်းကျောက်စာဌာန(ယခုရှေးဟောသင်းသုတေသနဌာန)ကနေ ပုဂံတ၀ိုက်မှာရှိတဲ့ ရှေးဟောင်းအဆောင်အအုံတွေကိုလွန်ခဲ့တဲ့ နှစ်ပေါင်းခြောက်ဆယ်ကျော်ကစာရင်းကောက်ယူခဲ့ရာမှာအရေအတွက်(၂,၁၇၁)ရှိတယ်လို့ ဖော်ပြထားပါတယ်။ ခရစ်နှစ်(၁၉၆၈)ခုနှစ်မှာစာရင်းသစ် ပြန်လည်ကောက်ယူခဲ့ရာမှာ ပုဂံတ၀ိုက်မှာရှိတဲ့ ရှေးဟောင်းအဆောင်အအုံပေါင်း(၂,၂၁၇)ရှိတယ်လို့ ဆိုထားပါတယ်။

ပုဂံဒေသမှာဘုရားအစရှိတဲ့ အဆောက်အအုံပေါင်း(၄,၄၄၅)ကိုအမှတ်အသားပြုတဲ့အခါမှာ (လှည်းဝင်ရိုးသံ)သံပေါက်နဲ့ မှတ်သားခဲ့ရသလို.. ယနေ့ချိန်ခါပုဂံမှာရှိတဲ့ ဘုရားအစရှိတဲ့ အဆောက်အအုံပေါင်း(၂,၂၁၇)ကိုအမှတ်အသားပြုတဲ့အခါမှာအလွယ်တကူမှတ်သားနိုင်စေရန် သံပေါက်အဖြစ်(ကျောင်းကြီးအုတ်နီ၊ ကိန်းနှင့်ညီ၊ စေတီဂူဘုရား)လို့ မှတ်တမ်းတင်ထားကိုလည်းတွေရှိရပါတယ်။

မြန်မာတို့ရဲ့ နှလုံးသားဝိဥာဉ်ဖြစ်တဲ့ ပုဂံကိုမိသားစုနဲ့ပဲဖြစ်ဖြစ်၊ ချစ်သူနဲ့ပဲဖြစ်ဖြစ်၊ သူငယ်ချင်းတွေနဲ့ပဲဖြစ်ဖြစ် ခရီးထွက်မယ်ဆိုရင် အသင့်လျော်ဆုံးနေရာတစ်ခုလို့ ပြောချင်ပါတယ်။ ရှေးဟောင်းပုဂံဘုရားတွေအကြားလျှောက်သွားလည်ပတ်ရင်း ပုဂံနေဝင်ချိန်ကိုစောင့်ကြည့်ရတာကလဲဘယ်နေရာမှ မရနိုင်တဲ့ ခံစားချက်ကိုရရှိစေမှာဖြစ်တာကြောင့် သွာရောက်အပန်းဖြေလည်ပတ်ရင်းရှေးဟောင်းအမွေအနှစ်တွေ လေ့လာနိုင်ဖို့ 7Day TV ရဲ့ Authetic Travelကနေတိုက်တွန်းလိုက်ပါတယ်။



မြန်မာ့စွယ်စုံကျမ်းအတွဲ(၆) ၊ ၀ီကီပီးဒီးယား ၊ ပုဂံသုတေသနလမ်းညွှန်(ဦးဗိုကေ - ပုဂံရှေးဟောင်းသုတေသီ) တို့မှ ကိုးကား၍ နှင်းနုထွေးရေးသားထားပါတယ်။

Image

Gallery

Main

Sponsor

Co

Sponsor

Related

Articles

Image

တောင်ဇလပ်တို့ မွေ့ပျော်ရာ တောင်တန်းတွေရဲ့အလွန်

ချင်းတောင်၊ ချင်းလူမျိုးတွေနဲ့ ပတ်သက်လာရင် တောင်ဇလပ်ပန်း နဲ့ အောက်ချင်းငှက်က မပါမဖြစ် သင်္ကေတတစ်ခု ဖြစ်ပါတယ်။

Read More
Image

သဘာဝကျွန်းအလှတွေ တည်ရှိရာ ကော့သောင်းမြို့ဆီမှာ

မြန်မာနိုင်ငံတောင်ဖက်ဖျား အက်ဒမန်ပင် လယ်အတွင်းက အပျိုစင်ကျွန်းတွေဟာ လည်း ပြောမယုံ မြင်ဖူးမှ သိမယ်လို့ ပြောရလောက်အောင် ကိုယ့်မျက် လုံးကိုယ်မယုံနိုင်လောက်အောင် လှတဲ့ အလှမျိုးပါ။

Read More
Image

တောင်တွေကာရံထားတဲ့အလယ်မှာ အင်းလေးရေပြင်ပြာ

အင်းလေးလို့ ဆိုလိုက်တာနဲ့ ရှမ်းပြည်နယ်တောင်ပိုင်းက တောင်တန်းတွေ ကာရံထားတဲ့အလယ်က ရေပြင်ကျယ်ကြီးရယ်၊ လှေကိုခြေနဲ့လှော်ခတ်နေတဲ့ အင်းသားလူမျိုးတွေရယ်ကို ပြေးမြင်မိမှာ မလွဲပါပဲ။

Read More
Image

ဖားစည်သံဝေ ဇွဲကပင်မြေ

ဇွဲကပင်တောင်ဟာဆိုရင် ကရင်ပြည်နယ်ရဲ့ ဂုဏ်ဆောင်တစ်ခု ဖြစ်သလို အမှတ်အသား သင်္ကေတ တစ်ခုလည်း ဖြစ်ပါတယ်။

Read More
Image

ချစ်စရာကရောမြေသို့ အလည်တစ်ခေါက်

ဟိုးအရင်ကတည်းက ပျောက်မသွားတဲ့ ရိုးရာယဉ်ကျေးမှုတွေအတိုင်း ထိန်းသိမ်းထားတဲ့ ကယားပြည်နယ် တောင်တန်းတွေကြားက ထယ်ခိုရွာလေးပါ။

Read More
Image

ဒွေးမယ်နော်တို့စံပျော်ရာ ငွေတောင်ပြည်

လမ်းတစ်လျှောက်အ ရမ်းလှတဲ့ရှုခင်းတွေ၊ တောင်တန်းတွေ နေထွက်ချိန်ရဲ့ ခမ်းနားတဲ့ အလှအပတွေနဲ့အတူ ပင်လုံးကျွတ်ပွင့်နေတဲ့ ချယ်ရီတွေကိုကြည့်ပြီး ပျော်မဆုံးတော့ဖြစ်ရသေးတာပါ။

Read More